2 Laˬsaˬbaˬ 18:34 - Akha

³⁴ Guiˇ yaw kʼaˆ -ehˇ deuˆ luꞈ ngeh, aˬ yawꞈ-euˬ mahˬ laˆ lawˬ kʼoeˇ taˆ aˬ cawˬ-ahˇ kʼawˬ daˇ-awˇ, Suˇliˆ tsawˇ haˬ deuˬ jawˇ paw ciˬ pyawˇ-awˇ jawˇ-euˬ meh. Nahˇ ma ga ahˇ ngeh yamˬ-ahˇ aˬ yawꞈ shiˇ tsehˆ-euˬ meh.

2 Laˬsaˬbaˬ 18:34 ပူးပေါင်းရင်းမြစ်များ

2 Laˬsaˬbaˬ 18:16

Miˇkaˬyaˇ ehˇ-eu, “Yawˇ bo-eu yaw sahˇ maˬ baw-eu yawˇ deuˬ loꞈ-ehˇ, Iˇsaˬleˬlaˆ yehˇ deuˬ gawˬ jawˬ gawˬ duˇ doe ni cehˆ byaˆ taˬ-euˬ ngaˬ-ahˇ mawˇ le-euˬ meh. Kʼoeˇ ngeh, Sahˬpaˬ Miˬyehˇ ehˇ-eu, ‘Tsawˇ haˬ heu deuˬ-aˬ, aˬ yuiꞈ geuꞈ-awˇ sheuˬ gʼeh nehˬ-euˬ gʼaˬ, maˬ jawˇ-a. Aˬ yawꞈ maꞈ-ahˇ coꞈ ngehˇ ni bi gʼoꞈ-iˇ-awˬ’ lehˇ ehˇ-eu meh.”

2 Laˬsaˬbaˬ 18:19

Kʼoeˇ ngeh, Laˬmoˆ meuˬ-ahˇ Aˬhaˆ le-awˇ, aˬ cawˬ neh bi deuˆ sehꞈ ni, aˬ yawꞈ-ahˇ aˬ suˇ gʼaˬ mehˇ shuiˇ shuiˇ-iˇ nmˇ lehˇ, Sahˬpaˬ Miˬyehˇ ehˇ ngeh, mˬ taˆ gʼaˬ kʼehˇ deuˬ tiˬ gʼaˬ tiˬ jeˬ ehˇ-eu meh.

2 Laˬsaˬbaˬ 18:27

Miˇkaˬyaˇ ehˇ-eu, “Nawˇ tiˬ jeˬ-iˬ maˬ gʼeh ni gʼoꞈ keuˆ le lawˬ naˇ, Sahˬpaˬ Miˬyehˇ ngaˬ-ahˇ gʼoe-awˇ dawˬ bi ngehˬ dah nehˬ laꞈ-euˬ maˬ ngeuˇ-aˇ. Ngaˬ neh ehˇ-euˬ dawˬ-ahˇ yawˬ gʼaˬ na luꞈ naˇ haˬ taˬ-awˬ.”

2 Laˬsaˬbaˬ 18:33

Ehˇ kʼawꞈ, Suˇliˆ yehˇ tiˬ gʼaˬ neh beuˆ gʼeh leꞈ-euˬ kaˆ myaˬ tiˬ myaˬ-aˬ, sahˬ paˬ Aˬhaˆ dm luꞈ-eu shmˇ pehˇ kʼahˬ maˇ byoe-ahˇ maˬ noeˬ maˬ duˇ-ehˇ beuˆ ahˇ gʼeh-awˇ, aˬ yawꞈ-ahˇ zaw leˇ-euˬ meh. Aˬ yawꞈ-euˬ mahˬ laˆ lawˬ teh-eu gʼaˬ-ahˇ, “Ngaˬ-ahˇ zaw laˇ-euˬ miˇ-a. Mehˬ nah paw zeuˆ pyawˇ-awˇ, guiˇ deuˆ luꞈ gaˇ neh iˇ doˆ gʼeh-awˬ” lehˇ, aˬ yawꞈ ehˇ nehˬ-euˬ meh.

2 Laˬsaˬbaˬ 19:1

Yuˇdaˆ sahˬ paˬ Yeˬhawˇshaˬpaˇ-aˬ, Yeˬluˇsaˬlehˬ meuˬ-ahˇ jaˆ-eu sahˬ paˬ-euˬ nymˇ-ahˇ yaw muiˬ paˬ-ehˇ gʼoꞈ keuˆ-iˇ-euˬ meh.

Dawqdaq 13:21

Iˬ baˇ mˇ-eu deuˬ-euˬ mehˬ nah guˆ-eu gaˆ-eu jeˬ caw teh-awˇ, yaw tsaˬ yaw dawˇ deuˬ mehˬ shi guiˬ lahˬ keuˆ le tehꞈ-a.

Dawqdaq 28:17

Aˬ cawˬ-ahˇ sehꞈ-eu tsawˇ haˬ-aˬ, yawˬ ha lmˬ bymˇ yawˬ ha duˬ tehˇ tehˬ gaˇ duˇ-eu meh. Aˬ yawꞈ-ahˇ taˬ laˆ tsoeˬ nehˬ.

Bawˇtsahˬ 32:23

Ehˇ kʼawꞈ, naw maꞈ neh ehˇ taˬ-euˬ loꞈ-ehˇ naw maꞈ saˇ jaˇ maˬ ziꞈ naˇ, Sahˬpaˬ Miˬyehˇ-ahˇ naw maꞈ mˇ lehˬ-eu meh lehˇ naw maꞈ-ahˇ ngaˇ nymˬ-mˇ mi naˆ-ehˇ ehˇ taˬ-eu ma. Naw maꞈ tiˬ jeˬ-iˬ maˬ ya mˇ lehˬ ni yahˇ-awˬ. Maˬ ngeuˇ naˇ, naw maꞈ-euˬ iˬ baˇ baˬ da neh kʼehˬ nehˬ kʼaˆ nehˬ-eu jeˬ-ahˇ naw maꞈ ya daˬ tehꞈ-a.