2 Laˬsaˬbaˬ 22:9 - Akha

⁹ Aˬhaˬziˇ-ahˇ poˆ ngeh, Saˬmaˬliˆ meuˬ-ahˇ dzuˇ zaꞈ-awˇ jawˇ gaˇ ya mawˇ-euˬ meh. Aˬ yawꞈ maꞈ aˬ yawꞈ-ahˇ Yeˬhuˇ jawˇ gaˇ nyehꞈ gʼeh-awˇ sehꞈ-euˬ meh. Ehˇ kʼawꞈ, aˬ yawꞈ-euˬ aˬ bawˇ pyeuꞈ-eu sahˬ paˬ Yeˬhawˇshaˬpaˇ-euˬ myaˆ pyawˬ-ahˇ haw-awˇ, aˬ yawꞈ-ahˇ yaw muiˬ paˬ-ehˇ baꞈ pahˬ nehˬ-euˬ meh. Aˬ jeˬ miˇ neh ehˇ naˇ, sahˬ paˬ Yeˬhawˇshaˬpaˇ-aˬ, aˬ yawꞈ kʼaˇ gʼeh nya gaˇ keuˆ ni Sahˬpaˬ Miˬyehˇ-euˬ nui kʼahˇ mˇ-euˬ meh. Kʼoeˇ ngeh, Aˬhaˬziˇ-euˬ nymˇ jiˇ laꞈ kʼoeˇ Yuˇdaˆ miˇ kʼahˬ-ahˇ uˆ lahˇ nya paˬ-ehˇ gʼeh-eu tiˬ gʼaˬ-iˬ maˬ dzeˇ ni pyeuꞈ-iˇ-euˬ meh.

2 Laˬsaˬbaˬ 22:9 ပူးပေါင်းရင်းမြစ်များ

1 Sahˬpaˬ 13:21

Yuˇdaˆ miˇ kʼahˬ-ahˇ neh laˇ-euˬ Miˬyehˇ gʼaˇ duˬ ngehˬ dah-eu gʼaˬ-ahˇ aˬ yawꞈ guˇ-awˇ ehˇ-eu, “Sahˬpaˬ Miˬyehˇ-euˬ ehˇ dawˬ-ahˇ nawˇ maˬ naˇ haˬ-ehˇ, aˬ yawꞈ neh bi mˇ-euˬ loꞈ-ehˇ maˬ mˇ-a lehˇ Sahˬpaˬ Miˬyehˇ ehˇ luꞈ meh.

1 Sahˬpaˬ 14:13

Iˇsaˬleˬlaˆ tsawˇ haˬ dawˬ tawˆ luꞈ aˬ yawꞈ gʼaˇ duˬ tsawˇ ngoeˇ ngoeˇ-awˇ, aˬ yawꞈ-ahˇ baꞈ pahˬ tehꞈ-a. Yeˬyawˇbamˬ-euˬ nymˇ jiˇ laꞈ kʼoeˇ, aˬ yawꞈ tiˬ gʼaˬ-ahˇ tehꞈ-ehˇ yaw muiˬ paˬ-ehˇ ya baꞈ pahˬ nehˬ tehꞈ-a. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ nui ma tsaˬ-eu aˬ yawꞈ tiˬ gʼaˬ jawˇ-eu tehꞈ meh.

2 Sahˬpaˬ 9:34

Kʼoeˇ naˇ, sahˬ paˬ-euˬ hawˇ nymˇ-ahˇ Yeˬhuˇ le uˇ-awˇ, dzaˬ-euˬ dawˇ-euˬ meh. Aˬ yawꞈ dzaˬ dehˆ dawˇ dehˆ gʼaˬ ngeh, “Zaˬ miˬ zaˬ teu gʼaˬ-ahˇ baꞈ pahˬ nehˬ-awˬ. Aˬ yawꞈ sahˬ paˬ zaˬ miˬ tiˬ gʼaˬ meh” lehˇ ehˇ-eu meh.

2 Laˬsaˬbaˬ 19:3

Ehˇ kʼawꞈ, nawˬ-euˬ laꞈ kʼoeˇ yaw muiˬ jeˬ ahˇ-a siˬ. Aˬ jeˬ miˇ neh ehˇ naˇ, miˇ kʼahˬ zaˬ deuˬ uˬ duˬ tahˬ luꞈ-eu Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ dawˬ tawˆ luꞈ-ahˇ nawˇ laˆ cawˆ jiˇ-awˇ, Sahˬpaˬ Miˬyehˇ-euˬ nui noeˬ-ahˇ nawˇ caw teh-euˬ meh.”

2 Laˬsaˬbaˬ 21:17

Aˬ yawꞈ maꞈ Yuˇdaˆ miˇ kʼahˬ-ahˇ uˇ laˇ-awˇ, sahˬ paˬ-euˬ nymˇ-ahˇ goˬ-awˇ, sahˬ paˬ-euˬ miˬ zaˬ deuˬ hawˇ-eu aˬ li deuˬ dawˬ tawˆ luꞈ-ahˇ nyehꞈ gʼeh jiˇ-awˇ, aˬ li zaˬ saˬ gʼaˬ pyeuꞈ-eu Aˬhaˬziˇ tiˬ gʼaˬ tehꞈ-ehˇ dzeˇ yaꞈ-euˬ meh.

2 Laˬsaˬbaˬ 21:20

Yeˬhawˇlamˬ-aˬ, smˬ tseˇ nyiꞈ kʼoꞈ byah ngeh sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ yehꞈ kʼoꞈ uˆ lahˇ-euˬ meh. Aˬ yawꞈ shiˇ ngeh, tsawˇ haˬ tiˬ gʼaˬ-iˬ maˬ noeˬ shaˬ-a. Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ nehˬ-euˬ meh. Ehˇ kʼawꞈ, sahˬ paˬ deuˬ-euˬ lmˬ bymˇ-ahˇ maˬ baꞈ pahˬ nehˬ-a.

2 Laˬsaˬbaˬ 21:4

Yeˬhawˇlamˬ-aˬ, miˇ kʼahˬ-ahˇ ziꞈ dah ni uˆ lahˇ gʼaˬ ngeh jawˇ, aˬ yawꞈ-euˬ mehˇ nmˇ deuˬ-ahˇ sehꞈ jiˇ-awˇ, aˬ yuiꞈ aˬ tsu geuꞈ luꞈ-eu Iˇsaˬleˬlaˆ tsawˇ haˬ tiˬ paˆ na deuˬ-ahˇ kʼawꞈ, sehꞈ-euˬ meh.

2 Laˬsaˬbaˬ 22:8

Sahˬpaˬ Miˬyehˇ neh yaˇ kʼaˬ daˇ-euˬ jeˬ Aˬhaˆ-euˬ nymˇ jiˇ kʼoeˇ taˆ bi keuˆ le ni mˇ-eu lehˇ Yeˬhuˇ le ngeh, Aˬhaˬziˇ nehˬ-ehˇ laˇ-euˬ Yuˇdaˆ tsawˇ haˬ aˬ yuiꞈ aˬ tsu deuˬ hawˇ-eu Aˬhaˬziˇ-euˬ zaˬ oeˇ deuˬ-ahˇ tahˬ puˬ-awˇ, dawˬ tawˆ luꞈ-ahˇ sehꞈ-euˬ meh.

2 Laˬsaˬbaˬ 24:25

Aˬ yawꞈ-ahˇ yaw kʼaˆ-ehˇ bi deuˆ naˇ-awˇ, Suˇliˆ guiˇ maꞈ deuˬ gʼoꞈ dzeuˇ jiˇ ngeh, aˬ yawꞈ-euˬ yaw huiˬ yaw mahˇ nyiˬ gʼaˬ aˬ yawꞈ-ahˇ puiˬ-awˇ, aˬ yawꞈ-euˬ yuꞈ zaˇ kʼoeˇ taˆ aˬ yawꞈ-ahˇ sehꞈ-eu laꞈ kʼoeˇ, piˇ ma Yeˬhawˇyaˬdaˬ-euˬ aˬ li-ahˇ aˬ yawꞈ neh sehꞈ-euˬ aˇ poeˬ laꞈ poˆ poˆ nehˬ-euˬ meh. Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ nehˬ-euˬ meh. Ehˇ kʼawꞈ, sahˬ paˬ-euˬ lmˬ bymˇ-ahˇ maˬ baꞈ pahˬ nehˬ-a.

2 Laˬsaˬbaˬ 25:27

Sahˬpaˬ Miˬyehˇ-ahˇ aˬ yawꞈ byehˇ dzeh ngeh neh naˇ, Yeˬluˇsaˬlehˬ meuˬ laꞈ kʼoeˇ aˬ yawꞈ-ahˇ muiˇ-eu aˇ muˇ muˇ doˆ laˇ-euˬ meh. Aˇ saˬ saˬ laˇ ngeh jawˇ, Laˬkiˇshaˆ meuˬ-ahˇ aˬ yawꞈ cehˆ-euˬ kʼawꞈ, aˬ yawꞈ-ahˇ muiˇ-eu deuˬ kʼoeˇ gaˇ teh keuˆ leˇ-awˇ, aˬ yawꞈ-ahˇ sehꞈ-euˬ meh.

2 Laˬsaˬbaˬ 33:24

Aˬmo-euˬ gaˇ mˇ-eu yaw huiˬ yaw mahˇ deuˬ Aˬmo-ahˇ puiˬ-awˇ, sahˬ paˬ-euˬ nymˇ laꞈ kʼoeˇ aˬ yawꞈ-ahˇ sehꞈ-euˬ meh.

Yeˬlaˬmiˇ 29:13

Naw maꞈ ngaˬ-ahˇ poˆ-awˇ, poˆ mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ poˆ tehꞈ-a.