2 Laˬsaˬbaˬ 20:7 - Akha

⁷ Nawˇ-aˬ, nga maꞈ-euˬ Miˬyehˇ ma. Nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ miˇ kʼahˬ heu kʼahˬ-ahˇ uˇ laˇ ngeh, heu gaˇ jawˇ luꞈ-eu tsawˇ haˬ deuˬ-ahˇ nawˇ teh dzeh-awˇ, nawˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-ahˇ miˇ kʼahˬ heu kʼahˬ nawˇ biꞈ tsehˆ nehˬ-euˬ meh.

2 Laˬsaˬbaˬ 20:7 ပူးပေါင်းရင်းမြစ်များ

Aˇ dahˬ 12:7

Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

Aˇ dahˬ 13:15

Nawˬ neh kʼaˇ haw mawˇ jiˇ-euˬ miˇ kʼahˬ dawˬ tawˆ luꞈ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ-eu lehˇ ngaˇ lehˬ hmˬ taˬ-euˬ ma. Miˇ kʼahˬ heu kʼahˬ-aˬ, mˬ maˬ maˬ byaˆ zaˇ ziˇ naw maꞈ-euˬ miˇ kʼahˬ pyeuꞈ tehꞈ-a.

Aˇ dahˬ 17:7

“Nawˬ nehˬ-ehˇ maˬ ehˇ, aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ nehˬ-ehˇ maˬ ehˇ, ngaˇ dzaˬ taˬ-euˬ dawˬ ma saˇ jaˇ heu hmˬ-aˬ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ pyeuꞈ-eu ma. Ngaˇ-aˬ, nawˬ-euˬ Miˬyehˇ hawˇ-eu nawˬ-euˬ zaˬ deuˬ uˆ deuˬ-euˬ Miˬyehˇ pyeuꞈ-eu ma.

2 Laˬsaˬbaˬ 14:11

Kʼoeˇ ngeh, Aˬsaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, gʼaˬ baˬ-eu guiˇ maꞈ tiˬ maꞈ-ahˇ gʼaˬ kʼaˆ dui dui-eu guiˇ maꞈ tiˬ maꞈ loꞈ-ehˇ nawˇ caw ba nya-eu meh. Nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ-ahˇ nymˬ-mˇ caw ba le-awˬ. Aˬ jeˬ miˇ neh ehˇ naˇ, nga maꞈ nawˬ-ahˇ gʼoe-awˇ, nawˬ-euˬ tsawˇ myahˇ uˬ moˆ myaˬ dui dui-eu guiˇ maꞈ heu maꞈ-ahˇ deuˆ -eu lehˇ oe-euˬ ma. Sahˬpaˬ Miˬyehˇ-oˇ, nawˇ-aˬ nga maꞈ-euˬ Miˬyehˇ ma. Nawˬ-ahˇ deuˆ gʼaˬ ma lehˇ tsawˇ haˬ tiˬ gʼaˬ-iˬ maˬ noeˬ doˆ peuˬ-a.”

2 Laˬsaˬbaˬ 20:8

Aˬ yawꞈ maꞈ heu gaˇ jawˇ duˬ dah-awˇ, nawˬ-ahˇ taˬ huiˬ taˬ mahˇ-eu laꞈ kʼoeˇ uˬ duˬ tahˬ nymˇ tiˬ nymˇ tsoˆ-euˬ meh. Guiˇ deuˆ-eu jeˬ, naˇ-eu gawˇ-eu jeˬ, mehꞈ-eu shuꞈ-eu jeˬ, heu loꞈ-ehˇ gʼeh-eu shaˬ-eu zahˬ-eu tiˬ jeˬ na aˬ yawꞈ maꞈ kʼoeˇ taˆ bi keuˆ le-eu laꞈ kʼoeˇ, aˬ yawꞈ maꞈ-ahˇ kʼehˬ nehˬ kʼaˆ nehˬ ngeh, nawˬ-ahˇ uˬ duˬ tahˬ-eu Uˬ duˬ tahˬ nymˇ nymˇ ma mehˬ shi aˬ yawꞈ maꞈ yawꞈ laˇ nya ni, aˬ yawꞈ maꞈ noeˬ siˬ-awˇ tsoˆ-euˬ meh. Aˬ yawꞈ maꞈ shaˬ-eu zahˬ-eu jeˬ ya tahˬ puˬ ngeh, nawˬ-ahˇ guiˬ lahˬ shaˇ kʼaˇ za-awˇ, aˬ yawꞈ maꞈ-euˬ shaˇ dawˬ-ahˇ nawˇ gaˬ-eu laꞈ kʼoeˇ, ka kʼoꞈ nehˬ nya-eu meh.

Neˬhaˬmiˇ 9:8

Aˬ yawꞈ nawˬ-ahˇ saˇ jaˇ ziꞈ gaˇ nawˇ ya mawˇ-awˇ, aˬ yawꞈ nehˬ-ehˇ dawˬ ma saˇ jaˇ nawˇ dzaˬ-euˬ meh. Kaˬnaˬ tsawˇ jeuˬ-euˬ miˇ kʼahˬ, Heˬtaˆ tsawˇ jeuˬ hawˇ-eu Aˬmawˇliˆ tsawˇ jeuˬ-euˬ miˇ kʼahˬ, Paˬyehˆ tsawˇ jeuˬ, Yeˬbuˇ tsawˇ jeuˬ hawˇ-eu, Geuˬgaˬshaˆ tsawˇ jeuˬ heu deuˬ-euˬ miˇ kʼahˬ, aˬ yawꞈ-euˬ zaˬ deuˬ-ahˇ biꞈ ma lehˇ, aˬ yawꞈ-ahˇ nawˇ saˇ jaˇ dzaˬ-euˬ meh. Nawˇ saˇ jaˇ ziꞈ dui dui-eu gʼaˬ pyeuꞈ-awˇ, nawˬ-euˬ saˇ jaˇ dawˬ kawˬ byah laˇ-euˬ meh.

Jaceuq 44:2

Aˬcawˬtsawˇjeuˬtsawˇca deuˬ-ahˇ, nawˬ-euˬaˬlaꞈneh teh dzeh-awˇ, nga maꞈ-euˬpoeˬpiˬkʼoeˇdeuˬ-ahˇ, kʼoeˇgaˇjawˇduˬbi dah-euˬmeh. Tsawˇjeuˬkʼoeˇdeuˬ-ahˇnawˇkʼehˬ-awˇ, poeˬpiˬdeuˬbi dehꞈdzaˬ-euˬmeh.

Jaceuq 44:3

Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

Jaceuq 80:8

Iˇjiˇtuˆ miˇ kʼahˬ-ahˇ neh aˬ gaꞈ ciˇ ni tiˬ ni nawˇ yuˇ laꞈ-awˇ, aˬ cawˬ tsawˇ jeuˬ deuˬ-ahˇ nawˇ teh dzeh-awˇ, aˬ yawꞈ maꞈ-euˬ miˇ kʼahˬ-ahˇ toeˬ ka-euˬ meh.

Doˆ-iˇ 20:2

“Ngaˇ-aˬ, nawˇ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh, nawˬ-ahˇ sheuˬ doˆ nehˬ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Doˆ-iˇ 33:2

Naw maꞈ-ahˇ bi sheuˬ gʼeh-eu gʼaˇ duˬ, mˬ taˆ gʼaˬ kʼehˇ tiˬ gʼaˬ ngaˇ pyehˬ gʼeh ma. Kaˬnaˬ tsawˇ jeuˬ maˬ ehˇ, Heˬtaˆ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, ngaˇ teh doˆ ma.

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Iˇsaˬyaˇ 41:8

“Ehˇ kʼawꞈ, ngaˬ-euˬ zaˬ kʼaˆ Iˇsaˬleˬlaˆ-oˇ, nawˇ ngaˬ neh tseˇ doˆ-eu tsawˇ jeuˬ pyeuꞈ-awˇ, ngaˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ meh.

Yoˇhaˬ 11:11

Yeˬsuˇ kʼoeˇ loꞈ-ehˇ ehˇ gʼaˬ miˇ tsa tiˬ poˆ paˇ ehˇ-eu, “Aˬ dui-euˬ cawˬ Laˬzaˬluˇ yuꞈ kʼaˆ taˬ-euˬ meh. Ngaˇ iˇ-awˇ laˆ noeˬ nehˬ-iˇ ma.”

Yoˇhaˬ 15:15

Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.

Dawˬmehˬ 4:38

Naw maꞈ mehˬ hu paw doˆ laˇ luꞈ ngeh, iˬ nah naw maꞈ za taˬ-euˬ miˇ kʼahˬ heu kʼahˬ naw maꞈ-ahˇ biꞈ-eu gʼaˇ duˬ, naw maꞈ naˆ maˬ tseˇ myaˬ dzehˬ-awˇ baoˬ huiˬ dzehˬ-eu tsawˇ jeuˬ deuˬ-ahˇ aˬ yawꞈ teh doˆ-euˬ meh.

Yaˬkoˆ 2:23

Kʼoeˇ ngeh jawˇ, “Aˬbyaˬhaˬ Miˬyehˇ-ahˇ jah-awˇ, aˬ yawꞈ-euˬ jah-eu jeˬ baˬ da neh, Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh” lehˇ ehˇ-eu Jaˇ liꞈ dawˬ kawˬ kʼoeˇ byah laˇ-euˬ meh. Kʼoeˇ miˇ neh, Aˬbyaˬhaˬ-ahˇ Miˬyehˇ-euˬ cawˬ lehˇ kuˇ-eu meh.

Yawˇshuˆ 1:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ tsawˇ haˬ heu deuˬ jawˇ leˇ ngeh, aˬ yawꞈ maꞈ kʼoeˇ taˆ nawˇ aˬ yuiꞈ ya geuˬ tehꞈ-a.

Yawˇshuˆ 23:9

Naw maꞈ mehˬ hu paw le luꞈ ngeh, baoˬ huiˬ-awˇ tsawˇ myahˇ doˆ-eu tsawˇ jeuˬ heu deuˬ-ahˇ Sahˬpaˬ Miˬyehˇ teh doˆ nehˬ-awˇ, tsawˇ haˬ tiˬ gʼaˬ-iˬ naw maꞈ-euˬ mehˬ shi maˬ yawꞈ peuˬ ni pyeuꞈ-iˇ tehꞈ-a.

Yawˇshuˆ 24:13

Naw maꞈ tiˬ jawˇ-iˬ maˬ duˬ maˬ ka haw-ehˇ, naw maꞈ neh meuˬ maˬ teˬ pu maˬ tsoˆ-euˬ miˇ kʼahˬ naw maꞈ-ahˇ ngaˇ biꞈ-euˬ ma. Nymˬ-mˇ naw maꞈ kʼoeˇ gaˇ jawˇ-awˇ, naw maꞈ neh maˬ ka-euˬ aˬ gaꞈ baw duˆ-ahˇ aˬ gaꞈ aˇ siˬ pyaˆ dzaˬ luꞈ-awˇ, naw maꞈ neh maˬ ka-euˬ saˬ loˬ aˇ bawˇ-ahˇ saˬ loˬ aˇ siˬ za luꞈ meh’ lehˇ Sahˬpaˬ Miˬyehˇ ehˇ-eu meh.”

Yawˇshuˆ 24:3

Kʼoeˇ naˇ, naw maꞈ-euˬ aˬ poeˬ pyeuꞈ-eu Aˬbyaˬhaˬ-ahˇ Uˇpaˬlaˇ lawˇ baˬ nui baˬ-ahˇ jaˆ-eu miˇ kʼahˬ-ahˇ neh ngaˇ sheuˬ doˆ laꞈ-awˇ, Kaˬnaˬ miˇ kʼahˬ nyiˬ tsehˆ-ehˇ sheuˬ doˆ gʼeh-euˬ ma. Aˬ yawꞈ-euˬ zaˬ deuˬ uˆ deuˬ gʼawˬ mya ni bi jeuˬ bi o le-euˬ ma. Aˬ yawꞈ-ahˇ ngaˇ Iˇtsaˆ biꞈ-euˬ ma.