2 Laˬsaˬbaˬ 14:2 - Akha

² Aˬsaˬ-aˬ, yaw tsaˬ yaw dawˇ jeˬ hawˇ-eu yaw muiˬ jeˬ mˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma tsaˬ ni dehꞈ-euˬ meh.

2 Laˬsaˬbaˬ 14:2 ပူးပေါင်းရင်းမြစ်များ

1 Sahˬpaˬ 15:11

Aˬsaˬ-aˬ, aˬ yawꞈ-euˬ aˬ poeˬ Daˬbiˇ loꞈ-ehˇ, Sahˬpaˬ Miˬyehˇ nui kʼahˇ shiˇ-eu jeˬ mˇ-euˬ meh.

1 Sahˬpaˬ 15:12

Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ kʼaˇ jawˇ-eu zaˬ miˬ zaˬ meh maˬ laˇ hawˇ-eu kʼaˬ dzeˇ zaˬ meh maˬ laˇ dawˬ tawˆ luꞈ-ahˇ, miˇ kʼahˬ kʼoeˇ kʼahˬ laꞈ kʼoeˇ neh aˬ yawꞈ teh dzeh-awˇ, aˬ piˬ aˬ bawˇ deuˬ neh jahˇ taˬ yaꞈ-euˬ tahˬ pahˬ aˬ ma mawˇ kawˇ dawˬ tawˆ luꞈ-ahˇ, aˬ yawꞈ laˆ piˬ laˆ byoˆ-euˬ meh.

1 Sahˬpaˬ 15:14

Lawˇ ciꞈ zaˬ deuˬ uˬ duˬ tahˬ-euˬ jawˇ duˬ dawˬ tawˆ luꞈ-ahˇ Aˬsaˬ maˬ laˆ cawˆ jiˇ-euˬ kʼawꞈ, aˬ yawꞈ-euˬ tiˬ ziˇ Sahˬpaˬ Miˬyehˇ-ahˇ saˇ jaˇ ziꞈ-awˇ dehꞈ-euˬ meh.

2 Laˬsaˬbaˬ 14:1

Sahˬ paˬ Aˬbiˇyaˬ shiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ aˬ yawꞈ-ahˇ baꞈ pahˬ-euˬ meh. Aˬ yawꞈ-euˬ aˬ li Aˬsaˬ gʼaˬ aˬ yawꞈ-euˬ dah zaˇ sahˬ paˬ geuꞈ-awˇ, Aˬsaˬ uˆ lahˇ-eu uˬ moˆ, miˇ kʼahˬ kʼoeˇ kʼahˬ tseˇ kʼoꞈ byah ni coꞈ ngehˇ ni jaˆ-euˬ meh.

2 Laˬsaˬbaˬ 14:3

Aˬ cawˬ tsawˇ jeuˬ-euˬ lawˇ duˬ shehˇ duˬ hawˇ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ pyaˆ dzeh-awˇ, muiˬ-eu shawˇ-eu kʼaˬ lo kʼawˇ zeuˇ deuˬ hawˇ-eu Aˬsheˇlaˬ miˬ yehˇ ma-ahˇ taꞈ leˇ-eu mawˇ kawˇ deuˬ-ahˇ aˬ yawꞈ laˆ cawˆ-euˬ meh.

2 Laˬsaˬbaˬ 15:16

Sahˬ paˬ Aˬsaˬ-aˬ, aˬ yawꞈ-euˬ aˬ piˬ Mawˇkah-ahˇ, sahˬ paˬ-euˬ aˬ ma geuꞈ-eu aˇ yaˬ yuˇ dzeh nehˬ-euˬ meh. Aˬ jeˬ miˇ nehˇ ehˇ naˇ, aˬ yawꞈ-euˬ aˬ piˬ gʼaˬ Aˬsheˇlaˬ miˬyehˇ ma gʼaˇ duˬ tahˬ pahˬ aˬ ma mawˇ kawˇ jahˇ-eu laꞈ kʼoeˇ, yaw jawꞈ jeˬ mˇ-euˬ meh. Tahˬ pahˬ aˬ ma mawˇ kawˇ kʼoeˇ hmˬ-ahˇ aˬ yawꞈ tuˇ dzeh-awˇ, ceuꞈ paˆ jiˇ-awˇ, Giˇdaˬloˬ deh kʼawꞈ-ahˇ miˬ dzaˬ dzah puiˆ dzeh-euˬ meh.

2 Laˬsaˬbaˬ 17:6

Sahˬpaˬ Miˬyehˇ-euˬ nui kʼahˇ mˇ-eu gʼaˇ duˬ aˬ yawꞈ-euˬ nui ma gʼawˇ mawˇ a nehˬ taˬ-awˇ, Yuˇdaˆ miˇ kʼahˬ laꞈ kʼoeˇ kʼaˇ jaˆ-eu lawˇ ciꞈ zaˬ deuˬ-euˬ uˬ duˬ tahˬ-eu jawˇ duˬ dawˬ tawˆ luꞈ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ dawˬ tawˆ luꞈ aˬ yawꞈ laˆ cawˆ jiˇ-euˬ meh.

2 Laˬsaˬbaˬ 20:32

Aˬ yawꞈ-euˬ mehˬ hu sahˬ paˬ geuꞈ-awˇ uˆ lahˇ yaꞈ-euˬ aˬ yawꞈ-euˬ aˬ da Aˬsaˬ loꞈ-ehˇ, Sahˬpaˬ Miˬyehˇ mehˬ shi yaw tsaˬ yaw dawˇ jeˬ tehꞈ-ehˇ aˬ yawꞈ mˇ-euˬ meh.

2 Laˬsaˬbaˬ 21:12

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Eˇliˇyaˆ neh, Yeˬhawˇlamˬ-ahˇ sahˬ boꞈ tiˬ taꞈ boꞈ-awˇ heu loꞈ-ehˇ ehˇ nehˬ-euˬ meh. “Nawˬ bawˇ sahˬ paˬ Aˬsaˬ hawˇ-eu nawˬ da sahˬ paˬ Yeˬhawˇshaˬpaˇ-ahˇ nawˇ dzaw geuꞈ-awˇ maˬ dehꞈ-eu miˇ neh, nawˬ poeˬ Daˬbiˇ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ nui ma maˬ saˇ-a.

2 Laˬsaˬbaˬ 31:1

Bawˬ-iˬ gʼeh gʼaˬ ngeh, Iˇsaˬleˬlaˆ tsawˇ haˬ dawˬ tawˆ luꞈ Yuˇdaˆ miˇ kʼahˬ laꞈ kʼoeˇ jaˆ-eu meuˬ yawˬ meuˬ na luꞈ-ahˇ iˇ doe-awˇ, kʼaˬ lo kʼawˇ zeuˇ tahˬ pahˬ aˬ ma mawˇ kawˇ deuˬ deh paˆ dzeh-awˇ, Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ deuˬ tuˇ coˬ-awˇ, lawˇ duˬ deuˬ hawˇ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ laˆ cawˆ jiˇ-euˬ meh. Yuˇdaˆ miˇ kʼahˬ doe ni kʼoeˇ loꞈ-ehˇ jahˇ gʼaˬ ngeh, Beˬyaˬmiˬ miˇ kʼahˬ, Eˇpaˬleˬ miˇ kʼahˬ hawˇ-eu, Maˬnaˇseˬ miˇ kʼahˬ doe ni aˬ yawꞈ maꞈ kʼoeˇ loꞈ-ehˇ jahˇ-iˇ-awˇ, yawˬ ha-euˬ meuˬ-ahˇ gʼoꞈ-iˇ jiˇ-euˬ meh.

2 Laˬsaˬbaˬ 31:20

Sahˬ paˬ Heˬsaˬgiˇ-aˬ, yaw tsaˬ yaw dawˇ jeˬ hawˇ-eu, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma tsaˬ-eu jeˬ-ahˇ, Yuˇdaˆ miˇ kʼahˬ doe ni mˇ-euˬ meh.

2 Laˬsaˬbaˬ 34:7

Laꞈ taˆ paw jaˆ-eu Iˇsaˬleˬlaˆ miˇ kʼahˬ doe ni Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ hawˇ-eu lawˇ duˬ deuˬ-ahˇ aˬ yawꞈ deh pyaˆ-awˇ, tahˬ pahˬ aˬ ma mawˇ kawˇ nui deuˬ-ahˇ laˆ meuˇ laˆ loeˇ jiˇ nehˬ-euˬ uˬ taꞈ, yaw saw jeˬ doꞈ damˬ-eu lawˇ duˬ dawˬ tawˆ luꞈ-ahˇ laˆ kʼehꞈ laˆ kʼoeˆ jiˇ nehˬ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ gʼoꞈ-iˇ-euˬ meh.

Doˆ-iˇ 23:24

Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-ahˇ naw maꞈ taˬ caw teh. Ehˇ kʼawꞈ, aˬ yawꞈ maꞈ-euˬ miˬ yehˇ deuˬ-ahˇ laˆ cawˆ-awˇ, aˬ yawꞈ maꞈ-euˬ muiˬ-eu shawˇ-eu kʼaˬ lo kʼawˇ zeuˇ deuˬ-ahˇ deh pyaˆ dzeh-awˬ.

Dawˬmehˬ 12:3

Aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ meuˇ laˆ loeˇ nehˬ jiˇ-awˬ. Aˬ yawꞈ maꞈ-euˬ Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ-ahˇ miˬ dzaˬ dzah puiˆ-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ deuˆ coˬ dzeh-awˬ. Jawˇ duˬ kʼoeˇ deuˬ-ahˇ tiˬ jawˇ-iˬ uˬ duˬ maˬ paˇ ya tahˬ ni laˆ piˬ laˆ byoˆ nehˬ-awˬ.