2 Laˬsaˬbaˬ 21:8 - Akha

⁸ Yeˬhawˇlamˬ uˆ lahˇ-eu aˇ nah aˇ yamˬ laꞈ kʼoeˇ, Eˬdoˬ miˇ kʼahˬ-aˬ, Yuˇdaˆ miˇ kʼahˬ-ahˇ puiˬ-awˇ, Yuˇdaˆ miˇ kʼahˬ uˆ lahˇ-eu uˬ moˆ maˬ paˇ jawˇ ni yawˬ haˇ yawˬ ha uˆ lahˇ-eu miˇ kʼahˬ tiˬ kʼahˬ pyeuꞈ-iˇ-euˬ meh.

2 Laˬsaˬbaˬ 21:8 ပူးပေါင်းရင်းမြစ်များ

Aˇ dahˬ 27:40

Nawˇ-aˬ, mi cehˇ-ahˇ gʼoe-awˇ yaw dehꞈ ya dehꞈ tehꞈ-a. Nawˇ nawˬ-euˬ aˬ nyiˇ-euˬ zaˬ kʼaˆ ya geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ puiˬ-awˇ, aˬ yawꞈ uˆ lahˇ-eu uˬ moˆ ya buˬ-iˇ-eu aˇ nah aˇ yamˬ jaˆ tehꞈ-a.”

1 Sahˬpaˬ 22:47

Eˬdoˬ miˇ kʼahˬ laꞈ kʼoeˇ sahˬ paˬ maˬ jawˇ-ehˇ, Yuˇdaˆ sahˬ paˬ neh tseˇ doˆ nehˬ-euˬ tsawˇ haˬ deuˬ uˆ lahˇ-euˬ meh.

2 Sahˬpaˬ 3:9

Kʼoeˇ naˇ, Iˇsaˬleˬlaˆ sahˬ paˬ gʼeh, Yuˇdaˆ sahˬ paˬ hawˇ-eu Eˬdoˬ sahˬ paˬ nehˬ-ehˇ tiˬ kawˆ loꞈ-ehˇ gʼoˆ doˆ-iˇ-euˬ meh. Aˬ yawꞈ maꞈ doˆ-iˇ-euˬ shiꞈ nah ehˇ gʼaˬ ni byah laˇ ngeh, iˇ cuꞈ nym laˇ-awˇ, tsawˇ haˬ gʼaˇ duˬ maˬ ehˇ, jeˬ zaˬ gʼaˇ duˬ maˬ ehˇ, iˇ cuꞈ tiˬ pawꞈ-iˬ maˬ jaˆ-a.

2 Laˬsaˬbaˬ 21:10

Kʼoeˇ ngeh poˆ neh naˇ, Eˬdoˬ miˇ kʼahˬ-aˬ, Yuˇdaˆ miˇ kʼahˬ uˆ lahˇ-eu uˬ moˆ maˬ paˇ jawˇ ni, yawˬ haˇ yawˬ ha uˆ lahˇ-awˇ jawˇ-euˬ meh. Aˇ yamˬ kʼoeˇ yamˬ laꞈ kʼoeˇ, Liˇbaˬnahˬ meuˬ kʼawꞈ, Yeˬhawˇlamˬ-ahˇ puiˬ-euˬ meh. Aˬ jeˬ miˇ neh ehˇ naˇ, aˬ yawꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ byehˇ dzeh-euˬ meh.

2 Laˬsaˬbaˬ 21:9

Kʼoeˇ ngeh, Yeˬhawˇlamˬ hawˇ-eu aˬ yawꞈ-euˬ yaw huiˬ yaw mahˇ deuˬ mahˬ laˆ lawˬ dziˬ-awˇ, Eˬdoˬ miˇ kʼahˬ-ahˇ guiˇ deuˆ-iˇ-awˇ, Eˬdoˬ guiˇ maꞈ deuˬ neh aˬ yawꞈ maꞈ-ahˇ bi loꞈ jawˬ-euˬ meh. Ehˇ kʼawꞈ, aˬ yawꞈ maꞈ uˬ ciꞈ paw tahˬ paˆ doˆ gʼeh-awˇ cehˆ dzeuˇ nya-euˬ meh.

2 Laˬsaˬbaˬ 28:17

Aˬ jeˬ miˇ neh ehˇ naˇ, Eˬdoˬ tsawˇ haˬ deuˬ paˇ uˇ laˇ-awˇ, Yuˇdaˆ miˇ kʼahˬ-ahˇ deuˆ gʼaˬ-awˇ tsawˇ haˬ gʼawˬ mya ni nyehꞈ gʼeh-euˬ meh.