2 Laˬsaˬbaˬ 25:16 - Akha

¹⁶ Aˬmaˬziˇ ehˇ-eu, “Sahˬ paˬ-ahˇ bi ja noeˬ bi ja duˇ-eu gʼaˬ bi geuꞈ-eu lehˇ nga maꞈ nawˬ-ahˇ aˬ myah tseˇ doˆ taˬ ta. Dawˬ maˬ ngehˬ ni ciˬ cuˇ ni jawˇ-awˬ. Nymˬ-mˇ ngaˬ neh bi sehꞈ nmˬ-mˇ.” Kʼoeˇ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ dawˬ maˬ paˇ ngeh ni byehˇ-euˬ meh. Ehˇ kʼawꞈ, heu loꞈ-ehˇ tiˬ dawˬ ehˇ nehˬ yaꞈ-euˬ meh. “Nawˇ heu loꞈ-ehˇ mˇ-awˇ ngaˬ neh ja noeˬ ja duˇ nehˬ-euˬ gaˇ maˬ naˇ haˬ geuꞈ-eu miˇ neh, Miˬyehˇ nawˬ-ahˇ laˆ luˬ laˆ seˇ ma lehˇ noeˬ tsehˆ gʼaˬ-euˬ nymˬ-mˇ ngaˇ siˬ nya ma.”

2 Laˬsaˬbaˬ 25:16 ပူးပေါင်းရင်းမြစ်များ

2 Laˬsaˬbaˬ 10:15

Sahˬ paˬ Leˬhawˇbamˬ-aˬ, tsawˇ haˬ kʼoeˇ deuˬ gʼaˇ duˬ yaw muiˬ paˬ-ehˇ maˬ shaˇ noeˬ nehˬ-a. Aˬ jeˬ miˇ neh ehˇ naˇ, Shiˇloˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Aˬhiˇyaˬ-ahˇ gʼoe-awˇ, Miˬyehˇ pyeuꞈ-eu Sahˬpaˬ Miˬyehˇ neh Neˬbaˇ-euˬ aˬ li Yeˬyawˇbamˬ-ahˇ ehˇ nehˬ-euˬ dawˬ byah laˇ ni, Sahˬpaˬ Miˬyehˇ nui ma tsaˬ-eu miˇ neh meh.

2 Laˬsaˬbaˬ 16:10

Dawˬ kʼoeˇ dawˬ baˬ da neh Aˬsaˬ nui ma pehˇ dui dui laˇ-awˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, tawˬ-ahˇ dawˆ-euˬ meh. Kʼoeˇ ngeh neh aˇ dahˬ beh-awˇ, tsawˇ haˬ tiˬ paˆ na deuˬ-ahˇ Aˬsaˬ yaw kʼaˆ-ehˇ kʼehˬ nehˬ kʼaˆ nehˬ-euˬ meh.

2 Laˬsaˬbaˬ 18:25

Kʼoeˇ naˇ, Aˬ haˇ-aˬ, aˬ yawꞈ-euˬ gaˇ mˇ-eu yaw huiˬ yaw mahˇ tiˬ gʼaˬ-ahˇ, heu loꞈ-ehˇ ehˇ nehˬ-euˬ meh. “Miˇkaˬyaˇ-ahˇ paꞈ-awˇ, meuˬ-ahˇ uˆ lahˇ-eu gʼaˬ pyeuꞈ-eu Aˬmoˬ hawˇ-eu sahˬ paˬ-euˬ aˬ li Yawˇshaˆ jawˇ gaˇ nyehꞈ gʼeh-awˬ.

2 Laˬsaˬbaˬ 24:20

Kʼoeˇ naˇ, piˇ ma Yeˬhawˇyaˬdaˬ-euˬ aˬ li Zaˬkaˬliˇ kʼoeˇ taˆ Miˬyehˇ-euˬ yaw sahˇ keuˆ le-euˬ meh. Tsawˇ haˬ kʼoeˇ deuˬ mawˇ nya gaˇ aˬ yawꞈ yawꞈ-awˇ ehˇ-eu, “Aˬ jeˬ miˇ neh Sahˬpaˬ Miˬyehˇ-euˬ ehˇ dawˬ-ahˇ naw maꞈ maˬ naˇ haˬ geuꞈ-ehˇ, yawˬ haˇ yawˬ ha ya luˬ ya seˇ-iˇ ni mˇ luꞈ te lehˇ, naw maꞈ-ahˇ Sahˬpaˬ Miˬyehˇ naˇ haˬ luꞈ meh. Naw maꞈ aˬ yawꞈ-ahˇ byehˇ dzeh-euˬ miˇ neh, aˬ yawꞈ kʼawꞈ naw maꞈ-ahˇ byehˇ dzeh-euˬ meh.”

2 Laˬsaˬbaˬ 24:21

Zaˬkaˬliˇ-ahˇ sehꞈ-eu gʼaˇ duˬ aˬ yawꞈ maꞈ mehˬ bawˬ mˇ-awˇ, sahˬ paˬ neh dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-euˬ pu ka, Zaˬkaˬliˇ-ahˇ kʼaˬ lo biˬ-euˬ meh.

2 Laˬsaˬbaˬ 25:15

Kʼoeˇ loꞈ-ehˇ mˇ gaˇ Sahˬpaˬ Miˬyehˇ nui ma pehˇ-awˇ, Aˬmaˬziˇ jawˇ gaˇ aˬ yawꞈ gʼaˇ duˬ ngehˬ dah-eu tiˬ gʼaˬ pyehˬ gʼeh-euˬ meh. Miˬyehˇ gʼaˇ duˬ ngehˬ dah-eu kʼoeˇ gʼaˬ Aˬmaˬziˇ-ahˇ ehˇ nehˬ-eu, “Nawˬ-euˬ laꞈ-ahˇ neh yawˬ ha-euˬ tsawˇ jeuˬ-ahˇ kʼawꞈ maˬ ka kʼoꞈ nehˬ nya-eu boeˇ miˬ siˬ kʼaˬ-euˬ miˬ yehˇ teu deuˬ-ahˇ aˬ jeˬ miˇ neh nawˇ uˬ duˬ tahˬ te.”

2 Laˬsaˬbaˬ 25:17

Yuˇdaˆ sahˬ paˬ Aˬmaˬziˇ-aˬ, aˬ yawꞈ-ahˇ nui noeˬ nui duˇ biꞈ-eu deuˬ nehˬ-ehˇ bawˬ dzaˬ-awˇ, Yeˬhuˇ-euˬ oeˬ paˬ pyeuꞈ-awˇ Yeˬhawˇhaˆ-euˬ aˬ li pyeuꞈ-eu Iˇsaˬleˬlaˆ sahˬ paˬ Yeˬhawˇshaˆ jawˇ gaˇ tsawˇ haˬ pyehˬ gʼeh-awˇ, “Guiˇ deuˆ ceh ceh ma” lehˇ bi tsaꞈ gaˬ leˇ-euˬ meh.

Doˆ-iˇ 10:28

Sahˬ paˬ kʼoeˇ gʼaˬ Moˇseˬ-ahˇ ehˇ nehˬ-eu, “Ngaˇ mawˇ gaˇ maˬ jawˇ ni yaw kawˇ-ehˇ doˆ-iˇ-awˬ. Aˬ kaˇ naˇ, nawˬ-euˬ myaˆ pyawˬ ngaˬ-ahˇ tiˬ jawˇ-iˬ taˬ paˇ ciˬ haw laˇ. Nawˬ-ahˇ ngaˇ ya mawˇ ngeh nah, nawˇ ya shiˇ tehꞈ-a.”

Doˆ-iˇ 9:16

Ehˇ kʼawꞈ, miˇ tsaˬ heu mˬ dzeˇ miˇ dzeˇ keuˆ ni, ngaˇ tsawˇ myahˇ doˆ-eu gʼaˇ duˬ, ngaˬ-euˬ baoˬ-ahˇ nawˇ ya mawˇ ni, nawˬ-ahˇ ngaˇ yaw dehꞈ bi dehꞈ tawˬ-euˬ ma.

Dawqdaq 1:29

Zaˬ siˬ tsawˇ gahˇ-ahˇ naw maꞈ bye-awˇ, Sahˬpaˬ Miˬyehˇ-ahˇ guˆ-eu jeˬ-ahˇ maˬ tseˇ geuꞈ-eu uˬ taꞈ,

Dawqdaq 1:30

ja sawˇ nehˬ-euˬ dawˬ-ahˇ maˬ naˇ haˬ-ehˇ, dawˬ mehˬ dawˬ tsoˆ maˬ naˇ haˬ-eu miˇ neh,

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Yeˬlaˬmiˇ 27:15

Aˬ yawꞈ maꞈ-ahˇ Sahˬpaˬ Miˬyehˇ neh kʼehˇ gʼeh leꞈ-euˬ maˬ ngeuˇ gaˇ, aˬ yawꞈ-euˬ tsawˇ myahˇ-ahˇ gʼoe-awˇ naw maꞈ-ahˇ jaˬ myawꞈ myawꞈ luꞈ-eu meh lehˇ Sahˬpaˬ Miˬyehˇ ehˇ-eu meh. Kʼoeˇ miˇ neh, naw maꞈ-ahˇ aˬ yawꞈ teh doˆ-awˇ, naw maꞈ hawˇ-eu naw maꞈ-ahˇ jaˬ myawꞈ myawꞈ luꞈ-eu Miˬyehˇ gʼaˇ duˬ ngehˬ dah-eu kʼoeˇ deuˬ, aˬ cawˬ sehꞈ gaˇ ya daˬ tehꞈ-a.”

Yeˬlaˬmiˇ 29:26

“Yeˬhawˇyaˬdaˬ-euˬ dah zaˇ Sahˬpaˬ Miˬyehˇ nawˬ-ahˇ piˇ ma ka nehˬ gʼaˬ-euˬ miˇ neh, nymˬ-mˇ Uˬ duˬ tahˬ nymˇ nymˇ ma laꞈ kʼoeˇ aˬ cawˬ naˆ maˬ tseˇ huiˬ dzehˬ-eu gʼaˬ nawˇ meh. Kʼoeˇ miˇ neh, Miˬyehˇ gʼaˇ duˬ ngehˬ dah-eu tsawˇ haˬ jahˇ geuꞈ-eu tsawˇ uˬ yawˬ gʼaˬ na luꞈ-ahˇ, aˬ kuiˇ-ahˇ shmˇ caˆ paꞈ-awˇ kawˬ lahˇ-ahˇ shmˇ laꞈ gʼahˬ nyehꞈ tawꞈ nehˬ-eu-aˬ, nawˬ-euˬ gaˇ meh.

Yeˬlaˬmiˇ 43:4

Kʼoeˇ miˇ neh, Yuˇdaˆ miˇ kʼahˬ laꞈ kʼoeˇ jawˇ-eu gʼaˇ duˬ Sahˬpaˬ Miˬyehˇ neh dawˬ biꞈ taˬ-euˬ gaˇ, Yoˇhaˬnaˬ maˬ ehˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ maˬ ehˇ, huiˬ zaˬ nyiˇ zaˬ dawˬ tawˆ luꞈ, tiˬ gʼaˬ-iˬ maˬ naˇ haˬ geuꞈ-a.

Yeˬsaˬgeˬlaˇ 33:4

Tsawˇ haˬ tiˬ gʼaˬ na daˇ heh teˇ saˇ gaˬ-euˬ kʼawꞈ, maˬ yahˇ ni jawˇ-awˇ, muiˇ-eu deuˬ laˇ-awˇ bi sehꞈ naˇ, aˬ yawꞈ ya shiˇ-euˬ kʼoeˇ aˬ yawꞈ guˬ-eu meh.

Maꞈtehˬ 21:23

Yeˬsuˇ Uˬ duˬ tahˬ nymˇ nymˇ ma-ahˇ gʼoꞈ uˇ leˇ-awˇ mehˬ luꞈ tsoˆ luꞈ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ aˬ yawꞈ jawˇ gaˇ laˇ-awˇ ehˇ-eu, “Nawˇ aˬ gaˇ-euˬ baoˬ-ahˇ gʼoe-awˇ teu loꞈ-ehˇ mˇ te. Aˬ suˇ gʼaˬ neh nawˬ-ahˇ baoˬ biꞈ laꞈ taˬ.”

Gʼaˬkʼehˇ 4:28

Nawˬ-euˬ baoˬ hawˇ-eu nawˬ-euˬ nui kʼahˇ-ahˇ gʼoe-awˇ bi pyeuꞈ laˇ-eu gʼaˇ duˬ aˇ hu ba neh nawˬ neh noeˬ tsehˆ taˬ-euˬ yawˬ jeˬ na luꞈ keuˆ le ni mˇ-eu lehˇ aˬ yawꞈ maꞈ uiˬ leˇ-euˬ meh.

Lormav 9:22

Miˬyehˇ neh mˇ-euˬ jeˬ kʼawꞈ, kʼoeˇ loꞈ-ehˇ duˇ-eu meh. Aˬ yawꞈ-euˬ nui ma pehˇ-eu jeˬ bi mawˇ mawꞈ-awˇ, aˬ yawꞈ-euˬ baoˬ bi siˬ nya mawꞈ-eu meh. Ehˇ kʼawꞈ, aˬ yawꞈ nui ma pehˇ-awˇ laˆ cawˆ nehˬ-eu lehˇ gʼeh-eu miˇ tsaˬ oeˬ lahˬ deuˬ-ahˇ aˬ yawꞈ oˇ dui dui-eu meh.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

Dawˬmehˬ 2:30

“Ehˇ kʼawꞈ, sahˬ paˬ Siˇhoˬ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ dui maꞈ-ahˇ maˬ bi cah tsehˆ laꞈ-aˬ. Aˬ yawꞈ-ahˇ aˬ dui guiˇ deuˆ-awˇ gʼaˬ leˇ-eu laꞈ kʼoeˇ, nymˬ-mˇ keuˆ ni aˬ dui-euˬ laꞈ-ahˇ jaˆ luꞈ-eu aˬ yawꞈ-euˬ miˇ kʼahˬ heu aˬ dui za ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

2 Tiˆmoˇseˬ 4:3

Tsaˬ-eu muiˬ-eu jah-eu jeˬ-ahˇ tsawˇ haˬ zaˬ maˬ naˇ haˬ geuꞈ-ehˇ, yawˬ ha-euˬ nui noeˬ nui loˆ mehˬ nah iˇ-eu laꞈ kʼoeˇ, yawˬ ha naˇ haˬ mawꞈ-eu jeˬ mehˬ nehˬ laꞈ-eu saˬ laˬ gʼawˬ mya ni aˬ yawꞈ maꞈ poˆ uiˬ tehꞈ-a.

Panmaeq 11:10

Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.

1 Saˬmeuˬlaˆ 2:25

Tsawˇ haˬ nyiˬ gʼaˬ yaw kaˬ mˇ lehˬ naˇ, Miˬyehˇ aˇ kaˬ piˇ nehˬ nya meh. Ehˇ kʼawꞈ, Sahˬpaˬ Miˬyehˇ-ahˇ mˇ lehˬ-euˬ tsawˇ haˬ-ahˇ, aˬ suˇ gʼaˬ aˇ kaˬ piˇ nehˬ nya nmˇ.” Ehˇ kʼawꞈ, yawˬ ha aˬ da neh mehˬ nehˬ-euˬ dawˬ-ahˇ aˬ ha mehˇ nmˇ maˬ naˇ haˬ-a. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi shiˇ-eu gʼaˇ duˬ, Sahˬpaˬ Miˬyehˇ noeˬ tsehˆ-awˇ lehˬ hmˬ laˆ saˆ taˬ gʼaˬ-euˬ meh.