2 Laˬsaˬbaˬ 23:11 - Akha

¹¹ Kʼoeˇ naˇ, Yeˬhawˇyaˬdaˬ gʼaˬ Yawˇshaˆ-ahˇ laꞈ nyiˇ sheuˬ doˆ leꞈ-awˇ, sahˬ paˬ-euˬ uˬ kʼoˆ bi kʼoˆ-awˇ, dzoeˬ dzaˬ-eu sahˬ paˬ deuˬ-ahˇ taꞈ leˇ-eu zahˇ sahˇ kʼoꞈ sahˬ boꞈ tiˬ taꞈ biꞈ nehˬ-euˬ meh. Kʼoeˇ loꞈ-ehˇ jahˇ-awˇ, Yawˇshaˆ-ahˇ sahˬ paˬ ka nehˬ-euˬ meh. Piˇ ma Yeˬhawˇyaˬdaˬ hawˇ-eu aˬ yawꞈ-euˬ aˬ li deuˬ Yawˇshaˆ-ahˇ tsiˇ lehꞈ nehˬ-awˇ, tsawˇ haˬ dawˬ tawˆ luꞈ, “Sahˬ paˬ ziˇ baw luꞈ-uˇ” lehˇ guˇ-euˬ meh.

2 Laˬsaˬbaˬ 23:11 ပူးပေါင်းရင်းမြစ်များ

2 Saˬmeuˬlaˆ 1:10

Aˬ jeˬ lehˇ ehˇ kʼawꞈ, aˬ yawꞈ coˬ dzeh-iˇ-eu nehˬ-ehˇ shiˇ tsehˆ-eu ngaˇ lehˇ siˬ duˬ-awˇ, le-awˇ aˬ yawꞈ-ahˇ sehꞈ-euˬ ma. Kʼoeˇ naˇ, aˬ yawꞈ kʼoˆ luꞈ-eu sahˬ paˬ uˬ kʼoˆ hawˇ-eu aˬ yawꞈ duꞈ luꞈ-eu laꞈ duꞈ lehˆ doˆ-awˇ, nawˇ jawˇ gaˇ yuˇ laꞈ-euˬ ma.”

2 Saˬmeuˬlaˆ 16:16

Daˬbiˇ jah dui dui-eu cawˬ pyeuꞈ-eu Huˇshaiˇ gʼaˬ Aˬbaˇsaˬloˬ-ahˇ ya mawˇ ngeh, “Sahˬ paˬ ziˇ baw luꞈ-uˇ. Sahˬ paˬ ziˇ baw luꞈ-uˇ” lehˇ guˇ-euˬ meh.

2 Saˬmeuˬlaˆ 5:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Iˇsaˬleˬlaˆ miˇ kʼahˬ-euˬ sahˬ paˬ ka nehˬ-euˬ meh.

1 Sahˬpaˬ 1:25

Iˬ nah aˬ yawꞈ iˇ-awˇ, mawˇ neˇ mawˇ gaw deuˬ, yawˇ deuˬ hawˇ-eu, tsuˇ dui dui-eu mawˇ neˇ mawˇ kʼaˇ deuˬ lawˇ-iˇ-euˬ meh. Nawˬ li dawˬ tawˆ luꞈ maˬ ehˇ, nawˬ-euˬ guiˇ maꞈ deuˬ kʼoeˇ taˆ uˆ lahˇ-eu Yoˇbaˬ-ahˇ maˬ ehˇ, piˇ ma Aˬbyaˬdaˬ-ahˇ maˬ ehˇ, aˬ yawꞈ kuˇ-awˇ, nymˬ-mˇ aˬ yawꞈ maꞈ aˬ yawꞈ nehˬ-ehˇ dzaˬ taꞈ dawˇ taꞈ-eu laꞈ kʼoeˇ, ‘Sahˬ paˬ Aˬdawˇniˇyaˆ ziˇ baw ziˇ za luꞈ-uˇ’ lehˇ guˇ luꞈ meh.

1 Sahˬpaˬ 1:34

Kʼoeˇ gaˇ iˇ keuˆ ngeh, piˇ ma Zaˬdoˆ hawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ aˬ nyaꞈ neh aˬ yawꞈ-ahˇ tsiˇ bi shehˆ daˆ-awˇ, Iˇsaˬleˬlaˆ miˇ kʼahˬ-euˬ sahˬ paˬ bi ka nehˬ-awˬ. Kʼoeˇ naˇ, daˇ heh baw-awˇ, ‘Sahˬ paˬ Sawˇlaˬmoˬ ziˇ baw ziˇ za luꞈ-uˇ’ lehˇ guˇ-awˬ.

1 Sahˬpaˬ 1:39

Piˇ ma Zaˬdoˆ-aˬ, Sahˬpaˬ Miˬyehˇ jawˇ-eu sehˬ gʼawˆ-ahˇ jaˆ-eu saˬ loˬ tsiˇ maˇ tsaꞈ yuˇ leꞈ-awˇ, Sawˇlaˬmoˬ-ahˇ tsiˇ shehˆ daˆ nehˬ-euˬ meh. Aˬ yawꞈ maꞈ daˇ heh baw-awˇ, tsawˇ haˬ dawˬ tawˆ luꞈ “Sahˬ paˬ Sawˇlaˬmoˬ ziˇ baw ziˇ za luꞈ-uˇ” lehˇ guˇ-eu meh.

2 Sahˬpaˬ 11:12

Kʼoeˇ naˇ, Yeˬhawˇyaˬdaˬ neh Yawˇshaˆ-ahˇ laꞈ nyiˇ sheuˬ doˆ leꞈ-awˇ, shuiˇ uˬ kʼoˆ bi kʼoˆ-awˇ, sahˬ paˬ ka nehˬ ngeh ya gui-eu zahˇ dawˬ kʼoꞈ dawˬ sahˬ boꞈ tiˬ taꞈ biꞈ-awˇ, tsiˇ shehˆ daˆ-awˇ sahˬ paˬ ka nehˬ-euˬ meh. Kʼoeˇ ngeh, tsawˇ haˬ kʼoeˇ deuˬ laꞈ kʼawˆ tehˆ-awˇ, “Sahˬ paˬ ziˇ baw ziˇ za luꞈ-uˇ” lehˇ guˇ-eu meh.

2 Laˬsaˬbaˬ 22:11

Yawˇyaˬdaˇ lehˇ myahˇ-eu piˇ ma tiˬ gʼaˬ-ahˇ dahˬ dzaˬ iˇ-euˬ Yawˇsheˬba lehˇ myahˇ-euˬ Aˬhaˬziˇ-euˬ dmˇ ma tiˬ gʼaˬ jawˇ-eu meh. Yawˇsheˬba-aˬ, Yawˇshaˆ lehˇ myahˇ-euˬ Aˬhaˬziˇ-euˬ aˬ li tiˬ li-ahˇ, aˬ cawˬ neh bi sehꞈ jiˇ-eu lehˇ gʼeh-eu sahˬ paˬ-euˬ aˬ li deuˬ-euˬ yaw kaˬ-ahˇ neh ciˬ cuˇ ni sheuˬ kʼoeˬ doˆ laꞈ-awˇ, uˬ duˬ tahˬ nymˇ nymˇ ma laꞈ kʼoeˇ jaˆ-eu yuꞈ lawˆ tiˬ lawˆ laꞈ kʼoeˇ, aˬ yawꞈ-ahˇ bi bo saˆ-euˬ zaˬ miˬ zaˬ tiˬ gʼaˬ nehˬ-ehˇ tiˬ kawˆ loꞈ-ehˇ sheuˬ zaꞈ taˬ-euˬ meh. Aˬ yawꞈ-ahˇ kʼoeˇ loꞈ-ehˇ sheuˬ zaꞈ nehˬ-awˇ, Aˬdaˬliˇ-euˬ aˬ laꞈ laꞈ kʼoeˇ maˬ bi shiˇ ni bi dzeuˇ-iˇ-euˬ meh.

2 Laˬsaˬbaˬ 23:10

Sahˬ paˬ-ahˇ bi loꞈ piˇ-eu gʼaˇ duˬ, Uˬ duˬ tahˬ nymˇ nymˇ ma-euˬ mehˬ shi tiˬ jawˬ, tsawˇ haˬ kʼoeˇ deuˬ-ahˇ mi cehˇ gʼawˇ doˆ-awˇ bi loꞈ-euˬ meh.

2 Laˬsaˬbaˬ 23:12

Tsawˇ haˬ kʼoeˇ deuˬ sahˬ paˬ-ahˇ ja ceuˬ luꞈ gaˇ Aˬdaˬliˇ ya gaˬ ngeh, tsawˇ haˬ aˇ maꞈ uiˬ leˇ taˬ-euˬ Uˬ duˬ tahˬ nymˇ nymˇ ma-ahˇ cehˆ gʼeh-euˬ meh.

Jaceuq 132:18

Aˬ yawꞈ-ahˇ muiˇ-eu deuˬ-ahˇ ngaˇ daˬ bi ga-awˇ, aˬ yawꞈ-euˬ miˇ kʼahˬ bi baw bi za le ma.”

Jaceuq 21:3

Huiˬdui muiˬdui dui-eu guiˬlahˬ, aˬyawꞈjawˇgaˇnawˇhehˇleꞈ-awˇ, muiˬdui dui-eu shuiˇneh jahˇ-euˬ, dzoeˬdzaˬuˬkʼoˆbi kʼoˆ-euˬmeh.

Jaceuq 78:5

Iˇsaˬleˬlaˆ tsawˇ haˬ-ahˇ zahˇ sahˇ kʼoꞈ deuˬ aˬ yawꞈ biꞈ yaꞈ-awˇ, Yaˬkoˆ-euˬ zaˬ deuˬ uˆ deuˬ-ahˇ zahˇ dawˬ kʼoꞈ dawˬ biꞈ yaꞈ-euˬ meh. Zaˬ deuˬ-ahˇ aˬ yawꞈ-euˬ zahˇ dawˬ kʼoꞈ dawˬ bi mehˬ yaꞈ-eu gʼaˇ duˬ, aˬ dui-euˬ aˬ poeˬ aˬ bawˇ deuˬ-ahˇ aˬ yawꞈ mehˬ yaꞈ tsoˆ yaꞈ-euˬ meh.

Jaceuq 89:20

Muiˬ-eu shawˇ-eu tsiˇ shehˆ daˆ nehˬ-awˇ, ngaˬ-euˬ zaˬ kʼaˆ Daˬbiˇ-ahˇ sahˬ paˬ ka nehˬ-euˬ ma.

Jaceuq 89:39

Nawˬ-euˬ zaˬ kʼaˆ nehˬ-ehˇ dzaˬ taˬ-euˬ dawˬ ma saˇ jaˇ-ahˇ nawˇ byehˇ-awˇ, aˬ yawꞈ-euˬ shuiˇ uˬ kʼoˆ lah yaˬ-ahˇ biˬ pahˬ nehˬ-euˬ meh.

Doˆ-iˇ 25:16

Naw maꞈ-ahˇ ngaˇ biꞈ-eu lehˇ gʼeh-eu zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ kʼoeˇ nyiˬ byaꞈ-ahˇ, bahˬ keuˆ kʼoeˇ siˬ laꞈ kʼoeˇ dawˆ-ahˇ taˬ-awˬ.

Doˆ-iˇ 25:21

Kʼaˬ lo teˇ byaꞈ kʼoeˇ nyiˬ byaꞈ bahˬ keuˆ laꞈ kʼoeˇ dawˆ ahˇ-awˇ, kʼawˬ pymˬ pymˬ tehˬ-awˬ.

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Iˇsaˬyaˇ 49:23

Sahˬ paˬ deuˬ nawˬ-euˬ gʼaˇ duˬ aˬ da-ahˇ duˇ-awˇ, sahˬ paˬ ma deuˬ aˬ ma-ahˇ duˇ tehꞈ-a. Aˬ yawꞈ maꞈ nawˬ-euˬ mehˬ shi awˆ byaˆ-awˇ, nawˬ-ahˇ taˬ huiˬ taˬ mahˇ tehꞈ-a. Aˬ yawꞈ maꞈ nui ma nahˬ yu ni taˬ-eu laꞈ kʼoeˇ, nawˬ-ahˇ yaw zeu baw nehˬ tehꞈ-a. Kʼoeˇ naˇ, ngaˇ Sahˬpaˬ Miˬyehˇ pyeuꞈ-eu nawˇ ya siˬ tehꞈ-a. Ngaˇ caw ba nehˬ laꞈ gaˇ dawˬ-eu tsawˇ haˬ, daˬ maˬ ya ga-eu nawˇ siˬ duˬ tehꞈ-a.”

Iˇsaˬyaˇ 8:16

Ngaˬ-euˬ gʼaˬ zaˬ gʼaˬ kʼehˇ pyeuꞈ-eu naw maꞈ-aˬ, Miˬyehˇ neh ngaˬ-ahˇ kʼaˇ biꞈ laꞈ-euˬ dawˬ deuˬ maˬ bi byoˆ-iˇ ni ya jeˬ hmˬ-eu meh.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Maꞈtehˬ 21:9

Yeˬsuˇ-euˬ mehˬ hu paw hawˇ-eu, mehˬ nah paw cah luꞈ-eu tsawˇ haˬ aˇ maꞈ kʼoeˇ deuˬ, heu loꞈ-ehˇ guˇ-eu meh. “Daˬbiˇ-euˬ Zaˬmaˇ-ahˇ ja ceuˬ-awˬ. SahˬpaˬMiˬyehˇ-euˬ tsawˇ myahˇ uˬ moˆ oe-euˬ gʼaˬ-ahˇ, Miˬyehˇ guiˬ lahˬ biꞈ luꞈ-uˇ. Miˬyehˇ-ahˇ jaˬ ceuˬ-awˬ.”

HeˬByehˇ 2:9

Ehˇ kʼawꞈ, Miˬyehˇ-euˬ guiˬ lahˬ yaw dzahˇ baˬ da neh, tsawˇ haˬ yawˬ gʼaˬ na luꞈ gʼaˇ duˬ bi shiˇ dah-eu lehˇ, tiˬ kʼehˬ tiˬ yamˬ laꞈ kʼoeˇ mˬ taˆ gʼaˬ kʼehˇ deuˬ-euˬ laꞈ oˆ bi jawˇ-euˬ gʼaˬ pyeuꞈ-eu Yeˬsuˇ-ahˇ aˬ dui mawˇ-euˬ ma. Shiˇ gaˇ keuˆ ni aˬ yawꞈ ya daˬ gʼaˬ-euˬ miˇ neh, nymˬ-mˇ aˬ yawꞈ-ahˇ yaw shehꞈ kʼahˬ sehˇ huiˬ-eu ciˬ huiˬ ciˬ mahˇ-eu shuiˇ uˬ kʼoˆ bi kʼoˆ-euˬ gaˇ aˬ dui ya mawˇ luꞈ ma.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Panmaeq 19:12

Aˬ yawꞈ-euˬ myaˆ nuiˆ miˬ dzaˬ miˬ lmˇ-ahˇ duˇ-awˇ, uˬ duˬ-ahˇ shuiˇ uˬ kʼoˆ gʼawˬ mya siˬ kʼoˆ luꞈ-eu meh. Aˬ yawꞈ-ahˇ tsawˇ myahˇ tiˬ myahˇ boꞈ myahˬ taˬ-awˇ, aˬ yawꞈ maˬ ngeuˇ naˇ tsawˇ myahˇ kʼoeˇ myahˇ-euˬ dawˬ tsuiꞈ tiˬ gʼaˬ-iˬ maˬ siˬ nya-a.

Panmaeq 4:10

aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu gʼaˬ mehˬ shi awˆ byaˆ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu aˬ yawꞈ-ahˇ uˬ duˬ tahˬ-eu meh. Dzoeˬ dzaˬ nuiˇ mahˬ mehˬ shi aˬ yawꞈ maꞈ shuiˇ uˬ kʼoˆ dzeh taˬ-awˇ,

Panmaeq 4:4

Dzoeˬ dzaˬ nuiˇ mahˬ kʼoeˇ-euˬ tiˬ jawˬ, dzoeˬ dzaˬ nuiˇ mahˬ nyiˬ tseˇ oeˬ mahˬ jaˆ-awˇ, mehˬ tsoeˬ yaw pyuˇ dm-awˇ shuiˇ uˬ kʼoˆ kʼoˆ luꞈ-eu aˬ yuiꞈ aˬ tsu nyiˬ tseˇ oeˬ gʼaˬ nuiˇ luꞈ-eu meh.

Panmaeq 5:10

Yawꞈ maꞈ Miˬyehˇ-euˬ gaˇ mˇ-eu, piˇ ma miˇkʼahˬ pyeuꞈ laˇ nya ni, nawˬ neh jahˇ nehˬ gʼaˬ-euˬ loꞈ-ehˇ, yawꞈ maꞈ miˇ tsaˬ heu-euˬ kʼoeˇ taˆ, uˆ lahˇ-eu deuˬ ya geuꞈ tehꞈ-a.”

1 Saˬmeuˬlaˆ 10:1

Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.

1 Saˬmeuˬlaˆ 10:24

Kʼoeˇ ngeh, “Heu-aˬ, Sahˬpaˬ Miˬyehˇ neh tseˇ doˆ-euˬ gʼaˬ meh. Aˬ dui laꞈ kʼoeˇ aˬ yawꞈ-ahˇ duˇ-eu tiˬ gʼaˬ-iˬ maˬ jawˇ-a” lehˇ, aˬ yawꞈ maꞈ-ahˇ Saˬmeuˬlaˆ ehˇ nehˬ-euˬ meh. Iˇsaˬleˬlaˆ tsawˇ haˬ dawˬ tawˆ luꞈ, “Sahˬ paˬ ziˇ baw ziˇ za luꞈ-uˇ” lehˇ guˇ-euˬ meh.