2 Laˬsaˬbaˬ 14:3 - Akha

³ Aˬ cawˬ tsawˇ jeuˬ-euˬ lawˇ duˬ shehˇ duˬ hawˇ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ pyaˆ dzeh-awˇ, muiˬ-eu shawˇ-eu kʼaˬ lo kʼawˇ zeuˇ deuˬ hawˇ-eu Aˬsheˇlaˬ miˬ yehˇ ma-ahˇ taꞈ leˇ-eu mawˇ kawˇ deuˬ-ahˇ aˬ yawꞈ laˆ cawˆ-euˬ meh.

2 Laˬsaˬbaˬ 14:3 ပူးပေါင်းရင်းမြစ်များ

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

2 Sahˬpaˬ 18:4

Lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ laˆ cawˆ-awˇ, kʼaˬ lo kʼawˇ zeuˇ deuˬ deh coˬ-awˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ tuˇ dzeh-euˬ meh. Neˬhuˇshaˬtaˬ lehˇ kuˇ-eu Moˇseˬ neh jahˇ-euˬ aˇ lawˇ mawˇ kawˇ kʼoeˇ hmˬ kʼawꞈ, aˬ yawꞈ deh meuˇ deh loeˇ-euˬ meh. Aˇ yamˬ kʼoeˇ yamˬ-ahˇ keuˆ ni, Iˇsaˬleˬlaˆ tsawˇ haˬ deuˬ mawˇ kawˇ kʼoeˇ hmˬ-ahˇ taˬ huiˬ taˬ mahˇ dui dui-awˇ, yaw saw jeˬ doꞈ damˬ-euˬ meh.

2 Sahˬpaˬ 23:14

Sahˬ paˬ Yawˇshiˆ-aˬ, kʼaˬ lo kʼawˇ zeuˇ deuˬ deh meuˇ-awˇ, Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ deuˬ deuˆ coꞈ dzeh-euˬ uˬ taꞈ, tahˬ pahˬ aˬ ma mawˇ kawˇ kʼoeˇ deuˬ jaˆ-eu tsahˇ-ahˇ, tsawˇ haˬ-euˬ shaˬ yoeˬ neh gahˬ tehˬ-euˬ meh.

2 Sahˬpaˬ 23:6

Uˬ duˬ tahˬ nymˇ nymˇ ma laꞈ kʼoeˇ jaˆ-eu Aˬsheˇlaˬ miˬyehˇ ma-euˬ mawˇ kawˇ-ahˇ, Giˇdaˬloˬ deh kʼawꞈ-ahˇ yuˇ doˆ gʼeh-awˇ, miˬ dzaˬ dzah puiˆ dzeh-euˬ meh. Kʼoeˇ naˇ, puiˆ doˆ-euˬ kʼaˬ lehˇ kʼoeˇ-ahˇ yaw muiˬ paˬ-ehˇ paˇ tahˬ loeˇ-awˇ, miˇ kʼahˬ zaˬ deuˬ-euˬ lmˬ bymˇ-ahˇ byaˆ-euˬ meh.

2 Laˬsaˬbaˬ 14:2

Aˬsaˬ-aˬ, yaw tsaˬ yaw dawˇ jeˬ hawˇ-eu yaw muiˬ jeˬ mˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma tsaˬ ni dehꞈ-euˬ meh.

2 Laˬsaˬbaˬ 14:4

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nui kʼahˇ mˇ-awˇ, aˬ yawꞈ neh mehˬ nehˬ tsoˆ nehˬ-euˬ jeˬ hawˇ-eu aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ ni, Yuˇdaˆ tsawˇ haˬ deuˬ-ahˇ aˬ yawꞈ dawˬ biꞈ-euˬ meh.

2 Laˬsaˬbaˬ 15:17

Miˇ kʼahˬ kʼoeˇ kʼahˬ laꞈ kʼoeˇ kʼaˇ jaˆ-eu lawˇ ciꞈ zaˬ deuˬ uˬ duˬ tahˬ-euˬ jawˇ duˬ dawˬ tawˆ luꞈ-ahˇ Aˬsaˬ maˬ laˆ cawˆ jiˇ-euˬ kʼawꞈ, aˬ yawꞈ-euˬ ziˇ jiˇ ngeh keuˆ ni Sahˬpaˬ Miˬyehˇ-ahˇ saˇ jaˇ ziꞈ-eu laꞈ kʼoeˇ dehꞈ-euˬ meh.

2 Laˬsaˬbaˬ 33:16

Sahˬpaˬ Miˬyehˇ-ahˇ uˬ duˬ tahˬ gaˇ jaˆ-eu lawˇ duˬ-ahˇ aˬ yawꞈ laˆ muiˬ-awˇ, cawˬ cawˬ taꞈ-eu lawˇ-eu jeˬ hawˇ-eu guiˬ lahˬ-ahˇ noeˬ keuˆ-eu lawˇ-eu jeˬ lawˇ-euˬ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ aˬ yawꞈ dawˬ biꞈ-euˬ meh.

2 Laˬsaˬbaˬ 34:4

Aˬ yawꞈ-euˬ tsawˇ haˬ deuˬ-ahˇ aˬ yawꞈ kʼehˇ gʼeh-awˇ, Baˬlaˇ miˬ yehˇ-ahˇ uˬ duˬ tahˬ-eu jawˇ duˬ deuˬ hawˇ-eu, kʼoeˇ-euˬ dawˬ peh jaˆ-eu yaw saw jeˬ doꞈ damˬ-eu lawˇ duˬ deuˬ-ahˇ bi deh pyaˆ jiˇ-euˬ meh. Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ hawˇ-eu tahˬ pahˬ aˬ ma mawˇ kawˇ nui deuˬ dawˬ tawˆ luꞈ-ahˇ aˬ yawꞈ maꞈ laˆ meuˇ laˆ loeˇ jiˇ-awˇ, tahˬ pahˬ aˬ ma mawˇ kawˇ kʼoeˇ deuˬ-ahˇ lawˇ nehˬ shehˇ nehˬ-euˬ tsawˇ haˬ deuˬ-euˬ lmˬ bymˇ kʼoeˇ taˆ byaˆ-euˬ meh.

Doˆ-iˇ 34:13

Ehˇ kʼawꞈ, aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ cawˆ nehˬ-awˬ. Aˬ yawꞈ maꞈ-euˬ miˬyehˇ ma Aˬsheˇlaˬ-euˬ tahˬ pahˬ aˬ ma mawˇ kawˇ kʼawꞈ, laˆ cawˆ nehˬ-awˬ.

Uˬ duˬ 26:30

Gawˬ jawˬ gawˬ duˇ kʼoeˇ taˆ jaˆ-eu naw maꞈ-euˬ uˬ duˬ tahˬ-eu jawˇ duˬ-ahˇ ngaˇ laˆ cawˆ-awˇ, yaw saw jeˬ doꞈ-awˇ damˬ-eu lawˇ duˬ kʼawꞈ ngaˇ laˆ pyaˆ ma. Shiˇ taˬ-euˬ naw maꞈ-euˬ gʼawˇ mawˇ deuˬ-ahˇ, coˬ dzeh taˬ-euˬ tahˬ pahˬ aˬ ma mawˇ kawˇ deuˬ kʼoeˇ taˆ gahˬ daˆ-awˇ, naw maꞈ-ahˇ ngaˇ nui daˆ daˆ dui dui ma.

Dawˬmehˬ 7:25

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ miˬ dzaˬ-ahˇ dzah puiˆ dzeh-awˬ. Kʼoeˇ-euˬ kʼoeˇ taˆ jaˆ-eu pyuˇ hawˇ-eu shuiˇ-ahˇ mehˇ juiˇ juiˇ-awˇ, yawˬ ha gʼaˇ duˬ naw maꞈ taˬ yuˇ geuꞈ. Yuˇ geuꞈ naˇ, lahˇ ju kʼmˇ taˬ-euˬ gaˇ naw maꞈ paꞈ leˇ tehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui daˆ daˆ-eu meh.

Dawˬmehˬ 7:5

Kʼoeˇ miˇ neh, aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ cawˆ nehˬ-awˬ. Aˬ yawꞈ maꞈ-euˬ miˬyehˇ ma Aˬsheˇlaˬ-euˬ tahˬ pahˬ aˬ ma mawˇ kawˇ deuˬ kʼawꞈ laˆ cawˆ nehˬ-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ miˬ dzaˬ dzah puiˆ-awˬ.