2 Laˬsaˬbaˬ 16:14 - Akha

¹⁴ Kʼoeˇ ngeh, Daˬbiˇ-euˬ meuˬ laꞈ kʼoeˇ aˬ yawꞈ-ahˇ bi baꞈ pahˬ-eu gʼaˇ duˬ aˬ yawˇ yawꞈ taꞈ taˬ-euˬ lmˬ bymˇ laꞈ kʼoeˇ, aˬ yawꞈ-ahˇ baꞈ pahˬ-euˬ meh. Aˬ yawꞈ-euˬ gʼawˇ mawˇ-ahˇ laˆ saˆ-eu gʼaˇ duˬ saw dui dui-eu tsiˇ gʼawˬ nya jeˬ aˬ yawꞈ maꞈ zmˬ-awˇ, miˬ dzaˬ jeˆ bymˇ bymˇ ma bymˇ-awˇ, aˬ yawꞈ gʼaˇ duˬ tsawˇ ngoeˇ ngoeˇ-euˬ meh.

2 Laˬsaˬbaˬ 16:14 ပူးပေါင်းရင်းမြစ်များ

Aˇ dahˬ 50:2

Aˬ yawꞈ aˬ da-euˬ gʼawˇ mawˇ maˬ ya buꞈ-iˇ ni, jaˆ gʼaˬ gʼawˬ mya jeˬ lehꞈ-awˇ laˆ saˆ-eu gʼaˇ duˬ, Yoˇsehˆ dawˬ biꞈ-euˬ meh.

Aˇ dahˬ 50:5

‘Ngaˬ da shiˇ-eu lehˇ gʼeh ngeh, Kaˬnaˬ miˇ kʼahˬ laꞈ kʼoeˇ aˬ yawꞈ neh laˆ saˆ taˬ-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-eu gʼaˇ duˬ, ngaˬ-ahˇ saˇ jaˇ bi dzaˬ laꞈ-euˬ meh. Kʼoeˇ miˇ neh, ngaˬ da-ahˇ kʼoeˇ gaˇ bi baꞈ pahˬ leˇ laꞈ-awˬ. Baꞈ pahˬ gʼaˬ naˇ paˇ gʼoꞈ le ma’ lehˇ ehˇ nehˬ leˇ-awˬ.”

2 Saˬmeuˬlaˆ 2:32

Yoˇbaˬ hawˇ-eu aˬ yawꞈ-euˬ tsawˇ haˬ deuˬ Aˬsaˬheˬlaˇ-euˬ gʼawˇ mawˇ baꞈ-awˇ, Behˬlehˬhehˬ meuˬ-ahˇ jaˆ-eu aˬ yawꞈ pehˬ aˇ jeuˬ-euˬ lmˬ bymˇ-ahˇ baꞈ pahˬ yaꞈ-euˬ meh. Aˬ yawꞈ maꞈ uˬ ciꞈ miˇ lah-ehˇ gʼoꞈ leˇ-awˇ, uˬ bya bya laˇ ngeh Heˬbyoˬ meuˬ-ahˇ gʼoꞈ keuˆ leˇ-euˬ meh.

2 Laˬsaˬbaˬ 16:13

Kʼoeˇ naˇ, aˬ yawꞈ sahˬ paˬ geuꞈ-eu oeˬ tseˇ tiꞈ kʼoꞈ keuˆ laˇ ngeh, aˬ yawꞈ ziˇ dehꞈ jiˇ-euˬ meh.

2 Laˬsaˬbaˬ 21:19

Nyiˬ kʼoꞈ keuˆ ni tiˬ jawˇ saˇ-iˬ tiˬ jawˇ naˇ kʼaˆ laˇ-awˇ, aˇ saˬ saˬ laˇ ngeh baw uˇ doˆ le-awˇ, naˇ sehꞈ leꞈ-euˬ meh. Aˬ yawꞈ shiˇ ngeh jawˇ, aˬ yawꞈ-euˬ aˬ poeˬ aˬ bawˇ deuˬ shiˇ ngeh loꞈ-ehˇ, miˇ kʼahˬ zaˬ deuˬ aˬ yawꞈ-ahˇ miˬ dzaˬ jehˆ bymˇ maˬ bymˇ nehˬ-a.

2 Laˬsaˬbaˬ 32:33

Aˬ yawꞈ shiˇ-awˇ, sahˬ paˬ-euˬ lmˬ bymˇ laꞈ taˆ pyawˬ-ahˇ aˬ yawꞈ-ahˇ baꞈ pahˬ-euˬ meh. Aˬ yawꞈ shiˇ ngeh jawˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ dawˬ tawˆ luꞈ aˬ yawꞈ-ahˇ taˬ huiˬ taˬ mahˇ dui dui-euˬ meh. Kʼoeˇ naˇ, aˬ yawꞈ-euˬ aˬ li Maˬnaˇseˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 35:24

Kʼoeˇ naˇ, aˬ yawꞈ-euˬ mahˬ laˆ lawˬ laꞈ kʼoeˇ neh aˬ yawꞈ maꞈ aˬ yawꞈ-ahˇ ciˬ doˆ-awˇ, kʼoeˇ gaˇ jaˆ-eu aˬ yawꞈ-eu mahˬ laˆ lawˬ yawˬ laˇ yawˬ-ahˇ ciˬ ahˇ-awˇ, Yeˬluˇsaˬlehˬ meuˬ-ahˇ sheuˬ kʼoꞈ gʼeh-euˬ meh. Yeˬluˇsaˬlehˬ meuˬ-ahˇ aˬ yawꞈ shiˇ-awˇ, sahˬ paˬ-euˬ lmˬ bymˇ-ahˇ baꞈ pahˬ nehˬ-euˬ meh. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ dawˬ tawˆ luꞈ aˬ yawꞈ shiˇ gaˇ tsawˇ ngoeˇ ngoeˇ-euˬ meh.

Dawˬ tsoˆ 10:1

Puˬ saˆ yaw shiˇ tiˬ mawˇ baˬ da neh, tsiˇ yaw saw tiˬ tsaꞈ tsaꞈ lah ni buꞈ-iˇ nya-awˇ, aˬ dzawˬ aˇ gah ui cuiˆ tehꞈ-ehˇ gah-euˬ ba da neh, huiˬ dui dui-eu tsawˇ gahˇ deuˬ cawˆ-iˇ nya-eu meh.

Iˇsaˬyaˇ 22:16

“Gawˬ duˇ baˬ gʼa lo guˇ-ahˇ, yawˬ ha-euˬ lmˬ bymˇ yawˬ ha byoe taˬ paˬ-ehˇ, nawˇ aˇ naˆ ni huiˬ-eu tsawˇ haˬ te.

Yeˬlaˬmiˇ 34:5

Nawˇ ciˬ cuˇ ni ziˇ ya dehꞈ jiˇ-awˇ, nawˬ-euˬ mehˬ hu sahˬ paˬ geuꞈ dzeuˇ yaꞈ-euˬ nawˬ-euˬ aˬ poeˬ aˬ bawˇ deuˬ-ahˇ baꞈ pahˬ ngeh tsiˇ yaw saw jeˬ doꞈ nehˬ-euˬ loꞈ-ehˇ, nawˬ-ahˇ baꞈ pahˬ ngeh kʼawꞈ, tsiˇ yaw saw jeˬ doꞈ nehˬ laꞈ tehꞈ-a. Nga maꞈ-euˬ sahˬ paˬ ziˇ jiˇ-euˬ ngaˇ lehˇ aˬ cawˬ nawˬ-euˬ gʼaˇ duˬ tsawˇ ngoeˇ ngoeˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Maˬkuˆ 16:1

Jawˇ nah dzeuˇ ngeh, Maˬliˇ Maˬgaˬdaˬlaˇ, Yaˬkoˆ-euˬ aˬ ma Maˬliˇ hawˇ-eu, Saˬloˬmeˬ aˬ ha smˇ gʼaˬ, Yeˬsuˇ-euˬ gʼawˇ mawˇ-ahˇ shehˆ daˆ nehˬ-iˇ-eu gʼaˇ duˬ, tsiˇ yaw saw gʼawˬ mya jeˬ zeuˇ-euˬ meh.

1 Saˬmeuˬlaˆ 31:12

nui ma kʼaˬ dui dui-eu tsawˇ haˬ deuˬ doˆ laˇ-awˇ, uˬ ciꞈ miˇ lah-ehˇ Behˬshaˬ meuˬ-ahˇ iˇ-euˬ meh. Meuˬ meuˬ lahˇ-ahˇ taꞈ myahˬ taˬ-euˬ Sawˇluˆ-euˬ gʼawˇ mawˇ hawˇ-eu, aˬ yawꞈ-euˬ aˬ li deuˬ-euˬ gʼawˇ mawˇ-ahˇ aˬ yawꞈ maꞈ baꞈ ka-awˇ, Jaˬbehˆ meuˬ-ahˇ baꞈ kʼoꞈ gʼeh-awˇ, miˬ dzaˬ dzah-euˬ meh.