2 Laˬsaˬbaˬ 20:10 - Akha

¹⁰ “Nymˬ-mˇ, Aˬmoˬ tsawˇ jeuˬ, Mawˇbaˆ tsawˇ jeuˬ hawˇ-eu, Eˬdoˬ tsawˇ jeuˬ deuˬ nga maꞈ-ahˇ guiˇ deuˆ le luꞈ meh. Nga maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, tsawˇ jeuˬ kʼoeˇ deuˬ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ nawˇ maˬ bi le uˇ-a. Kʼoeˇ miˇ neh, nga maꞈ-euˬ aˬ poeˬ aˬ bawˇ deuˬ gaˇ jaw jaw-awˇ, tsawˇ jeuˬ kʼoeˇ deuˬ-ahˇ maˬ laˆ luˬ maˬ laˆ seˇ nehˬ-aˬ.

2 Laˬsaˬbaˬ 20:10 ပူးပေါင်းရင်းမြစ်များ

2 Laˬsaˬbaˬ 20:1

Aˇ yamˬ ui cuiˆ myahˇ laˇ ngeh, Mawˇbaˆ tsawˇ jeuˬ guiˇ maꞈ hawˇ-eu Aˬmoˬ tsawˇ jeuˬ guiˇ maꞈ deuˬ-aˬ, aˬ yawꞈ maꞈ-ahˇ nui ma taꞈ-eu Myuˇniˆ tsawˇ jeuˬ nehˬ-ehˇ gm leˇ-awˇ, Yuˇdaˆ miˇ kʼahˬ-ahˇ guiˇ deuˆ-eu lehˇ uˇ le-euˬ meh.

2 Laˬsaˬbaˬ 20:22

Aˬ yawꞈ maꞈ Sahˬpaˬ Miˬyehˇ-ahˇ ja ceuˬ-awˇ caˇ dahˬ beh ngeh, muiˇ-eu deuˬ-euˬ guiˇ maꞈ deuˬ-ahˇ Sahˬpaˬ Miˬyehˇ laˆ bahˬ laˆ baˆ nehˬ-euˬ meh.

Jaceuq 83:6

Eˬdoˬ tsawˇ jeuˬ hawˇ-eu Iˇshaˬmeˬlaˇ tsawˇ jeuˬ maˬ ehˇ, Mawˇbaˆ tsawˇ jeuˬ hawˇ-eu Haˬgaˬlaˇ tsawˇ jeuˬ maˬ ehˇ,

Jaceuq 83:7

Geˬbaˬlaˆ tsawˇ jeuˬ, Aˬmoˬ tsawˇ jeuˬ, Aˬmaˬlehˇ tsawˇ jeuˬ, Piˇtiˇtiˆ tsawˇ jeuˬ hawˇ-eu Duˇlu tsawˇ jeuˬ maˬ ehˇ,

Aˬmoˆ 1:11

Sahˬpaˬ Miˬyehˇ ehˇ-eu, “Eˬdoˬ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˇ jeuˬ aˇ ca pyeuꞈ-eu Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ shaˬ teh teh-eu loꞈ-ehˇ teh -awˇ, gʼawˬ shaˬ gaˬ-eu nui ma tiˬ pawꞈ-iˬ maˬ ahˇ-a. Aˬ yawꞈ maꞈ nui ma pehˇ-eu yaw li maˬ baw-ehˇ, tiˬ jawˇ-iˬ pehˇ taˬ-euˬ maˬ baw-a.

Dawˬmehˬ 2:19

Kʼoeˇ naˇ, Lawˇtaˬ-euˬ zaˬ deuˬ uˆ deuˬ pyeuꞈ-eu Aˬmoˬ tsawˇ jeuˬ jawˇ-eu miˇ kʼahˬ dawˬ peh naw maꞈ le keuˆ tehꞈ-a. Aˬ yawꞈ maꞈ-ahˇ naw maꞈ taˬ laˆ bahˬ nehˬ. Guiˇ kʼawꞈ taˬ deuˆ nehˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˇ kʼahˬ naw maꞈ-ahˇ ngaˇ maˬ biꞈ’ lehˇ ehˇ-eu meh.”

Dawˬmehˬ 2:9

Sahˬpaˬ Miˬyehˇ ngaˬ-ahˇ ehˇ-eu, ‘Lawˇtaˬ-euˬ zaˬ deuˬ uˆ deuˬ pyeuꞈ-eu Mawˇbaˆ tsawˇ haˬ deuˬ-ahˇ taˬ laˆ bahˬ nehˬ. Guiˇ kʼawꞈ taˬ deuˆ nehˬ. Aˬ jeˬ miˇ neh ehˇ naˇ, ngaˇ aˬ yawꞈ maꞈ-ahˇ Aˇlaˆ meuˬ biꞈ taˬ-euˬ ma. Aˬ yawꞈ maꞈ-euˬ miˇ kʼahˬ tiˬ pyehˬ tehˬ-ehˇ kʼawꞈ, naw maꞈ-ahˇ ngaˇ maˬ biꞈ’ lehˇ ehˇ-eu meh.”