2 Laˬsaˬbaˬ 17:11 - Akha

¹¹ Piˇliˇtiˆ tsawˇ haˬ tiˬ paˆ na deuˬ-aˬ, Yeˬhawˇshaˬpaˇ jawˇ gaˇ pyuˇ gʼawˬ mya ni hawˇ-eu nui jeˬ laꞈ sawˬ sha ha laˇ-awˇ, Aˬlaˆ tsawˇ haˬ tiˬ paˆ na deuˬ-aˬ, yawˇ shiꞈ heˇ shiꞈ yaˇ mawˇ hawˇ-eu ciꞈ myehꞈ shiꞈ heˇ shiꞈ yaˇ mawˇ sha ha laˇ-euˬ meh.

2 Laˬsaˬbaˬ 17:11 ပူးပေါင်းရင်းမြစ်များ

2 Saˬmeuˬlaˆ 8:2

Kʼoeˇ naˇ, Mawˇbaˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ-euˬ meh. Guiˇ deuˆ ngeh nyehꞈ mi-euˬ deuˬ-ahˇ miˇ tsa bi yuꞈ-awˇ, smˬ bymˇ nyiˬ bymˇ sehꞈ-euˬ meh. Kʼoeˇ ngeh, Mawˇbaˆ tsawˇ haˬ deuˬ aˬ yawꞈ uˆ lahˇ-eu uˬ moˆ ya jawˇ-awˇ, aˬ yawꞈ-ahˇ kawˬ doˆ nehˬ-euˬ meh.

1 Sahˬpaˬ 5:1

Duˇlu sahˬ paˬ Hiˇlamˬ-aˬ, Daˬbiˇ nehˬ-ehˇ maˬ tsehˆ leˇ ni cawˬ cawˬ taꞈ-euˬ miˇ neh, Daˬbiˇ-euˬ jawˇ duˬ-ahˇ Sawˇlaˬmoˬ sahˬ paˬ keuˆ leˇ-euˬ gaˇ kawˆ ya gaˬ ngeh, cawˬ cawˬ taꞈ-eu gʼaˇ duˬ tsawˇ haˬ pyehˬ gʼeh-euˬ meh.

2 Sahˬpaˬ 3:4

Mawˇbaˆ sahˬ paˬ Meˬshaˬ-aˬ, yawˇ cu-eu tsawˇ haˬ pyeuꞈ-awˇ, tiˬ kʼoꞈ-euˬ yawˇ zaˬ tiˬ seh mawˇ maˬ ehˇ, yawˇ tiˬ seh mawˇ-ahˇ tehˬ uiˬ-euˬ yawˇ caꞈ hm deuˬ maˬ ehˇ, Iˇsaˬleˬlaˆ sahˬ paˬ-ahˇ ya biꞈ-eu meh.

2 Laˬsaˬbaˬ 17:12

Kʼoeˇ miˇ neh, Yeˬhawˇshaˬpaˇ tiˬ nah saˇ-iˬ tiˬ nah baoˬ huiˬ laˇ luꞈ-eu meh. Yuˇdaˆ miˇ kʼahˬ doe ni, taˆ deuˬ hawˇ-eu meuˬ deuˬ aˬ yawꞈ laˆ ziꞈ-euˬ meh.

2 Laˬsaˬbaˬ 17:5

Yuˇdaˆ miˇ kʼahˬ-ahˇ yaw muiˬ paˬ-ehˇ uˆ lahˇ gʼaˬ nya ni, Yeˬhawˇshaˬpaˇ-ahˇ Sahˬpaˬ Miˬyehˇ yaw muiˬ paˬ-ehˇ caw ba nehˬ-awˇ, miˇ kʼahˬ zaˬ dawˬ tawˆ luꞈ aˬ yawꞈ-ahˇ laꞈ sawˬ biꞈ laˇ-eu miˇ neh, aˬ yawꞈ smˇ muiˬ muiˬ dui dui laˇ-awˇ, aˬ cawˬ aˬ yawꞈ-ahˇ taˬ huiˬ taˬ mahˇ-eu meh.

2 Laˬsaˬbaˬ 21:16

Iˬ ma laˆ shaˆ lawˇ deh caw caw-ehˇ jawˇ luꞈ-eu Suˬdaˬ tsawˇ haˬ deuˬ dawˬ peh, Piˇliˇtiˆ tsawˇ haˬ hawˇ-eu Aˬlaˆ tsawˇ haˬ tiˬ paˆ na deuˬ jawˇ luꞈ-eu meh. Aˬ yawꞈ maꞈ Yeˬhawˇlamˬ-ahˇ guiˇ deuˆ leˇ ni Sahˬpaˬ Miˬyehˇ gaˇ kawˆ laˆ doˆ nehˬ-euˬ meh.

2 Laˬsaˬbaˬ 26:8

Aˬmoˬ tsawˇ haˬ deuˬ kʼawꞈ aˬ yawꞈ-ahˇ kawˬ taꞈ ha nehˬ laˇ-awˇ, aˬ yawꞈ baoˬ huiˬ dui dui laˇ-euˬ miˇ neh, Iˇjiˇtuˆ miˇ kʼahˬ-ahˇ keuˆ ni aˬ yawꞈ tsawˇ myahˇ doˆ-euˬ meh.

2 Laˬsaˬbaˬ 9:14

Baw gaꞈ deuˬ hawˇ-eu jeˬ gaꞈ jeˬ kʼa gʼeh-eu deuˬ neh kawˬ doˆ nehˬ-euˬ deuˬ maˬ gui ahˇ-ehˇ, kʼoeˇ myaˆ ni gʼeh-eu shuiˇ aˬ yawꞈ za-euˬ meh. Aˬleˬbyaˇ sahˬ paˬ deuˬ hawˇ-eu, Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ uˆ lahˇ-eu yaw huiˬ yaw mahˇ deuˬ kʼawꞈ, aˬ yawꞈ-ahˇ pyuˇ hawˇ-eu shuiˇ yuˇ ha laˇ-eu meh.

2 Laˬsaˬbaˬ 9:24

Aˬ yawꞈ maꞈ yawˬ gʼaˬ na luꞈ, shuiˇ hawˇ-eu pyuˇ myawˬ guˇ, pehˇ kʼahˬ pehˇ mahˇ, guiˇ deuˆ-eu keu ka, tsiˇ yaw saw, dzaˇ muiˇ dzaˇ sawˇ, mahˬ hawˇ-eu mahˬ shaˆ lawˬ, heu loꞈ-ehˇ gʼeh-eu laꞈ sawˬ deuˬ Sawˇlaˬmoˬ jawˇ gaˇ yuˇ laꞈ nehˬ-eu meh. Aˬ yawꞈ kʼoꞈ yawꞈ, kʼoeˇ loꞈ-ehˇ laꞈ sawˬ biꞈ ha laˇ-eu meh.

Iˇsaˬyaˇ 13:20

Tsawˇ haˬ tiˬ gʼaˬ-iˬ kʼoeˇ gaˇ maˬ jawˇ-ehˇ pyeuꞈ-iˇ-awˇ, Aˬlaˆ tsawˇ haˬ kʼoeˇ gaˇ sehˬ gʼawˆ gʼawˆ-awˇ maˬ paˇ naˬ-ehˇ, yawˇ bo laˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

Yeˬsaˬgeˬlaˇ 27:21

Aˬleˬbyaˇ tsawˇ haˬ deuˬ hawˇ-eu, Geˬdaˬ miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ, yawˇ hawˇ-eu ciꞈ myehꞈ deuˬ teh leꞈ-awˇ, nawˬ-euˬ myawˬ paˇ geuꞈ le-eu meh.