2 Laˬsaˬbaˬ 19:2 - Akha

² Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

2 Laˬsaˬbaˬ 19:2 ပူးပေါင်းရင်းမြစ်များ

1 Sahˬpaˬ 16:1

Haˬnaˬniˇ-euˬ aˬ li Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Yeˬhuˇ-ahˇ Sahˬpaˬ Miˬyehˇ dawˬ ngehˬ cawˬ-awˇ, Bawˬshaˬ-ahˇ heu loꞈ-ehˇ bi ehˇ nehˬ-euˬ meh.

1 Sahˬpaˬ 16:12

Miˬyehˇ gʼaˇ duˬ ngehˬ dah-eu Yeˬhuˇ-ahˇ gʼoe-awˇ Bawˬshaˬ-ahˇ Sahˬpaˬ Miˬyehˇ neh ehˇ nehˬ taˬ-euˬ loꞈ-ehˇ, Bawˬshaˬ-euˬ miˬ sawˇ zaˬ dawˬ tawˆ luꞈ-ahˇ Zmˇliˬ neh sehꞈ jiˇ-euˬ meh,

1 Sahˬpaˬ 16:7

Bawˬshaˬ neh Sahˬpaˬ Miˬyehˇ-ahˇ mˇ lehˬ-euˬ iˬ baˇ baˬ da neh, Bawˬshaˬ hawˇ-eu aˬ yawꞈ-euˬ nymˇ jiˇ-ahˇ Sahˬpaˬ Miˬyehˇ neh ehˇ nehˬ-euˬ dawˬ deuˬ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Yeˬhuˇ neh aˬ yawꞈ-ahˇ tsaꞈ gaˬ nehˬ leˇ-euˬ meh. Aˬ yawꞈ-euˬ mehˬ hu sahˬ paˬ Yeˬyawˇbamˬ neh mˇ dzeuˇ yaꞈ-euˬ loꞈ-ehˇ, yawˬ ha neh mˇ lehˬ shaˇ lehˬ-euˬ iˬ baˇ baˬ da neh tehꞈ-ehˇ Sahˬpaˬ Miˬyehˇ nui ma bi pehˇ-eu maˬ ngeuˇ-ehˇ, Yeˬyawˇbamˬ-euˬ miˬ sawˇ zaˬ dawˬ tawˆ luꞈ-ahˇ aˬ yawꞈ sehꞈ-euˬ baˬ da neh kʼawꞈ, Sahˬpaˬ Miˬyehˇ nui ma pehˇ ni jahˇ-euˬ meh.

1 Sahˬpaˬ 21:25

(Aˬ yawꞈ-euˬ miˬ zaˬ Yeˬsaˬbeˬlaˇ kʼehˇ-eu baˬ da neh , Sahˬpaˬ Miˬyehˇ mehˬ shi maˇ maˇ ni iˬ baˇ mˇ ma lehˇ noeˬ tsehˆ-euˬ, Aˬhaˆ loꞈ-ehˇ gʼeh-eu tsawˇ haˬ tiˬ gʼaˬ-iˬ maˬ jawˇ-a.

1 Sahˬpaˬ 22:44

Yeˬhawˇshaˬpaˇ-aˬ, Iˇsaˬleˬlaˆ sahˬ paˬ nehˬ-ehˇ tsaˬ leˇ dzoeˇ leˇ-eu laꞈ kʼoeˇ dehꞈ-euˬ meh.

2 Laˬsaˬbaˬ 16:7

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu Haˬnaˬniˇ gʼaˬ sahˬ paˬ Aˬsaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ maˬ gʼoe-ehˇ, Suˇliˆ sahˬ paˬ-ahˇ nawˇ laꞈ jeuˬ shaˇ-euˬ miˇ neh, Iˇsaˬleˬlaˆ sahˬpaˬ-euˬ guiˇ maꞈ deuˬ nawˬ-euˬ laꞈ-ahˇ neh cehˆ dzeuˇ-euˬ meh.

2 Laˬsaˬbaˬ 18:1

Yuˇdaˆ sahˬ paˬ Yeˬhawˇshaˬpaˇ smˇ muiˬ muiˬ laˇ-awˇ tsawˇ myahˇ doˆ laˇ ngeh, aˬ yawꞈ-euˬ nymˇ kʼahˬ zaˬ tiˬ gʼaˬ hawˇ-eu Iˇsaˬleˬlaˆ sahˬ paˬ Aˬhaˆ-euˬ nymˇ kʼahˬ zaˬ tiˬ gʼaˬ bi sheuˬ dahˬ dzaˬ taꞈ-eu laꞈ kʼoeˇ, Aˬhaˆ nehˬ-ehˇ cawˬ cawˬ taꞈ-euˬ meh.

2 Laˬsaˬbaˬ 18:28

Kʼoeˇ naˇ, Iˇsaˬleˬlaˆ sahˬ paˬ Aˬhaˆ hawˇ-eu Yuˇdaˆ sahˬ paˬ Yeˬhawˇshaˬpaˇ aˬ nyaꞈ, Giˇlaˆ miˇ kʼahˬ-ahˇ jaˆ-eu Laˬmoˆ meuˬ-ahˇ guiˇ deuˆ leˇ-euˬ meh.

2 Laˬsaˬbaˬ 18:3

“Giˇlaˆ miˇ kʼahˬ Laˬmoˆ meuˬ-ahˇ ngaˬ nehˬ-ehˇ guiˇ deuˆ leˇ ma loˇ” lehˇ, Yuˇdaˆ sahˬ paˬ Yeˬhawˇshaˬpaˇ-ahˇ Iˇsaˬleˬlaˆ sahˬ paˬ Aˬhaˆ naˇ haˬ-euˬ meh. Yeˬhawˇshaˬpaˇ ehˇ-eu, “Nawˇ kʼaˇ dah laˇ ngeh nawˬ nehˬ-ehˇ le-eu gʼaˇ duˬ ngaˇ lehˬ hmˬ dah taˬ-euˬ ma. Ngaˬ-euˬ guiˇ maꞈ kʼawꞈ lehˬ hmˬ dah taˬ-euˬ ma. Nga maꞈ nawˬ nehˬ-ehˇ guiˇ deuˆ leˇ ma.

2 Laˬsaˬbaˬ 18:7

Aˬhaˆ ehˇ-eu, “Ymˇlahˬ-euˬ aˬ li Miˇkaˬyaˇ lehˇ myahˇ-euˬ tiˬ gʼaˬ jawˇ-a siˬ. Ehˇ kʼawꞈ, aˬ yawꞈ ngaˬ-ahˇ yaw muiˬ jeˬ tiˬ jeˬ-iˬ maˬ ngehˬ dah nehˬ laꞈ-eu miˇ neh, aˬ yawꞈ-ahˇ ngaˇ bye dui dui nya. Aˬ myah luꞈ maˬ muiˬ-eu jeˬ tehꞈ-ehˇ aˬ yawꞈ ngehˬ dah-eu meh.” Yeˬhawˇshaˬpaˇ ehˇ-eu, “Nawˇ teu loꞈ-ehˇ ehˇ-eu maˬ tsaˬ-eu paˬ.”

2 Laˬsaˬbaˬ 19:1

Yuˇdaˆ sahˬ paˬ Yeˬhawˇshaˬpaˇ-aˬ, Yeˬluˇsaˬlehˬ meuˬ-ahˇ jaˆ-eu sahˬ paˬ-euˬ nymˇ-ahˇ yaw muiˬ paˬ-ehˇ gʼoꞈ keuˆ-iˇ-euˬ meh.

2 Laˬsaˬbaˬ 19:10

Meuˬ nui deuˬ-ahˇ jawˇ luꞈ-eu naw maꞈ-euˬ miˇ kʼahˬ zaˬ deuˬ, tsawˇ haˬ sehꞈ-euˬ maˬ ehˇ, miˇ kʼahˬ zahˇ sahˇ kʼoꞈ-ahˇ mˇ bahˬ-euˬ maˬ ehˇ, zahˇ dawˬ kʼoꞈ dawˬ-ahˇ mˇ bahˬ-euˬ maˬ ehˇ, kʼoeˇ loꞈ-ehˇ gʼeh-eu gaˇ kawˆ doˆ laˇ-awˇ naw maꞈ jawˇ gaˇ laˇ keuˆ ngeh, aˬ yawꞈ maꞈ-ahˇ yaˇ kʼaˬ daˇ nehˬ-eu aˇ yamˬ laꞈ kʼoeˇ Sahˬpaˬ Miˬyehˇ-ahˇ maˬ ya mˇ bahˬ-eu gʼaˇ duˬ, aˬ joˆ-ehˇ ya ngehˬ ya tmˇ-awˇ, aˬ joˆ-ehˇ ya dehꞈ-eu gaˇ kawˆ deuˬ, aˬ yawꞈ maꞈ-ahˇ yaw muiˬ paˬ-ehˇ mehˬ nehˬ tsoˆ nehˬ-awˬ. Naw maꞈ kʼoeˇ loꞈ-ehˇ maˬ mehˬ maˬ tsoˆ nehˬ naˇ, naw maꞈ hawˇ-eu naw maꞈ-euˬ miˇ kʼahˬ zaˬ kʼoeˇ deuˬ kʼoeˇ taˆ, Sahˬpaˬ Miˬyehˇ nui ma pehˇ-eu jeˬ keuˆ le tehꞈ-a. Ehˇ kʼawꞈ, kʼoeˇ loꞈ-ehˇ mehˬ nehˬ tsoˆ nehˬ naˇ, naw maꞈ iˬ baˇ maˬ ahˇ-a.

2 Laˬsaˬbaˬ 20:34

Yeˬhawˇshaˬpaˇ neh kʼaˇ mˇ kʼaˇ shaˇ yaꞈ-euˬ yawˬ jeˬ na luꞈ aˇ dahˬ beh gaˇ neh aˇ saˬ saˬ gaˇ keuˆ ni, Haˬnaˬniˇ-euˬ aˬ li Yeˬhuˇ neh boꞈ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh. Sahˬ boꞈ kʼoeˇ taꞈ-aˬ, Iˇsaˬleˬlaˆ tsawˇ jeuˬ-euˬ sahˬ paˬ deuˬ gaˇ kawˆ boꞈ taˬ-euˬ Laˬsaˬbaˬ sahˬ boꞈ laꞈ kʼoeˇ ahˇ-eu aˇ deuˆ tiˬ deuˆ pyeuꞈ-eu meh.

2 Laˬsaˬbaˬ 24:18

Kʼoeˇ miˇ neh, miˇ kʼahˬ zaˬ deuˬ aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ-eu jeˬ-ahˇ byehˇ dzeh-awˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ hawˇ-eu tahˬ pahˬ aˬ ma mawˇ kawˇ nui deuˬ-ahˇ uˬ duˬ tahˬ-euˬ meh. Aˬ yawꞈ maꞈ kʼoeˇ loꞈ-ehˇ iˬ baˇ mˇ-euˬ baˬ da neh, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ kʼoeˇ taˆ Sahˬpaˬ Miˬyehˇ nui ma pehˇ-eu jeˬ keuˆ le luꞈ-eu meh.

2 Laˬsaˬbaˬ 26:18

Aˬ yawꞈ maꞈ ehˇ-eu, “Awˇziˇ-oˇ, Sahˬpaˬ Miˬyehˇ-ahˇ yaw saw jeˬ doꞈ damˬ-eu gaˇ heu nawˇ mˇ-eu zahˇ sahˇ kʼoꞈ-ahˇ maˬ tsaˬ-a. Aˬloˬ-euˬ zaˬ deuˬ uˆ deuˬ tehꞈ-ehˇ heu loꞈ-ehˇ mˇ-eu gʼaˇ duˬ gʼawˇ mawˇ a nehˬ taˬ-euˬ meh. Muiˬ-eu shawˇ-eu jawˇ duˬ heu tsahˇ-ahˇ neh doˆ-iˇ-awˬ. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ mˇ bahˬ-euˬ miˇ neh, aˬ yawꞈ-euˬ guiˬ lahˬ nawˇ maˬ paˇ za nya meh.”

2 Laˬsaˬbaˬ 32:25

Ehˇ kʼawꞈ, Heˬsaˬgiˇ-aˬ, nui ma huiˬ-eu mahˇ-eu jeˬ ahˇ-awˇ, Sahˬpaˬ Miˬyehˇ neh aˬ yawꞈ-ahˇ caw ba nehˬ-euˬ guiˬ lahˬ-ahˇ maˬ noeˬ keuˆ-a. Kʼoeˇ miˇ neh, Sahˬpaˬ Miˬyehˇ nui ma pehˇ-eu jeˬ-ahˇ Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ ya daˬ-euˬ meh.

Jaceuq 15:4

Miˬyehˇneh byehˇdzeh-euˬdeuˬ-ahˇ, yahˇpawˇ-awˇdehꞈgʼeh-eu tsawˇhaˬ, Miˬyehˇ-ahˇguˆ-eu tsawˇhaˬ-ahˇ, taˬhuiˬtaˬmahˇnehˬ-eu tsawˇhaˬ, yawˬha saˇjaˇdzaˬ-euˬjeˬ-ahˇ, shaˬkʼawꞈsaˇkʼawꞈziꞈ-eu tsawˇhaˬ,

Jaceuq 21:8

Muiˇ-eu tsawˇhaˬdawˬtawˆluꞈ-ahˇ, sahˬpaˬneh bi nyehꞈmi jiˇ-awˇ, aˬyawꞈ-ahˇbye-eu tsawˇhaˬdeuˬ, dawˬtawˆluꞈbi nyehꞈjiˇtehꞈ-a.

Jaceuq 68:1

Miˬyehˇ tsawˬ tuˇ laˇ-awˇ, aˬ yawꞈ-ahˇ muiˇ-eu deuˬ-ahˇ teh byaˆ-eu meh. Aˬ yawꞈ-ahˇ bye-eu tsawˇ haˬ deuˬ aˬ yawꞈ mehˬ shi cehˆ byaˆ jiˇ-eu meh.

Jaceuq 71:15

Nawˇ muiˬ-eu jeˬ gaˇ kawˆ ngaˇ ja ma. Nawˬ-euˬ ka kʼoꞈ-eu jeˬ gaˇ kawˆ-ahˇ ngaˇ maˬ siˬ maˬ mawˇ byah nya kʼawꞈ, gaˇ kawˆ kʼoeˇ nah ga-ehˇ ngaˇ ja ma.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Aˬmoˆ 7:14

Aˬmoˆ ehˇ-eu, “Ngaˇ-aˬ, aˇ poeˬ ya dzaˬ gaˇ haw-awˇ Miˬyehˇ gʼaˇ duˬ ngehˬ dah luꞈ-eu tsawˇ haˬ maˬ ngeuˇ. Jeˬ zaˬ cu-awˇ siˬ guˬ yaˇ kmˇ mˇ dzaˬ-eu tsawˇ haˬ ma.

Yoˇhaˬ 15:18

“Miˇ tsaˬ zaˬ naw maꞈ-ahˇ muiˇ laˇ ngeh, naw maꞈ-ahˇ maˬ muiˇ mi naˆ-ehˇ ngaˬ-ahˇ jeˬ huˬ muiˇ-euˬ meh lehˇ siˬ nya-awˬ.

Yoˇhaˬ 15:23

Ngaˬ-ahˇ muiˇ-eu tsawˇ haˬ-aˬ, ngaˬ Da-ahˇ kʼawꞈ muiˇ gaˇ duˇ-eu meh.

Lormav 1:18

Yaw tsaˬ yaw dawˇ jeˬ-ahˇ aˬ cawˬ maˬ mawˇ nya ni laˆ tsoeˬ-eu tsawˇ haˬ zaˬ-euˬ iˬ baˇ hawˇ-eu yaw haiˬ jeˬ mˇ gaˇ, Miˬyehˇ nui ma pehˇ-eu laꞈ kʼoeˇ tsawˇ haˬ zaˬ-ahˇ yaˇ kʼaˬ daˇ-eu gaˇ kawˆ, mˬ-ahˇ neh pah mehˬ leꞈ-euˬ meh.

Lormav 1:30

Tiˬ gʼaˬ tiˇ gʼaˬ ja bu ja doeˇ-eu, Miˬyehˇ-ahˇ muiˇ-eu, aˬ cawˬ-ahˇ ngehˬ coeˬ ehˇ coeˬ-eu, yawˬ haˇ yawˬ ha taˬ huiˬ-eu, kʼahˬ sehˇ jehˆ-eu, yaw haiˬ jeˬ mˇ-eu gʼaˇ duˬ kʼaˆ kʼaˆ ni shaˇ noeˬ-eu, aˬ da aˬ ma ehˇ dawˬ maˬ naˇ haˬ-eu, heu deuˬ kʼawꞈ ahˇ-eu meh.

Lormav 1:32

Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.

Lormav 8:7

Tsawˇ haˬ ti gʼaˬ yawˬ ha-euˬ shiˬ shaˬ jiˇ nui noeˬ neh bi uˆ lahˇ shaw naˇ, Miˬyehˇ-ahˇ muiˇ-eu tsawˇ haˬ pyeuꞈ laˇ-eu meh. Aˬ jeˬ miˇ neh ehˇ naˇ, Miˬyehˇ-euˬ zahˇ dawˬ kʼoꞈ dawˬ-ahˇ aˬ yawꞈ maˬ caw teh-a. Caw teh-eu gʼaˇ duˬ maˇ maˇ ni maˬ gʼeh nya-a.

Eˇpeˇsu 5:11

A cawˬ mˇ luꞈ-eu yaw zahˇ-ahˇ taꞈ leˇ-eu gaˇ dahˇ maˬ tsoeˬ-eu jeˬ-ahˇ tiˬ pawꞈ-iˬ maˬ mˇ ni, yaw shehꞈ laꞈ kʼoeˇ yuˇ doˆ laꞈ-awˬ.

Dawˬmehˬ 32:41

Ngaˬ-euˬ mi cehˇ ngaˇ siˬ taˆ-awˇ, yaw tsaˬ yaw dawˇ jeˬ mˇ byah ma. Muiˇ-eu deuˬ-ahˇ laꞈ poˆ poˆ-awˇ, ngaˬ-ahˇ bye gaˇ ngaˇ kʼehˬ nehˬ ma.

Dawˬmehˬ 33:11

Yawꞈ maꞈ tsawˇ jeuˬ gʼaˬ kʼaˆ laˇ ni, Sahˬpaˬ Miˬyehˇ caw ba nehˬ-awˬ. Yawꞈ maꞈ mˇ gaˇ nui ma tsaˬ-awˇ, muiˇ-eu deuˬ-ahˇ laˆ cawˆ nehˬ-awˇ, maˬ tuˇ laˇ coeˇ ni kʼehˬ nehˬ-awˬ.”

Dawˬmehˬ 5:9

Tahˬ pahˬ aˬ ma mawˇ kawˇ mehˬ shi nawˇ awˆ byaˆ-awˇ uˬ duˬ maˬ ya tahˬ-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, myaˆ naˆ-eu Miˬyehˇ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ-awˇ, aˬ yawꞈ maꞈ-euˬ zaˬ ziˇ smˬ ziˇ oeˬ ziˇ keuˆ ni ngaˇ kʼehˬ ma.

Dawˬmehˬ 7:10

Ehˇ kʼawꞈ, aˬ yawꞈ-ahˇ bye-eu tsawˇ haˬ-ahˇ aˬ yawꞈ maˬ nyi naˬ ni kʼehˬ nehˬ kʼaˆ nehˬ tehꞈ-a.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.

1 Saˬmeuˬlaˆ 9:9

(Aˇ hu maˇ diˇ aˇ hu-aˬ, tsawˇ haˬ tiˬ gʼaˬ na Miˬyehˇ gaˇ kawˆ siˬ mawꞈ naˇ, ‘Laˇ-awˬ. Shaˆ ma jawˇ gaˇ le kaˇ-euˇ’ lehˇ ehˇ-eu meh. Aˬ jeˬ miˇ neh ehˇ naˇ, nymˬ-mˇ Miˬyehˇ gʼaˇ duˬ ngehˬ dah-eu gʼaˬ lehˇ kuˇ gaˇ, aˇ hu shaˆ ma lehˇ kuˇ-euˬ meh.)