2 Laˬsaˬbaˬ 14:14 - Akha

¹⁴ Geˬlawˬ meuˬ jawˬ jawˬ-ehˇ jaˆ-eu meuˬ deuˬ-ahˇ kʼawꞈ, aˬ yawꞈ maꞈ laˆ cawˆ nehˬ jiˇ nya-euˬ meh. Aˬ jeˬ miˇ neh ehˇ naˇ, kʼoeˇ gaˇ jawˇ-eu tsawˇ haˬ deuˬ Sahˬpaˬ Miˬyehˇ-ahˇ guˆ dui dui-iˇ-euˬ meh. Yuˇdaˆ yehˇ deuˬ meuˬ kʼoeˇ deuˬ-ahˇ goˬ doe-awˇ, mˇ myawˬ gʼawˬ mya ni za-euˬ meh.

2 Laˬsaˬbaˬ 14:14 ပူးပေါင်းရင်းမြစ်များ

Aˇ dahˬ 35:5

Yaˬkoˆ hawˇ-eu aˬ yawꞈ-euˬ aˬ li deuˬ pawˇ-iˇ ngeh, dawˬ peh jaˆ-eu meuˬ deuˬ-ahˇ jawˇ-eu tsawˇ haˬ deuˬ guˆ dui dui-eu miˇ neh, aˬ yawꞈ maꞈ-euˬ mehˬ nah maˬ caw teh peuˬ-a.

1 Sahˬpaˬ 15:23

Sahˬ paˬ Aˬsaˬ neh nui ma kʼaˬ duˬ ni taˬ-awˇ mˇ-euˬ gaˇ deuˬ hawˇ-eu aˬ yawꞈ neh tsoˆ muiˬ-euˬ meuˬ deuˬ maˬ ehˇ, aˬ yawꞈ neh kʼaˇ mˇ kʼaˇ shaˇ-euˬ yawˬ je na luꞈ maˬ ehˇ, Yuˇdaˆ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh. Ehˇ kʼawꞈ, aˬ yawꞈ tsawˇ mawˬ mawˬ laˇ ngeh, aˬ yawꞈ-euˬ aˬ kuiˇ maˇ naˇ naˇ laˇ-awˇ, kuiˇ shiˇ shiˇ-euˬ meh.

2 Sahˬpaˬ 7:16

Kʼoeˇ naˇ, Saˬmaˬliˆ meuˬ-ahˇ jawˇ-eu tsawˇ haˬ deuˬ coeˬ doˆ gʼeh-awˇ, Suˇliˆ tsawˇ haˬ deuˬ-euˬ taˆ-ahˇ myawˬ poˆ geuꞈ leˇ-euˬ meh. Kʼoeˇ ngeh, Sahˬpaˬ Miˬyehˇ neh ehˇ taˬ-euˬ loꞈ-ehˇ, muiˬ dui dui-eu cehˇ pyuˇ smˇ pehˬ-euˬ pyuˇ maˇ byaˆ tiˬ byaˆ-ahˇ keuˆ ni ga le-awˇ, lawˬ loeˇ koꞈ pehˬ-euˬ pyuˇ maˇ byaˆ tiˬ byaˆ-ahˇ keuˆ ni ga le-euˬ meh.

2 Laˬsaˬbaˬ 14:15

Yawˇ bo-eu tsawˇ haˬ tiˬ paˆ na deuˬ-euˬ sehˬ gʼawˆ deuˬ-ahˇ kʼawꞈ aˬ yawꞈ maꞈ deuˆ-awˇ, yawˇ hawˇ-eu law taw gʼawˬ mya ni deuˆ za-euˬ meh. Kʼoeˇ naˇ, aˬ yawꞈ maꞈ Yeˬluˇsaˬlehˬ meuˬ-ahˇ gʼoꞈ leˇ-euˬ meh.

2 Laˬsaˬbaˬ 17:10

Yuˇdaˆ miˇ kʼahˬ-euˬ jawˬ jawˬ-ehˇ jaˆ-eu miˇ kʼahˬ dawˬ tawˆ luꞈ sahˬ paˬ Yeˬhawˇshaˬpaˇ-ahˇ guiˇ maˬ deuˆ peuˬ ni Sahˬpaˬ Miˬyehˇ jahˇ-euˬ meh.

2 Laˬsaˬbaˬ 20:25

Yeˬhawˇshaˬpaˇ hawˇ-eu aˬ yawꞈ-euˬ yehˇ deuˬ mˇ myawˬ yuˇ geuꞈ-iˇ-eu lehˇ iˇ ngeh, mawˇ neˇ deuˬ, dzaˬ dzaˬ dawˇ dawˇ deuˬ, dm gʼaˬ dm lmˇ deuˬ hawˇ-eu, aˇ poeˬ kʼaˆ-eu nui jeˬ mˇ myawˬ gʼawˬ mya ni mawˇ-euˬ meh. Smˬ nah keuˆ ni mˇ myawˬ kʼoeˇ deuˬ aˬ yawꞈ maꞈ yuˇ uiˬ-euˬ meh. Ehˇ kʼawꞈ, aˇ dzehˬ-ehˇ myaˬ-eu miˇ neh, dawˬ tawˆ luꞈ maˬ yuˇ uiˬ jiˇ coeˇ-a.

2 Laˬsaˬbaˬ 20:29

Iˇsaˬleˬlaˆ tsawˇ jeuˬ-ahˇ muiˇ-eu deuˬ-ahˇ Sahˬpaˬ Miˬyehˇ neh deuˆ gʼaˬ-euˬ gaˇ kawˆ kʼaˇ ya gaˬ-euˬ tsawˇ jeuˬ yawˬ jeuˬ na luꞈ, guˆ dui dui-iˇ-euˬ meh.

Yawˇbaˆ 15:21

Guˆ-eu gaˆ-eu teˇ saˇ aˬ yawꞈ-euˬ naˬ bawˇ-ahˇ ya gaˬ-awˇ, kʼahˬ lahˇ kʼaˇ maˬ za ma lehˇ noeˬ ngeh, tahˇ joe joe gaˇ ya daˬ tehꞈ-a.

Jaceuq 68:12

Sahˬ paˬ deuˬ hawˇ-eu aˬ yawꞈ maꞈ-euˬ guiˇ maꞈ deuˬ cehˆ byaˆ luꞈ meh lehˇ ja gaˬ-eu meh. Iˇ kahˇ jawˇ-eu zaˬ miˬ zaˬ deuˬ, guiˇ deuˆ za-euˬ myawˬ gahˬ biˇ geuꞈ-eu meh.

Iˇsaˬyaˇ 31:9

Ziꞈ dah ni gʼeh-eu aˬ yawꞈ maꞈ-euˬ taˆ, guˆ-eu miˇ neh byaˆ-iˇ tehꞈ-a. Guiˇ deuˆ-eu yaw huiˬ deuˬ guˆ dui dui-awˇ, paˇ loˬ paˇ lehˇ byehˇ-awˇ cehˆ tehꞈ-a” lehˇ ehˇ taˬ-euˬ meh. Yeˬluˇsaˬlehˬ meuˬ aˬ yawꞈ-ahˇ uˬ duˬ tahˬ-awˇ, lawˇ-eu shehˇ-eu jeˬ miˬ dzaˬ bi doꞈ laˇ-eu gʼaˬ pyeuꞈ-eu, Sahˬpaˬ Miˬyehˇ neh kʼoeˇ loꞈ-ehˇ ehˇ taˬ-euˬ meh.

Iˇsaˬyaˇ 33:23

Muiˇ-eu deuˬ-euˬ saˇ baoˬ aˇ caˆ tsehˆ-iˇ jiˇ-awˇ, lehˇ baw saˬ paˇ maˬ gʼeu taw nya-a. Muiˇ-eu deuˬ-euˬ pyuˇ shuiˇ myawˬ gahˬ dawˬ tawˆ, nga maꞈ ceh geuꞈ jiˇ ma. Aˬ yawꞈ maꞈ-euˬ pyuˇ shuiˇ myawˬ gahˬ myaˬ dui dui-awˇ, kuiˇ shiˇ laꞈ shiˇ deuˬ-ahˇ kʼawꞈ oꞈ tehꞈ-a.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

Dawˬmehˬ 2:25

Iˬ nah neh aˇ dahˬ beh-awˇ, yawˬ gaˇ na luꞈ aˬ cawˬ naw maꞈ-ahˇ guˆ ni ngaˇ jahˇ ma. Naw maꞈ-euˬ tsawˇ myahˇ ya gaˬ-euˬ tehꞈ-ehˇ kʼawꞈ, tsawˇ haˬ yaw gʼaˬ na luꞈ yaw dzuˬ dzuˬ tehꞈ-a’ lehˇ ehˇ-eu meh.

Yawˇshuˆ 2:24

Aˬ yawꞈ nyaꞈ ehˇ-eu, “Miˇ kʼahˬ kʼoeˇ kʼahˬ kʼahˬ lah ni Sahˬpaˬ Miˬyehˇ aˬ dui-ahˇ biꞈ laꞈ-eu yaw duˬ baw meh. Kʼoeˇ gaˇ jawˇ-eu tsawˇ haˬ dawˬ tawˆ luꞈ aˬ dui-ahˇ guˆ dui dui luꞈ meh.”

Yawˇshuˆ 5:1

Iˇsaˬleˬlaˆ tsawˇ haˬ deuˬ lawˇ baˬ tsehˆ doˆ gʼaˬ ngeh keuˆ ni, Yawˇdaˬ lawˇ baˬ-ahˇ Sahˬpaˬ Miˬyehˇ bi gui-iˇ-euˬ gaˇ kawˆ, Yawˇdaˬ lawˇ baˬ nahˇ ma ga kʼehˬ paw kʼaˇ jawˇ-eu Aˬmawˇliˆ sahˬ paˬ dawˬ tawˆ luꞈ hawˇ-eu Gʼahˇ ceh-euˬ Iˬ ma laˆ shaˆ caw caw-ehˇ jawˇ-eu Kaˬnaˬ sahˬ paˬ dawˬ tawˆ luꞈ ya gaˬ-euˬ meh. Iˇsaˬleˬlaˆ tsawˇ haˬ deuˬ baˬ da neh, aˬ yawꞈ maꞈ guˆ laˇ-awˇ, nui ma gʼaˬ baˬ dui dui laˇ taˬ-euˬ meh.

Yaˇ kʼaˬ daˇ 14:19

Ja pyuˬ ni, Sahˬpaˬ Miˬyehˇ-euˬ baoˬ aˬ yawꞈ-ahˇ gʼaˬ bi kʼaˆ laˇ-awˇ, Aˬshaˇgaˬloˇ meuˬ-ahˇ aˬ yawꞈ iˇ-awˇ, tsawˇ haˬ smˬ tseˇ gʼaˬ-ahˇ sehꞈ-awˇ, aˬ yawꞈ maꞈ-euˬ myawˬ deuˬ yuˇ geuꞈ-euˬ meh. Aˬ yawꞈ maꞈ-euˬ muiˬ-eu mehˬ tsoeˬ deuˬ lehˆ doˆ-awˇ, tsaˬ dzoˆ dawˬ tsuiꞈ tsaˬ tsehˆ-euˬ tsawˇ haˬ kʼoeˇ deuˬ-ahˇ biꞈ-euˬ meh.

1 Saˬmeuˬlaˆ 14:15

Meuˬ meuˬ dzeˇ kʼaˇ jawˇ-eu Piˇliˇtiˆ tsawˇ haˬ deuˬ hawˇ-eu, taˆ laꞈ kʼoeˇ kʼaˇ jawˇ-eu Piˇliˇtiˆ yehˇ deuˬ uˬ taꞈ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ lehˬ hmˬ taˬ-euˬ kʼaˬ dui dui-eu aˬ yawꞈ maꞈ-euˬ yehˇ deuˬ kʼawꞈ, guˆ dui dui-eu laꞈ kʼoeˇ yaw dzuˬ dzuˬ-euˬ meh. Miˇluˆluˆ laˇ-awˇ, guˆ dui dui-eu jeˬ keuˆ le-euˬ meh.