2 Laˬsaˬbaˬ 26:9 - Akha

⁹ Yeˬluˇsaˬlehˬ meuˬ-euˬ meuˬ lahˇ-ahˇ jaˆ-eu Laꞈcoeˇ lahˇ kʼehˬ, Deh kʼawꞈ lahˇ kʼehˬ hawˇ-eu meuˬ lahˇ laꞈ coeˇ-ahˇ, meuˬ-ahˇ loꞈ piˇ-eu nymˇ goˇ tsoˆ-eu laꞈ kʼoeˇ, meuˬ lahˇ-ahˇ aˬ yawꞈ ziꞈ dah ni laˆ ziꞈ-euˬ meh.

2 Laˬsaˬbaˬ 26:9 ပူးပေါင်းရင်းမြစ်များ

2 Sahˬpaˬ 14:13

Yeˬhawˇshaˆ neh Aˬmaˬziˇ-ahˇ nyehꞈ-awˇ, Yeˬluˇsaˬlehˬ meuˬ-ahˇ le-awˇ, Eˇpaˬleˬ lahˇ kʼehˬ-ahˇ neh Laꞈcoeˇ lahˇ kʼehˬ-ahˇ keuˆ ni jaˆ-eu, tiˬ yaˇ lmˇ mahˇ-eu meuˬ meuˬ lahˇ kʼoeˇ pyawˬ laˆ byaˆ yaꞈ-euˬ meh.

2 Laˬsaˬbaˬ 25:23

Yeˬhawˇshaˆ neh Aˬmaˬziˇ-ahˇ nyehꞈ mi-awˇ, Yeˬluˇsaˬlehˬ meuˬ-ahˇ sheuˬ kʼoꞈ gʼeh-awˇ, Yeˬluˇsaˬlehˬ meuˬ meuˬ lahˇ-ahˇ, Eˇpaˬleˬ lahˇ kʼehˬ-ahˇ neh Laꞈcoeˇ-euˬ lahˇ kʼehˬ-ahˇ keuˆ ni, tiˬ yaˇ lmˇ ehˇ gʼaˬ ni laˆ byaˆ nehˬ-euˬ meh.

Neˬhaˬmiˇ 2:13

Nahˇ ma ga kʼehˬ paw dzeˇ jaˆ-eu Deh kʼawꞈ lahˇ kʼehˬ-ahˇ neh ngaˇ iˇ doˆ-awˇ, laꞈ oˆ paw Byaˆ yahˬ lawˇ kʼawꞈ iˇ dzeuˇ-awˇ, Mawˇ neˇ ceˬ lahˇ kʼehˬ-ahˇ iˇ keuˆ ngeh, uˬ bya maˬ bya laˇ-aˬ siˬ. Ngaˇ kʼoeˇ loꞈ-ehˇ iˇ luꞈ ngeh, byaˆ-iˇ taˬ-euˬ meuˬ meuˬ lahˇ hawˇ-eu miˬ dzaˬ keuˬ dzeh taˬ-euˬ meuˬ lahˇ laˇ gʼoˆ deuˬ-ahˇ pyehˆ tseˇ haw-euˬ ma.

Neˬhaˬmiˇ 2:15

Kʼoeˇ miˇ neh, Giˇdaˬloˬ deh kʼawꞈ paw ngaˇ iˇ ka gʼeh-awˇ, meuˬ meuˬ lahˇ-ahˇ pyehˆ tseˇ pyehˆ tseˇ-ehˇ iˇ gʼeh-euˬ ma. Kʼoeˇ naˇ, ngaˬ neh oe-euˬ gaˇ ma caw caw-ehˇ paˇ gʼoꞈ poˆ leˇ-awˇ, Deh kʼawꞈ lahˇ kʼehˬ-ahˇ neh meuˬ-ahˇ paˇ gʼoꞈ uˇ leˇ-euˬ ma.

Neˬhaˬmiˇ 3:13

Haˬnuˬ hawˇ-eu Zaˬnoˇaˬ meuˬ-ahˇ jawˇ-eu tsawˇ haˬ deuˬ Deh kʼawꞈ lahˇ kʼehˬ gawˬ muiˬ-awˇ, Laˇ gʼoˆ bahˬ, laˇ gʼoˆ paꞈ hawˇ-eu gʼoˆ sehˬ jahˇ tsoꞈ-euˬ meh. Mawˇ neˇ ceˬ lahˇ kʼehˬ-ahˇ keuˆ ni jaˆ-eu meuˬ meuˬ lahˇ nyiˬ yaˇ ngaˬ tseˇ lmˇ kʼawꞈ aˬ yawꞈ maꞈ gawˬ muiˬ-euˬ meh.

Neˬhaˬmiˇ 3:24

Heˬnaˬdaˆ-euˬ aˬ li Biˇnuiˇ gʼaˬ, Aˬzaˬliˇ-euˬ nymˇ-ahˇ neh meuˬ lahˇ laꞈ gʼoꞈ-ahˇ keuˆ ni gawˬ tsaꞈ gʼeh-euˬ meh.

Neˬhaˬmiˇ 3:32

Shuiˇ myawˬ guˇ tehˆ-eu deuˬ hawˇ-eu baw gaꞈ deuˬ-aˬ, jaˆ saˬ saˬ-eu deuˆ pyeuꞈ-eu meuˬ lahˇ laꞈ gʼoꞈ-ahˇ tsoˆ taˬ-euˬ nymˇ kʼoeˇ nymˇ-ahˇ neh, Yawˇ lahˇ kʼehˬ-ahˇ keuˆ ni gawˬ tawꞈ-euˬ meh.

Yeˬlaˬmiˇ 31:38

Sahˬpaˬ Miˬyehˇ heu loꞈ-ehˇ ehˇ-eu meh. “Nahˇ ma ga kʼehˬ paw jaˆ-eu meuˬ-ahˇ loꞈ piˇ-eu Haˬnaˬneˬlaˇ nymˇ goˇ ahˇ neh laꞈ coeˇ lahˇ kʼehˬ-ahˇ doˆ ni, Yeˬluˇsaˬlehˬ meuˬ meuˬ lah-ehˇ, paˇ gawˬ ziꞈ-eu aˇ yamˬ keuˆ le luꞈ meh.

Zaˬkaˬliˇ 14:10

Laꞈ taˆ paw jaˆ-eu Geˬdaˬ meuˬ-ahˇ neh, laꞈ oˆ paw jaˆ-eu Leˬmoˬ meuˬ-ahˇ keuˆ ni, miˇ kʼahˬ kʼahˬ lah ni saˇ lehˆ ni laˆ pyeuꞈ tehꞈ-a. Yeˬluˇsaˬlehˬ meuˬ-aˬ, dawˬ peh jaˆ-eu miˇ gahˬ deuˬ kʼoeˇ taˆ goˇ ca ni jaˆ tehꞈ-a. Meuˬ-euˬ jawˇ zaˇ-aˬ, Beˬyaˬmiˬ lahˇ kʼehˬ-ahˇ neh, yaw beh lahˇ kʼehˬ tiˬ kʼehˬ jaˆ-euˬ laꞈ coeˇ lahˇ kʼehˬ-ahˇ keuˆ ni hawˇ-eu, Haˬnaˬneˬlaˇ nymˇ goˇ-ahˇ neh, sahˬ paˬ-euˬ aˬ gaꞈ dzaˇ uiˇ lehˬ duˬ-ahˇ keuˆ ni jeˇ tehꞈ-a.