2 Laˬsaˬbaˬ 20:18 - Akha

¹⁸ Kʼoeˇ naˇ, sahˬ paˬ Yeˬhawˇshaˬpaˇ baˬ ba miˇ tsa tuˆ ni awˆ byaˆ-awˇ, tsawˇ haˬ dawˬ tawˆ luꞈ aˬ yawꞈ nehˬ-ehˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

2 Laˬsaˬbaˬ 20:18 ပူးပေါင်းရင်းမြစ်များ

Aˇ dahˬ 24:26

Kʼoeˇ naˇ, zaˬ kʼaˆ kʼoeˇ gʼaˬ pawˬ tsuiꞈ pawˬ dmˬ dmˬ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

2 Laˬsaˬbaˬ 20:19

Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ hawˇ-eu Kawˇlaˆ aˇ jeuˬ deuˬ tuˇ laˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw kʼaˆ-ehˇ guˇ-awˇ ja ceuˬ-euˬ meh.

2 Laˬsaˬbaˬ 29:29

Kʼoeˇ naˇ, sahˬ paˬ Heˬsaˬgiˇ hawˇ-eu tsawˇ haˬ dawˬ tawˆ luꞈ pawˬ tsuiꞈ pawˬ dmˬ dmˬ-awˇ, Miˬyehˇ-ahˇ uˬ duˬ tahˬ-euˬ meh.

2 Laˬsaˬbaˬ 7:3

Mˬ kʼoeˇ taˆ neh miˬ dzaˬ ga le-awˇ, Uˬ duˬ tahˬ nymˇ nymˇ ma laꞈ kʼoeˇ yaw shehꞈ bya gaˇ Iˇsaˬleˬlaˆ tsawˇ haˬ deuˬ ya mawˇ ngeh, miˇ tsa awˆ byaˆ-awˇ, Miˬyehˇ-ahˇ uˬ duˬ tahˬ-eu laꞈ kʼoeˇ, aˬ yawꞈ-euˬ guiˬ lahˬ hawˇ-eu mˬ maˬ maˬ byaˆ zaˇ ziˇ ziꞈ-eu aˬ yawꞈ-euˬ gʼoeˇ-eu gaˬ-eu jeˬ-ahˇ ja ceuˬ-euˬ meh.

Neˬhaˬmiˇ 8:6

“Huiˬ dui mahˇ dui dui-eu Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ Eˇzaˬlaˬ ehˇ ngeh, tsawˇ haˬ dawˬ tawˆ luꞈ aˬ laꞈ baꞈ diˇ-awˇ, “Aˬ miˬ, aˬ miˬ” lehˇ ehˇ-eu meh. Aˬ yawꞈ maꞈ baˬ ba miˇ tsa tuˆ ni pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh.

Yawˇbaˆ 1:20

Kʼoeˇ ngeh, Yawˇbaˆ tsawˬ tuˇ laˇ-awˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-euˬ meh. Aˬ yawꞈ uˬ jehˆ jehˆ dzeh-awˇ, miˇ tsaˬ-ahˇ moꞈ tsahˬ-ehˇ yuꞈ-euˬ meh.

Jaceuq 95:6

Laˇ-awˬ. Aˬ dui dawˬ tawˆ luꞈ awˆ byaˆ-awˇ, aˬ yawꞈ-ahˇ uˬ duˬ tahˬ kaˇ-euˇ. Aˬ dui-ahˇ beh-euˬ yaw sahˇ Sahˬpaˬ Miˬyehˇ mehˬ shi, pawˬ tsuiꞈ pawˬ dmˬ dmˬ kaˇ-euˇ.

Doˆ-iˇ 4:31

Kʼoeˇ ngeh, tsawˇ haˬ kʼoeˇ deuˬ jah laˇ-awˇ, Iˇsaˬleˬlaˆ tsawˇ haˬ deuˬ jawˇ gaˇ Sahˬpaˬ Miˬyehˇ oe-awˇ, aˬ yawꞈ maꞈ ya daˬ luꞈ-eu jeˬ-ahˇ mawˇ gʼaˬ-euˬ gaˇ kawˆ ya gaˬ ngeh, aˬ yawꞈ maꞈ miˇ tsaˬ-ahˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.