2 Laˬsaˬbaˬ 20:19 - Akha

¹⁹ Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ hawˇ-eu Kawˇlaˆ aˇ jeuˬ deuˬ tuˇ laˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw kʼaˆ-ehˇ guˇ-awˇ ja ceuˬ-euˬ meh.

2 Laˬsaˬbaˬ 20:19 ပူးပေါင်းရင်းမြစ်များ

1 Laˬsaˬbaˬ 16:42

Heˬmaˬ hawˇ-eu Yeˬduˇdoˬ aˬ nyaꞈ-aˬ, ja ceuˬ-eu caˇ dawˬ caˇ gaˇ zmˬ-eu keu ka deuˬ pyeuꞈ-eu, daˇ heh, cehˇ lehˇ hawˇ-eu, keu ka nui deuˬ-ahˇ ya haw ya pyaˆ-eu meh. Yeˬduˇdoˬ-euˬ aˇ jeuˬ aˇ ca deuˬ-aˬ, gʼoˆ kʼehˬ-ahˇ loꞈ-eu gaˇ mˇ-euˬ meh.

1 Laˬsaˬbaˬ 16:5

Aˬsaˆ-ahˇ aˬ yuiꞈ bi geuꞈ-awˇ, Zaˬkaˬliˇ bi caw ba-euˬ meh. Yeˬyeˬlaˇ, Sheˬmiˇlaˬmoˇ, Yeˬheˬlaˇ, Maˬtiˇdiˇ, Eˇliˇbaˆ, Baˬnaˇyaˬ, Awˇbehˆeˬdoˬ, Yeˬyeˬlaˇ aˬ ha maꞈ-ahˇ deuˇ-mˬ bi diˬ-euˬ meh. Aˬsaˆ gʼaˬ-aˬ cehˇ lehˇ ciˆ-euˬ meh.

1 Laˬsaˬbaˬ 23:5

Oeˬ heˇ gʼaˬ-aˬ, gʼoˆ kʼehˬ-ahˇ loꞈ piˇ-eu gaˇ mˇ-awˇ, oeˬ heˇ gʼaˬ-aˬ, ngaˬ neh biꞈ-euˬ caˇ dawˬ caˇ gaˇ zmˬ-eu keu ka deuˬ yuˇ-awˇ, Sahˬpaˬ Miˬyehˇ-ahˇ caˇ-awˇ ja ceuˬ-eu deuˬ geuꞈ-awˬ.”

2 Laˬsaˬbaˬ 20:18

Kʼoeˇ naˇ, sahˬ paˬ Yeˬhawˇshaˬpaˇ baˬ ba miˇ tsa tuˆ ni awˆ byaˆ-awˇ, tsawˇ haˬ dawˬ tawˆ luꞈ aˬ yawꞈ nehˬ-ehˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

2 Laˬsaˬbaˬ 20:20

Yawˬ nah yawˬ uˬ shawˬ yaw naꞈ-ehˇ, Teˬkawˬ meuˬ dawˬ peh jaˆ-eu bawˇ tsahˬ bawˇ dahˇ-ahˇ aˬ yawꞈ maꞈ iˇ-euˬ meh. Aˬ yawꞈ maꞈ doˆ-iˇ ngeh, aˬ yawꞈ maꞈ-ahˇ Yeˬhawˇshaˬpaˇ heu loꞈ-ehˇ ehˇ nehˬ-euˬ meh. “Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ gʼoe-awˇ, nui ma ziꞈ dah ni taˬ-awˬ. Aˬ yawꞈ-euˬ gʼaˇ duˬ ngehˬ dah-eu gʼaˬ neh ehˇ-euˬ dawˬ-ahˇ naw maꞈ jah-awˬ. Kʼoeˇ loꞈ-ehˇ jah naˇ, naw maꞈ gʼaˬ leˇ tehꞈ-a.”

2 Laˬsaˬbaˬ 5:13

Daˇ heh teˇ saˇ hawˇ-eu caˇ dawˬ caˇ-eu deuˬ-euˬ teˇ saˇ tiˬ teˇ tehꞈ-ehˇ gawꞈ leˇ-awˇ, Sahˬpaˬ Miˬyehˇ-ahˇ ja ceuˬ-euˬ meh. Daˇ heh teˇ saˇ, cehˇ lehˇ ciˆ-eu teˇ saˇ hawˇ-eu, teˇ saˇ gʼawˬ mya jeˬ laˆ mahˇ-eu nehˬ-ehˇ aˬ yawꞈ maꞈ yaw kʼaˆ-ehˇ guˇ kʼaˆ laˇ-awˇ, Sahˬpaˬ Miˬyehˇ-ahˇ heu loꞈ-ehˇ caˇ-awˇ ja ceuˬ-euˬ meh. “Aˬ yawꞈ muiˬ dui dui-awˇ, Aˬ yawꞈ-euˬ gʼoeˇ-eu gaˬ-eu jeˬ, mˬ maˬ maˬ byaˆ ziꞈ-eu miˇ neh, Sahˬpaˬ Miˬyehˇ-ahˇ ja ceuˬ-awˬ.” Kʼoeˇ naˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ juˬ kʼoeˬ tmˬ byah-euˬ meh.

Neˬhaˬmiˇ 9:4

Leˬbiˇ tsawˇ haˬ deuˬ gʼaˇ duˬ guiˇ ga tiˬ ga tsoˆ taˬ-awˇ, Leˬbiˇ tsawˇ haˬ deuˬ pyeuꞈ-eu Yeˬshah, Kaˬdaˬmeˬlaˇ, Sheˬbaˬniˇ, Baˬniˬ, Sheˬleˬbiˇ, Baˬniˬ, Sheˬnaˬniˇ aˬ ha maꞈ, kʼoeˇ-euˬ kʼoeˇ taˆ yawꞈ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw kʼaˆ-ehˇ guˇ-awˇ guiˬ lahˬ shaˇ-euˬ meh.

Jaceuq 44:1

Miˬyehˇ-oˇ, aˇhu-euˬziˇ-ahˇ, nawˬneh mˇ-euˬhuiˬ-eu gaˇdeuˬ, poeˬpiˬja mehˬlaꞈ-euˬloꞈ-ehˇ, nga maꞈ naˬbawˇya gaˬ-euˬma.

Jaceuq 49:1

Tsawˇ haˬ dawˬ tawˆ luꞈ naˇ haˬ sheˇ. Miˇ tsaˬ zaˬ dawˬ tawˆ luꞈ naˬ bawˇ ciˬ kʼmˇ sheˇ.

Jaceuq 81:1

Aˬ dui-ahˇ haw piˇ-eu Miˬyehˇ-ahˇ laˬ kʼaˬ cehˇ-awˇ guˇ-awˬ. Yaˬkoˆ-euˬ Miˬyehˇ-ahˇ caˇ-awˇ ja ceuˬ-awˬ.

Doˆ-iˇ 6:24

Kawˇlaˆ-aˬ, Aˬsiˇlaˆ, Eˇlaˬkaˬnaˬ hawˇ-eu Aˬbyaˬsaˇ lehˇ myahˇ-euˬ aˬ li smˬ li jawˇ-eu meh. Aˬ yawꞈ maꞈ-aˬ, Kawˇlaˆ-euˬ aˇ jeuˬ aˇ ca deuˬ-euˬ aˬ da yaw dzahˇ deuˬ pyeuꞈ-eu meh.