2 Laˬsaˬbaˬ 15:5 - Akha

⁵ Aˬ yawꞈ maꞈ aˬ yawꞈ-ahˇ poˆ-awˇ, poˆ mawˇ-euˬ meh. Aˇ nah aˇ yamˬ kʼoeˇ yamˬ laꞈ kʼoeˇ, tsawˇ haˬ tiˬ gʼaˬ-iˬ tiˬ jeˬ-iˬ maˬ ca laˇ ni maˬ iˇ maˬ laˇ tsehˆ nya-a. Aˬ jeˬ miˇ neh ehˇ naˇ, miˇ kʼahˬ yawˬ kʼahˬ na luꞈ laꞈ kʼoeˇ, guˆ-eu gaˆ-eu jeˬ hawˇ-eu maˬ tsaˬ maˬ dzoeˇ leˇ-eu jeˬ jaˆ luꞈ-eu meh.

2 Laˬsaˬbaˬ 15:5 ပူးပေါင်းရင်းမြစ်များ

Jaceuq 121:8

Nawˇ kʼaˇ iˇ kʼaˇ laˇ-eu yawˬ gaˇ na luꞈ, mˬ maˬ maˬ byaˆ zaˇ ziˇ aˬ yawꞈ haw piˇ tehꞈ-a.

Zaˬkaˬliˇ 8:10

Aˇ yamˬ kʼoeˇ yamˬ-ahˇ keuˆ ni, tsawˇ haˬ hawˇ-eu jeˬ zaˬ poˆ-awˇ gaˇ bi mˇ-eu gʼaˇ duˬ, pyuˇ yuˇ doˆ nya-eu tiˬ gʼaˬ-iˬ maˬ jawˇ-eu uˬ taꞈ, muiˇ-eu deuˬ kʼehˬ laˇ gaˇ maˬ guˆ-ehˇ dehꞈ-euˬ tiˬ gʼaˬ-iˬ maˬ jawˇ-a. Tsawˇ haˬ tiˬ gʼaˬ tiˇ gʼaˬ muiˇ ni ngaˇ jahˇ-euˬ ma.

Luˇkaꞈ 21:25

“Nahˇ ma, ba la, aˬ guiˇ laꞈ kʼoeˇ, bi siˬ bi mawˇ-eu gʼawˬ mya jeˬ pyeuꞈ doˆ laˇ tehꞈ-a. Miˇ tsaˬ tsawˇ jeuˬ deuˬ iˬ ma laˆ shaˆ iˇ luˆ dzeh-awˇ teˇ saˇ mahˇ gaˇ guˆ dui dui-awˇ, zahˬ leˇ tsoˆ leˇ tehꞈ-a.

Dawˬmehˬ 28:19

“Nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ, Sahˬpaˬ Miˬyehˇ nawˬ-ahˇ yaˬ kʼehˇ yaˬ tehꞈ-a.

Yaˇ kʼaˬ daˇ 5:6

Aˬnaˆ-euˬ aˬ li Shamˬgaˬ yaw dehꞈ dehꞈ ngeh, Yeˬlaˇ yaw dehꞈ dehꞈ ngeh, baw gaꞈ deuˬ gaˇ jawˬ-ahˇ byehˇ-awˇ, iˇ tsehˆ laˇ tsehˆ-eu tsawˇ haˬ deuˬ gaˇ ma gaˇ coeˬ-ahˇ cah-euˬ meh.

1 Saˬmeuˬlaˆ 13:6

Kʼoeˇ naˇ, kʼaˆ dui dui-eu guiˇ maꞈ pyehˬ gʼeh-awˇ, Iˇsaˬleˬlaˆ tsawˇ haˬ deuˬ-ahˇ teh byaˆ jiˇ-euˬ meh. Iˇsaˬleˬlaˆ tsawˇ haˬ tiˬ paˆ na deuˬ-aˬ, lo kʼahˬ lo byoe doe ni maˬ ehˇ, lo guˇ uˬ gʼmˬ-ahˇ maˬ ehˇ, lo guˇ kʼahˬ naꞈ kʼaˇ jaˆ gaˇ maˬ ehˇ, dzuˇ zaꞈ luꞈ-eu meh.