2 Laˬsaˬbaˬ 14:6 - Akha

⁶ Aˇ yamˬ kʼoeˇ yamˬ laꞈ kʼoeˇ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ ziꞈ dah ni aˬ yawꞈ tsoˆ ziꞈ-awˇ, guiˇ deuˆ-eu maˬ baw ni gʼawˬ mya kʼoꞈ dehꞈ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ aˬ yawꞈ-ahˇ coꞈ ngehˇ ni gʼeh-eu jeˬ biꞈ nehˬ-euˬ meh.

2 Laˬsaˬbaˬ 14:6 ပူးပေါင်းရင်းမြစ်များ

1 Sahˬpaˬ 5:4

Ehˇ kʼawꞈ, nymˬ-mˇ poˆ jawˇ ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, ngaˬ-euˬ miˇ kʼahˬ yawˬ coeˇ na luꞈ coꞈ ngehˇ ni bi jaˆ-awˇ, ngaˬ-ahˇ muiˇ-eu miˇ kʼahˬ maˬ jaˆ-eu miˇ neh, guiˇ deuˆ le gaˇ guˆ kʼaˇ maˬ za-a.

1 Laˬsaˬbaˬ 22:13

Iˇsaˬleˬlaˆ tsawˇ jeuˬ gʼaˇ duˬ, Sahˬpaˬ Miˬyehˇ neh Moˇseˬ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nawˇ naˇ haˬ geuꞈ naˇ, nawˇ huiˬ laˇ mahˇ laˇ tehꞈ-a. Nui ma ziꞈ dah ni taˬ-awˇ, yawˬ haˇ yawˬ ha nui jah ahˇ-eu laꞈ kʼoeˇ, tiˬ jeˬ-ahˇ-iˬ maˬ guˆ ni dehꞈ-awˬ.

1 Laˬsaˬbaˬ 22:9

Ehˇ kʼawꞈ, aˬ yawꞈ ngaˬ-ahˇ heu loꞈ-ehˇ saˇ jaˇ dzaˬ-euˬ meh. ‘Sahˬ paˬ geuꞈ-awˇ saˇ lehˆ ni miˇ kʼahˬ-ahˇ ya uˆ lahˇ-eu nawˬ-euˬ aˬ li tiˬ li jawˇ le tehꞈ-a. Aˬ jeˬ miˇ neh ehˇ naˇ, muiˇ-eu deuˬ nehˬ-ehˇ aˬ yawꞈ guiˇ maˬ ya deuˆ-ehˇ, miˇ kʼahˬ saˇ lehˆ ni aˬ yawꞈ ya uˆ lahˇ-eu gʼaˇ duˬ ngaˇ jahˇ ma. Aˬ yawꞈ-ahˇ Sawˇlaˬmoˬ lehˇ ya myahˇ tehꞈ-a. Aˬ jeˬ miˇ neh ehˇ naˇ, aˬ yawꞈ uˆ lahˇ-eu aˇ yamˬ laꞈ kʼoeˇ, Iˇsaˬleˬlaˆ miˇ kʼahˬ laꞈ kʼoeˇ guˆ-eu gaˆ-eu jeˬ maˬ jaˆ-ehˇ, nui saˇ oꞈ-awˇ, coꞈ ngehˇ ni jaˆ ni ngaˇ jahˇ ma.

2 Laˬsaˬbaˬ 15:15

Yuˇdaˆ miˇ kʼahˬ zaˬ dawˬ tawˆ luꞈ laˬ kʼaˬ cehˇ-eu meh. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ dawˬ ma saˇ jaˇ dzaˬ-euˬ meh. Sahˬpaˬ Miˬyehˇ-ahˇ uˬ duˬ tahˬ-eu jeˬ laꞈ kʼoeˇ aˬ yawꞈ maꞈ nui kʼahˇ shiˇ-eu miˇ neh, aˬ yawꞈ maꞈ-ahˇ Sahˬpaˬ Miˬyehˇ ha geuꞈ-awˇ, aˬ yawꞈ maꞈ-euˬ miˇ kʼahˬ yawˬ pyawˬ na luꞈ-ahˇ coꞈ ngehˇ ni gʼeh-eu jeˬ bi keuˆ le-euˬ meh.

2 Laˬsaˬbaˬ 17:4

Aˬ yawꞈ aˬ da-euˬ Miˬyehˇ-ahˇ aˬ yawꞈ uˬ duˬ tahˬ-awˇ, Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ deuˬ loꞈ-ehˇ maˬ gʼeh ni aˬ yawꞈ dehꞈ-euˬ meh.

2 Laˬsaˬbaˬ 20:30

Yeˬhawˇshaˬpaˇ-euˬ miˇ kʼahˬ coꞈ ngehˇ ni jaˆ-awˇ, aˬ yawꞈ-euˬ miˇ kʼahˬ yawˬ paw yawˬ coeˇ na luꞈ-ahˇ, Sahˬpaˬ Miˬyehˇ haw piˇ nehˬ-euˬ meh.

2 Laˬsaˬbaˬ 26:5

Guiˬ lahˬ saꞈ laˇ paw taꞈ leˇ-awˇ, aˬ yawꞈ-ahˇ nui noeˬ nui duˇ biꞈ-eu gʼaˬ pyeuꞈ-eu Zaˬkaˬliˇ kʼaˇ dehꞈ kʼoeˇ keuˆ ni, Sahˬpaˬ Miˬyehˇ-ahˇ aˬ yawꞈ saˇ jaˇ ziꞈ-awˇ, Miˬyehˇ aˬ yawꞈ-ahˇ guiˬ lahˬ biꞈ nehˬ-euˬ meh.

2 Laˬsaˬbaˬ 31:21

Uˬ duˬ tahˬ nymˇ nymˇ ma gʼaˇ duˬ mˇ-eu paw maˬ ehˇ, zahˇ dawˬ kʼoꞈ dawˬ mehˬ nah caw teh-eu paw maˬ ehˇ, aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ Miˬyehˇ-ahˇ saˇ jaˇ ziꞈ-awˇ aˬ yawꞈ nui ma tsaˬ-eu loꞈ-ehˇ tehꞈ-ehˇ mˇ-euˬ miˇ neh, aˬ yawꞈ neh mˇ-euˬ gaˇ deuˬ huiˬ laˇ mahˇ laˇ-euˬ meh.

2 Laˬsaˬbaˬ 34:3

Yawˇshiˆ sahˬ paˬ geuꞈ-euˬ yehꞈ kʼoꞈ tiˬ kʼoꞈ keuˆ laˇ-awˇ, aˬ yawꞈ zaˬ guˬ guˬ zaˬ pyeuꞈ luꞈ ngeh, aˬ yawꞈ-euˬ aˬ poeˬ sahˬ paˬ Daˬbiˇ-euˬ Miˬyehˇ-ahˇ uˬ duˬ tahˬ-euˬ meh. Kʼoeˇ naˇ kʼah, oeˬ kʼoꞈ keuˆ laˇ ngeh, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ maˬ ehˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ-ahˇ maˬ ehˇ, tahˬ pahˬ aˬ ma mawˇ kawˇ nui deuˬ dawˬ tawˆ luꞈ-ahˇ maˬ ehˇ, aˬ yawꞈ laˆ cawˆ nehˬ jiˇ-euˬ meh.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Jaceuq 46:9

Miˇ tsaˬ kʼoeˇ taˆ guiˇ kʼaˇ deuˆ gaˇ aˬ yawꞈ laˆ naˬ-eu meh. Kaˆ hawˇ-eu gahˬ-ahˇ aˬ yawꞈ ngawˬ kʼehꞈ ngawˬ kʼoeˆ-awˇ, dehˬ daˬ duˬ-ahˇ miˬ dzaˬ dzah dzeh-eu meh.

Yawˇshuˆ 23:1

Aˬ yawꞈ maꞈ-euˬ jawˬ jawˬ-ehˇ jawˇ-eu muiˇ-eu deuˬ-ahˇ maˬ ya guˆ ni, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ myahˇ ni bi dehꞈ bi jawˇ-euˬ meh. Kʼoeˇ ngeh, Yawˇshuˆ tsawˇ mawˬ mawˬ dui dui le-euˬ meh.

Yaˇ kʼaˬ daˇ 3:11

Miˇ kʼahˬ kʼoeˇ kʼahˬ laꞈ kʼoeˇ, oeˬ tseˇ kʼoꞈ keuˆ ni guiˇ maˬ deuˆ-ehˇ nui saˇ oꞈ-euˬ meh. Kʼoeˇ naˇ, Awˇdaˬneˬlaˇ shiˇ-euˬ meh.

Yaˇ kʼaˬ daˇ 3:30

Kʼoeˇ ngeh nah, Mawˇbaˆ miˇ kʼahˬ-ahˇ Iˇsaˬleˬlaˆ tsawˇ haˬ deuˬ deuˆ gʼaˬ-awˇ, Iˇsaˬleˬlaˆ miˇ kʼahˬ laꞈ kʼoeˇ, yehꞈ tseˇ kʼoꞈ byah ni guiˇ maˬ deuˆ-ehˇ nui saˇ oꞈ-eu laꞈ kʼoeˇ ya dehꞈ ya jawˇ-euˬ meh.

Yaˇ kʼaˬ daˇ 5:31

Sahˬpaˬ Miˬyehˇ-oˇ, nawˬ-ahˇ muiˇ-eu deuˬ dawˬ tawˆ luꞈ, kʼoeˇ loꞈ-ehˇ shiˇ luꞈ-uˇ. Ehˇ kʼawꞈ, nawˬ-eu cawˬ deuˬ-aˬ, doˆ laˇ luꞈ-eu nahˇ ma loꞈ-ehˇ bya luꞈ-uˇ.” Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ, oeˬ tseˇ kʼoꞈ byah ni guiˇ maˬ deuˆ-ehˇ nui saˇ oꞈ-eu jeˬ jaˆ-euˬ meh.