2 Laˬsaˬbaˬ 21:13 - Akha

¹³ Aˬhaˆ hawˇ-eu aˬ yawꞈ-euˬ jeˬ nah sahˬ paˬ geuꞈ-euˬ deuˬ neh, Iˇsaˬleˬlaˆ miˇ kʼahˬ Miˬyehˇ-ahˇ saˇ jaˇ maˬ ziꞈ ni sheuˬ bahˬ nehˬ-euˬ loꞈ-ehˇ, nawˇ kʼawꞈ, Iˇsaˬleˬlaˆ sahˬ paˬ kʼoeˇ deuˬ-ahˇ dzaw geuꞈ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ Miˬyehˇ-ahˇ saˇ jaˇ maˬ ziꞈ ni sheuˬ bahˬ nehˬ-euˬ meh. Nawˇ naˆ maˬ tseˇ muiˬ-eu jaˬ-eu nawˬ-euˬ mehˇ nmˇ deuˬ-ahˇ nawˇ sehꞈ-euˬ meh.

2 Laˬsaˬbaˬ 21:13 ပူးပေါင်းရင်းမြစ်များ

1 Sahˬpaˬ 16:25

Awˇmaˬliˇ-aˬ, aˬ yawꞈ-euˬ mehˬ hu uˆ lahˇ yaꞈ-euˬ deuˬ naˆ maˬ tseˇ, Sahˬpaˬ Miˬyehˇ mehˬ shi iˬ baˇ mˇ-euˬ meh.

2 Sahˬpaˬ 9:22

Yeˬhuˇ-ahˇ Yoˇlamˬ mawˇ-awˇ, “Yaw muiˬ jeˬ mˇ le-euˬ ma loˇ” lehˇ naˇ haˬ-euˬ meh. Yeˬhuˇ ehˇ-eu, “Nawˬ ma Yeˬsaˬbeˬlaˇ neh aˇ dahˬ beh taˬ yaꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, jaˬ nehꞈ ja maw kʼoeˇ deuˬ kʼaˇ jaˆ kʼoeˇ keuˆ ni, gaˇ kawˆ yaw muiˬ maˬ jaˆ kʼmˬ-aˇ.”

2 Laˬsaˬbaˬ 21:11

Yuˇdaˆ miˇ kʼahˬ laꞈ kʼoeˇ jaˆ-eu gawˬ jawˬ yaw goˇ deuˬ-ahˇ, lawˇ ciꞈ zaˬ deuˬ uˬ duˬ tahˬ-eu jawˇ duˬ tsoˆ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ Sahˬpaˬ Miˬyehˇ-ahˇ mˇ bahˬ ni aˬ yawꞈ sheuˬ gʼeh-euˬ meh.

2 Laˬsaˬbaˬ 21:14

Haw taˬ yawˬ, nawˬ-euˬ tsawˇ haˬ deuˬ, nawˬ-euˬ aˬ buˇ aˬ li deuˬ hawˇ-eu, nawˬ-euˬ miˬ zaˬ deuˬ-ahˇ Sahˬpaˬ Miˬyehˇ yaw kʼaˆ kʼaˆ-ehˇ kʼehˬ nehˬ-awˇ, nawˬ-euˬ pyuˇ shuiˇ myawˬ gahˬ deuˬ-ahˇ laˆ luˬ laˆ seˇ nehˬ laꞈ tehꞈ-a.

2 Laˬsaˬbaˬ 21:4

Yeˬhawˇlamˬ-aˬ, miˇ kʼahˬ-ahˇ ziꞈ dah ni uˆ lahˇ gʼaˬ ngeh jawˇ, aˬ yawꞈ-euˬ mehˇ nmˇ deuˬ-ahˇ sehꞈ jiˇ-awˇ, aˬ yuiꞈ aˬ tsu geuꞈ luꞈ-eu Iˇsaˬleˬlaˆ tsawˇ haˬ tiˬ paˆ na deuˬ-ahˇ kʼawꞈ, sehꞈ-euˬ meh.

2 Laˬsaˬbaˬ 21:6

Sahˬ paˬ Aˬhaˆ hawˇ-eu Iˇsaˬleˬlaˆ sahˬ paˬ nui deuˬ loꞈ-ehˇ, maˬ muiˬ maˬ jaˬ-eu gaˇ ma-ahˇ aˬ yawꞈ cah-euˬ meh. Aˬ jeˬ miˇ neh ehˇ naˇ, Aˬhaˆ-euˬ aˬ buˇ-ahˇ aˬ yawꞈ sheuˬ-euˬ meh. Sahˬpaˬ Miˬyehˇ-euˬ mehˬ shi yaw haiˬ jeˬ aˬ yawꞈ mˇ-euˬ meh.

2 Laˬsaˬbaˬ 24:18

Kʼoeˇ miˇ neh, miˇ kʼahˬ zaˬ deuˬ aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ-eu jeˬ-ahˇ byehˇ dzeh-awˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ hawˇ-eu tahˬ pahˬ aˬ ma mawˇ kawˇ nui deuˬ-ahˇ uˬ duˬ tahˬ-euˬ meh. Aˬ yawꞈ maꞈ kʼoeˇ loꞈ-ehˇ iˬ baˇ mˇ-euˬ baˬ da neh, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ kʼoeˇ taˆ Sahˬpaˬ Miˬyehˇ nui ma pehˇ-eu jeˬ keuˆ le luꞈ-eu meh.

Doˆ-iˇ 34:15

Aˬ jeˬ miˇ neh ehˇ naˇ, lawˇ ciꞈ zaˬ kʼoeˇ deuˬ-aˬ, aˬ yawꞈ maꞈ-euˬ miˬyehˇ-ahˇ lawˇ-eu shehˇ-eu jeˬ mˇ ngeh, naw maꞈ-ahˇ kuˇ-awˇ, lawˇ gʼaˬ shehˇ gʼaˬ-euˬ dzaˇ deuˬ dzaˬ-awˬ lehˇ muˇ tehꞈ-a.

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

Haˬbaˬkuˆ 2:12

Tsawˇ haˬ shiˬ neh meuˬ teˬ dzaˬ-awˇ, iˬ baˇ mˇ-awˇ pu tsoˆ-euˬ deuˬ, yaw kʼaˆ-ehˇ ya noeˬ shaˬ tehꞈ-a. Tsawˇ haˬ neh bawˬ toˆ toˆ-euˬ jeˬ, miˬ dzaˬ puiˆ dzeh nehˬ gaˇ duˇ-awˇ,

Dawˬmehˬ 31:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Gʼawˬ myahˇ maˬ gʼeh-ehˇ nawˇ ziˇ jiˇ le tehꞈ-a. Nawˇ shiˇ dzeuˇ ngeh, tsawˇ haˬ heu deuˬ ngaˬ-ahˇ saˇ jaˇ maˬ ziꞈ ni pyeuꞈ-iˇ-awˇ, ngaˬ neh aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, aˬ yawꞈ maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, lawˇ ciꞈ zaˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ tehꞈ-a.

1 Yoˇhaˬ 3:12

Aˬ dui-aˬ, Gaˬiˇnaˆ loꞈ-ehˇ maˬ ya gʼeh-a. Aˬ yawꞈ-aˬ, Haiˬ dui dui-eu Gʼaˬ-ahˇ taꞈ-eu tsawˇ haˬ pyeuꞈ-awˇ, aˬ yawꞈ-euˬ aˬ nyiˇ tsi tsi ni gʼeh-eu Aˬbeˬlaˆ-ahˇ sehꞈ-euˬ meh. Aˬ jeˬ miˇ neh yawˬ ha-euˬ aˬ nyiˇ-ahˇ sehꞈ-euˬ ta. Aˬ yawꞈ neh mˇ-euˬ jeˬ lehˬ-awˇ, aˬ yawꞈ-euˬ aˬ nyiˇ neh mˇ-euˬ jeˬ tsaˬ-eu miˇ neh sehꞈ-euˬ meh.