Zeˬdaˬkiˇ-aˬ, aˬ yawꞈ-ahˇ guˆ tsiˬ nyehꞈ-awˇ Miˬyehˇ-euˬ tsawˇ myahˇ uˬ moˆ saˇ jaˇ bi dzaˬ-euˬ gʼaˬ pyeuꞈ-eu Neˬbuˬkaˬneˬzaˬ-ahˇ puiˬ-euˬ meh. Aˬ yawꞈ iˬ baˇ noeˬ poˆ-euˬ maˬ baw ni nui ma gʼahˇ dui dui-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw maˬ gʼoꞈ leˇ ni dehꞈ-euˬ meh.
2 Laˬsaˬbaˬ 24:19 - Akha19 Tsawˇ haˬ kʼoeˇ deuˬ aˬ yawꞈ jawˇ paw gʼoꞈ kʼoꞈ laˇ ni, aˬ yawꞈ gʼaˇ duˬ ngehˬ dah-eu tsawˇ haˬ deuˬ-ahˇ Sahˬpaˬ Miˬyehˇ pyehˬ gʼeh kʼawꞈ, aˬ yawꞈ maꞈ maˬ naˇ haˬ-a. အခန်းကိုကြည့်ပါ။ |
2 Laˬsaˬbaˬ 24:19
23 ပူးပေါင်းရင်းမြစ်များ
Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.
Nawˇ nui ma gʼawˬ mahˇ ni taˬ-awˇ, tiˬ kʼoꞈ saˇ-iˬ tiˬ kʼoꞈ aˬ yawꞈ maꞈ-ahˇ mehˬ-euˬ meh. Miˬyehˇ gʼaˇ duˬ ngehˬ dah-eu deuˬ-ahˇ nawˬ-euˬ Yaw sahˇ sheuˬ gʼeh nehˬ-awˇ, aˬ yawꞈ maꞈ-ahˇ dawˬ bi ngehˬ cawˬ kʼawꞈ, aˬ yawꞈ maꞈ naˬ bawˇ maˬ gaˬ leˇ-eu miˇ neh, aˬ cawˬ tsawˇ jeuˬ deuˬ neh aˬ yawꞈ maꞈ-ahˇ nawˇ bi deuˆ gʼaˬ-euˬ meh.
“Aˬmo-euˬ aˬ li Yawˇshiˆ sahˬ paˬ geuꞈ-eu tseˇ smˇ kʼoꞈ tiˬ kʼoꞈ pyeuꞈ-eu, dzeuˇ laˇ-euˬ nyiˬ tseˇ smˇ kʼoꞈ-ahˇ neh iˬ nah keuˆ ni, Sahˬpaˬ Miˬyehˇ ngaˬ-ahˇ dawˬ ngehˬ cawˬ luꞈ-awˇ, aˬ yawꞈ neh kʼaˇ ehˇ-euˬ jeˬ, naw maꞈ-ahˇ ngaˇ maˬ byehˇ ni ehˇ nehˬ luꞈ-eu ma. Ehˇ kʼawꞈ, naw maꞈ naˬ bawˇ gaˬ leˇ gaˇ maˬ duˇ-a.
Ehˇ kʼawꞈ, Sahˬpaˬ Miˬyehˇ-euˬ ehˇ dawˬ-ahˇ naw maꞈ maˬ naˇ haˬ geuꞈ-a lehˇ, Sahˬpaˬ Miˬyehˇ ehˇ-eu meh. Naw maꞈ-euˬ tahˬ pahˬ aˬ ma mawˇ kawˇ deuˬ baˬ da neh, Sahˬpaˬ Miˬyehˇ nui ma pehˇ ni naw maꞈ mˇ-awˇ, aˬ yawꞈ-euˬ kʼehˬ-eu kʼaˆ-eu jeˬ naw maꞈ kʼoeˇ taˆ keuˆ le ni, naw maꞈ yawˬ haˇ yawˬ ha jahˇ-euˬ meh.
ကြော်ငြာတွေ