2 Laˬsaˬbaˬ 20:37 - Akha

³⁷ Ehˇ kʼawꞈ, Maˬleˇshaˬ meuˬ-ahˇ jawˇ-eu Doˇdaˬbaˬhuˇ-euˬ aˬ li Eˇliˇzaˬ neh, Yeˬhawˇshaˬpaˇ-ahˇ Miˬyehˇ gʼaˇ duˬ ngehˬ dah-eu laꞈ kʼoeˇ, “Aˬhaˬziˇ-ahˇ nawˇ nui ma taꞈ-eu miˇ neh, nawˬ neh mˇ gʼaˬ shaˇ gʼaˬ taˬ-euˬ jeˬ-ahˇ Sahˬpaˬ Miˬyehˇ laˆ luˬ laˆ seˇ tehꞈ-a” lehˇ ehˇ nehˬ-euˬ meh. Kʼoeˇ naˇ, saˇ baoˬ kʼoeˇ deuˬ cawˆ-iˇ jiˇ-awˇ, maˬ doˆ-iˇ nya-ehˇ pyeuꞈ-iˇ-euˬ meh.

2 Laˬsaˬbaˬ 20:37 ပူးပေါင်းရင်းမြစ်များ

1 Sahˬpaˬ 22:48

Sahˬpaˬ Yeˬhawˇshaˬpaˇ-aˬ, Awˇpiˇlaˆ miˇ kʼahˬ-ahˇ shuiˇ tawˬ laˬ-iˇ-eu gʼaˇ duˬ, iˬ ma laˆ shaˆ-ahˇ iˇ tsehˆ laˇ tsehˆ nya-eu saˇ baoˬ jahˇ-euˬ meh. Ehˇ kʼawꞈ, saˇ baoˬ kʼoeˇ deuˬ Eˬzoˇgeˇbaˬ meuˬ-ahˇ cawˆ-iˇ-awˇ, tiˬ jawˇ-iˬ maˬ paˇ cah ni byehˇ dzeh-euˬ meh.

2 Laˬsaˬbaˬ 11:8

Gaˬdaˇ meuˬ, Maˬleˇshaˬ meuˬ, Ziˇpaˬ meuˬ,

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

2 Laˬsaˬbaˬ 19:2

Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

2 Laˬsaˬbaˬ 20:36

Iˬ ma laˆ shaˆ lawˇ deh-ahˇ jaˆ-eu Eˬzoˇgeˇbaˬ meuˬ-ahˇ, iˬ ma laˆ shaˆ-ahˇ cah-eu saˇ baoˬ deuˬ aˬ yawꞈ nyaꞈ jahˇ-euˬ meh.

2 Laˬsaˬbaˬ 21:1

Yeˬhawˇshaˬpaˇ ziˇ jiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ baꞈ pahˬ nehˬ-euˬ meh. Aˬ yawꞈ-euˬ aˬ li Yeˬhawˇlamˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 9:21

Sahˬ paˬ Hiˇlamˬ-euˬ saˇ baoˬ aˇ maꞈ nehˬ-ehˇ iˇ luꞈ laˇ luꞈ-eu iˬ ma laˆ shaˆ-ahˇ cah-eu saˇ baoˬ aˇ maꞈ tiˬ maꞈ aˬ yawꞈ jawˇ-eu meh. Aˬ yawꞈ-euˬ saˇ baoˬ kʼoeˇ maꞈ, smˇ kʼoꞈ tiˬ poˆ gʼoꞈ doˆ laˇ-awˇ, shuiˇ, pyuˇ, ya ma juiˇ hawˇ-eu aˇ myoꞈ deuˬ tawˬ kʼoꞈ laꞈ-eu meh.

Dawqdaq 13:20

Zaˬ siˬ tsawˇ gahˇ byah-eu deuˬ nehˬ-ehˇ cah-eu tsawˇ haˬ tsawˇ gahˇ ahˇ laˇ-awˇ, aˬ dzawˬ aˇ gah deuˬ nehˬ-ehˇ cawˬ cawˬ-eu tsawˇ haˬ, ya luˬ ya seˇ-iˇ tehꞈ-a.

Dawqdaq 9:6

Dawˇ ga ga-eu tsawˇ haˬ deuˬ-ahˇ byehˇ dzeh-awˇ, zaˬ siˬ tsawˇ gahˇ mehˬ nah caw teh-awˇ dehꞈ-awˬ.”

HeˬByehˇ 12:6

Aˬ jeˬ miˇ neh ehˇnaˇ, Sahˬpaˬ Miˬyehˇ gaˬ-eu gʼaˬ-ahˇ, aˬ yawꞈ mehˬ paˇ tsoˆ paˇ nehˬ-awˇ, Yawꞈ-euˬ zaˬ lehˇ sawˇ-euˬ gʼaˬ-ahˇ, aˬ yawꞈ diˬ paˇ dzaw paˇ-eu meh.”

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.