2 Laˬsaˬbaˬ 25:8 - Akha

⁸ Aˬ yawꞈ maꞈ-ahˇ sheuˬ gʼeh naˇ, nawˬ-euˬ guiˇ maꞈ gʼaˬ kʼaˆ dzehˬ tehꞈ-a lehˇ nawˇ noeˬ tehꞈ-a. Guiˇ deuˆ-eu gʼaˬ leˇ ni hawˇ-eu sm ni jahˇ-eu baoˬ Miˬyehˇ-euˬ aˬ laꞈ laꞈ kʼoeˇ jaˆ-eu meh. Nawˇ ya sm-iˇ ni Miˬyehˇ jahˇ tehꞈ-a.”

2 Laˬsaˬbaˬ 25:8 ပူးပေါင်းရင်းမြစ်များ

2 Laˬsaˬbaˬ 1:12

Ngaˇ nawˬ-ahˇ zaˬ siˬ tsawˇ gahˇ biꞈ ma. Kʼoeˇ uˬ taꞈ, aˇ hu ba neh aˬ kaˇ kaˇ ziˇ keuˆ ni sahˬ paˬ kʼaˇ geuꞈ-eu tsawˇ haˬ deuˬ tiˬ jawˇ-iˬ maˬ za haw-euˬ smˇ muiˬ smˇ baw baw-eu jeˬ maˬ ehˇ, pyuˇ shuiˇ myawˬ gahˬ maˬ ehˇ, tsawˇ myahˇ doˆ-eu jeˬ maˬ ehˇ, ngaˇ nawˬ-ahˇ biꞈ lahˬ nehˬ ma.”

2 Laˬsaˬbaˬ 14:11

Kʼoeˇ ngeh, Aˬsaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, gʼaˬ baˬ-eu guiˇ maꞈ tiˬ maꞈ-ahˇ gʼaˬ kʼaˆ dui dui-eu guiˇ maꞈ tiˬ maꞈ loꞈ-ehˇ nawˇ caw ba nya-eu meh. Nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ-ahˇ nymˬ-mˇ caw ba le-awˬ. Aˬ jeˬ miˇ neh ehˇ naˇ, nga maꞈ nawˬ-ahˇ gʼoe-awˇ, nawˬ-euˬ tsawˇ myahˇ uˬ moˆ myaˬ dui dui-eu guiˇ maꞈ heu maꞈ-ahˇ deuˆ -eu lehˇ oe-euˬ ma. Sahˬpaˬ Miˬyehˇ-oˇ, nawˇ-aˬ nga maꞈ-euˬ Miˬyehˇ ma. Nawˬ-ahˇ deuˆ gʼaˬ ma lehˇ tsawˇ haˬ tiˬ gʼaˬ-iˬ maˬ noeˬ doˆ peuˬ-a.”

2 Laˬsaˬbaˬ 18:14

Sahˬ paˬ Aˬhaˆ-euˬ mehˬ shi Miˇkaˬyaˇ le keuˆ ngeh, “Miˇkaˬyaˇ-oˇ, sahˬ paˬ Yeˬhawˇshaˬpaˇ nga nyaꞈ Laˬmoˆ meuˬ-ahˇ guiˇ deuˆ leˇ-eu tsaˬ meh loˇ, maˬ tsaˬ-a loˇ” lehˇ, sahˬ paˬ Aˬhaˆ naˇ haˬ-euˬ meh. “Deuˆ leˇ-awˬ. Nawˇ gʼaˬ leˇ tehꞈ-a. Sahˬpaˬ Miˬyehˇ nawˬ-ahˇ bi gʼaˬ leˇ nehˬ laꞈ tehꞈ-a” lehˇ, Miˇkaˬyaˇ ehˇ nehˬ-euˬ meh.

2 Laˬsaˬbaˬ 20:6

heu loꞈ-ehˇ guˇ guˇ-ehˇ guiˬ lahˬ shaˇ-euˬ meh. “Nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ mˬ kʼoeˇ taˆ jawˇ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Nawˇ-aˬ, baoˬ huiˬ dui dui-eu miˇ neh, nawˬ-ahˇ tiˬ gʼaˬ-iˬ maˬ ciˬ daˬ peuˬ-a.

2 Laˬsaˬbaˬ 26:7

Piˇliˇtiˆ tsawˇ haˬ deuˬ, Guˇbaˬlaˇ meuˬ-ahˇ jawˇ-eu Aˬlaˆ tsawˇ haˬ deuˬ hawˇ-eu, Myuˇniˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ nya ni Miˬyehˇ aˬ yawꞈ-ahˇ caw ba nehˬ-euˬ meh.

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Yawˇbaˆ 9:13

Miˬyehˇ nui ma pehˇ-eu jeˬ maˬ byoˆ-iˇ nya-a. Iˬ ma laˆ shaˆ byaˆ yahˬ Laˬhaˇ-ahˇ caw ba le-eu aˬ yawꞈ-ahˇ muiˇ-eu deuˬ-ahˇ aˬ yawꞈ deh pyehˆ-eu meh.

Jaceuq 20:7

Mahˬlaˆlawˬ-ahˇaˬcawˬgʼoe-awˇ, mahˬ-ahˇnui ma huiˬ-awˇdeuˆkʼawꞈ, SahˬpaˬMiˬyehˇpyeuꞈ-eu Miˬyehˇ, aˬdui-euˬ nui ma huiˬduˬma.

Jaceuq 24:1

Miˇtsaˬtahˬkʼawˇboeˬboeˬluˆluˆ, kʼaˇdehꞈkʼaˇjawˇ-eu dawˬtawˆluꞈ, SahˬpaˬMiˬyehˇ-euˬpyeuꞈ-eu meh.

Jaceuq 33:10

Miˇkʼahˬtsawˇjeuˬmehˬbawˬmˇ-euˬ, SahˬpaˬMiˬyehˇlaˆngehꞈnehˬ-awˇ, tsawˇhaˬzaˬneh bawˬtoˆtoˆ-euˬ, aˬyawꞈlaˆcawˆjiˇnehˬ-eu meh.

Jaceuq 33:16

Sahˬpaˬtiˬgʼaˬ guiˇmaꞈkʼaˆ-awˇ, guiˇdeuˆgʼaˬnya-eu maˬngeuˇ-a. Guiˇdzaˬaˬda gʼaˬkʼaˆshaˇ-awˇ, uˬkʼawˇdzeuˇni maˬmˇnya-a.

Jaceuq 62:11

Baoˬ ehˇ-eu jeˬ aˬ yawꞈ-euˬ ma lehˇ Miˬyehˇ ehˇ gaˇ, ngaˇ gʼawˬ mya poˆ ya gaˬ haw-euˬ ma.

Jaceuq 89:43

Aˬ yawꞈ-euˬ guiˇ deuˆ-eu keu ka gaˇ dahˇ maˬ tsoeˬ ni bi pyeuꞈ-iˇ-awˇ, guiˇ deuˆ gaˇ bi smˬ-iˇ-euˬ meh.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Dawˬ tsoˆ 11:9

Zaˬ guˬ deuˬ-oˇ, zaˬ guˬ aˇ yamˬ-ahˇ nui kʼahˇ shiˇ-awˬ. Zaˬ guˬ guˬ ngeh laˬ kʼaˬ cehˇ-awˬ. Nawˬ-euˬ nui loˆ kʼaˇ jaˆ-eu loꞈ-ehˇ nui kʼahˇ tiˬ shiˇ dehꞈ-awˬ. Ehˇ kʼawꞈ, nawˬ neh kʼaˇ dehꞈ-euˬ loꞈ-ehˇ aˬ kaˇ tiˬ nah Miˬyehˇ yaˇ kʼaˬ daˇ nehˬ laꞈ gaˇ taˬ ngehˇ.

Dawˬ tsoˆ 9:11

Nahˇ ma heu siˬ uˬ moˆ ngaˇ heu loꞈ-ehˇ tiˬ jeˬ paˇ ya mawˇ-euˬ ma. Kawˇ dui dui-eu deuˬ aˬ myah luꞈ cehˆ ceh ceh-eu gʼaˬ leˇ-eu maˬ ngeuˇ-ehˇ, nui ma yaw kʼaˬ deuˬ aˬ myah luꞈ guiˇ deuˆ-eu gʼaˬ leˇ-eu maˬ ngeuˇ-a. Tsawˇ gahˇ ahˇ-eu deuˬ aˬ myah luꞈ ya dzaˬ ya dawˇ-eu maˬ ngeuˇ-ehˇ, nui noeˬ kuꞈ-eu deuˬ aˬ myah luꞈ smˇ muiˬ muiˬ laˇ-eu maˬ ngeuˇ-a. Bym dui nya dui dui-eu deuˬ kʼawꞈ, aˬ myah luꞈ myaˆ pyawˬ naˇ mehˇ jaˆ-eu maˬ ngeuˇ-a. Tsawˇ haˬ yawˬ gʼaˬ na luꞈ guiˬ lahˬ doeˇ-eu aˇ yamˬ aˇ law baw-eu meh.

Haˬgaiˇ 2:8

Miˇ tsaˬ kʼoeˇ taˆ kʼaˇ jaˆ-eu pyuˇ shuiˇ dawˬ tawˆ luꞈ ngaˬ-euˬ ma.

Maꞈtehˬ 26:45

Kʼoeˇ naˇ, zaˬ lahˇ deuˬ jawˇ gaˇ aˬ yawꞈ paˇ gʼoꞈ le-awˇ, heu loꞈ-ehˇ ehˇ nehˬ-euˬ meh. “Naw maꞈ nymˬ-mˇ keuˆ ni yuꞈ kʼaˆ-awˇ gʼaˬ naˬ naˬ luꞈ te siˬ loˇ. Haw yawˬ. Tsawˇhaˬ-euˬ Zaˬmaˇ-ahˇ iˬ baˇ zaˬ-euˬ aˬ laꞈ laꞈ kʼoeˇ a nehˬ-eu aˇ yamˬ keuˆ le-euˬ meh.

Dawˬmehˬ 8:18

Smˇ muiˬ bi muiˬ laˇ-euˬ baoˬ biꞈ nehˬ-euˬ gʼaˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ meh lehˇ tiˬ jawˇ-iˬ maˬ ngehˇ ni noeˬ keuˆ-awˬ. Naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ, iˬ nah keuˆ ni aˬ yawꞈ ziꞈ luꞈ-eu miˇ neh, kʼoeˇ loꞈ-ehˇ mˇ-eu meh.

Piˇliˇpiˆ 4:19

Naw maꞈ kʼaˇ loˬ-eu jeˬ laꞈ kʼoeˇ, Yeˬsuˇ Ka li-ahˇ gʼoe-awˇ Miˬyehˇ-euˬ baw le za le-eu guiˬ lahˬ biꞈ nehˬ laꞈ tehꞈ-a.

Yaˇ kʼaˬ daˇ 7:7

Giˇdoˬ-ahˇ Sahˬpaˬ Miˬyehˇ ehˇ nehˬ-eu, “Iˇ cuꞈ-ahˇ mehˬ laˇ neh myeuꞈ myeuꞈ-ehˇ dawˇ-eu tsawˇ haˬ kʼoeˇ smˬ yaˇ gʼaˬ-ahˇ gʼoe-awˇ, Miˇdiˬyaˬ tsawˇ haˬ deuˬ-euˬ aˬ laꞈ laꞈ kʼoeˇ naw maꞈ-ahˇ ngaˇ ka kʼoꞈ-awˇ, naw maꞈ-ahˇ ngaˇ Miˇdiˬyaˬ tsawˇ haˬ deuˬ-ahˇ bi gʼaˬ leˇ ma. ‘Nui deuˬ dawˬ tawˆ luꞈ-ahˇ iˇ kahˇ-ahˇ gʼoꞈ-iˇ-awˬ’ lehˇ ehˇ nehˬ-awˬ.”

1 Saˬmeuˬlaˆ 14:6

Aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ kʼoeˇ gʼaˬ-ahˇ Yawˇnaˆshaˬ ehˇ nehˬ-eu, “Sahˬpaˬ Miˬyehˇ-ahˇ maˬ siˬ nya-eu Piˇliˇtiˆ tsawˇ haˬ kʼoeˇ deuˬ-euˬ taˆ-ahˇ aˇ nyaꞈ le tsehˆ haw kaˇ-euˇ. Sahˬpaˬ Miˬyehˇ aˇ nyaꞈ-ahˇ caw ba nehˬ laꞈ-eu duˇ. Aˬ dui-euˬ tsawˇ haˬ aˇ naˆ ni cuiˆ kʼawꞈ, aˬ yawꞈ caw ba nehˬ laꞈ-awˇ, aˬ dui gʼaˬ leˇ ni aˬ yawꞈ jahˇ naˇ, tiˬ jeˬ-iˬ maˬ laˆ tsoeˬ nya-aˇ.”