2 Laˬsaˬbaˬ 21:20 - Akha

²⁰ Yeˬhawˇlamˬ-aˬ, smˬ tseˇ nyiꞈ kʼoꞈ byah ngeh sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ yehꞈ kʼoꞈ uˆ lahˇ-euˬ meh. Aˬ yawꞈ shiˇ ngeh, tsawˇ haˬ tiˬ gʼaˬ-iˬ maˬ noeˬ shaˬ-a. Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ nehˬ-euˬ meh. Ehˇ kʼawꞈ, sahˬ paˬ deuˬ-euˬ lmˬ bymˇ-ahˇ maˬ baꞈ pahˬ nehˬ-a.

2 Laˬsaˬbaˬ 21:20 ပူးပေါင်းရင်းမြစ်များ

2 Sahˬpaˬ 8:24

Yeˬhawˇlamˬ ziˇ jiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ-euˬ lmˬ bymˇ-ahˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ aˬ li Aˬhaˬziˇ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 23:21

Miˇ kʼahˬ zaˬ dawˬ tawˆ luꞈ laˬ kʼaˬ cehˇ dui dui-eu meh. Aˬdaˬliˇ-ahˇ sehꞈ-euˬ miˇ neh, meuˬ meuˬ lah-ehˇ ciˬ cuˇ ni jaˆ-eu meh.

2 Laˬsaˬbaˬ 24:16

Iˇsaˬleˬlaˆ tsawˇ jeuˬ gʼaˇ duˬ maˬ ehˇ, Miˬyehˇ gʼaˇ duˬ maˬ ehˇ, Uˬ duˬ tahˬ nymˇ nymˇ ma gʼaˇ duˬ maˬ ehˇ, aˬ yawꞈ neh mˇ taˬ yaꞈ-euˬ gaˇ deuˬ-ahˇ aˬ cawˬ noeˬ keuˆ-awˇ, Daˬbiˇ-euˬ Meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ baꞈ pahˬ nehˬ-euˬ meh.

2 Laˬsaˬbaˬ 24:25

Aˬ yawꞈ-ahˇ yaw kʼaˆ-ehˇ bi deuˆ naˇ-awˇ, Suˇliˆ guiˇ maꞈ deuˬ gʼoꞈ dzeuˇ jiˇ ngeh, aˬ yawꞈ-euˬ yaw huiˬ yaw mahˇ nyiˬ gʼaˬ aˬ yawꞈ-ahˇ puiˬ-awˇ, aˬ yawꞈ-euˬ yuꞈ zaˇ kʼoeˇ taˆ aˬ yawꞈ-ahˇ sehꞈ-eu laꞈ kʼoeˇ, piˇ ma Yeˬhawˇyaˬdaˬ-euˬ aˬ li-ahˇ aˬ yawꞈ neh sehꞈ-euˬ aˇ poeˬ laꞈ poˆ poˆ nehˬ-euˬ meh. Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ nehˬ-euˬ meh. Ehˇ kʼawꞈ, sahˬ paˬ-euˬ lmˬ bymˇ-ahˇ maˬ baꞈ pahˬ nehˬ-a.

2 Laˬsaˬbaˬ 26:23

Awˇziˇ shiˇ-awˇ, sahˬ paˬ deuˬ-ahˇ baꞈ pahˬ-eu miˇ tsaˬ-ahˇ baꞈ pahˬ nehˬ-euˬ meh. Ehˇ kʼawꞈ, aˬ yawꞈ nyawˬ naˇ-eu baˬ da neh, sahˬ paˬ-euˬ lmˬ bymˇ-ahˇ aˬ yawꞈ-ahˇ maˬ baꞈ pahˬ nehˬ-a. Aˬ yawꞈ-euˬ aˬ li Yoˇdaˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 28:26

Aˬ yawꞈ uˆ lahˇ-euˬ aˇ nah aˇ yamˬ laꞈ kʼoeˇ kʼaˇ pyeuꞈ laˇ-euˬ gaˇ kawˆ nui deuˬ dawˬ tawˆ luꞈ aˇ dahˬ beh gaˇ neh aˇ saˬ saˬ gaˇ keuˆ ni, Iˇsaˬleˬlaˆ sahˬ paˬ deuˬ hawˇ-eu Yuˇdaˆ sahˬ paˬ deuˬ gaˇ kawˆ boꞈ taˬ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh.

2 Laˬsaˬbaˬ 28:27

Sahˬ paˬ Aˬkaˆ shiˇ-awˇ, Yeˬluˇsaˬlehˬ meuˬ laꞈ kʼoeˇ baꞈ pahˬ nehˬ-euˬ meh. Ehˇ kʼawꞈ, sahˬ paˬ-euˬ lmˬ bymˇ-ahˇ maˬ baꞈ pahˬ nehˬ-a. Kʼoeˇ naˇ, aˬ yawꞈ-euˬ aˬ li Heˬsaˬgiˇ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 33:20

Maˬnaˇseˬ shiˇ-awˇ, sahˬ paˬ-euˬ nymˇ-ahˇ aˬ yawꞈ-ahˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ aˬ li Aˬmo gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

Dawqdaq 10:7

Yaw tsaˬ yaw dawˇ tsawˇ haˬ-ahˇ noeˬ keuˆ-eu jeˬ guiˬ lahˬ baw-eu meh. Ehˇ kʼawꞈ, haiˬ-eu tsawˇ haˬ-euˬ tsawˇ myahˇ buꞈ-iˇ tehꞈ-a.

Yeˬlaˬmiˇ 22:18

Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.

Yeˬlaˬmiˇ 22:28

Aˬ cawˬ maˬ haw nahˇ-eu paˆ-iˇ taˬ-euˬ mui deuˇ oeˬ lahˬ, aˬ cawˬ maˬ geuꞈ nahˇ-eu mˇ myawˬ, Yeˬhawˇyaˬciˬ ehˇ-eu heu gʼaˬ meh loˇ. Aˬ jeˬ miˇ neh aˬ yawꞈ-euˬ zaˬ deuˬ-ahˇ, aˬ yawꞈ maˬ siˬ-eu miˇ kʼahˬ-ahˇ biˬ ahˇ nehˬ taˬ.