2 Laˬsaˬbaˬ 16:8 - Akha

⁸ Suˬdaˬ tsawˇ haˬ hawˇ-eu Liˆbyaˇ tsawˇ haˬ deuˬ mahˬ laˆ lawˬ hawˇ-eu mahˬ dziˬ-eu yehˇ gʼawˬ mya ni ahˇ-eu guiˇ maꞈ maꞈ ma deuˬ jawˇ-eu maˬ ngeuˇ-a loˇ. Ehˇ kʼawꞈ, Sahˬpaˬ Miˬyehˇ-ahˇ nawˇ gʼoe-euˬ miˇ neh, aˬ yawꞈ maꞈ-ahˇ nawˇ gʼaˬ leˇ-euˬ maˬ ngeuˇ loˇ.

2 Laˬsaˬbaˬ 16:8 ပူးပေါင်းရင်းမြစ်များ

2 Laˬsaˬbaˬ 12:3

Mahˬ laˆ lawˬ tiˬ heˇ nyiˬ yaˇ laˇ, mahˬ dziˬ-eu yehˇ koꞈ heˇ gʼaˬ hawˇ-eu, Liˆbyaˇ tsawˇ jeuˬ, Suˇkiˇ tsawˇ jeuˬ hawˇ-eu Suˬdaˬ tsawˇ jeuˬ deuˬ ahˇ leˇ-ehˇ, maˬ gui jiˇ coeˇ gaˇ keuˆ ni myaˬ-eu guiˇ maꞈ-ahˇ, Iˇjiˇtuˆ miˇ kʼahˬ-ahˇ neh aˬ yawꞈ sheuˬ daˆ laꞈ-euˬ meh.

2 Laˬsaˬbaˬ 13:16

Iˇsaˬleˬlaˆ tsawˇ haˬ deuˬ cehˆ byaˆ-awˇ, Miˬyehˇ neh Yuˇdaˆ tsawˇ haˬ deuˬ-ahˇ Iˇsaˬleˬlaˆ tsawˇ haˬ deuˬ kʼoeˇ taˆ bi gʼaˬ leˇ-euˬ meh.

2 Laˬsaˬbaˬ 13:18

Kʼoeˇ loꞈ-ehˇ, Yuˇdaˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-euˬ meh.

2 Laˬsaˬbaˬ 14:8

Sahˬ paˬ Aˬsaˬ-aˬ, Yuˇdaˆ miˇ kʼahˬ laꞈ kʼoeˇ, dehˬ daˬ duˬ hawˇ-eu gahˬ baꞈ-eu yehˇ smˬ seh gʼaˬ jawˇ-awˇ, Beˬyaˬmiˬ miˇ kʼahˬ laꞈ kʼoeˇ, dehˬ daˬ duˬ hawˇ-eu kaˆ baꞈ-eu yehˇ nyiˬ seh yehꞈ muiˇ gʼaˬ jawˇ-eu meh. Yehˇ kʼoeˇ deuˬ dawˬ tawˆ luꞈ nui ma kʼaˬ duˬ ni gʼeh-awˇ, yaw muiˬ paˬ-ehˇ dzaw nya taˬ-euˬ yehˇ deuˬ tehꞈ meh.

2 Laˬsaˬbaˬ 16:7

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu Haˬnaˬniˇ gʼaˬ sahˬ paˬ Aˬsaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ maˬ gʼoe-ehˇ, Suˇliˆ sahˬ paˬ-ahˇ nawˇ laꞈ jeuˬ shaˇ-euˬ miˇ neh, Iˇsaˬleˬlaˆ sahˬpaˬ-euˬ guiˇ maꞈ deuˬ nawˬ-euˬ laꞈ-ahˇ neh cehˆ dzeuˇ-euˬ meh.

2 Laˬsaˬbaˬ 24:24

Suˇliˆ guiˇ maꞈ yaw cuiˆ kʼawꞈ, myaˬ dui dui-eu Yuˇdaˆ guiˇ maꞈ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-euˬ miˇ neh, kʼoeˇ loꞈ-ehˇ bi deuˆ gʼaˬ ni Sahˬpaˬ Miˬyehˇ jahˇ-euˬ meh. Kʼoeˇ loꞈ-ehˇ jahˇ-awˇ, sahˬ paˬ Yawˇshaˆ-ahˇ kʼehˬ nehˬ kʼaˆ nehˬ-euˬ meh.

Iˇsaˬyaˇ 18:2

Miˇ kʼahˬ kʼoeˇ kʼahˬ neh pyehˬ leꞈ-euˬ tsawˇ kaˬ deuˬ, huˇ seu neh dzeuꞈ-euˬ lawˬ dziˬ-awˇ, Niˬlaˇ lawˇ baˬ gawˆ cawˬ oe ka-euˬ meh. Dawˬ mehˇ pyaˇ dui dui-eu tsawˇ kaˬ deuˬ-oˇ, baoˬ huiˬ-awˇ aˬ cawˬ tsawˇ jeuˬ-ahˇ gʼaˬ leˇ-eu miˇ neh, dawˬ peh gaˇ mahˇ jawˇ-eu tsawˇ jeuˬ deuˬ ya guˆ-eu, caˇ gawˬ goˇ-awˇ shaˬ jiˇ muiˬ-eu tsawˇ haˬ deuˬ jawˇ-eu, lawˇ baˬ gʼawˬ mya gawˆ yoeˇ paˆ luꞈ-eu naw maꞈ-euˬ miˇ kʼahˬ-ahˇ, yaw kawˇ-ehˇ gʼoꞈ leˇ-awˬ.

Naˬhmˬ 3:9

Suˬdaˬ miˇ kʼahˬ, Liˆbyaˇ miˇ kʼahˬ, Iˇjiˇtuˆ miˇ kʼahˬ dawˬ tawˆ luꞈ, Deˬbiˇ-euˬ laꞈ jeuˬ shaˇ duˬ meh.