2 Laˬsaˬbaˬ 16:6 - Akha

⁶ Kʼoeˇ naˇ, Yuˇdaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ-ahˇ sahˬ paˬ Aˬsaˬ kuˇ uiˬ-awˇ, Bawˬshaˬ neh Laˬmahˇ meuˬ tsoˆ muiˬ gaˇ geuꞈ-euˬ kʼaˬ lo hawˇ-eu daˇ kawˬ deuˬ baꞈ doˆ-eu gʼaˇ duˬ dawˬ biꞈ-euˬ meh. Kʼaˬ lo hawˇ-eu daˇ kawˬ kʼoeˇ deuˬ-ahˇ, Geˬbaˬ meuˬ hawˇ-eu Miˇzaˬpaˬ meuˬ tsoˆ muiˬ gaˇ aˬ yawꞈ maꞈ geuꞈ-euˬ meh.

2 Laˬsaˬbaˬ 16:6 ပူးပေါင်းရင်းမြစ်များ

1 Sahˬpaˬ 15:16

Yuˇdaˆ sahˬ paˬ Aˬsaˬ hawˇ-eu Iˇsaˬleˬlaˆ sahˬ paˬ Bawˬshaˬ aˬ nyaꞈ-aˬ, aˬ yawꞈ nyaꞈ sahˬ paˬ geuꞈ-awˇ kʼaˇ uˆ lahˇ kʼoeˇ keuˆ ni, tiˬ gʼaˬ tiˇ gʼaˬ maˬ tsehˆ leˇ ni guiˇ deuˆ-euˬ meh.

1 Sahˬpaˬ 15:22

Kʼoeˇ naˇ, Yuˇdaˆ miˇ kʼahˬ doe ni Aˬsaˬ neh tsawˇ haˬ pyehˬ gʼeh-awˇ, “Tsawˇ haˬ yawˬ gʼaˬ na luꞈ laˇ-awˇ, Laˬmahˇ meuˬ gawˬ ziꞈ-eu gʼaˇ duˬ Bawˬshaˬ neh zmˬ-euˬ kʼaˬ lo hawˇ-eu daˇ kawˬ deuˬ baꞈ doˆ laˇ-awˬ” lehˇ bi tsaꞈ gaˬ doe-euˬ meh. Kʼaˬ lo hawˇ-eu daˇ kawˬ kʼoeˇ deuˬ-ahˇ Aˬsaˬ yuˇ-awˇ, Miˇzaˬpaˬ meuˬ hawˇ-eu Beˬyaˬmiˬ miˇ kʼahˬ-ahˇ jaˆ-eu Geˬbaˬ meuˬ tsoˆ muiˬ gaˇ zmˬ-euˬ meh.

1 Laˬsaˬbaˬ 6:60

Beˬyaˬmiˬ miˇ kʼahˬ laꞈ kʼoeˇ Geˬbaˬ meuˬ, Aˬlaˬmehˇ meuˬ, Aˬnaˬtawˇ meuˬ hawˇ-eu, meuˬ heu deuˬ-euˬ jeˬ zaˬ gaˆ kʼahˬ deuˬ aˬ yawꞈ maꞈ za-euˬ meh. Aˬ yawꞈ maꞈ aˇ jeuˬ gʼaˇ duˬ, meuˬ dawˬ tawˆ luꞈ tseˇ smˇ meuˬ za-euˬ meh.

2 Laˬsaˬbaˬ 16:5

Gaˇ kawˆ kʼoeˇ Bawˬshaˬ ya gaˬ ngeh, Laˬmahˇ meuˬ tsoˆ ziꞈ luꞈ-eu byehˇ dzeh-awˇ doˆ-iˇ-euˬ meh.

2 Laˬsaˬbaˬ 16:7

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu Haˬnaˬniˇ gʼaˬ sahˬ paˬ Aˬsaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ maˬ gʼoe-ehˇ, Suˇliˆ sahˬ paˬ-ahˇ nawˇ laꞈ jeuˬ shaˇ-euˬ miˇ neh, Iˇsaˬleˬlaˆ sahˬpaˬ-euˬ guiˇ maꞈ deuˬ nawˬ-euˬ laꞈ-ahˇ neh cehˆ dzeuˇ-euˬ meh.

2 Laˬsaˬbaˬ 21:17

Aˬ yawꞈ maꞈ Yuˇdaˆ miˇ kʼahˬ-ahˇ uˇ laˇ-awˇ, sahˬ paˬ-euˬ nymˇ-ahˇ goˬ-awˇ, sahˬ paˬ-euˬ miˬ zaˬ deuˬ hawˇ-eu aˬ li deuˬ dawˬ tawˆ luꞈ-ahˇ nyehꞈ gʼeh jiˇ-awˇ, aˬ li zaˬ saˬ gʼaˬ pyeuꞈ-eu Aˬhaˬziˇ tiˬ gʼaˬ tehꞈ-ehˇ dzeˇ yaꞈ-euˬ meh.

Iˇsaˬyaˇ 10:29

Aˬ yawꞈ maꞈ gʼaˬ lahˇ oe tsehˆ-awˇ, Geˬbaˬ meuˬ-ahˇ uˬ ciꞈ oe yaꞈ-euˬ meh. Laˬmahˇ meuˬ-ahˇ jawˇ-eu tsawˇ haˬ deuˬ guˆ dui dui-awˇ, Sawˇluˆ-euˬ meuˬ pyeuꞈ-eu Giˇbyaˬ meuˬ-ahˇ jawˇ-eu deuˬ cehˆ byaˆ jiˇ-euˬ meh.

Yeˬlaˬmiˇ 40:6

Miˇzaˬpaˬ meuˬ-ahˇ Geˬdaˬliˇ jawˇ gaˇ ngaˇ gʼoꞈ leˇ-awˇ, miˇ kʼahˬ kʼoeˇ kʼahˬ-ahˇ dzeˇ yaꞈ-euˬ miˇ kʼahˬ zaˬ deuˬ nehˬ-ehˇ jawˇ-euˬ ma.

Zaˬkaˬliˇ 14:10

Laꞈ taˆ paw jaˆ-eu Geˬdaˬ meuˬ-ahˇ neh, laꞈ oˆ paw jaˆ-eu Leˬmoˬ meuˬ-ahˇ keuˆ ni, miˇ kʼahˬ kʼahˬ lah ni saˇ lehˆ ni laˆ pyeuꞈ tehꞈ-a. Yeˬluˇsaˬlehˬ meuˬ-aˬ, dawˬ peh jaˆ-eu miˇ gahˬ deuˬ kʼoeˇ taˆ goˇ ca ni jaˆ tehꞈ-a. Meuˬ-euˬ jawˇ zaˇ-aˬ, Beˬyaˬmiˬ lahˇ kʼehˬ-ahˇ neh, yaw beh lahˇ kʼehˬ tiˬ kʼehˬ jaˆ-euˬ laꞈ coeˇ lahˇ kʼehˬ-ahˇ keuˆ ni hawˇ-eu, Haˬnaˬneˬlaˇ nymˇ goˇ-ahˇ neh, sahˬ paˬ-euˬ aˬ gaꞈ dzaˇ uiˇ lehˬ duˬ-ahˇ keuˆ ni jeˇ tehꞈ-a.

Yawˇshuˆ 15:38

Diˇleˬ meuˬ, Miˇzaˬpaˬ meuˬ, Yawˇkaˬdeˬlaˇ meuˬ,

1 Saˬmeuˬlaˆ 10:17

Miˇzaˬpaˬ meuˬ-ahˇ, Saˬmeuˬlaˆ neh Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ mehˬ shi kuˇ uiˬ-euˬ meh.

1 Saˬmeuˬlaˆ 7:16

Beˬdeˬlaˇ meuˬ, Giˇlaˇgaˬlaˇ meuˬ, Miˇzaˬpaˬ meuˬ heu deuˬ-ahˇ, aˬ yawꞈ kʼoꞈ yawꞈ cah doe-awˇ, dawˬ ja kʼaˇ doˆ gaˇ yaˇ kʼaˬ daˇ nehˬ-euˬ meh.

1 Saˬmeuˬlaˆ 7:6

Kʼoeˇ ngeh, aˬ yawꞈ maꞈ dawˬ tawˆ luꞈ Miˇzaˬpaˬ meuˬ-ahˇ uiˬ laˇ jiˇ-euˬ meh. Aˬ yawꞈ maꞈ iˇ cuꞈ kʼawꞈ-awˇ shehˆ-eu laꞈ kʼoeˇ, Sahˬpaˬ Miˬyehˇ-ahˇ lawˇ nehˬ-awˇ, maˬ dzaˬ maˬ dawˇ ni nah lah lah-euˬ meh. “Nga maꞈ Sahˬpaˬ Miˬyehˇ mehˬ shi iˬ baˇ mˇ-euˬ ma” lehˇ aˬ yawꞈ maꞈ ehˇ-eu meh. Saˬmeuˬlaˆ-aˬ, Miˇzaˬpaˬ meuˬ-ahˇ jawˇ-awˇ, Iˇsaˬleˬlaˆ tsawˇ haˬ yaw kaˬ ja dzaˬ gaˇ yaˇ kʼaˬ daˇ nehˬ-euˬ meh.