2 Laˬsaˬbaˬ 15:7 - Akha

⁷ Ehˇ kʼawꞈ, naw maꞈ gʼaˬ byehˆ maˬ byehˆ ni, nui ma kʼaˬ duˬ ni taˬ-awˬ. Naw maꞈ neh mˇ-euˬ gaˇ baˬ da neh guiˬ lahˬ za tehꞈ-a.”

2 Laˬsaˬbaˬ 15:7 ပူးပေါင်းရင်းမြစ်များ

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

1 Laˬsaˬbaˬ 28:20

Aˬ yawꞈ-euˬ aˬ li Sawˇlaˬmoˬ-ahˇ sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ gʼeh-awˬ. Gaˇ mˇ-eu dawꞈ leˇ-awˇ, aˬ jeˬ pyeuꞈ kʼawꞈ maˬ byehˇ dzeh ni mˇ daˆ leꞈ-awˬ. Ngaˇ gʼoe luꞈ-eu Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a. Aˬ yawꞈ nawˬ-ahˇ maˬ byehˇ dzeh-ehˇ, aˬ yawꞈ-euˬ Uˬ duˬ tahˬ nymˇ nymˇ ma tsoˆ gaˇ taꞈ leˇ-eu yawˬ jeˬ na luꞈ-ahˇ nawˇ mˇ jiˇ ngeh keuˆ ni, nawˬ nehˬ-ehˇ aˬ yawꞈ jawˇ tehꞈ-a.

2 Laˬsaˬbaˬ 19:11

Piˇ ma Yaw huiˬ gʼaˬ pyeuꞈ-eu Aˬmaˬliˇ-aˬ, uˬ duˬ tahˬ-eu zahˇ sahˇ kʼoꞈ paw taꞈ leˇ-eu gaˇ dawˬ tawˆ luꞈ-ahˇ jahˇ jiˇ nya-eu baoˬ jaˆ-awˇ, Yuˇdaˆ miˇ kʼahˬ-ahˇ haw pyaˆ uˆ lahˇ-eu gʼaˬ pyeuꞈ-eu Iˇshaˬmeˬlaˇ-euˬ aˬ li Zeˬbaˬdiˇ-aˬ, miˇ kʼahˬ zahˇ sahˇ kʼoꞈ-ahˇ taꞈ-eu gaˇ yawˬ jeˬ na luꞈ-ahˇ jahˇ jiˇ nya-eu baoˬ jaˆ-eu meh. Leˬbiˇ tsawˇ haˬ deuˬ-aˬ, saˇ naˇ gaˇ mˇ-eu paw haw-eu pyaˆ-eu deuˬ ya geuꞈ meh. Nui ma kʼaˬ duˬ ni mˇ-awˬ. Yaw tsaˬ yaw dawˇ dawˇ-ehˇ mˇ-eu deuˬ jawˇ paw Sahˬpaˬ Miˬyehˇ pyawˬ luꞈ-uˇ.”

2 Laˬsaˬbaˬ 32:7

“Nui ma kʼaˬ duˬ ni taˬ-eu laꞈ kʼoeˇ gʼaˬ maˬ baˬ-ehˇ, Aˬshuˇliˆ sahˬ paˬ hawˇ-eu aˬ yawꞈ neh sheuˬ laꞈ-euˬ guiˇ maꞈ-ahˇ maˬ guˆ ni jawˇ-awˬ. Aˬ yawꞈ gʼaˬ kʼaˆ-eu naˆ maˬ tseˇ aˬ dui maꞈ gʼaˬ kʼaˆ dzehˬ ma.

Jaceuq 19:11

Dawˬkʼoeˇbaˬda nawˬ-euˬ zaˬkʼaˆ, siˬnya mawˇnya yahˇnya laˇ-awˇ, guiˬlahˬbaw dzehˬlaˇ-euˬmiˇ-a.

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Jaceuq 58:11

Kʼoeˇ ngeh, tsawˇ haˬ zaˬ deuˬ heu loꞈ-ehˇ ehˇ tehꞈ-a. “Yaw tsaˬ yaw dawˇ tsawˇ haˬ deuˬ aˬ diˇ aˬ maˇ laꞈ sawˬ za-eu ngaˇ. Miˇ tsaˬ-ahˇ yaˇ kʼaˬ daˇ-eu Miˬyehˇ aˬ diˇ jawˇ law hawˇ nga.”

Yeˬlaˬmiˇ 31:16

Sahˬpaˬ Miˬyehˇ heu loꞈ-ehˇ ehˇ-eu meh. “Maˬ ngoeˇ ni taˬ leˇ-awˬ. Myaˆ biˇ shiˆ shawˇ dzeh-awˬ. Nawˬ li kʼoeˇ deuˬ gʼaˇ duˬ nawˬ neh mˇ-euˬ gaˇ deuˬ, yawꞈ ngehꞈ-ehˇ maˬ ngeuˇ-aˇ. Muiˇ-eu deuˬ-euˬ miˇ kʼahˬ-ahˇ neh, aˬ yawꞈ maꞈ gʼoꞈ doˆ laˇ tehꞈ-a.

Daˬyeˬlaˇ 10:19

“Miˬyehˇ nawˬ-ahˇ gaˬ-eu meh. Kʼoeˇ miˇ neh, nawˇ tiˬ jeˬ-ahˇ-iˬ noeˬ shaˬ-awˇ taˬ guˆ” lehˇ aˬ yawꞈ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ ngeh, ngaˇ gʼaˬ paˇ ahˇ dzehˬ laˇ-awˇ, heu loꞈ-ehˇ ehˇ-euˬ ma. “Yaw huiˬ yaw mahˇ gʼaˬ-oˇ, nawˇ ngaˬ-ahˇ dzawˇ nehˬ paˬ-ehˇ gʼeh-eu jeˬ dzawˇ nehˬ laꞈ-awˬ. Nawˬ neh ngaˬ-ahˇ gʼaˬ bi ahˇ dzehˬ laˇ-euˬ miˇ-a.”

Zaˬkaˬliˇ 8:9

“Naw maꞈ gʼaˬ byehˆ taˬ byehˆ. Uˬ duˬ tahˬ nymˇ nymˇ ma tsoˆ muiˬ-eu lehˇ kʼaˬ lo gawˬ dahˬ beh ngeh, Miˬyehˇ gʼaˇ duˬ ngehˬ dah-euˬ deuˬ neh ehˇ-euˬ dawˬ kʼoeˇ, iˬ nah naw maꞈ paˇ ya gaˬ poˆ luꞈ-eu meh.

Maꞈtehˬ 5:12

Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

Maꞈtehˬ 5:46

Naw maꞈ-ahˇ gaˬ-eu tsawˇ haˬ deuˬ-ahˇ tehꞈ-ehˇ naw maꞈ gaˬ naˇ, naw maꞈ aˬ jeˬ aˇ poeˬ paˇ baw ta. Kawˬ taꞈ-eu tsawˇ haˬ deuˬ kʼawꞈ kʼoeˇ loꞈ-ehˇ gaˬ-eu maˬ ngeuˇ-a loˇ.

Maꞈtehˬ 6:1

“Uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu jaˬ-eu gaˇ deuˬ-ahˇ naw maꞈ mˇ ngeh, aˬ cawˬ mawˇ ni mˇ-eu jeˬ taˬ bi pyeuꞈ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda naw maꞈ-ahˇ guiˬ lahˬ maˬ biꞈ-a.

Maꞈtehˬ 6:18

Kʼoeˇ loꞈ-ehˇ jahˇ ngeh, naw maꞈ maˬ dzaˬ ni dzahˬ luꞈ-eu gaˇ kawˆ, tsawˇ haˬ zaˬ deuˬ maˬ mawˇ nya kʼawꞈ, tsawˇ haˬ zaˬ maˬ mawˇ nya gaˇ jawˇ-eu naw maꞈ-euˬ Aˬda mawˇ tehꞈ-a. Tsawˇ haˬ zaˬ maˬ mawˇ nya-eu jeˬ-ahˇ mawˇ luꞈ-eu naw maꞈ-euˬ Aˬda, naw maꞈ-ahˇ guiˬ lahˬ biꞈ laꞈ tehꞈ-a.

Maꞈtehˬ 6:4

Nawˇ kʼoeˇ loꞈ-ehˇ jahˇ ngeh, aˬ cawˬ tiˬ gʼaˬ-iˬ maˬ siˬ nya-a. Ehˇ kʼawꞈ, tsawˇ haˬ zaˬ maˬ mawˇ nya-eu jeˬ-ahˇ mawˇ nya-eu nawˬ-euˬ Aˬda nawˬ-ahˇ guiˬ lahˬ biꞈ tehꞈ-a.

Maꞈtehˬ 6:6

Ehˇ kʼawꞈ, nawˇ guiˬ lahˬ shaˇ ngeh, kuˆ lawˆ laꞈ kʼoeˇ uˇ leˇ-awˇ, laˇ gʼoˆ piˬ tehˬ taˬ-awˇ, maˬ mawˇ laˇ-eu nawˬ-euˬ Aˬda-ahˇ shaˇ-awˬ. Tsawˇ haˬ zaˬ maˬ mawˇ-eu jeˬ-ahˇ mawˇ nya-eu nawˬ-euˬ Aˬda nawˬ-ahˇ guiˬ lahˬ biꞈ laꞈ tehꞈ-a.

Luˇkaꞈ 6:35

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

1 Gawˇliˬtu 16:13

Yaw beuˇ beuˇ-ehˇ jawˇ-awˬ. Jah-eu jeˬ laꞈ kʼoeˇ ziꞈ dah ni yawꞈ tehˬ taˬ-awˬ. Nui ma kʼaˬ duˬ ni taˬ-awˬ. Gʼaˬ tiˬ byah ni bi ahˇ-awˬ.

1 Gawˇliˬtu 3:14

Dawˬ pehˬ gawˬ taˬ-euˬ kʼoeˇ taˆ gawˬ daˆ taˬ-euˬ jeˬ-ahˇ miˬ dzaˬ maˬ puiˆ dzaˬ nya naˇ, nymˇ gawˬ-euˬ kʼoeˇ gʼaˬ laꞈ sawˬ za tehꞈ-a.

1 Gawˇliˬtu 3:8

Ka-eu gʼaˬ hawˇ-eu iˇ cuꞈ shehˬ-eu gʼaˬ beu gaˇ duˬ maˬ jaˆ-a. Nyiˬ gʼaˬ luꞈ-ahˇ yawˬ ha neh kʼaˇ mˇ-euˬ loꞈ-ehˇ geuˇ ni Miˬyehˇ laꞈ sawˬ biꞈ nehˬ tehꞈ-a.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Gawˇlawˇsehˇ 3:24

Sahˬpaˬ Yeˬsuˇ neh aˬ yawꞈ-euˬ tsawˇ haˬ deuˬ gʼaˇ duˬ lehˬ hmˬ taˬ-euˬ laꞈ sawˬ-ahˇ naw maꞈ za tehꞈ-a lehˇ nui ma laꞈ kʼoeˇ noeˬ taˬ-awˬ. Aˬ jeˬ miˇ neh ehˇ naˇ, naw maꞈ gaˇ mˇ nehˬ luꞈ-eu Baw leˬ maˇ maˇ ni gʼeh-eu gʼaˬ-aˬ, Ka li meh.

HeˬByehˇ 10:35

Kʼoeˇ miˇ neh, naw maꞈ nui ma ziꞈ-eu jeˬ-ahˇ taˬ byehˇ dzeh. Aˬ jeˬ miˇ neh ehˇ naˇ, kʼoeˇ baˬ da neh huiˬ dui dui-eu laꞈ sawˬ naw maꞈ za tehꞈ-a.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

Yawˇshuˆ 1:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ tsawˇ haˬ heu deuˬ jawˇ leˇ ngeh, aˬ yawꞈ maꞈ kʼoeˇ taˆ nawˇ aˬ yuiꞈ ya geuˬ tehꞈ-a.

Yawˇshuˆ 1:7

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˇ, ngaˬ-euˬ zaˬ kʼaˆ Moˇseˬ neh nawˬ-ahˇ biꞈ-euˬ Zahˇ dawˬ kʼoꞈ dawˬ dawˬ tawˆ luꞈ-ahˇ, maˬ ngehˇ ni caw teh-awˬ.

Yawˇshuˆ 1:9

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ lehˇ, ngaˇ nawˬ-ahˇ ehˇ-eu dawˬ heu dawˬ-ahˇ taˬ ngehˇ. Guˆ-eu jeˬ maˬ ehˇ, gʼaˬ baˬ-eu jeˬ maˬ ehˇ, nawˬ-euˬ nui ma laꞈ kʼoeˇ taˬ bi pyeuꞈ doˆ laˇ. Aˬ jeˬ miˇ neh ehˇ naˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, nawˇ kʼaˇ iˇ kʼaˇ laˇ gaˇ nawˬ nehˬ-ehˇ jawˇ ma.”

Yawˇshuˆ 14:14

Heˬbyoˬ meuˬ-aˬ, iˬ nah keuˆ ni, Gaˬnaˆ aˇ jeuˬ Yeˬpuˬnehˇ-euˬ aˬ li Gaˬlehˆ-euˬ zaˬ deuˬ uˆ deuˬ-euˬ meuˬ pyeuꞈ-eu meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ saˇ jaˇ ziꞈ-eu laꞈ kʼoeˇ naˇ haˬ geuꞈ-euˬ meh.

2 Yoˇhaˬ 1:8

Kʼoeˇ miˇ neh, naw maꞈ neh yawˬ ha gʼaˇ duˬ mˇ-euˬ shaˇ-euˬ jeˬ yawꞈ ngehꞈ-ehˇ maˬ bi pyeuꞈ-iˇ-ehˇ, Miˬyehˇ neh naw maꞈ-ahˇ biꞈ-eu lehˇ lehˬ hmˬ taˬ-euˬ jeˬ tiˬ byah tiˬ loꞈ za nya ni yaw kʼaˆ kʼaˆ-ehˇ yahˇ-awˬ.

Luˇta 2:12

Nawˇ kʼoeˇ loꞈ-ehˇ mˇ-eu baˬ da neh, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Iˇsaˬleˬlaˆ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ aˬ dahˇ uˬ moˆ, nawˇ tah uˇ laˇ-eu loꞈ-ehˇ, aˬ yawꞈ nawˬ-ahˇ guiˬ lahˬ tiˬ byah tiˬ loꞈ biꞈ laꞈ luꞈ-uˇ.”