2 Laˬsaˬbaˬ 17:6 - Akha

⁶ Sahˬpaˬ Miˬyehˇ-euˬ nui kʼahˇ mˇ-eu gʼaˇ duˬ aˬ yawꞈ-euˬ nui ma gʼawˇ mawˇ a nehˬ taˬ-awˇ, Yuˇdaˆ miˇ kʼahˬ laꞈ kʼoeˇ kʼaˇ jaˆ-eu lawˇ ciꞈ zaˬ deuˬ-euˬ uˬ duˬ tahˬ-eu jawˇ duˬ dawˬ tawˆ luꞈ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ dawˬ tawˆ luꞈ aˬ yawꞈ laˆ cawˆ jiˇ-euˬ meh.

2 Laˬsaˬbaˬ 17:6 ပူးပေါင်းရင်းမြစ်များ

1 Sahˬpaˬ 22:43

Aˬ yawꞈ-euˬ mehˬ hu sahˬ paˬ geuꞈ dzeuˇ yaꞈ-euˬ aˬ yawꞈ-euˬ aˬ da Aˬsaˬ loꞈ-ehˇ, Sahˬpaˬ Miˬyehˇ mehˬ shi yaw tsaˬ yaw dawˇ jeˬ tehꞈ-ehˇ aˬ yawꞈ mˇ-euˬ meh. Ehˇ kʼawꞈ, lawˇ ciꞈ zaˬ deuˬ-euˬ uˬ duˬ tahˬ-eu jawˇ duˬ kʼoeˇ deuˬ-ahˇ aˬ yawꞈ maˬ laˆ cawˆ-ehˇ, Yuˇdaˆ miˇ kʼahˬ zaˬ deuˬ kʼoeˇ gaˇ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

2 Laˬsaˬbaˬ 14:2

Aˬsaˬ-aˬ, yaw tsaˬ yaw dawˇ jeˬ hawˇ-eu yaw muiˬ jeˬ mˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma tsaˬ ni dehꞈ-euˬ meh.

2 Laˬsaˬbaˬ 14:3

Aˬ cawˬ tsawˇ jeuˬ-euˬ lawˇ duˬ shehˇ duˬ hawˇ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ pyaˆ dzeh-awˇ, muiˬ-eu shawˇ-eu kʼaˬ lo kʼawˇ zeuˇ deuˬ hawˇ-eu Aˬsheˇlaˬ miˬ yehˇ ma-ahˇ taꞈ leˇ-eu mawˇ kawˇ deuˬ-ahˇ aˬ yawꞈ laˆ cawˆ-euˬ meh.

2 Laˬsaˬbaˬ 15:17

Miˇ kʼahˬ kʼoeˇ kʼahˬ laꞈ kʼoeˇ kʼaˇ jaˆ-eu lawˇ ciꞈ zaˬ deuˬ uˬ duˬ tahˬ-euˬ jawˇ duˬ dawˬ tawˆ luꞈ-ahˇ Aˬsaˬ maˬ laˆ cawˆ jiˇ-euˬ kʼawꞈ, aˬ yawꞈ-euˬ ziˇ jiˇ ngeh keuˆ ni Sahˬpaˬ Miˬyehˇ-ahˇ saˇ jaˇ ziꞈ-eu laꞈ kʼoeˇ dehꞈ-euˬ meh.

2 Laˬsaˬbaˬ 19:3

Ehˇ kʼawꞈ, nawˬ-euˬ laꞈ kʼoeˇ yaw muiˬ jeˬ ahˇ-a siˬ. Aˬ jeˬ miˇ neh ehˇ naˇ, miˇ kʼahˬ zaˬ deuˬ uˬ duˬ tahˬ luꞈ-eu Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ dawˬ tawˆ luꞈ-ahˇ nawˇ laˆ cawˆ jiˇ-awˇ, Sahˬpaˬ Miˬyehˇ-euˬ nui noeˬ-ahˇ nawˇ caw teh-euˬ meh.”

2 Laˬsaˬbaˬ 20:33

Ehˇ kʼawꞈ lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ maˬ laˆ cawˆ-ehˇ, miˇ kʼahˬ zaˬ deuˬ aˬ yawꞈ maꞈ-euˬ aˬ poeˬ aˬ bawˇ deuˬ-euˬ miˬ yehˇ jawˇ gaˇ, nui ma gʼawˇ mawˇ dawˬ tawˆ luꞈ noeˬ paˇ-awˇ maˬ gʼoꞈ poˆ laˇ-a.

2 Laˬsaˬbaˬ 31:1

Bawˬ-iˬ gʼeh gʼaˬ ngeh, Iˇsaˬleˬlaˆ tsawˇ haˬ dawˬ tawˆ luꞈ Yuˇdaˆ miˇ kʼahˬ laꞈ kʼoeˇ jaˆ-eu meuˬ yawˬ meuˬ na luꞈ-ahˇ iˇ doe-awˇ, kʼaˬ lo kʼawˇ zeuˇ tahˬ pahˬ aˬ ma mawˇ kawˇ deuˬ deh paˆ dzeh-awˇ, Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ deuˬ tuˇ coˬ-awˇ, lawˇ duˬ deuˬ hawˇ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ laˆ cawˆ jiˇ-euˬ meh. Yuˇdaˆ miˇ kʼahˬ doe ni kʼoeˇ loꞈ-ehˇ jahˇ gʼaˬ ngeh, Beˬyaˬmiˬ miˇ kʼahˬ, Eˇpaˬleˬ miˇ kʼahˬ hawˇ-eu, Maˬnaˇseˬ miˇ kʼahˬ doe ni aˬ yawꞈ maꞈ kʼoeˇ loꞈ-ehˇ jahˇ-iˇ-awˇ, yawˬ ha-euˬ meuˬ-ahˇ gʼoꞈ-iˇ jiˇ-euˬ meh.

Yawˇbaˆ 22:26

Kʼoeˇ ngeh Miˬyehˇ-ahˇ nawˇ aˬ myah luꞈ gʼoe-awˇ, aˬ yawꞈ nawˬ-euˬ laˬ kʼaˬ cehˇ duˬ pyeuꞈ gaˇ ya mawˇ tehꞈ-a.

Jaceuq 119:1

Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, iˬ baˇ taˬ kʼaˇ maˬ za ni dehꞈ-eu deuˬ guiˬ lahˬ huiˬ luꞈ-uˇ.

Jaceuq 138:5

Huiˬ dui dui-eu nawˬ-euˬ yaw shehꞈ kʼahˬ sehˇ hawˇ-eu, nawˬ neh mˇ taˬ-euˬ gaˇ deuˬ-ahˇ, aˬ yawꞈ maꞈ caˇ-awˇ ja ceuˬ tehꞈ-a.

Doˆ-iˇ 34:13

Ehˇ kʼawꞈ, aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ cawˆ nehˬ-awˬ. Aˬ yawꞈ maꞈ-euˬ miˬyehˇ ma Aˬsheˇlaˬ-euˬ tahˬ pahˬ aˬ ma mawˇ kawˇ kʼawꞈ, laˆ cawˆ nehˬ-awˬ.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Gʼaˬkʼehˇ 13:10

“Nehꞈsahˬpaˬ-euˬ zaˬ-oˇ, yaw muiˬ jeˬ dawˬ tawˆ luꞈ-ahˇ nawˇ muiˇ-eu meh. Nawˇ-aˬ, nui ma gʼoꞈ dui dui-awˇ, SahˬpaˬMiˬyehˇ-euˬ yaw tsaˬ yaw dawˇ jeˬ-ahˇ jaˬ myawꞈ mehˇ shuiˇ pyeuꞈ-iˇ jiˇ ni leh jeh luꞈ-eu meh.

Dawˬmehˬ 28:47

Yawˬ jeˬ na luꞈ laꞈ kʼoeˇ, Sahˬpaˬ Miˬyehˇ nawˬ-ahˇ guiˬ lahˬ biꞈ-euˬ meh. Ehˇ kʼawꞈ, aˬ yawꞈ-euˬ gaˇ-ahˇ nawˇ laˬ kʼaˬ tiˬ cehˇ maˬ mˇ-a.