2 Laˬsaˬbaˬ 24:25 - Akha

²⁵ Aˬ yawꞈ-ahˇ yaw kʼaˆ-ehˇ bi deuˆ naˇ-awˇ, Suˇliˆ guiˇ maꞈ deuˬ gʼoꞈ dzeuˇ jiˇ ngeh, aˬ yawꞈ-euˬ yaw huiˬ yaw mahˇ nyiˬ gʼaˬ aˬ yawꞈ-ahˇ puiˬ-awˇ, aˬ yawꞈ-euˬ yuꞈ zaˇ kʼoeˇ taˆ aˬ yawꞈ-ahˇ sehꞈ-eu laꞈ kʼoeˇ, piˇ ma Yeˬhawˇyaˬdaˬ-euˬ aˬ li-ahˇ aˬ yawꞈ neh sehꞈ-euˬ aˇ poeˬ laꞈ poˆ poˆ nehˬ-euˬ meh. Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ nehˬ-euˬ meh. Ehˇ kʼawꞈ, sahˬ paˬ-euˬ lmˬ bymˇ-ahˇ maˬ baꞈ pahˬ nehˬ-a.

2 Laˬsaˬbaˬ 24:25 ပူးပေါင်းရင်းမြစ်များ

1 Sahˬpaˬ 15:27

Iˇsaˬleˬlaˆ tsawˇ jeuˬ Aˬhiˇyaˬ-euˬ aˬ li Bawˬshaˬ gʼaˬ ciˬ cuˇ ni Naˬdehˇ-ahˇ puiˬ-awˇ, Naˬdehˇ hawˇ-eu aˬ yawꞈ-euˬ guiˇ maꞈ deuˬ Piˇliˇtiˆ miˇ kʼahˬ Giˇbeˬdoˬ meuˬ-ahˇ guiˇ deuˆ-awˇ loꞈ jawˬ luꞈ ngeh, Naˬdehˇ-ahˇ aˬ yawꞈ sehꞈ-euˬ meh.

2 Laˬsaˬbaˬ 21:16

Iˬ ma laˆ shaˆ lawˇ deh caw caw-ehˇ jawˇ luꞈ-eu Suˬdaˬ tsawˇ haˬ deuˬ dawˬ peh, Piˇliˇtiˆ tsawˇ haˬ hawˇ-eu Aˬlaˆ tsawˇ haˬ tiˬ paˆ na deuˬ jawˇ luꞈ-eu meh. Aˬ yawꞈ maꞈ Yeˬhawˇlamˬ-ahˇ guiˇ deuˆ leˇ ni Sahˬpaˬ Miˬyehˇ gaˇ kawˆ laˆ doˆ nehˬ-euˬ meh.

2 Laˬsaˬbaˬ 22:6

Yoˇlamˬ gʼaˬ Yeˬzaˬleˬlaˇ meuˬ-ahˇ gʼoꞈ le-awˇ, Laˬmoˆ meuˬ-ahˇ bi deuˆ tahˬ-euˬ naˇ gawˇ kʼoeˇ bi laˆ saˆ luꞈ ngeh, aˬ yawꞈ jawˇ gaˇ Aˬhaˬziˇ dawˬ deh gʼa leˇ-euˬ meh.

2 Laˬsaˬbaˬ 22:9

Aˬhaˬziˇ-ahˇ poˆ ngeh, Saˬmaˬliˆ meuˬ-ahˇ dzuˇ zaꞈ-awˇ jawˇ gaˇ ya mawˇ-euˬ meh. Aˬ yawꞈ maꞈ aˬ yawꞈ-ahˇ Yeˬhuˇ jawˇ gaˇ nyehꞈ gʼeh-awˇ sehꞈ-euˬ meh. Ehˇ kʼawꞈ, aˬ yawꞈ-euˬ aˬ bawˇ pyeuꞈ-eu sahˬ paˬ Yeˬhawˇshaˬpaˇ-euˬ myaˆ pyawˬ-ahˇ haw-awˇ, aˬ yawꞈ-ahˇ yaw muiˬ paˬ-ehˇ baꞈ pahˬ nehˬ-euˬ meh. Aˬ jeˬ miˇ neh ehˇ naˇ, sahˬ paˬ Yeˬhawˇshaˬpaˇ-aˬ, aˬ yawꞈ kʼaˇ gʼeh nya gaˇ keuˆ ni Sahˬpaˬ Miˬyehˇ-euˬ nui kʼahˇ mˇ-euˬ meh. Kʼoeˇ ngeh, Aˬhaˬziˇ-euˬ nymˇ jiˇ laꞈ kʼoeˇ Yuˇdaˆ miˇ kʼahˬ-ahˇ uˆ lahˇ nya paˬ-ehˇ gʼeh-eu tiˬ gʼaˬ-iˬ maˬ dzeˇ ni pyeuꞈ-iˇ-euˬ meh.

2 Laˬsaˬbaˬ 24:16

Iˇsaˬleˬlaˆ tsawˇ jeuˬ gʼaˇ duˬ maˬ ehˇ, Miˬyehˇ gʼaˇ duˬ maˬ ehˇ, Uˬ duˬ tahˬ nymˇ nymˇ ma gʼaˇ duˬ maˬ ehˇ, aˬ yawꞈ neh mˇ taˬ yaꞈ-euˬ gaˇ deuˬ-ahˇ aˬ cawˬ noeˬ keuˆ-awˇ, Daˬbiˇ-euˬ Meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ baꞈ pahˬ nehˬ-euˬ meh.

2 Laˬsaˬbaˬ 24:26

Aˬ yawꞈ-ahˇ puiˬ-euˬ kʼoeˇ nyiˬ gʼaˬ-aˬ, Shiˇmyaˆ lehˇ myahˇ-euˬ Aˬmoˬ ma euˬ aˬ li Zaˬbaˆ hawˇ-eu, Shmˇliˆ lehˇ myahˇ-euˬ Mawˇbaˆ ma-euˬ aˬ li Yeˬhawˇzaˬbaˆ aˬ nyaꞈ meh.

2 Laˬsaˬbaˬ 25:27

Sahˬpaˬ Miˬyehˇ-ahˇ aˬ yawꞈ byehˇ dzeh ngeh neh naˇ, Yeˬluˇsaˬlehˬ meuˬ laꞈ kʼoeˇ aˬ yawꞈ-ahˇ muiˇ-eu aˇ muˇ muˇ doˆ laˇ-euˬ meh. Aˇ saˬ saˬ laˇ ngeh jawˇ, Laˬkiˇshaˆ meuˬ-ahˇ aˬ yawꞈ cehˆ-euˬ kʼawꞈ, aˬ yawꞈ-ahˇ muiˇ-eu deuˬ kʼoeˇ gaˇ teh keuˆ leˇ-awˇ, aˬ yawꞈ-ahˇ sehꞈ-euˬ meh.

2 Laˬsaˬbaˬ 25:3

Aˬ yawꞈ-euˬ miˇ kʼahˬ-ahˇ uˆ lahˇ ziꞈ gʼaˬ ngeh jawˇ, aˬ yawꞈ-euˬ aˬ da-ahˇ sehꞈ-euˬ yaw huiˬ yaw mahˇ deuˬ-ahˇ aˬ yawꞈ sehꞈ-euˬ meh.

2 Laˬsaˬbaˬ 28:27

Sahˬ paˬ Aˬkaˆ shiˇ-awˇ, Yeˬluˇsaˬlehˬ meuˬ laꞈ kʼoeˇ baꞈ pahˬ nehˬ-euˬ meh. Ehˇ kʼawꞈ, sahˬ paˬ-euˬ lmˬ bymˇ-ahˇ maˬ baꞈ pahˬ nehˬ-a. Kʼoeˇ naˇ, aˬ yawꞈ-euˬ aˬ li Heˬsaˬgiˇ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Panmaeq 16:6

Nawˬ-euˬ bawˇlawˇpeh deuˬ hawˇ-eu, muiˬ-eu shawˇ-eu tsawˇ haˬ deuˬ-ahˇ, yawꞈ maꞈ shiˬ sehꞈ yoeˇ-euˬ miˇ neh, yawꞈ maꞈ-ahˇ shiˬ bi dawˇ-eu-aˬ, oꞈ-eu geuˇ-eu jeˬ pyeuꞈ-eu meh.”