2 Laˬsaˬbaˬ 25:18 - Akha

¹⁸ Yeˬhawˇshaˆ gʼaˬ Aˬmaˬziˇ-ahˇ heu loꞈ-ehˇ paˇ tsaꞈ kʼoꞈ nehˬ-euˬ meh. “Aˇ hu ba, Leˬbaˬnoˬ gawˬ jawˬ-ahˇ dehꞈ-eu aˬ gah baw duˆ tiˬ duˆ neh, shuˬ liˇ aˇ bawˇ tiˬ bawˇ-ahˇ, ‘Nawˬ buˇ ngaˬ li-ahˇ bi mˇ dzaˬ le-awˬ’ lehˇ bi ehˇ gaˬ-iˇ-euˬ meh jeˇ. Kʼoeˇ ngeh, Leˬbaˬnoˬ gawˬ jawˬ-ahˇ jawˇ-eu bawˇ tsahˬ jeˬ zaˬ tiˬ mawˇ oe tsehˆ-awˇ, aˬ gah baw duˆ kʼoeˇ duˆ-ahˇ nawˬ lawˇ-euˬ meh jeˇ.

2 Laˬsaˬbaˬ 25:18 ပူးပေါင်းရင်းမြစ်များ

1 Sahˬpaˬ 4:33

Leˬbaˬnoˬ miˇ kʼahˬ-ahˇ dehꞈ-eu shuˬ liˇ aˇ bawˇ-ahˇ neh, meuˬ meuˬ lahˇ kʼoeˇ taˆ dehꞈ-eu hiˇ soˆ baw duˆ-ahˇ keuˆ ni, aˇ bawˇ gaˇ kawˆ aˬ yawꞈ neh ehˇ taˬ yaꞈ-euˬ jaˆ-eu meh. Jeˬ zaˬ deuˬ, aˇ jiˇ deuˬ, miˇ tsaˬ-ahˇ joe joe-ehˇ cah-eu aˇ mawˇ deuˬ hawˇ-eu, ngaˬ shaˬ ngaˬ deˇ deuˬ gaˇ kawˆ kʼawꞈ, aˬ yawꞈ neh mehˬ taˬ tsoˆ taˬ yaꞈ-euˬ jaˆ-eu meh.

Jaceuq 80:13

Zaꞈ teˬ deuˬ aˬ gaꞈ baw duˆ kʼoeˇ nawˬ pahˬ-awˇ, bawˇ tsahˬ jeˬ zaˬ deuˬ ga uiˬ-awˇ dzaˬ-eu meh.

Doˆ-iˇ 3:2

Kʼoeˇ ngeh, aˇ bawˇ baw duˆ tiˬ duˆ-euˬ gʼahˇ ceh miˬ dzaˬ doꞈ laˇ-awˇ, miˬ dzaˬ miˬ lmˇ laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ Moˇseˬ mehˬ shi doˆ le-euˬ meh. Baw duˆ kʼoeˇ duˆ-ahˇ miˬ dzaˬ doꞈ luꞈ-eu kʼawꞈ, baw duˆ kʼoeˇ duˆ maˬ puiˆ dzaˬ gaˇ Moˇseˬ ya mawˇ-euˬ meh.