2 Laˬsaˬbaˬ 14:13 - Akha

¹³ Kʼoeˇ naˇ, Aˬsaˬ hawˇ-eu aˬ yawꞈ-euˬ guiˇ maꞈ deuˬ Geˬlawˬ meuˬ-ahˇ keuˆ ni Suˬdaˬ tsawˇ haˬ kʼoeˇ deuˬ-euˬ mehˬ nah teh-euˬ meh. Suˬdaˬ tsawˇ haˬ deuˬ gʼawˬ mya ni bi deuˆ sehꞈ-euˬ miˇ neh, guiˇ maˬ deuˆ nya-ehˇ pyeuꞈ-iˇ-euˬ meh. Sahˬpaˬ Miˬyehˇ hawˇ-eu aˬ yawꞈ-euˬ guiˇ maꞈ neh aˬ yawꞈ maꞈ-ahˇ deuˆ gʼaˬ-euˬ meh. Yuˇdaˆ tsawˇ haˬ deuˬ mˇ myawˬ gʼawˬ mya ni deuˆ za-euˬ meh.

2 Laˬsaˬbaˬ 14:13 ပူးပေါင်းရင်းမြစ်များ

Aˇ dahˬ 10:1

Heu-aˬ, Noˇaˬ-euˬ aˬ li deuˬ pyeuꞈ-eu Sheˬmaˆ, Haˬmaˇ, Yaˬpahˇ, aˬ ha smˬ mehˇ nmˇ-euˬ zaˬ deuˬ uˆ deuˬ meh. Miˇ tsaˬ-ahˇ iˇ cuꞈ dahˬ pymˬ gʼaˬ-awˇ, aˬ ha smˬ mehˇ nmˇ aˬ li gʼawˬ mya li jawˇ le-euˬ meh.

Aˇ dahˬ 10:19

Kaˬnaˬ tsawˇ jeuˬ heu deuˬ-aˬ, Siˇdoˬ meuˬ-ahˇ neh laꞈ oˆ paw Gaˬzaˬ meuˬ dawˬ peh jaˆ-eu Geˬlawˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw, Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ heu deuˬ hawˇ-eu, Laˬshaˬ meuˬ dawˬ peh jaˆ-eu Zeˬbaiˬ meuˬ-ahˇ keuˆ ni maˬ ehˇ, jawˇ byah jiˇ-euˬ meh.

Aˇ dahˬ 20:1

Aˬbyaˬhaˬ-aˬ, Mamˬliˬ lehˇ kuˇ-eu jawˇ duˬ-ahˇ neh Kaˬnaˬ miˇ kʼahˬ laꞈ oˆ paw paˇ iˇ ka gʼeh-awˇ, Kaˬdeˬshaˇ meuˬ hawˇ-eu Shuˇyaˆ meuˬ yaw kaˬ-ahˇ jawˇ-iˇ-euˬ meh. Gʼawˬ myahˇ maˬ gʼeh-ehˇ Geˬlawˬ meuˬ-ahˇ aˬ yawꞈ paˇ jawˇ-iˇ-euˬ meh.

Aˇ dahˬ 26:1

Aˬbyaˬhaˬ-euˬ ziˇ-ahˇ keuˆ le-euˬ mehꞈ-eu shuꞈ-eu kʼoeˇ poˆ dzeuˇ-awˇ, miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ tiˬ poˆ paˇ keuˆ le-euˬ meh. Iˇtsaˆ-aˬ, Geˬlawˬ meuˬ-ahˇ, Piˇliˇtiˆ sahˬpaˬ Aˬbiˇmaˬlehˆ jawˇ gaˇ le-euˬ meh.

Aˇ dahˬ 35:5

Yaˬkoˆ hawˇ-eu aˬ yawꞈ-euˬ aˬ li deuˬ pawˇ-iˇ ngeh, dawˬ peh jaˆ-eu meuˬ deuˬ-ahˇ jawˇ-eu tsawˇ haˬ deuˬ guˆ dui dui-eu miˇ neh, aˬ yawꞈ maꞈ-euˬ mehˬ nah maˬ caw teh peuˬ-a.

1 Laˬsaˬbaˬ 12:22

Aˬ yawꞈ nah yawꞈ ehˇ gʼaˬ ni, Daˬbiˇ-euˬ guiˇ maꞈ laꞈ kʼoeˇ, tsawˇ haˬ yaw shuiꞈ uˇ lahˬ laˇ luꞈ-eu meh. Kʼoeˇ miˇ neh, gʼawˬ myahˇ maˬ gʼeh-ehˇ Daˬbiˇ-euˬ guiˇ maꞈ myaˬ dui dui laˇ-euˬ meh.

2 Laˬsaˬbaˬ 12:3

Mahˬ laˆ lawˬ tiˬ heˇ nyiˬ yaˇ laˇ, mahˬ dziˬ-eu yehˇ koꞈ heˇ gʼaˬ hawˇ-eu, Liˆbyaˇ tsawˇ jeuˬ, Suˇkiˇ tsawˇ jeuˬ hawˇ-eu Suˬdaˬ tsawˇ jeuˬ deuˬ ahˇ leˇ-ehˇ, maˬ gui jiˇ coeˇ gaˇ keuˆ ni myaˬ-eu guiˇ maꞈ-ahˇ, Iˇjiˇtuˆ miˇ kʼahˬ-ahˇ neh aˬ yawꞈ sheuˬ daˆ laꞈ-euˬ meh.

2 Laˬsaˬbaˬ 14:14

Geˬlawˬ meuˬ jawˬ jawˬ-ehˇ jaˆ-eu meuˬ deuˬ-ahˇ kʼawꞈ, aˬ yawꞈ maꞈ laˆ cawˆ nehˬ jiˇ nya-euˬ meh. Aˬ jeˬ miˇ neh ehˇ naˇ, kʼoeˇ gaˇ jawˇ-eu tsawˇ haˬ deuˬ Sahˬpaˬ Miˬyehˇ-ahˇ guˆ dui dui-iˇ-euˬ meh. Yuˇdaˆ yehˇ deuˬ meuˬ kʼoeˇ deuˬ-ahˇ goˬ doe-awˇ, mˇ myawˬ gʼawˬ mya ni za-euˬ meh.

2 Laˬsaˬbaˬ 15:11

Aˬ yawꞈ maꞈ neh guiˇ deuˆ za laꞈ-euˬ deuˬ laꞈ kʼoeˇ, mawˇ neˇ shiꞈ yaˇ mawˇ hawˇ-eu yawˇ shiꞈ heˇ mawˇ, Sahˬpaˬ Miˬyehˇ-ahˇ aˬ yawꞈ maꞈ lawˇ nehˬ-euˬ meh.

2 Laˬsaˬbaˬ 17:10

Yuˇdaˆ miˇ kʼahˬ-euˬ jawˬ jawˬ-ehˇ jaˆ-eu miˇ kʼahˬ dawˬ tawˆ luꞈ sahˬ paˬ Yeˬhawˇshaˬpaˇ-ahˇ guiˇ maˬ deuˆ peuˬ ni Sahˬpaˬ Miˬyehˇ jahˇ-euˬ meh.

2 Laˬsaˬbaˬ 20:29

Iˇsaˬleˬlaˆ tsawˇ jeuˬ-ahˇ muiˇ-eu deuˬ-ahˇ Sahˬpaˬ Miˬyehˇ neh deuˆ gʼaˬ-euˬ gaˇ kawˆ kʼaˇ ya gaˬ-euˬ tsawˇ jeuˬ yawˬ jeuˬ na luꞈ, guˆ dui dui-iˇ-euˬ meh.

Yawˇbaˆ 6:9

Aˬ yawꞈ ngaˬ-ahˇ sehꞈ law nmˇ-aˬ, ngaˬ-euˬ gʼaˇ duˬ zaˬ dzehˬ tehꞈ-a.

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Jaceuq 108:11

Nawˇ nga maꞈ-ahˇ aˬ diˇ aˬ maˇ byehˇ dzeh-euˬ ma loˇ. Nga maꞈ-euˬ guiˇ maꞈ nehˬ-ehˇ guiˇ deuˆ gaˇ nawˇ maˬ paˇ iˇ ma loˇ.

2 Teˇsaˬloˇni 1:9

Aˬ yawꞈ oe ngeh nah, mˬ maˬ maˬ byaˆ zaˇ ziˇ luˬ-iˇ seˇ-iˇ-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ, Sahˬpaˬ Yeˬsuˇ hawˇ-eu aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ aˬ yawꞈ maꞈ gʼawˬ tsehˆ ya tsehˆ tehꞈ-a.

Yawˇshuˆ 5:14

Tsawˇ haˬ kʼoeˇ gʼaˬ ehˇ-eu, “Maˬ ngeuˇ. Sahˬpaˬ Miˬyehˇ-euˬ guiˇ maꞈ-ahˇ aˬ yuiꞈ geuꞈ-awˇ uˆ lahˇ-eu gʼaˬ loꞈ-ehˇ ngaˇ oe-euˬ ma.” Yawˇshuˆ uˬ duˬ tahˬ-eu laꞈ kʼoeˇ miˇ tsa ga lah-awˇ ehˇ-eu, “Ngaˇ-aˬ, nawˬ-euˬ zaˬ kʼaˆ pyeuꞈ-eu ma. Nawˇ ngaˬ-ahˇ aˬ jeˬ bi mˇ mawꞈ-eu nya.”

1 Saˬmeuˬlaˆ 25:28

Ngaˬ neh mˇ-euˬ yaw lehˬ jeˬ jaˆ naˇ kʼawꞈ, iˬ baˇ pyehˬ nehˬ laꞈ-awˬ. Sahˬpaˬ Miˬyehˇ-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ sahˬ paˬ bi geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ gʼaˇ duˬ nawˇ guiˇ deuˆ luꞈ-awˇ, yaw dehꞈ kʼaˇ dehꞈ kʼoeˇ keuˆ ni yaw haiˬ jeˬ maˬ mˇ ni nawˇ jawˇ tehꞈ-a.