2 Laˬsaˬbaˬ 20:23 - Akha

²³ Aˬmoˬ tsawˇ haˬ deuˬ hawˇ-eu Mawˇbaˆ tsawˇ haˬ deuˬ Eˬdoˬ guiˇ maꞈ-ahˇ deuˆ-awˇ, dawˬ tawˆ luꞈ deuˆ sehꞈ jiˇ nehˬ-euˬ meh. Kʼoeˇ naˇ, aˬ yawꞈ maꞈ yaw kaˬ yaw kʼaˆ-ehˇ paˇ deuˆ ceh ceh-euˬ meh.

2 Laˬsaˬbaˬ 20:23 ပူးပေါင်းရင်းမြစ်များ

Aˇ dahˬ 14:6

Eˬdoˬ meuˬ-euˬ gawˬ jawˬ gawˬ duˇ doe ni jawˇ-eu Hawˇlaˆ tsawˇ jeuˬ-ahˇ maˬ ehˇ, deuˆ gʼaˬ jiˇ-awˇ, bawˇ tsahˬ bawˇ dahˇ dawˬ peh jaˆ-eu Eˇpaˬlaˬ meuˬ-ahˇ keuˆ ni teh keuˆ gʼeh-euˬ meh.

2 Laˬsaˬbaˬ 20:24

Kʼaˇ shuiꞈ deh yaˇ-ahˇ jaˆ-eu loꞈ-eu nymˇ goˇ-ahˇ Yuˇdaˆ tsawˇ haˬ deuˬ le keuˆ-awˇ, muiˇ-eu deuˬ jawˇ paw haw gʼeh-iˬ ngeh, dawˬ tawˆ luꞈ yaw shiˇ-ehˇ ga gaˇ ya mawˇ-euˬ meh. Tiˬ gʼaˬ-iˬ maˬ dzeuˇ-iˇ ni shiˇ jiˇ-euˬ meh.

2 Laˬsaˬbaˬ 21:8

Yeˬhawˇlamˬ uˆ lahˇ-eu aˇ nah aˇ yamˬ laꞈ kʼoeˇ, Eˬdoˬ miˇ kʼahˬ-aˬ, Yuˇdaˆ miˇ kʼahˬ-ahˇ puiˬ-awˇ, Yuˇdaˆ miˇ kʼahˬ uˆ lahˇ-eu uˬ moˆ maˬ paˇ jawˇ ni yawˬ haˇ yawˬ ha uˆ lahˇ-eu miˇ kʼahˬ tiˬ kʼahˬ pyeuꞈ-iˇ-euˬ meh.

Iˇsaˬyaˇ 19:2

Sahˬpaˬ Miˬyehˇ ehˇ-eu, “Iˇjiˇtuˆ tsawˇ haˬ cawˬ cawˬ guiˇ deuˆ ni ngaˇ kawˆ pyaˆ ma. Mehˇ nmˇ yaw kaˬ tiˬ gʼaˬ tiˇ gʼaˬ dawꞈ-awˇ, nymˇ kaˬ taꞈ-eu deuˬ tiˬ gʼaˬ tiˇ gʼaˬ muiˇ tehꞈ-a. Tiˬ meuˬ tiˇ meuˬ yaw kaˬ guiˇ deuˆ-awˇ, tiˬ kʼahˬ tiˇ kʼahˬ ceh dui dui tehꞈ-a.

Yeˬsaˬgeˬlaˇ 38:21

Guˆ-eu gaˆ-eu yawˬ jeˬ na luꞈ kaꞈ dzahˬ-awˇ Gawˇgaˆ-euˬ kʼoeˇ taˆ bi keuˆ le ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Aˬ yawꞈ-euˬ tsawˇ haˬ deuˬ tiˬ gʼaˬ tiˇ gʼaˬ mi cehˇ coeˇ tehꞈ-a.

Haˬgaiˇ 2:22

Miˇ kʼahˬ deuˬ bi ga ka jiˇ-awˇ, baoˬ bi byoˆ-iˇ jiˇ-eu lehˇ gʼeh-eu ma. Mahˬ laˆ lawˬ deuˬ hawˇ-eu laˆ lawˬ teh-eu deuˬ-ahˇ ngaˇ ngawˬ pyaˆ dzeh ma. Mahˬ deuˬ shiˇ-awˇ, mahˬ laˆ lawˬ teh-eu deuˬ tiˬ gʼaˬ tiˇ gʼaˬ sehꞈ tehꞈ-a.

Dawˬmehˬ 2:5

Ehˇ kʼawꞈ, aˬ yawꞈ maꞈ-ahˇ guiˇ taˬ deuˆ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˇ kʼahˬ aˬ kuiˇ pehˬ zaˬ hui ni tehꞈ-ehˇ kʼawꞈ, naw maꞈ-ahˇ ngaˇ maˬ biꞈ. Eˬdoˬ miˇ kʼahˬ-aˬ, Iˇsawˇ-euˬ zaˬ deuˬ uˆ deuˬ-ahˇ ngaˬ neh biꞈ tsehˆ taˬ-euˬ miˇ kʼahˬ pyeuꞈ-eu ma.

Yawˇshuˆ 24:4

Iˇtsaˆ-ahˇ, Yaˬkoˆ hawˇ-eu Iˇsawˇ biꞈ-euˬ ma. Ehˇ kʼawꞈ, naw maꞈ-euˬ aˬ poeˬ Yaˬkoˆ hawˇ-eu aˬ yawꞈ-euˬ zaˬ deuˬ Iˇjiˇtuˆ miˇ kʼahˬ-ahˇ pawˇ-iˇ-euˬ meh.

Yaˇ kʼaˬ daˇ 7:22

Giˇdoˬ-euˬ tsawˇ haˬ deuˬ daˇ heh baw luꞈ ngeh, muiˇ-eu deuˬ yawˬ ha cawˬ cawˬ mi cehˇ yuˇ-awˇ deuˆ ceh ceh ni, Sahˬpaˬ Miˬyehˇ jahˇ nehˬ-euˬ meh. Aˬ yawꞈ maꞈ Zaˬleˬdaˬ meuˬ paw cehˆ-awˇ, Behˬshiˇtahˇ meuˬ-ahˇ keuˆ ni maˬ ehˇ, Taˬbaˆ meuˬ dawˬ peh jaˆ-eu Aˬbeˬlaˆmeˬhawˇlahˬ meuˬ-ahˇ keuˆ ni maˬ ehˇ, cehˆ-euˬ meh.

1 Saˬmeuˬlaˆ 14:20

Bahˬ leˇ lahˇ leˇ jiˇ-awˇ yawˬ ha tsawˇ haˬ cawˬ cawˬ deuˆ ceh ceh luꞈ-eu Piˇliˇtiˆ tsawˇ haˬ deuˬ jawˇ gaˇ, Sawˇluˆ hawˇ-eu aˬ yawꞈ-euˬ tsawˇ haˬ deuˬ le-awˇ guiˇ deuˆ-euˬ meh.