2 Laˬsaˬbaˬ 24:13 - Akha

¹³ Gaˇ mˇ-eu tsawˇ haˬ yawˬ gʼaˬ na luꞈ leh jeh dui dui-eu laꞈ kʼoeˇ, Uˬ duˬ tahˬ nymˇ nymˇ ma-ahˇ aˬ yawꞈ yaw oeˇ loꞈ-ehˇ pyeuꞈ laˇ ni, ziꞈ dah ni laˆ saˆ muiˬ-euˬ meh.

2 Laˬsaˬbaˬ 24:13 ပူးပေါင်းရင်းမြစ်များ

1 Laˬsaˬbaˬ 22:5

Daˬbiˇ heu loꞈ-ehˇ noeˬ-eu meh. “Ngaˬ li Sawˇlaˬmoˬ tsoˆ-eu Uˬ duˬ tahˬ nymˇ nymˇ ma-aˬ, muiˬ dui dui-awˇ, miˇ tsaˬ kʼoeˇ taˆ tsawˇ myahˇ doˆ dui dui tehꞈ-a. Ehˇ kʼawꞈ, aˬ yawꞈ aˇ kʼoꞈ nahˬ-awˇ, maˬ mˇ maˬ shaˇ haw-euˬ miˇ neh, Uˬ duˬ tahˬ nymˇ nymˇ ma kʼoeˇ tsoˆ-eu gʼaˇ duˬ, ngaˇ ya lehˬ hmˬ taˬ nehˬ meh” lehˇ noeˬ-euˬ meh. Kʼoeˇ miˇ neh, Daˬbiˇ-aˬ, aˬ yawꞈ maˬ shiˇ mi naˆ-ehˇ, loˬ-eu mˇ myawˬ keu ka gʼawˬ mya ni lehˬ hmˬ dah taˬ nehˬ yaꞈ-euˬ meh.

2 Laˬsaˬbaˬ 24:12

Sahˬ paˬ Yawˇshaˆ hawˇ-eu Yeˬhawˇyaˬdaˬ aˬ nyaꞈ pyuˇ kʼoeˇ deuˬ yuˇ-awˇ, Uˬ duˬ tahˬ nymˇ nymˇ ma laˆ saˆ muiˬ gaˇ haw luꞈ pyaˆ luꞈ-eu deuˬ-ahˇ biꞈ-euˬ meh. Aˬ yawꞈ maꞈ kʼaˬ lo tsaˬ byaˆ gawˬ-eu deuˬ, laꞈ sawˆ sawˆ-eu deuˬ hawˇ-eu, ba jiˬ deuˬ-ahˇ aˇ poeˬ biꞈ nehˬ-awˇ, bi laˆ saˆ muiˬ-euˬ meh.

2 Laˬsaˬbaˬ 24:14

Uˬ duˬ tahˬ nymˇ nymˇ ma laˆ saˆ muiˬ-eu gaˇ mˇ luiˆ gʼaˬ ngeh jawˇ, dzehˬ laˇ-euˬ shuiˇ hawˇ-eu pyuˇ deuˬ sahˬ paˬ Yawˇshaˆ hawˇ-eu Yeˬhawˇyaˬdaˬ aˬ ha nyaꞈ-ahˇ aˬ yawꞈ maꞈ a kʼoꞈ nehˬ-awˇ, Uˬ duˬ tahˬ nymˇ nymˇ ma-ahˇ loˬ-eu naˬ bo deuˬ hawˇ-eu nui jeˬ mˇ myawˬ keu ka deuˬ jahˇ gaˇ aˬ yawꞈ nyaꞈ zmˬ-euˬ meh. Yeˬhawˇyaˬdaˬ kʼaˇ dehꞈ kʼoeˇ keuˆ ni, Uˬ duˬ tahˬ nymˇ nymˇ ma laꞈ kʼoeˇ lawˇ-eu shehˇ-eu jeˬ-ahˇ maˬ tsehˆ leˇ ni mˇ-euˬ meh.

Neˬhaˬmiˇ 4:7

Sahˬbaˬlaˆ, Tawˇbyaˬ aˬ nyaꞈ hawˇ-eu, Aˬleˬbyaˇ miˇ kʼahˬ, Aˬmoˬ miˇ kʼahˬ hawˇ-eu Aˬshaˬdoˇ miˇ kʼahˬ-ahˇ jawˇ-eu tsawˇ haˬ deuˬ, nga maꞈ meuˬ lahˇ gawˬ daˆ leꞈ luꞈ-eu gaˇ kawˆ hawˇ-eu yaw pehꞈ-ehˇ jaˆ-eu meuˬ lahˇ gawˬ gʼoeˬ jiˇ-euˬ gaˇ kawˆ ya gaˬ-awˇ, nui ma pehˇ dui dui-eu meh.

Doˆ-iˇ 36:4

Kʼoeˇ naˇ, gaˇ mˇ luꞈ-eu laꞈ myawˬ laꞈ muˆ nya-eu tsawˇ haˬ kʼoeˇ deuˬ Moˇseˬ jawˇ gaˇ le-awˇ,

Haˬgaiˇ 2:3

“Aˇ hu Uˬ duˬ tahˬ nymˇ nymˇ ma heu nymˇ yaw shehꞈ kʼahˬ sehˇ aˇ naˆ ni huiˬ gaˇ haw mawˇ-euˬ tiˬ gʼaˬ-iˬ maˬ jawˇ loˇ. Nymˬ-mˇ aˬ jeˬ-ahˇ duˇ nga lehˇ haw sheˇ. Geuꞈ paˬ-ehˇ gʼeh-eu aˬ jeˬ paˇ ahˇ-eu nga.