2 Laˬsaˬbaˬ 14:11 - Akha

¹¹ Kʼoeˇ ngeh, Aˬsaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, gʼaˬ baˬ-eu guiˇ maꞈ tiˬ maꞈ-ahˇ gʼaˬ kʼaˆ dui dui-eu guiˇ maꞈ tiˬ maꞈ loꞈ-ehˇ nawˇ caw ba nya-eu meh. Nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ-ahˇ nymˬ-mˇ caw ba le-awˬ. Aˬ jeˬ miˇ neh ehˇ naˇ, nga maꞈ nawˬ-ahˇ gʼoe-awˇ, nawˬ-euˬ tsawˇ myahˇ uˬ moˆ myaˬ dui dui-eu guiˇ maꞈ heu maꞈ-ahˇ deuˆ -eu lehˇ oe-euˬ ma. Sahˬpaˬ Miˬyehˇ-oˇ, nawˇ-aˬ nga maꞈ-euˬ Miˬyehˇ ma. Nawˬ-ahˇ deuˆ gʼaˬ ma lehˇ tsawˇ haˬ tiˬ gʼaˬ-iˬ maˬ noeˬ doˆ peuˬ-a.”

2 Laˬsaˬbaˬ 14:11 ပူးပေါင်းရင်းမြစ်များ

1 Sahˬpaˬ 8:44

“Muiˇ-eu deuˬ-ahˇ guiˇ deuˆ-iˇ-eu gʼaˇ duˬ nawˬ-euˬ tsawˇ haˬ deuˬ-ahˇ nawˇ dawˬ biꞈ-awˇ bi iˇ ngeh, aˬ yawꞈ maꞈ aˬ geu gaˇ iˇ keuˆ-eu maˬ kaˬ, nawˬ neh tseˇ doˆ-euˬ meuˬ heu meuˬ hawˇ-eu ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ jaˆ-eu paw aˬ yawꞈ maꞈ aˬ laꞈ cawˬ ja-awˇ guiˬ lahˬ shaˇ ngeh,

1 Laˬsaˬbaˬ 5:20

Aˬ yawꞈ maꞈ Miˬyehˇ-ahˇ jah-eu laꞈ kʼoeˇ “Caw ba nehˬ laꞈ-awˬ” lehˇ guiˬ lahˬ shaˇ-euˬ loꞈ-ehˇ, aˬ yawꞈ maꞈ-euˬ shaˇ dawˬ-ahˇ Miˬyehˇ naˇ haˬ nehˬ-awˇ, Haˬgaˬliˇ tsawˇ jeuˬ hawˇ-eu aˬ yawꞈ maꞈ nehˬ-ehˇ kʼaˇ gm leˇ-euˬ deuˬ kʼoeˇ taˆ guiˇ bi deuˆ gʼaˬ-euˬ meh.

2 Laˬsaˬbaˬ 13:12

Miˬyehˇ aˬ yawꞈ-euˬ gʼawˇ mawˇ nga maꞈ kʼoeˇ taˆ aˬ yuiꞈ geuꞈ luꞈ-awˇ, aˬ yawꞈ-euˬ piˇ ma deuˬ kʼawꞈ daˇ heh yuˇ-awˇ heu gaˇ jawˇ luꞈ-eu laꞈ kʼoeˇ, nga maꞈ naw maꞈ-ahˇ guiˇ deuˆ-eu gʼaˇ duˬ daˇ heh baw gaˬ-eu lehˇ lehˬ hmˬ taˬ-euˬ meh. Iˇsaˬleˬlaˆ tsawˇ haˬ deuˬ-oˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˇ deuˆ-eu lehˇ taˬ leh jeh. Naw maꞈ maˬ deuˆ gʼaˬ nya-a.”

2 Laˬsaˬbaˬ 13:14

Yuˇdaˆ guiˇ maꞈ deuˬ jawˬ jawˬ-ehˇ haw-awˇ, aˬ cawˬ aˬ yawꞈ maꞈ-ahˇ loꞈ jawˬ taˬ-euˬ gaˇ ya mawˇ ngeh, Sahˬpaˬ Miˬyehˇ-ahˇ “Caw ba le-awˬ” lehˇ guˇ-awˇ, piˇ ma deuˬ daˇ heh baw-euˬ meh.

2 Laˬsaˬbaˬ 13:15

Yuˇdaˆ guiˇ maꞈ deuˬ yaw kʼaˆ-ehˇ guˇ-awˇ, Aˬbiˇyaˬ sheuˬ gʼeh-eu laꞈ oˆ jawˇ-eu laꞈ kʼoeˇ, le-awˇ deuˆ-euˬ meh. Yeˬyawˇbamˬ hawˇ-eu Iˇsaˬleˬlaˆ guiˇ maꞈ deuˬ-ahˇ Miˬyehˇ deuˆ gʼaˬ-euˬ meh.

2 Laˬsaˬbaˬ 13:18

Kʼoeˇ loꞈ-ehˇ, Yuˇdaˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-euˬ meh.

2 Laˬsaˬbaˬ 14:10

Aˬsaˬ gʼeh aˬ yawꞈ-ahˇ guiˇ deuˆ-eu lehˇ doˆ-iˇ-awˇ, guiˇ guiˇ maꞈ nyiˬ maꞈ luꞈ Maˬleˇshaˬ meuˬ dawˬ peh jaˆ-eu Zeˬpaˬdaˬ deh kʼawꞈ-ahˇ, guiˇ daˬ daˬ-awˇ jawˇ duˬ yuˇ taˬ-euˬ meh.

2 Laˬsaˬbaˬ 16:7

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu Haˬnaˬniˇ gʼaˬ sahˬ paˬ Aˬsaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ maˬ gʼoe-ehˇ, Suˇliˆ sahˬ paˬ-ahˇ nawˇ laꞈ jeuˬ shaˇ-euˬ miˇ neh, Iˇsaˬleˬlaˆ sahˬpaˬ-euˬ guiˇ maꞈ deuˬ nawˬ-euˬ laꞈ-ahˇ neh cehˆ dzeuˇ-euˬ meh.

2 Laˬsaˬbaˬ 18:31

Kʼoeˇ miˇ neh, sahˬ paˬ Yeˬhawˇshaˬpaˇ-ahˇ ya mawˇ ngeh, aˬ yawꞈ maꞈ dawˬ tawˆ luꞈ Iˇsaˬleˬlaˆ sahˬ paˬ meh lehˇ noeˬ-awˇ, aˬ yawꞈ-ahˇ tehꞈ-ehˇ ga jawˬ-awˇ deuˆ-euˬ meh. Ehˇ kʼawꞈ, Yeˬhawˇshaˬpaˇ guˇ doˆ laˇ ngeh, Sahˬpaˬ Miˬyehˇ aˬ yawꞈ-ahˇ ka kʼoꞈ-euˬ meh. Aˬ yawꞈ maꞈ aˬ yawꞈ-ahˇ ga jawˬ-awˇ maˬ ya deuˆ ni Miˬyehˇ jahˇ-euˬ meh.

2 Laˬsaˬbaˬ 20:12

Nawˇ-aˬ, nga maꞈ-euˬ Miˬyehˇ ma. Aˬ yawꞈ maꞈ-ahˇ nawˇ kʼehˬ nehˬ kʼaˆ nehˬ-awˬ. Nga maꞈ-ahˇ ceh le-eu lehˇ oe luꞈ-eu myaˬ dui dui-eu guiˇ maꞈ heu maꞈ-ahˇ deuˆ ceh ceh-eu gʼaˇ duˬ, nga maꞈ noeˬ maˬ paˇ doˆ miˇ-a. Aˬ joˆ-ehˇ ya jahˇ paˬ nga lehˇ shaˇ noeˬ dui-euˬ miˇ-a. Ehˇ kʼawꞈ, nawˇ caw ba nehˬ laꞈ-eu jeˬ-ahˇ nga maꞈ noeˬ tmˬ luꞈ ma.”

2 Laˬsaˬbaˬ 20:32

Aˬ yawꞈ-euˬ mehˬ hu sahˬ paˬ geuꞈ-awˇ uˆ lahˇ yaꞈ-euˬ aˬ yawꞈ-euˬ aˬ da Aˬsaˬ loꞈ-ehˇ, Sahˬpaˬ Miˬyehˇ mehˬ shi yaw tsaˬ yaw dawˇ jeˬ tehꞈ-ehˇ aˬ yawꞈ mˇ-euˬ meh.

2 Laˬsaˬbaˬ 25:8

Aˬ yawꞈ maꞈ-ahˇ sheuˬ gʼeh naˇ, nawˬ-euˬ guiˇ maꞈ gʼaˬ kʼaˆ dzehˬ tehꞈ-a lehˇ nawˇ noeˬ tehꞈ-a. Guiˇ deuˆ-eu gʼaˬ leˇ ni hawˇ-eu sm ni jahˇ-eu baoˬ Miˬyehˇ-euˬ aˬ laꞈ laꞈ kʼoeˇ jaˆ-eu meh. Nawˇ ya sm-iˇ ni Miˬyehˇ jahˇ tehꞈ-a.”

2 Laˬsaˬbaˬ 26:7

Piˇliˇtiˆ tsawˇ haˬ deuˬ, Guˇbaˬlaˇ meuˬ-ahˇ jawˇ-eu Aˬlaˆ tsawˇ haˬ deuˬ hawˇ-eu, Myuˇniˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ nya ni Miˬyehˇ aˬ yawꞈ-ahˇ caw ba nehˬ-euˬ meh.

2 Laˬsaˬbaˬ 32:20

Kʼoeˇ ngeh, sahˬ paˬ Heˬsaˬgiˇ hawˇ-eu Aˬmoˆ-euˬ aˬ li Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇsaˬyaˇ aˬ nyaꞈ, Miˬyehˇ bi caw ba le-eu gʼaˇ duˬ guiˬ lahˬ shaˇ-euˬ meh.

2 Laˬsaˬbaˬ 32:8

Aˬ yawꞈ-aˬ, tsawˇ haˬ zaˬ-euˬ baoˬ tehꞈ-ehˇ jaˆ-eu meh. Ehˇ kʼawꞈ, aˬ dui-aˬ, aˬ dui-ahˇ caw ba-awˇ guiˇ deuˆ-eu gʼaˇ duˬ aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ ma.” Yuˇdaˆ sahˬ paˬ Heˬsaˬgiˇ kʼoeˇ loꞈ-ehˇ ehˇ ngeh, aˬ yawꞈ-euˬ tsawˇ haˬ deuˬ gʼaˬ ahˇ laˇ-euˬ meh.

Jaceuq 120:1

Shaˬ-eu zahˬ-eu jeˬ-ahˇ ngaˇ ya tahˬ puˬ-awˇ, Sahˬpaˬ Miˬyehˇ-ahˇ kuˇ ngeh, ngaˬ-euˬ kuˇ dawˬ-ahˇ aˬ yawꞈ naˇ haˬ-eu meh.

Jaceuq 18:6

Nui ma shaˬzahˬnaꞈ-eu miˇneh, SahˬpaˬMiˬyehˇ-ahˇkuˇ-euˬma. Ngaˬ-ahˇcaw ba le-eu gʼaˇduˬ, ngaˬ-euˬMiˬyehˇ-ahˇguˇ-euˬma. Uˬduˬtahˬnymˇnymˇma laꞈkʼoeˇ, ngaˬ-euˬteˇsaˇaˬyawꞈgaˬ-awˇ, ngaˬneh shaˇ-euˬshaˇdawˬdeuˬ-ahˇ, aˬyawꞈnaˇhaˬnehˬlaꞈ-euˬmeh.,

Jaceuq 20:5

Nawˇguiˇdeuˆ-eu gʼaˬleˇ-euˬgaˇ, nga maꞈguˇguˇ-ehˇcehˇgʼa-awˇ, aˬdui Miˬyehˇtsawˇmyahˇlaꞈkʼoeˇ, paˇloˬpaˇlehˇka tuˇnehˬma. Nawˇkʼaˇshaˇ-eu yawˬjeˬna luꞈ, SahˬpaˬMiˬyehˇmˇbyah luꞈ-uˇ.

Jaceuq 20:7

Mahˬlaˆlawˬ-ahˇaˬcawˬgʼoe-awˇ, mahˬ-ahˇnui ma huiˬ-awˇdeuˆkʼawꞈ, SahˬpaˬMiˬyehˇpyeuꞈ-eu Miˬyehˇ, aˬdui-euˬ nui ma huiˬduˬma.

Jaceuq 20:8

Yawꞈmaˬya coˬdzeh jiˇkʼawꞈni, aˬdui ziꞈdah ni yawꞈ-eu ma.

Jaceuq 22:5

Aˬyawꞈmaꞈnawˬ-ahˇguˇgaˬ-awˇ, shaˬzahˬguˆgaˆya dzeuˇ-iˇ-awˇ, nawˬ-ahˇgʼoe-euˬbaˬda baˇneh, nui ma cawˆgaˇ maˬya keuˆ-a.

Jaceuq 22:6

Ehˇkʼawꞈngaˇtsawˇhaˬmaˬhaˬ-ehˇ, buˬjoe tiˬmawˇmaˬtawˬmiˇ-a. Tsawˇhaˬyawˬgʼaˬna luꞈ ngaˬ-ahˇ, yehˬbawˬsehˇlu-ehˇgʼeh-eu meh.

Jaceuq 34:6

Iˇshaˬzaˬdeuˬkuˇ-eu teˇsaˇ, SahˬpaˬMiˬyehˇnaˇhaˬnehˬ-awˇ, shaˬzahˬlaꞈkʼoeˇka kʼoꞈ-eu meh.

Jaceuq 37:5

Nawˬ-euˬdehꞈjeˬdehꞈkawˆdawˬtawˆ, SahˬpaˬMiˬyehˇ-ahˇ a nehˬ-awˬ. Aˬyawꞈ-ahˇgʼoe-awˇdehꞈgʼeh naˇ, aˬyawꞈnawˬ-ahˇngehˬgʼeh tehꞈ-a.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 9:19

Sahˬpaˬ Miˬyehˇ-oˇ, oe-awˬ. nawˬ-ahˇyehˬbawˬ-ehˇ ehˇ-eu jeˬ, tsawˇhaˬzaˬneh taˬbi mˇlaw. miˇtsaˬtsawˇjeuˬdawˬtawˆluꞈ-ahˇ, nawˬ-euˬmehˬshi yaˇkʼaˬdaˇ-awˬ.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Doˆ-iˇ 14:10

Iˇjiˇtuˆ sahˬ paˬ hawˇ-eu aˬ yawꞈ-euˬ guiˇ maꞈ deuˬ aˬ yawꞈ maꞈ jawˇ gaˇ oe luꞈ gaˇ Iˇsaˬleˬlaˆ tsawˇ haˬ deuˬ ya mawˇ ngeh, guˆ dui dui-awˇ, caw ba nehˬ laꞈ lehˇ, Sahˬpaˬ Miˬyehˇ-ahˇ guˇ-awˇ shaˇ-euˬ meh.

Dawqdaq 18:10

Sahˬpaˬ Miˬyehˇ tsawˇ myahˇ ziꞈ-eu lo guˇ, tsawˇ muiˬ deuˬ-euˬ cehˆ zaꞈ duˬ meh.

Iˇsaˬyaˇ 10:20

Buˬ-iˇ-euˬ Iˇsaˬleˬlaˆ tsawˇ haˬ deuˬ, aˬ yawꞈ maꞈ-ahˇ laˆ cawˆ le-euˬ miˇ kʼahˬ-ahˇ maˬ paˇ gʼoe-ehˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-eu aˇ nah keuˆ le tehꞈ-a.

Iˇsaˬyaˇ 2:22

Naˇ mehˇ saꞈ gʼawˇ-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ nui jah taˬ ahˇ. Tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 26:13

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, aˬ cawˬ nga maꞈ kʼoeˇ taˆ dzoeˬ dzaˬ luꞈ kʼawꞈ, nawˬ-ahˇ tehꞈ-ehˇ nga maꞈ taˬ huiˬ-eu ma.

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Uˬ duˬ 26:8

Naw maꞈ tsawˇ haˬ ngaˬ gʼaˬ, aˬ cawˬ tiˬ yaˇ gʼaˬ-ahˇ gʼaˬ leˇ-awˇ, naw maꞈ tsawˇ haˬ tiˬ yaˇ gʼaˬ, aˬ cawˬ tiˬ muiˇ gʼaˬ-ahˇ gʼaˬ leˇ tehꞈ-a.

Aˬmoˆ 5:9

Gʼaˬ kʼaˆ tsawˇ jeuˬ yawꞈ dehˬ coˬ-awˇ, yawꞈ maꞈ-euˬ taˆ laˆ cawˆ-euˬ meh.

Zaˬkaˬliˇ 2:8

“Naw maꞈ-ahˇ kʼaˇ laˆ ciˆ-eu tsawˇ haˬ ngaˬ-euˬ myaˆ nuiˆ myaˆ naˆ-ahˇ laˆ ciˆ laˇ gaˇ duˇ tehꞈ-a” lehˇ Sahˬpaˬ Miˬyehˇ ehˇ-eu meh. Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ smˇ kʼoeˬ tahˇ joe joe-euˬ tsawˇ jeuˬ deuˬ jawˇ gaˇ, Baoˬ huiˬ-eu Sahˬpaˬ Miˬyehˇ ngaˬ-ahˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Yoˇhaˬ 14:1

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ nui ma shaˬ zahˬ taˬ mˇ. Miˬyehˇ-ahˇ jah-awˇ, ngaˬ-ahˇ kʼawꞈ jah-awˬ.

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Gʼaˬkʼehˇ 2:21

Kʼoeˇ ngeh, ‘Caw ba nehˬ laꞈ-awˬ’ lehˇ, SahˬpaˬMiˬyehˇ-ahˇ kuˇ-eu deuˬ, ka kʼoꞈ nehˬ-eu jeˬ za tehꞈ-a.’

Gʼaˬkʼehˇ 3:16

Kuiˇ cawˆ heu gʼaˬ aˬ yawꞈ tsawˇ myahˇ-euˬ baoˬ baˬ da neh gʼaˬ paˇ ahˇ laˇ-euˬ meh. Naw maꞈ ya siˬ ya mawˇ-euˬ gaˇ kawˆ heu-aˬ, aˬ yawꞈ-euˬ tsawˇ myahˇ-ahˇ jah-eu jeˬ baˬ da neh pyeuꞈ laˇ-euˬ meh. Naw maꞈ mawˇ luꞈ-eu loꞈ-ehˇ, tsawˇ haˬ heu gʼaˬ muiˬ laˇ-euˬ-aˬ, Yeˬsuˇ-ahˇ jah-eu jeˬ baˬ da neh meh.

Gʼaˬkʼehˇ 9:4

Aˬ yawꞈ miˇ tsa coˬ dzeh-awˇ, heu loꞈ-ehˇ ehˇ-eu teˇ saˇ-ahˇ ya gaˬ-euˬ meh. “Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te.”

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Dawˬmehˬ 32:27

Ngaˬ-euˬ mawˇ do oe gʼeh leꞈ-awˇ, aˬ yawꞈ maꞈ-ahˇ lehˬ loeˇ-euˬ kʼoeˇ, aˬ yawꞈ maꞈ-ahˇ muiˇ-eu kʼoeˇ deuˬ aˬ yawꞈ maꞈ neh jahˇ-euˬ te lehˇ, kʼahˬ sehˇ maˬ bi jehˆ gaˇ keuˆ ma.’

Dawˬmehˬ 32:30

Yawꞈ maꞈ gʼoe duˬ lo guˇ pyeuꞈ-eu Sahˬpaˬ Miˬyehˇ neh yawꞈ maꞈ-ahˇ maˬ byehˇ dzeh ni haw law nmˇ-aˬ, aˬ cawˬ tsawˇ haˬ tiˬ gʼaˬ tehꞈ-ehˇ, yawꞈ maꞈ tiˬ heˇ gʼaˬ-ahˇ teh-awˇ, aˬ cawˬ tsawˇ haˬ nyiˬ gʼaˬ oe-euˬ, tiˬ muiˇ gʼaˬ-ahˇ gʼaˬ leˇ nmˇ loˇ.

Dawˬmehˬ 32:36

Yawꞈ-euˬ tsawˇ haˬ gʼaˬ juˬ-iˇ ngeh, Sahˬpaˬ Miˬyehˇ ka kʼoꞈ tehꞈ-a. Yawꞈ-ahˇ saˇ jaˇ ziꞈ luꞈ-eu deuˬ, caw ba nehˬ-eu gʼaˬ maˬ jawˇ ngeh, aˬ yawꞈ gʼawˬ shaˬ gaˬ nehˬ tehꞈ-a.

Yaˇ kʼaˬ daˇ 7:7

Giˇdoˬ-ahˇ Sahˬpaˬ Miˬyehˇ ehˇ nehˬ-eu, “Iˇ cuꞈ-ahˇ mehˬ laˇ neh myeuꞈ myeuꞈ-ehˇ dawˇ-eu tsawˇ haˬ kʼoeˇ smˬ yaˇ gʼaˬ-ahˇ gʼoe-awˇ, Miˇdiˬyaˬ tsawˇ haˬ deuˬ-euˬ aˬ laꞈ laꞈ kʼoeˇ naw maꞈ-ahˇ ngaˇ ka kʼoꞈ-awˇ, naw maꞈ-ahˇ ngaˇ Miˇdiˬyaˬ tsawˇ haˬ deuˬ-ahˇ bi gʼaˬ leˇ ma. ‘Nui deuˬ dawˬ tawˆ luꞈ-ahˇ iˇ kahˇ-ahˇ gʼoꞈ-iˇ-awˬ’ lehˇ ehˇ nehˬ-awˬ.”

1 Saˬmeuˬlaˆ 14:6

Aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ kʼoeˇ gʼaˬ-ahˇ Yawˇnaˆshaˬ ehˇ nehˬ-eu, “Sahˬpaˬ Miˬyehˇ-ahˇ maˬ siˬ nya-eu Piˇliˇtiˆ tsawˇ haˬ kʼoeˇ deuˬ-euˬ taˆ-ahˇ aˇ nyaꞈ le tsehˆ haw kaˇ-euˇ. Sahˬpaˬ Miˬyehˇ aˇ nyaꞈ-ahˇ caw ba nehˬ laꞈ-eu duˇ. Aˬ dui-euˬ tsawˇ haˬ aˇ naˆ ni cuiˆ kʼawꞈ, aˬ yawꞈ caw ba nehˬ laꞈ-awˇ, aˬ dui gʼaˬ leˇ ni aˬ yawꞈ jahˇ naˇ, tiˬ jeˬ-iˬ maˬ laˆ tsoeˬ nya-aˇ.”

1 Saˬmeuˬlaˆ 17:47

Kʼoeˇ uˬ taꞈ, Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ka kʼoꞈ-eu gʼaˇ duˬ, gahˬ hawˇ-eu mi cehˇ maˬ gʼoe-eu gaˇ kawˆ, heu gaˇ jawˇ-eu tsawˇ haˬ dawˬ tawˆ luꞈ ya siˬ ya mawˇ duˬ tehꞈ-a. Aˬ yawꞈ-aˬ, gʼaˬ leˇ-eu gʼaˬ pyeuꞈ-awˇ, naw maꞈ dawˬ tawˆ luꞈ-ahˇ nga maꞈ-euˬ aˬ laꞈ laꞈ kʼoeˇ a nehˬ laꞈ tehꞈ-a”

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.