2 Laˬsaˬbaˬ 22:11 - Akha

¹¹ Yawˇyaˬdaˇ lehˇ myahˇ-eu piˇ ma tiˬ gʼaˬ-ahˇ dahˬ dzaˬ iˇ-euˬ Yawˇsheˬba lehˇ myahˇ-euˬ Aˬhaˬziˇ-euˬ dmˇ ma tiˬ gʼaˬ jawˇ-eu meh. Yawˇsheˬba-aˬ, Yawˇshaˆ lehˇ myahˇ-euˬ Aˬhaˬziˇ-euˬ aˬ li tiˬ li-ahˇ, aˬ cawˬ neh bi sehꞈ jiˇ-eu lehˇ gʼeh-eu sahˬ paˬ-euˬ aˬ li deuˬ-euˬ yaw kaˬ-ahˇ neh ciˬ cuˇ ni sheuˬ kʼoeˬ doˆ laꞈ-awˇ, uˬ duˬ tahˬ nymˇ nymˇ ma laꞈ kʼoeˇ jaˆ-eu yuꞈ lawˆ tiˬ lawˆ laꞈ kʼoeˇ, aˬ yawꞈ-ahˇ bi bo saˆ-euˬ zaˬ miˬ zaˬ tiˬ gʼaˬ nehˬ-ehˇ tiˬ kawˆ loꞈ-ehˇ sheuˬ zaꞈ taˬ-euˬ meh. Aˬ yawꞈ-ahˇ kʼoeˇ loꞈ-ehˇ sheuˬ zaꞈ nehˬ-awˇ, Aˬdaˬliˇ-euˬ aˬ laꞈ laꞈ kʼoeˇ maˬ bi shiˇ ni bi dzeuˇ-iˇ-euˬ meh.

2 Laˬsaˬbaˬ 22:11 ပူးပေါင်းရင်းမြစ်များ

2 Saˬmeuˬlaˆ 7:13

Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ-awˇ, aˬ yawꞈ-euˬ dzoeˬ dzaˬ ziꞈ ni ngaˇ caw ba nehˬ ma.

1 Sahˬpaˬ 15:4

Ehˇ kʼawꞈ, aˬ yawꞈ-euˬ dah zaˇ Yeˬluˇsaˬlehˬ meuˬ-ahˇ jawˇ-awˇ bi uˆ lahˇ-eu gʼaˇ duˬ maˬ ehˇ, Yeˬluˇsaˬlehˬ meuˬ-ahˇ bi haw piˇ-eu gʼaˇ duˬ maˬ ehˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Daˬbiˇ-euˬ myaˆ pyawˬ-ahˇ haw-awˇ, Aˬbiˇyaˬ-ahˇ aˬ li tiˬ li biꞈ-euˬ meh.

2 Sahˬpaˬ 11:2

Aˬhaˬziˇ-euˬ aˬ li Yawˇshaˆ tiˬ gʼaˬ tehꞈ-ehˇ, maˬ bi sehꞈ ni dzeuˇ-iˇ-euˬ meh. Aˬ yawꞈ-ahˇ aˬ cawˬ sehꞈ-eu lehˇ gʼeh ngeh, Aˬhaˬziˇ-euˬ dmˇ ma pyeuꞈ-eu sahˬ paˬ Yeˬhawˇlamˬ-euˬ aˬ buˇ Yeˬhawˇsheˬba neh aˬ yawꞈ-ahˇ ka kʼoꞈ-euˬ meh. Aˬ yawꞈ-ahˇ maˬ ya bi sehꞈ-eu gʼaˇ duˬ, aˬ yawꞈ hawˇ-eu aˬ yawꞈ-ahˇ haw piˇ-eu zaˬ miˬ zaˬ-ahˇ, yuꞈ duˬ kuˆ lawˆ tiˬ lawˆ laꞈ kʼoeˇ, Yeˬhawˇsheˬba neh sheuˬ zaꞈ taˬ-euˬ meh.

2 Laˬsaˬbaˬ 21:7

Ehˇ kʼawꞈ, Daˬbiˇ-euˬ nymˇ jiˇ-ahˇ Sahˬpaˬ Miˬyehˇ maˬ laˆ cawˆ mawꞈ-a. Aˬ jeˬ miˇ neh ehˇ naˇ, Daˬbiˇ-euˬ zaˬ deuˬ uˆ deuˬ-ahˇ aˬ myah luꞈ sahˬ paˬ geuꞈ-eu dzoeˬ dzaˬ bi oꞈ ma lehˇ Daˬbiˇ nehˬ-ehˇ dawˬ ma saˇ jaˇ dzaˬ taˬ-eu jaˆ-eu meh.

2 Laˬsaˬbaˬ 22:10

Sahˬ paˬ Aˬhaˬziˇ-euˬ aˬ ma Aˬdaˬliˇ-aˬ, aˬ yawꞈ-euˬ aˬ li shiˇ-euˬ gaˇ kawˆ ya gaˬ ngeh, Yuˇdaˆ sahˬ paˬ-euˬ miˬ sawˇ zaˬ dawˬ tawˆ luꞈ-ahˇ sehꞈ-awˬ lehˇ dawˬ biꞈ-euˬ meh.

2 Laˬsaˬbaˬ 22:12

Aˬdaˬliˇ uˆ lahˇ luꞈ-eu koꞈ kʼoꞈ aˇ yamˬ laꞈ kʼoeˇ, aˬ yawꞈ kʼoeˇ gaˇ dzuˇ zaꞈ-awˇ jawˇ-euˬ meh.

2 Laˬsaˬbaˬ 23:1

Shiꞈ kʼoꞈ tiˬ kʼoꞈ keuˆ laˇ ngeh jawˇ, Yeˬhawˇyaˬdaˬ-aˬ, aˬ yawꞈ neh lehˬ hmˬ taˬ-euˬ loꞈ-ehˇ mˇ-eu aˇ yamˬ tsaˬ laˇ-euˬ meh lehˇ noeˬ tsehˆ-euˬ meh. Kʼoeˇ naˇ, guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ ngaˬ gʼaˬ nehˬ-ehˇ aˬ yawꞈ saˇ jaˇ dzaˬ-euˬ meh. Yaw huiˬ yaw mahˇ kʼoeˇ ngaˬ gʼaˬ-aˬ, Yeˬloˇhamˬ-euˬ aˬ li Aˬzaˬliˇ, Yeˬhawˇhaˬnaˬ-euˬ aˬ li Iˇshaˬmeˬlaˇ, Awˇbehˆ-euˬ aˬ li Aˬzaˬyiˇ, Aˬdaˬyaˇ-euˬ aˬ li Mawˇseˬyaˇ hawˇ-eu, Ziˇkaˬliˇ-euˬ aˬ li Eˇliˇshaˬpaˇ meh.

Jaceuq 33:10

Miˇkʼahˬtsawˇjeuˬmehˬbawˬmˇ-euˬ, SahˬpaˬMiˬyehˇlaˆngehꞈnehˬ-awˇ, tsawˇhaˬzaˬneh bawˬtoˆtoˆ-euˬ, aˬyawꞈlaˆcawˆjiˇnehˬ-eu meh.

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Doˆ-iˇ 8:3

Niˬlaˇ lawˇ baˬ laꞈ kʼoeˇ kʼaˬ paˬ myaˬ dui dui laˇ-eu miˇ neh, kʼaˬ paˬ kʼoeˇ deuˬ nawˬ-euˬ nymˇ-ahˇ keuˆ niˆ laˇ keuˆ-awˇ, nawˇ yuꞈ-eu kuˆ lawˆ laꞈ kʼoeˇ maˬ ehˇ, nawˬ-euˬ yuꞈ zaˇ kʼoeˇ taˆ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ-euˬ nymˇ laꞈ kʼoeˇ maˬ ehˇ, nawˬ-euˬ miˇ kʼahˬ zaˬ deuˬ-euˬ nymˇ laꞈ kʼoeˇ maˬ ehˇ, nawˬ-euˬ miˬ dzaˬ tsawˬ bu-ahˇ maˬ ehˇ, nawˬ-euˬ guiˬ ba oeˬ lahˬ deuˬ hawˇ-eu kʼmˬ maˬ oeˬ tsaꞈ deuˬ laꞈ kʼoeˇ maˬ ehˇ, jawˇ byah jiˇ tehꞈ-a.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 65:8

Sahˬpaˬ Miˬyehˇ heu loꞈ-ehˇ ehˇ-eu meh. “Aˬ gaꞈ aˇ siˬ yaw muiˬ maˬ laˆ cawˆ ni, aˬ gaꞈ dzaˇ uiˇ jahˇ gaˇ geuꞈ-eu loꞈ-ehˇ, Ngaˬ-euˬ tsawˇ haˬ dawˬ tawˆ luꞈ-ahˇ maˬ laˆ cawˆ ni, ngaˬ-euˬ nui kʼahˇ mˇ-eu deuˬ-ahˇ ngaˇ ka kʼoꞈ ma.

Gʼaˬkʼehˇ 4:28

Nawˬ-euˬ baoˬ hawˇ-eu nawˬ-euˬ nui kʼahˇ-ahˇ gʼoe-awˇ bi pyeuꞈ laˇ-eu gʼaˇ duˬ aˇ hu ba neh nawˬ neh noeˬ tsehˆ taˬ-euˬ yawˬ jeˬ na luꞈ keuˆ le ni mˇ-eu lehˇ aˬ yawꞈ maꞈ uiˬ leˇ-euˬ meh.