2 Laˬsaˬbaˬ 15:15 - Akha

¹⁵ Yuˇdaˆ miˇ kʼahˬ zaˬ dawˬ tawˆ luꞈ laˬ kʼaˬ cehˇ-eu meh. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ dawˬ ma saˇ jaˇ dzaˬ-euˬ meh. Sahˬpaˬ Miˬyehˇ-ahˇ uˬ duˬ tahˬ-eu jeˬ laꞈ kʼoeˇ aˬ yawꞈ maꞈ nui kʼahˇ shiˇ-eu miˇ neh, aˬ yawꞈ maꞈ-ahˇ Sahˬpaˬ Miˬyehˇ ha geuꞈ-awˇ, aˬ yawꞈ maꞈ-euˬ miˇ kʼahˬ yawˬ pyawˬ na luꞈ-ahˇ coꞈ ngehˇ ni gʼeh-eu jeˬ bi keuˆ le-euˬ meh.

2 Laˬsaˬbaˬ 15:15 ပူးပေါင်းရင်းမြစ်များ

2 Sahˬpaˬ 23:3

Sahˬpaˬ Miˬyehˇ-euˬ ehˇ dawˬ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ daw hawˇ-eu aˬ yawꞈ neh mehˬ nehˬ tsoˆ nehˬ-euˬ dawˬ deuˬ-ahˇ, nui ma gʼawˇ mawˇ dawˬ tawˆ luꞈ caw teh-eu gʼaˇ duˬ maˬ ehˇ, sahˬ boꞈ paˇ dmˬ kʼoeˇ dmˬ laꞈ kʼoeˇ boꞈ taˬ-euˬ loꞈ-ehˇ, dawˬ ma saˇ jaˇ dzaˬ-euˬ dawˬ deuˬ-ahˇ maˬ gʼawˬ-iˇ ni dehꞈ gʼeh-eu gʼaˇ duˬ maˬ ehˇ, kʼawˇ zeuˇ dawˬ peh aˬ yawꞈ yawꞈ-awˇ saˇ jaˇ dzaˬ-euˬ meh. Tsawˇ haˬ dawˬ tawˆ luꞈ kʼawꞈ, dawˬ ma saˇ jaˇ-ahˇ caw teh-awˇ dehꞈ ma lehˇ saˇ jaˇ dzaˬ-euˬ meh.

1 Laˬsaˬbaˬ 16:10

Aˬ dui yawꞈ-euˬ tsawˇ haˬ pyeuꞈ-eu, laˬ kʼaˬ cehˇ-awˇ nui kʼahˇ shiˇ-awˬ. Yawꞈ-ahˇ uˬ duˬ kʼaˇ tahˬ-eu deuˬ, laˬ kʼaˬ cehˇ-awˇ nui kʼahˇ shiˇ-awˬ.

2 Laˬsaˬbaˬ 11:16

Iˇsaˬleˬlaˆ tsawˇ jeuˬ dawˬ tawˆ luꞈ laꞈ kʼoeˇ, maˇ maˇ ni Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ mawꞈ-eu tsawˇ haˬ deuˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ya lawˇ ya shehˇ ni, Leˬbiˇ tsawˇ haˬ deuˬ-euˬ mehˬ nah Yeˬluˇsaˬlehˬ meuˬ-ahˇ caw teh gʼeh-euˬ meh.

2 Laˬsaˬbaˬ 14:6

Aˇ yamˬ kʼoeˇ yamˬ laꞈ kʼoeˇ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ ziꞈ dah ni aˬ yawꞈ tsoˆ ziꞈ-awˇ, guiˇ deuˆ-eu maˬ baw ni gʼawˬ mya kʼoꞈ dehꞈ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ aˬ yawꞈ-ahˇ coꞈ ngehˇ ni gʼeh-eu jeˬ biꞈ nehˬ-euˬ meh.

2 Laˬsaˬbaˬ 14:7

Yuˇdaˆ tsawˇ haˬ deuˬ-ahˇ aˬ yawꞈ ehˇ nehˬ-eu, “Meuˬ heu deuˬ-ahˇ aˬ dui laˆ ziꞈ-eu laꞈ kʼoeˇ, meuˬ meuˬ lahˇ gawˬ-awˇ, meuˬ-ahˇ loꞈ-eu nymˇ hawˇ-eu piˬ tehˬ ziꞈ nya-eu meuˬ lahˇ laˇ gʼoˆ deuˬ jahˇ kaˇ-euˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nui kʼahˇ aˬ dui mˇ-euˬ baˬ da neh, miˇ kʼahˬ heu kʼahˬ-ahˇ aˬ dui uˆ lahˇ ziꞈ nya-eu meh. Yawˬ pyawˬ na luꞈ aˬ dui-ahˇ aˬ yawꞈ haw piˇ luꞈ-eu meh.”

2 Laˬsaˬbaˬ 15:12

Aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ ma lehˇ, aˬ yawꞈ maꞈ dawˬ ma saˇ jaˇ dzaˬ-euˬ meh.

2 Laˬsaˬbaˬ 15:14

Dawˬ ma saˇ jaˇ kʼoeˇ hmˬ-ahˇ ziꞈ ma lehˇ, Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ maꞈ yaw kʼaˆ-ehˇ guˇ-euˬ meh. Kʼoeˇ naˇ, aˬ yawꞈ maꞈ guˇ guˇ-ehˇ daˇ heh baw-euˬ meh.

2 Laˬsaˬbaˬ 15:2

Kʼoeˇ naˇ, Aˬsaˬ jawˇ gaˇ iˇ-awˇ ehˇ nehˬ-eu, “Sahˬ paˬ Aˬsaˬ hawˇ-eu, Yuˇdaˆ miˇ kʼahˬ, Beˬyaˬmiˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ ngaˇ ehˇ gaˇ naˇ haˬ sheˇ. Naw maꞈ Sahˬpaˬ Miˬyehˇ laꞈ kʼoeˇ kʼaˇ jawˇ kʼoeˇ keuˆ ni, aˬ yawꞈ kʼawꞈ naw maꞈ nehˬ-ehˇ jawˇ tehꞈ-a. Naw maꞈ aˬ yawꞈ-ahˇ poˆ naˇ, aˬ yawꞈ naw maꞈ-ahˇ bi mawˇ laꞈ tehꞈ-a. Ehˇ kʼawꞈ, naw maꞈ aˬ yawꞈ-ahˇ byehˇ dzeh naˇ, aˬ yawꞈ kʼawꞈ naw maꞈ-ahˇ byehˇ dzeh tehꞈ-a.

2 Laˬsaˬbaˬ 15:4

Ehˇ kʼawꞈ, shaˬ-eu zahˬ-eu jeˬ-ahˇ ya tahˬ puˬ ngeh, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ aˬ yawꞈ maꞈ paˇ gʼoꞈ poˆ laˇ-euˬ meh.

2 Laˬsaˬbaˬ 15:6

Miˇ kʼahˬ tiˬ kʼahˬ tiˇ kʼahˬ kʼaˆ dzaˬ-awˇ, meuˬ tiˬ meuˬ tiˇ meuˬ nawˬ dzaˬ-eu meh. Aˬ jeˬ miˇ neh ehˇ naˇ, shaˬ-eu zahˬ-eu jeˬ hawˇ-eu guˆ-eu gaˆ-eu jeˬ, aˬ yawꞈ maꞈ kʼoeˇ taˆ Miˬyehˇ bi keuˆ le luꞈ-eu meh.

2 Laˬsaˬbaˬ 19:3

Ehˇ kʼawꞈ, nawˬ-euˬ laꞈ kʼoeˇ yaw muiˬ jeˬ ahˇ-a siˬ. Aˬ jeˬ miˇ neh ehˇ naˇ, miˇ kʼahˬ zaˬ deuˬ uˬ duˬ tahˬ luꞈ-eu Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ dawˬ tawˆ luꞈ-ahˇ nawˇ laˆ cawˆ jiˇ-awˇ, Sahˬpaˬ Miˬyehˇ-euˬ nui noeˬ-ahˇ nawˇ caw teh-euˬ meh.”

2 Laˬsaˬbaˬ 20:30

Yeˬhawˇshaˬpaˇ-euˬ miˇ kʼahˬ coꞈ ngehˇ ni jaˆ-awˇ, aˬ yawꞈ-euˬ miˇ kʼahˬ yawˬ paw yawˬ coeˇ na luꞈ-ahˇ, Sahˬpaˬ Miˬyehˇ haw piˇ nehˬ-euˬ meh.

2 Laˬsaˬbaˬ 29:10

“Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ nui ma pehˇ-eu jeˬ byoˆ-iˇ ni, aˬ yawꞈ nehˬ-ehˇ dawˬ ma saˇ jaˇ dzaˬ-eu gʼaˇ duˬ nymˬ-mˇ ngaˇ noeˬ tsehˆ taˬ-euˬ ma.

2 Laˬsaˬbaˬ 29:36

Gaˇ heu deuˬ yaw kawˇ-ehˇ mˇ pyeuꞈ nya ni Miˬyehˇ aˬ yawꞈ maꞈ-ahˇ caw ba-euˬ miˇ neh, sahˬ paˬ Heˬsaˬgiˇ hawˇ-eu miˇ kʼahˬ zaˬ deuˬ laˬ kʼaˬ cehˇ dui dui-euˬ meh.

2 Laˬsaˬbaˬ 34:31

Sahˬpaˬ Miˬyehˇ-euˬ ehˇ dawˬ-ahˇ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ dawˬ hawˇ-eu aˬ yawꞈ neh mehˬ nehˬ tsoˆ nehˬ-euˬ dawˬ deuˬ-ahˇ nui ma gʼawˇ mawˇ dawˬ tawˆ luꞈ caw teh-eu gʼaˇ duˬ maˬ ehˇ, sahˬ boꞈ paˇ dmˬ kʼoeˇ dmˬ boꞈ taˬ-euˬ loꞈ-ehˇ, dawˬ ma saˇ jaˇ dzaˬ taˬ-euˬ dawˬ deuˬ-ahˇ maˬ gʼawˬ-iˇ ni dehꞈ-eu jawˇ-eu gʼaˇ duˬ maˬ ehˇ, sahˬ paˬ-euˬ kʼawˇ zeuˇ dawˬ peh aˬ yawꞈ yawꞈ-awˇ saˇ jaˇ dzaˬ-euˬ meh.

Neˬhaˬmiˇ 8:9

Zahˇ dawˬ kʼoꞈ dawˬ-ahˇ tsawˇ haˬ kʼoeˇ deuˬ gʼoˆ siˬ gʼaˬ ngeh, nui ma-ahˇ zaw dui dui leˇ-awˇ ngoeˇ-euˬ meh. Kʼoeˇ ngeh, Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Neˬhaˬmiˇ, piˇ ma hawˇ-eu zahˇ dawˬ kʼoꞈ dawˬ siˬ nya-eu zahˇ dzoeˬ miˬ ma pyeuꞈ-eu Eˇzaˬlaˬ hawˇ-eu, zahˇ dawˬ kʼoꞈ dawˬ-euˬ dawˬ tsuiꞈ mehˬ nehˬ-eu Leˬbiˇ tsawˇ haˬ deuˬ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Iˬ nah-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah meh. Kʼoeˇ miˇ neh naw maꞈ taˬ ngoeˇ.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Jaceuq 119:10

Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ saˇ jaˇ ziꞈ ma. Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ ya byehˇ dzeh ni caw ba nehˬ laꞈ.

Jaceuq 119:106

Nawˇ mehˬ-eu tsoˆ-eu yaw tsaˬ yaw dawˇ jeˬ-ahˇ naˇ haˬ geuꞈ-eu gʼaˇ duˬ, ngaˇ saˇ jaˇ ziꞈ dah ni dzaˬ-eu ma.

Jaceuq 119:111

Nawˬ-euˬ zahˇ dawˬ kʼoꞈ dawˬ-ahˇ mˬ maˬ maˬ byaˆ zaˇ ziˇ ngaˇ za gʼaˬ-awˇ, ngaˬ-euˬ nui ma-ahˇ laˬ kʼaˬ bi cehˇ-eu meh.

Jaceuq 32:11

Tsaˬeu dawˇ-eu tsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Nui ma dawˇ-eu tsawˇhaˬdeuˬ-oˇ, laˬkʼaˬcehˇdui dui-awˇguˇ-awˬ.

Doˆ-iˇ 24:3

Iˇsaˬleˬlaˆ tsawˇ haˬ deuˬ jawˇ gaˇ Moˇseˬ iˇ-awˇ, Sahˬpaˬ Miˬyehˇ neh biꞈ nehˬ-euˬ dawˬ deuˬ hawˇ-eu zahˇ sahˇ kʼoꞈ deuˬ, aˬ yawꞈ maꞈ-ahˇ dzawˇ mehˬ nehˬ-euˬ meh. Kʼoeˇ ngeh, tsawˇ haˬ dawˬ tawˆ luꞈ, “Sahˬpaˬ Miˬyehˇ neh kʼaˇ ehˇ taˬ-euˬ yawˬ jeˬ na luꞈ nga maꞈ mˇ ma” lehˇ ehˇ-eu meh.

Dawqdaq 3:17

Zaˬ siˬ tsawˇ gahˇ kaˇ iˇ gaˇ laˬ kʼaˬ cehˇ-eu jeˬ byah-awˇ, aˬ yawꞈ-euˬ gaˇ ma-ahˇ nui saˇ oꞈ-eu jeˬ jaˆ-eu meh.

Iˇsaˬyaˇ 26:8

Nawˬ-euˬ nui kʼahˇ nga maꞈ poˆ-awˇ, nawˬ-ahˇ nga maꞈ noeˬ tmˬ-eu ma. Nga maꞈ nui kʼahˇ shiˇ duˬ nawˇ meh.

Iˇsaˬyaˇ 45:19

Ngaˇ dawˬ zaꞈ maˬ ngehˬ-ehˇ, ngaˬ-euˬ nui kʼahˇ ngaˇ maˬ dehˬ kaˬ taˬ-aˬ. Jawˇ tsaˬ maˬ tsoˆ-eu ngaˬ-ahˇ poˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ maˬ kʼehˇ-aˬ. Ngaˇ Sahˬpaˬ Miˬyehˇ pyeuꞈ-awˇ dawˬ maˇ ngehˬ-eu ma. Yaw tsaˬ yaw dawˇ jeˬ ngaˇ pah mehˬ luꞈ ma.”

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

Dawˬmehˬ 26:11

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh, nawˇ hawˇ-eu nawˬ-euˬ miˬ sawˇ zaˬ deuˬ-ahˇ biꞈ nehˬ laꞈ-euˬ muiˬ-eu jeˬ gʼaˇ duˬ, aˬ yawꞈ-euˬ guiˬ lahˬ-ahˇ ja ceuˬ-awˬ. Nawˬ nehˬ-ehˇ jawˇ luꞈ-eu Leˬbiˇ tsawˇ haˬ deuˬ hawˇ-eu aˬ cawˬ tsawˇ jeuˬ deuˬ kʼawꞈ, bawˬ-iˬ gʼeh gaˇ laˬ kʼaˬ bi cehˇ laˇ-awˬ.

Piˇliˇpiˆ 1:23

Heu nyiˬ jeˬ luꞈ ngaˬ-ahˇ gʼeu taw taˬ-euˬ meh. Ngaˇ geuꞈ mawꞈ-eu-aˬ, miˇ tsaˬ kʼoeˇ taˆ dehꞈ-eu heu-ahˇ byehˇ dzeh yaꞈ-awˇ Ka li nehˬ-ehˇ jawˇ leˇ mawꞈ-eu kʼoeˇ hmˬ ma. Aˬ jeˬ miˇ neh ehˇ naˇ, kʼoeˇ-aˬ, ngaˬ-euˬ gʼaˇ duˬ muiˬ dzehˬ-eu meh.

Yawˇshuˆ 23:1

Aˬ yawꞈ maꞈ-euˬ jawˬ jawˬ-ehˇ jawˇ-eu muiˇ-eu deuˬ-ahˇ maˬ ya guˆ ni, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ myahˇ ni bi dehꞈ bi jawˇ-euˬ meh. Kʼoeˇ ngeh, Yawˇshuˆ tsawˇ mawˬ mawˬ dui dui le-euˬ meh.

Yawˇshuˆ 24:25

Kʼoeˇ ngeh nah, Iˇsaˬleˬlaˆ tsawˇ haˬ deuˬ gʼaˇ duˬ, dawˬ ma saˇ jaˇ tiˬ hmˬ Yawˇshuˆ dzaˬ-awˇ, aˬ yawꞈ maꞈ ya caw teh-eu zahˇ dawˬ kʼoꞈ dawˬ deuˬ hawˇ-eu zahˇ sahˇ kʼoꞈ deuˬ, Sheˬkmˬ meuˬ-ahˇ aˬ yawꞈ maꞈ-ahˇ biꞈ nehˬ-euˬ meh.