2 Laˬsaˬbaˬ 18:13 - Akha

¹³ Ehˇ kʼawꞈ, Miˇkaˬyaˇ ehˇ-eu, “Miˬyehˇ neh kʼaˇ bi ehˇ-euˬ loꞈ-ehˇ tehꞈ-ehˇ ngaˇ ehˇ ma lehˇ, dehꞈ luꞈ-eu Sahˬpaˬ Miˬyehˇ-euˬ mehˬ shi ngaˇ saˇ jaˇ dzaˬ-eu ma.”

2 Laˬsaˬbaˬ 18:13 ပူးပေါင်းရင်းမြစ်များ

1 Sahˬpaˬ 22:14

Ehˇ kʼawꞈ, Miˇkaˬyaˇ ehˇ-eu,“Sahˬpaˬ Miˬyehˇ neh kʼaˇ bi ehˇ-euˬ jeˬ tehꞈ-ehˇ ngaˇ ehˇ ma lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

2 Laˬsaˬbaˬ 18:12

Kʼoeˇ ngeh, Miˇkaˬyaˇ-ahˇ kuˇ laˬ-iˇ-euˬ yaw huiˬ yaw mahˇ kʼoeˇ gʼaˬ Miˇkaˬyaˇ-ahˇ ehˇ nehˬ-eu, “Miˬyehˇ gʼaˇ duˬ ngehˬ dah-eu deuˬ dawˬ tawˆ luꞈ, sahˬ paˬ guiˇ deuˆ-eu gʼaˬ leˇ tehꞈ-a lehˇ ehˇ-eu meh. Nawˇ kʼawꞈ kʼoeˇ loꞈ-ehˇ ehˇ-eu tsaˬ tehꞈ-a.”

2 Laˬsaˬbaˬ 18:14

Sahˬ paˬ Aˬhaˆ-euˬ mehˬ shi Miˇkaˬyaˇ le keuˆ ngeh, “Miˇkaˬyaˇ-oˇ, sahˬ paˬ Yeˬhawˇshaˬpaˇ nga nyaꞈ Laˬmoˆ meuˬ-ahˇ guiˇ deuˆ leˇ-eu tsaˬ meh loˇ, maˬ tsaˬ-a loˇ” lehˇ, sahˬ paˬ Aˬhaˆ naˇ haˬ-euˬ meh. “Deuˆ leˇ-awˬ. Nawˇ gʼaˬ leˇ tehꞈ-a. Sahˬpaˬ Miˬyehˇ nawˬ-ahˇ bi gʼaˬ leˇ nehˬ laꞈ tehꞈ-a” lehˇ, Miˇkaˬyaˇ ehˇ nehˬ-euˬ meh.

Yeˬlaˬmiˇ 23:28

Yuꞈ maˆ maˆ-awˇ Miˬyehˇ gʼaˇ duˬ ngehˬ dah-eu deuˬ-aˬ, yuꞈ maˆ gaˇ kawˆ ja luꞈ-uˇ. Ehˇ kʼawꞈ, ngaˬ-euˬ dawˬ za taˬ-eu Miˬyehˇ gʼaˇ duˬ ngehˬ dah-eu deuˬ-aˬ, saˇ jaˇ ziꞈ-eu laꞈ kʼoeˇ ngaˬ-euˬ gʼaˇ duˬ ngehˬ dah luꞈ-uˇ. Gʼo yoeˬ-aˬ, cehˇ cehˇ nmˇ-ahˇ ciˬ cehˆ haw naˇ, aˬ jeˬ gaˇ dahˇ paˇ tsoeˬ nmˇ.

Yeˬlaˬmiˇ 42:4

Ngaˇ heu loꞈ-ehˇ ehˇ kʼoꞈ nehˬ-euˬ ma. “Muiˬ tehꞈ-a. Naw maꞈ ngaˬ-ahˇ shaˇ-eu loꞈ-ehˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-awˇ, aˬ yawꞈ neh kʼaˇ ehˇ nehˬ laꞈ-euˬ jeˬ, tiˬ jeˬ-iˬ maˬ zaꞈ taˬ ni, naw maꞈ-ahˇ ngaˇ paˇ dzawˇ poˆ nehˬ ma.”

Yeˬsaˬgeˬlaˇ 2:7

Aˬ yawꞈ maꞈ naˇ haˬ-eu maˬ kaˬ, maˬ naˇ haˬ-eu maˬ kaˬ, ngaˬ neh bi ngehˬ-euˬ dawˬ nawˇ ya ngehˬ meh. Aˬ yawꞈ maꞈ ngaˬ-ahˇ puiˬ-eu tsawˇ haˬ pyeuꞈ luꞈ gaˇ taˬ ngehˇ.

Bawˇtsahˬ 22:35

Mˬ taˆ gʼaˬ kʼehˇ kʼoeˇ gʼaˬ paˇ ehˇ-eu, “Tsawˇ haˬ heu deuˬ nehˬ-ehˇ le-awˬ. Ehˇ kʼawꞈ, ngaˬ neh kʼaˇ bi ngehˬ kʼaˇ bi tmˇ-euˬ jeˬ tehꞈ-ehˇ nawˇ ya ngehˬ ya tmˇ meh.”. Kʼoeˇ naˇ, tsawˇ haˬ kʼoeˇ deuˬ nehˬ-ehˇ Baˬlamˬ le gʼeh leꞈ-euˬ meh.

Bawˇtsahˬ 23:12

Baˬlamˬ ehˇ-eu, “Sahˬpaˬ Miˬyehˇ neh bi ngehˬ bi tmˇ laꞈ-euˬ jeˬ tehꞈ-ehˇ ngaˇ ya ngehˬ ya tmˇ meh.”

Bawˇtsahˬ 23:26

Baˬlamˬ ehˇ-eu, “Sahˬpaˬ Miˬyehˇ neh kʼaˇ bi ngehˬ kʼaˇ bi tmˇ laꞈ-euˬ loꞈ-ehˇ tehꞈ-ehˇ ngaˇ ya ngehˬ ya tmˇ meh lehˇ ngaˇ nawˬ-ahˇ ehˇ nehˬ gʼaˬ-euˬ maˬ ngeuˇ-a loˇ.”

Bawˇtsahˬ 24:13

Nawˇ kʼaˇ jaˆ-eu pyuˇ hawˇ-eu shuiˇ deuˬ ngaˬ-ahˇ biꞈ jiˇ laꞈ law hawˇ kʼawꞈ, Sahˬpaˬ Miˬyehˇ-euˬ ehˇ dawˬ leuˇ-awˇ, yawˬ ha-euˬ nui noeˬ ngaˇ maˬ mˇ nya-a. Sahˬpaˬ Miˬyehˇ neh bi ngehˬ bi tmˇ laꞈ-euˬ loꞈ-ehˇ tehꞈ-ehˇ ngaˇ ngehˬ ma tmˇ ma lehˇ ehˇ nehˬ-euˬ ma tawˇ.”

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

1 Gawˇliˬtu 11:23

Ngaˬ neh naw maꞈ-ahˇ mehˬ-euˬ tsoˆ-euˬ dawˬ kʼoeˇ deuˬ Sahˬpaˬ Yeˬsuˇ jawˇ gaˇ ngaˇ za taˬ-euˬ ma. Sahˬ paˬ Yeˬsuˇ-aˬ, aˬ yawꞈ-ahˇ bi ahˬ dzaˬ ngeh miˇ, kaˬ muˇ yuˇ-awˇ,

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.

Gaˬlaˬtiˆ 1:10

Tsawˇ haˬ zaˬ ngaˬ-ahˇ nui ma tsaˬ ni ngaˇ mˇ luꞈ-eu nga loˇ. Maˬ ngeuˇ. Miˬyehˇ nui ma tsaˬ-eu jeˬ-ahˇ ngaˇ mawꞈ-eu ma. Tsawˇ haˬ zaˬ nui kʼahˇ shiˇ-eu jeˬ-ahˇ ngaˇ leh jeh luꞈ-eu nga loˇ. Kʼoeˇ loꞈ-ehˇ mˇ naˇ, ngaˇ Ka li-euˬ zaˬ kʼaˆ maˬ paˇ ngeuˇ-aˇ.

1 Teˇsaˬloˇni 2:4

Miˬyehˇ neh bi ngehˬ bi tmˇ laꞈ-euˬ jeˬ-ahˇ tehꞈ-ehˇ nga maꞈ ngehˬ-eu tmˇ-eu ma. Aˬ jeˬ miˇ neh ehˇ naˇ, nga maꞈ Laˬ kʼaˬ cehˇ-eu Guiˬ lahˬ dawˬ mehˬ geuˇ meh lehˇ, Miˬyehˇ neh daˇ tsehˆ taˬ-euˬ jeˬ pyeuꞈ-eu meh. Tsawˇ haˬ zaˬ nui kʼahˇ shiˇ ni nga maꞈ mˇ luꞈ-eu maˬ ngeuˇ. Nga maꞈ-euˬ nui ma-ahˇ lawˬ haw-eu gʼaˬ pyeuꞈ-eu Miˬyehˇ nui kʼahˇ shiˇ ni mˇ luꞈ-eu ma.