2 Laˬsaˬbaˬ 2:12 - Akha

¹² Mˬ hawˇ-eu miˇ-ahˇ beh-euˬ Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Noeˬ siˬ noeˬ mawˇ nya-eu jeˬ hawˇ-eu mˇ nya shaˇ nya-eu jeˬ tiˬ byah ni ahˇ-eu gʼaˬ pyeuꞈ-awˇ, Sahˬpaˬ Miˬyehˇ-euˬ uˬ duˬ tahˬ nymˇ hawˇ-eu, yawˬ ha jawˇ-eu gʼaˇ duˬ sahˬ paˬ-euˬ hawˇ nymˇ tsoˆ-eu lehˇ lehˬ hmˬ luꞈ-eu tsawˇ gahˇ ahˇ dui dui-eu aˬ li tiˬ li, Daˬbiˇ-ahˇ Miˬyehˇ biꞈ nehˬ-euˬ meh.

2 Laˬsaˬbaˬ 2:12 ပူးပေါင်းရင်းမြစ်များ

1 Sahˬpaˬ 5:7

Sawˇlaˬmoˬ neh tsaꞈ ahˇ gʼeh-euˬ dawˬ-ahˇ Hiˇlamˬ ya gaˬ ngeh, nui kʼahˇ shiˇ dui dui-awˇ, “Huiˬ dui dui-eu tsawˇ jeuˬ kʼoeˇ jeuˬ kʼoeˇ taˆ sahˬ paˬ geuꞈ-awˇ bi uˆ lahˇ-eu gʼaˇ duˬ, tsawˇ gahˇ ahˇ-eu aˬ li tiˬ li Daˬbiˇ-ahˇ biꞈ-euˬ miˇ neh, Sahˬpaˬ Miˬyehˇ-ahˇ ja ceuˬ-awˬ” lehˇ ehˇ-eu meh.

1 Laˬsaˬbaˬ 29:20

Kʼoeˇ naˇ, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ, tsawˇ haˬ aˇ maꞈ-ahˇ Daˬbiˇ ehˇ nehˬ-euˬ meh. Tsawˇ haˬ aˇ maꞈ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ awˆ byaˆ-awˇ, Sahˬpaˬ Miˬyehˇ hawˇ-eu aˬ yawꞈ-euˬ sahˬ paˬ-ahˇ yaw zeu baw nehˬ-euˬ meh.

2 Laˬsaˬbaˬ 2:1

Sahˬpaˬ Miˬyehˇ-ahˇ uˬ duˬ tahˬ-eu nymˇ tiˬ nymˇ hawˇ-eu, aˬ yawꞈ jawˇ-eu sahˬ paˬ-euˬ hawˇ nymˇ tiˬ nymˇ tsoˆ-eu gʼaˇ duˬ, sahˬ paˬ Sawˇlaˬmoˬ noeˬ tsehˆ-euˬ meh.

2 Laˬsaˬbaˬ 2:13

Huˇlamˬ lehˇ myahˇ-euˬ nya dui dui-eu ba jiˬ tiˬ gʼaˬ nawˇ jawˇ gaˇ ngaˇ pyehˬ gʼeh leꞈ ma.

Jaceuq 102:25

Aˇ hu ba neh miˇ tsaˬ tahˬ kʼawˇ nawˇ beh-awˇ, nawˬ-euˬ aˬ laꞈ neh mˬ sawˆ pyeuꞈ taˬ-euˬ meh.

Jaceuq 102:5

Ngaˇ yaw kʼaˆ-ehˇ mahˇ mahˇ-ehˇ jawˇ-eu miˇ neh shaˬ yoeˬ kʼoeˇ taˆ baˆ kʼoˆ tsoꞈ-eu tehꞈ miˇ-a.

Jaceuq 124:8

Mˬ hawˇ-eu miˇ-ahˇ beh-euˬ Sahˬpaˬ Miˬyehˇ laꞈ kʼoeˇ, aˬ dui-ahˇ caw ba-eu jeˬ doˆ le-euˬ meh.

Jaceuq 33:6

SahˬpaˬMiˬyehˇdawˬbiꞈnehˬ-awˇ, mˬdawˬtawˆ-ahˇbeh taˬ-euˬmeh. Mˬtaˆ aˬguiˇ ba la nahˇma, aˬyawꞈ-euˬsaꞈneh beh-euˬmeh.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Luˇkaꞈ 1:68

“Aˬ yawꞈ-euˬ tsawˇ haˬ deuˬ shaˬ gaˇ, ka kʼoꞈ doˆ nehˬ le-euˬ miˇ neh, Iˇsaˬleˬlaˆ Miˬyehˇ pyeuꞈ-eu, SahˬpaˬMiˬyehˇ-ahˇ ja ceuˬ ma.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.

Gʼaˬkʼehˇ 4:24

Aˬ yawꞈ nyaꞈ dzawˇ mehˬ gaˇ jah-eu tsawˇ haˬ deuˬ ya gaˬ ngeh, tiˬ kawˆ loꞈ-ehˇ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Mˬ hawˇ-eu miˇ-ahˇ maˬ ehˇ, iˬ ma laˆ shaˆ hawˇ-eu kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ maˬ ehˇ, beh-euˬ yaw sahˇ pyeuꞈ-eu Dawˬ tawˆ kʼoeˇ taˆ uˆ lahˇ-eu SahˬpaˬMiˬyehˇ-oˇ,

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

Panmaeq 10:6

Kʼoeˇ naˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu, mˬ, miˇ, iˬ ma laˆ shaˆ hawˇ-eu kʼoeˇ deuˬ-euˬ laꞈ kʼoeˇ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ beh-euˬ Miˬyehˇ-euˬ tsawˇ myahˇ uˬ moˆ heu loꞈ-ehˇ kamˬ-eu meh. “Aˇ yamˬ maˬ paˇ jiˆ nya meh.

Panmaeq 4:11

“Nga maꞈ-euˬ Sahˬpaˬ Miˬyehˇ-oˇ, yawˬ jeˬ na luꞈ nawˬ neh beh-awˇ, nawˬ-euˬ nui kʼahˇ baˬ da baˇ neh, jaˆ luꞈ jawˇ luꞈ-eu baˬ da neh, yaw shehꞈ kʼahˬ sehˇ maˬ ehˇ, taˬ huiˬ taˬ mahˇ-eu jeˬ maˬ ehˇ, baoˬ maˬ ehˇ, nawˇ za geuˇ-eu meh.”