2 Laˬsaˬbaˬ 20:27 - Akha

²⁷ Yeˬhawˇshaˬpaˇ-aˬ, aˬ yawꞈ-euˬ yehˇ deuˬ sheuˬ-awˇ, laˬ kʼaˬ cehˇ taˆ ni Yeˬluˇsaˬlehˬ meuˬ-ahˇ gʼoꞈ leˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ muiˇ-eu deuˬ-ahˇ Sahˬpaˬ Miˬyehˇ deuˆ gʼaˬ nehˬ-euˬ meh.

2 Laˬsaˬbaˬ 20:27 ပူးပေါင်းရင်းမြစ်များ

2 Laˬsaˬbaˬ 20:26

Oeˬ nah tiˬ nah-ahˇ Beˬlaˬkaˬ deh kʼawˬ-ahˇ aˬ yawꞈ maꞈ uiˬ leˇ-awˇ, Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ miˇ neh, jawˇ duˬ kʼoeˇ tsahˇ-ahˇ Beˬlaˬkaˬ lehˇ kuˇ-euˬ meh.

2 Laˬsaˬbaˬ 20:28

Aˬ yawꞈ maꞈ Yeˬluˇsaˬlehˬ meuˬ-ahˇ gʼoꞈ keuˆ leˇ ngeh, deuˇ-mˬ diˬ, daˇ heh baw-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ le-euˬ meh.

Neˬhaˬmiˇ 12:43

Kʼoeˇ ngeh nah aˬ yawꞈ maꞈ lawˇ-eu shehˇ-eu jeˬ gʼawˬ mya ni mˇ-awˇ, Miˬyehˇ aˬ yawꞈ maꞈ-ahˇ laˬ kʼaˬ cehˇ-eu jeˬ biꞈ-euˬ miˇ neh, aˬ yawꞈ maꞈ laˬ kʼaˬ cehˇ dui dui-eu meh. Zaˬ miˬ zaˬ deuˬ hawˇ-eu zaˬ deuˬ kʼawꞈ bawˬ-iˬ gʼeh gaˇ uiˬ leˇ-awˇ, aˬ yawꞈ maꞈ laˬ kʼaˬ cehˇ cehˇ-ehˇ lawꞈ gʼa-eu teˇ saˇ, gaˇ mahˇ kaˬ gaˇ keuˆ ni gaˬ keuˆ-iˇ-euˬ meh.

Jaceuq 20:5

Nawˇguiˇdeuˆ-eu gʼaˬleˇ-euˬgaˇ, nga maꞈguˇguˇ-ehˇcehˇgʼa-awˇ, aˬdui Miˬyehˇtsawˇmyahˇlaꞈkʼoeˇ, paˇloˬpaˇlehˇka tuˇnehˬma. Nawˇkʼaˇshaˇ-eu yawˬjeˬna luꞈ, SahˬpaˬMiˬyehˇmˇbyah luꞈ-uˇ.

Jaceuq 30:1

Sahˬpaˬ Miˬyehˇ-oˇ, muiˇ-eu deuˬngaˬ-ahˇzuiˆzuiˆ-ehˇ, laˬkʼaˬmaˬbi cehˇ-eu gʼaˇduˬ, nawˇngaˬ-ahˇ ka kʼoꞈ-euˬmiˇneh, nawˬ-ahˇciˬhuiˬciˬmahˇ-eu ma.

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Iˇsaˬyaˇ 51:11

Nawˬ neh ka kʼoꞈ doˆ nehˬ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ ya gʼoꞈ keuˆ laˇ tehꞈ-a. Mˬ maˬ maˬ byaˆ zaˇ ziˇ aˬ yawꞈ maꞈ laˬ kʼaˬ ya cehˇ-awˇ, noeˬ shaˬ noeˬ zahˬ-eu jeˬ laꞈ kʼoeˇ mˬ maˬ maˬ byaˆ zaˇ ziˇ dzeuˇ-iˇ tehꞈ-a.

Yeˬsaˬgeˬlaˇ 46:10

Sahˬ paˬ zaˬ yo gʼaˬ kʼawꞈ, miˇ kʼahˬ zaˬ deuˬ uˇ leˇ-eu yamˬ-ahˇ ya uˇ leˇ-awˇ, miˇ kʼahˬ zaˬ deuˬ doˆ le ngeh yamˬ-ahˇ ya doˆ le meh.

Miˇkaˬ 2:13

Aˬ yawꞈ maꞈ-ahˇ Miˬyehˇ gaˇ ma pah nehˬ-awˇ, aˬ cawˬ neh nyehꞈ gʼeh-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ sheuˬ doˆ nehˬ tehꞈ-a. Meuˬ meuˬ lahˇ-ahˇ aˬ yawꞈ maꞈ tahˬ paˆ doˆ-awˇ, ya buˬ ya law-iˇ tehꞈ-a. Aˬ yawꞈ maꞈ-euˬ sahˬ paˬ pyeuꞈ-eu Sahˬpaˬ Miˬyehˇ-euˬ mawˇ do aˬ yawꞈ maꞈ-ahˇ sheuˬ doˆ gʼeh tehꞈ-a.

HeˬByehˇ 6:20

Aˬ dui-euˬ mehˬ hu, muiˬ-eu shawˇ-eu jawˇ duˬ kʼoeˇ tsahˇ-ahˇ aˬ dui-euˬ dah zaˇ Yeˬsuˇ le uˇ-awˇ, Maˬlaˬkiˇsaˬdehˇ neh tawˬ dzeuˇ yaꞈ-euˬ gaˇ-ahˇ tawˬ-eu mˬ maˬ maˬ byaˆ zaˇ ziˇ piˇ ma yaw huiˬ gʼaˬ pyeuꞈ laˇ-euˬ meh.

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”

1 Saˬmeuˬlaˆ 2:1

Haˬnahˬ guiˬ lahˬ shaˇ-eu, “Sahˬpaˬ Miˬyehˇ, ngaˬ nui ma-ahˇ laˬ kʼaˬ cehˇ jeˬ bi byah-euˬ meh. Yawꞈ neh mˇ-euˬ gaˇ baˬ da neh, laˬ kʼaˬ cehˇ dui dui-eu laꞈ kʼoeˇ, Muiˇ-eu deuˬ-ahˇ ngaˇ uiˇ-eu ma. Miˬyehˇ caw ba laꞈ-euˬ miˇ neh, ngaˇ laˬ kʼaˬ cehˇ dui dui-eu ma.