2 Laˬsaˬbaˬ 14:12 - Akha

¹² Aˬsaˬ hawˇ-eu Yuˇdaˆ guiˇ maꞈ guiˇ deuˆ-iˇ ngeh, Suˬdaˬ guiˇ maꞈ-ahˇ Sahˬpaˬ Miˬyehˇ deuˆ gʼaˬ-awˇ, Suˬdaˬ tsawˇ haˬ deuˬ cehˆ byaˆ-euˬ meh.

2 Laˬsaˬbaˬ 14:12 ပူးပေါင်းရင်းမြစ်များ

Aˇ dahˬ 10:19

Kaˬnaˬ tsawˇ jeuˬ heu deuˬ-aˬ, Siˇdoˬ meuˬ-ahˇ neh laꞈ oˆ paw Gaˬzaˬ meuˬ dawˬ peh jaˆ-eu Geˬlawˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw, Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ heu deuˬ hawˇ-eu, Laˬshaˬ meuˬ dawˬ peh jaˆ-eu Zeˬbaiˬ meuˬ-ahˇ keuˆ ni maˬ ehˇ, jawˇ byah jiˇ-euˬ meh.

1 Laˬsaˬbaˬ 5:21

Muiˇ-eu deuˬ-euˬ laꞈ-ahˇ neh, law taw ngaˬ muiˇ mawˇ, yawˇ nyiˬ seh ngaˬ muiˇ mawˇ, mahˬ tahˬ laˆ nyiˬ heˇ mawˇ aˬ yawꞈ maꞈ deuˆ za-euˬ uˬ taꞈ, tsawˇ haˬ tiˬ seh gʼaˬ nyehꞈ mi-euˬ meh.

2 Laˬsaˬbaˬ 12:3

Mahˬ laˆ lawˬ tiˬ heˇ nyiˬ yaˇ laˇ, mahˬ dziˬ-eu yehˇ koꞈ heˇ gʼaˬ hawˇ-eu, Liˆbyaˇ tsawˇ jeuˬ, Suˇkiˇ tsawˇ jeuˬ hawˇ-eu Suˬdaˬ tsawˇ jeuˬ deuˬ ahˇ leˇ-ehˇ, maˬ gui jiˇ coeˇ gaˇ keuˆ ni myaˬ-eu guiˇ maꞈ-ahˇ, Iˇjiˇtuˆ miˇ kʼahˬ-ahˇ neh aˬ yawꞈ sheuˬ daˆ laꞈ-euˬ meh.

2 Laˬsaˬbaˬ 13:15

Yuˇdaˆ guiˇ maꞈ deuˬ yaw kʼaˆ-ehˇ guˇ-awˇ, Aˬbiˇyaˬ sheuˬ gʼeh-eu laꞈ oˆ jawˇ-eu laꞈ kʼoeˇ, le-awˇ deuˆ-euˬ meh. Yeˬyawˇbamˬ hawˇ-eu Iˇsaˬleˬlaˆ guiˇ maꞈ deuˬ-ahˇ Miˬyehˇ deuˆ gʼaˬ-euˬ meh.

2 Laˬsaˬbaˬ 15:11

Aˬ yawꞈ maꞈ neh guiˇ deuˆ za laꞈ-euˬ deuˬ laꞈ kʼoeˇ, mawˇ neˇ shiꞈ yaˇ mawˇ hawˇ-eu yawˇ shiꞈ heˇ mawˇ, Sahˬpaˬ Miˬyehˇ-ahˇ aˬ yawꞈ maꞈ lawˇ nehˬ-euˬ meh.

2 Laˬsaˬbaˬ 20:22

Aˬ yawꞈ maꞈ Sahˬpaˬ Miˬyehˇ-ahˇ ja ceuˬ-awˇ caˇ dahˬ beh ngeh, muiˇ-eu deuˬ-euˬ guiˇ maꞈ deuˬ-ahˇ Sahˬpaˬ Miˬyehˇ laˆ bahˬ laˆ baˆ nehˬ-euˬ meh.

Jaceuq 60:12

Miˬyehˇ nga maꞈ nehˬ-ehˇ jawˇ naˇ nga maꞈ gʼaˬ leˇ ma. Muiˇ-eu deuˬ-ahˇ aˬ yawꞈ deuˆ gʼaˬ tehꞈ-a.

Doˆ-iˇ 12:41

Oeˬ yaˇ smˬ tseˇ kʼoꞈ byah laˇ ngeh nah, Sahˬpaˬ Miˬyehˇ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ neh doˆ-iˇ-euˬ meh.

Doˆ-iˇ 12:51

Kʼoeˇ ngeh nah laꞈ kʼoeˇ, Sahˬpaˬ Miˬyehˇ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Doˆ-iˇ 14:25

Aˬ yawꞈ maꞈ-euˬ mahˬ laˆ lawˬ aˇ beuˆ suꞈ-iˇ-awˇ, maˬ teh gahˇ nya ni bi pyeuꞈ-iˇ-euˬ meh. “Sahˬpaˬ Miˬyehˇ Iˇsaˬleˬlaˆ tsawˇ haˬ paw jawˇ-awˇ, aˬ dui-ahˇ guiˇ deuˆ luꞈ-eu nga. Aˬ dui maꞈ heu gaˇ neh doˆ-iˇ kaˇ-euˇ” lehˇ, Iˇjiˇtuˆ tsawˇ haˬ deuˬ ehˇ-eu meh.

Aˬmoˆ 9:7

Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, naw maꞈ gaˇ kawˆ ngaˇ shaˇ noeˬ-eu loꞈ-ehˇ, Suˬdaˬ tsawˇ haˬ gaˇ kawˆ kʼawꞈ ngaˇ shaˇ noeˬ luꞈ-eu ma. Naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ-euˬ loꞈ-ehˇ, Piˇliˇtiˆ tsawˇ haˬ deuˬ-ahˇ Gaˬlaˬdeˬ iˇ jaw lahˇ-ahˇ neh ngaˇ sheuˬ doˆ laꞈ-awˇ, Suˇliˆ tsawˇ haˬ deuˬ-ahˇ Kiˇlaˆ miˇ kʼahˬ-ahˇ neh ngaˇ sheuˬ doˆ laꞈ-euˬ ma.

1 Gawˇliˬtu 15:57

Ehˇ kʼawꞈ, Sahˬpaˬ Yeˬsuˇ ka li-ahˇ gʼoe-awˇ aˬ dui-ahˇ gʼaˬ leˇ-eu jeˬ biꞈ laꞈ-euˬ Miˬyehˇ-aˬ, guiˬ lahˬ huiˬ luꞈ-uˇ.

1 Gawˇliˬtu 9:26

Kʼoeˇ miˇ neh, cehˆ keuˆ duˬ-ahˇ dawˇ coe ni haw tsoˆ taˬ-awˇ ngaˇ cehˆ luꞈ-eu ma. Teˇ ceh ceh-eu jeˬ niˇ gʼa ngeh, maˬ teˇ zaw ni jaˬ lehˇ-ahˇ tehꞈ-ehˇ teˇ-eu tsawˇ haˬ loꞈ-ehˇ ngaˇ maˬ gʼeh.

Dawˬmehˬ 28:7

“Muiˇ-eu deuˬ nawˬ-ahˇ guiˇ deuˆ le ngeh, aˬ yawꞈ maꞈ-ahˇ Sahˬpaˬ Miˬyehˇ deuˆ gʼaˬ tehꞈ-a. Aˬ yawꞈ maꞈ dawˬ tawˆ luꞈ tiˬ paw dzeˇ neh tehꞈ-ehˇ oe-awˇ guiˇ deuˆ le-eu kʼawꞈ, teu paw heu paw ehˇ tsaˬ maˬ siˬ ni ya cehˆ byaˆ jiˇ tehꞈ-a.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

Yawˇshuˆ 10:10

Iˇsaˬleˬlaˆ tsawˇ haˬ deuˬ-euˬ mehˬ shi, Aˬmawˇliˆ tsawˇ haˬ deuˬ-ahˇ Sahˬpaˬ Miˬyehˇ bi tsawˬ guˆ-iˇ-euˬ meh. Giˇbyoˬ meuˬ-ahˇ, Iˇsaˬleˬlaˆ tsawˇ haˬ deuˬ aˬ yawꞈ maꞈ-ahˇ deuˆ sehꞈ-awˇ, Behˬhawˇleuˬ meuˬ dawˬ peh gawˬ jawˬ gʼaˬ lahˇ paw teh ka gʼeh-awˇ, laꞈ oˆ paw pyawˬ-ahˇ jaˆ-eu Aˬzeˬkaˬ meuˬ hawˇ-eu Maˬgeˬdaˬ meuˬ-ahˇ keuˆ ni deuˆ deuˆ-ehˇ teh-euˬ meh.