2 Laˬsaˬbaˬ 21:15 - Akha

¹⁵ Nawˬ-euˬ gʼawˇ mawˇ kʼawꞈ, doeˇ dui dui-eu baw uˇ naˇ-eu naˇ gawˇ ya daˬ-awˇ, baw uˇ kʼoeˆ laꞈ nyiˇ doˆ le ngeh keuˆ ni, tiˬ nah saˇ-i tiˬ nah naˇ kʼaˆ laˇ tehꞈ-a.”

2 Laˬsaˬbaˬ 21:15 ပူးပေါင်းရင်းမြစ်များ

2 Laˬsaˬbaˬ 21:14

Haw taˬ yawˬ, nawˬ-euˬ tsawˇ haˬ deuˬ, nawˬ-euˬ aˬ buˇ aˬ li deuˬ hawˇ-eu, nawˬ-euˬ miˬ zaˬ deuˬ-ahˇ Sahˬpaˬ Miˬyehˇ yaw kʼaˆ kʼaˆ-ehˇ kʼehˬ nehˬ-awˇ, nawˬ-euˬ pyuˇ shuiˇ myawˬ gahˬ deuˬ-ahˇ laˆ luˬ laˆ seˇ nehˬ laꞈ tehꞈ-a.

Jaceuq 109:18

Yaˬ kʼehˇ yaˬ-eu jeˬ-ahˇ mehˬ tsoeˬ dm-eu loꞈ-ehˇ aˬ yawꞈ dm tsahˬ taˬ-euˬ meh. Aˬ yawꞈ neh yaˬ kʼehˇ yaˬ-euˬ jeˬ iˇ cuꞈ nyiꞈ leˇ-eu loꞈ-ehˇ aˬ yawꞈ-euˬ gʼawˇ mawˇ-ahˇ nyiꞈ leˇ-awˇ, tsiˇ nyiꞈ leˇ-eu loꞈ-ehˇ aˬ yawꞈ-euˬ shaˬ yoeˬ-ahˇ nyiꞈ leˇ luꞈ-uˇ.

Bawˇtsahˬ 5:27

Zaˬ miˬ zaˬ kʼoeˇ gʼaˬ kʼaˬ dzeˇ zaˬ nui gʼaˬ nehˬ-ehˇ bahˬ taˬ-euˬ jaˆ naˇ, iˇ cuꞈ kʼoeˇ naˇ-eu gawˇ-eu jeˬ bi keuˆ le tehꞈ-a. Aˬ yawꞈ-euˬ uˬ maˆ puˬ laˇ-awˇ, aˬ yawꞈ-euˬ pyaˬ kaˬ liˬ-iˇ koˆ-iˇ tehꞈ-a. Aˬ yawꞈ-euˬ tsawˇ haˬ laꞈ kʼoeˇ, aˬ yawꞈ kʼoeˇ taˆ yaˬ kʼehˇ yaˬ-eu jeˬ keuˆ le tehꞈ-a.

Gʼaˬkʼehˇ 1:18

(Haiˬ dui dui-eu gaˇ kʼoeˇ mˇ-awˇ za-euˬ pyuˇ neh, miˇ tsaˬ tiˬ tsahˇ Yuˇdaˆ zeuˇ-awˇ, miˇ tsaˬ kʼoeˇ tsahˇ-ahˇ aˬ yawꞈ uˬ duˬ tahˬ poˆ-ehˇ ga sehꞈ-euˬ meh. Aˬ yawꞈ-euˬ u maˆ ga paˆ-awˇ, baw uˇ baw ma dawˬ tawˆ luꞈ doˆ le jiˇ-euˬ meh.

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.

Dawˬmehˬ 28:27

Iˇjiˇtuˆ tsawˇ haˬ deuˬ-ahˇ jahˇ nehˬ-euˬ loꞈ-ehˇ, naw maꞈ-ahˇ Sahˬpaˬ Miˬyehˇ shaˬ ciˬ bi ciˬ laˇ tehꞈ-a. Naw maꞈ-euˬ gʼawˇ mawˇ mawˇ lah-ehˇ maˇ naˇ naˇ byah jiˇ ni Sahˬpaˬ Miˬyehˇ jahˇ tehꞈ-a. Maˇ byahˇ byahˇ-eu miˇ neh gawˇ gawˇ-ehˇ shaˬ kʼawꞈ, taˬ leˇ-eu maˬ baw ni ya jawˇ tehꞈ-a.

Dawˬmehˬ 28:37

Sahˬpaˬ Miˬyehˇ neh naw maꞈ-ahˇ bi cehˆ byaˆ-euˬ miˇ kʼahˬ-ahˇ jawˇ-eu tsawˇ haˬ deuˬ, naw maꞈ kʼoeˇ taˆ kʼoeˇ loꞈ-ehˇ keuˆ le-euˬ gaˇ ya mawˇ ngeh, tsawˬ guˆ-iˇ dui dui tehꞈ-a. Naw maꞈ gaˇ kawˆ aˬ yawꞈ maꞈ ja uiˇ niˇ gʼa-awˇ, naw maꞈ-ahˇ ja bu ja doeˇ tehꞈ-a.

Dawˬmehˬ 28:59

nawˬ-euˬ kʼoeˇ taˆ maˬ ehˇ, nawˬ-euˬ zaˬ deuˬ uˆ deuˬ kʼoeˇ taˆ maˬ ehˇ, maˬ laˆ taˬ nya-eu naˇ gawˇ deuˬ hawˇ-eu, guˆ dui dui laˇ paˬ-ehˇ gʼeh-eu nyawˬ leˇ nya-eu naˇ gawˇ deuˬ aˬ yawꞈ bi keuˆ le tehꞈ-a.

Dawˬmehˬ 28:61

Miˬyehˇ-euˬ zahˇ dawˬ kʼoꞈ dawˬ deuˬ hawˇ-eu mehˬ nehˬ tsoˆ nehˬ-eu dawˬ deuˬ boꞈ taˬ-euˬ sahˬ boꞈ heu taꞈ laꞈ kʼoeˇ maˬ ahˇ-eu naˇ gawˇ yawˬ jeˬ na luꞈ hawˇ-eu, nyawˬ leˇ nya-eu yaw jaw naˇ-eu naˇ gawˇ yawˬ jeˬ na luꞈ bi keuˆ le-awˇ, nawˇ ya luˬ ya seˇ-iˇ tehꞈ-a.

Dawˬmehˬ 28:67

Kʼaˇ ya mawˇ-euˬ yawˬ jeˬ na luꞈ-ahˇ, nawˇ guˆ-awˇ nui ma cehˇ tahˬ tahˬ tehꞈ-a. Yawˬ shawˬ na luꞈ uˬ ciꞈ bi ciꞈ le mawꞈ-awˇ, yawˬ miˇ na luꞈ uˬ bya bi bya laˇ mawꞈ tehꞈ-a.