2 Laˬsaˬbaˬ 13:9 - Akha

⁹ Aˬloˬ-euˬ zaˬ deuˬ uˆ deuˬ pyeuꞈ-eu Sahˬpaˬ Miˬyehˇ-euˬ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ naw maꞈ teh dzeh-euˬ meh. Aˬ cawˬ tsawˇ jeuˬ mˇ gaˇ haw-awˇ, aˬ yawꞈ maꞈ-euˬ dah zaˇ, piˇ ma deuˬ naw maꞈ tseˇ doˆ-awˇ bi jawˇ-euˬ meh. Tsawˇ haˬ aˬ geu gʼaˬ ma kaˬ, mawˇ neˇ mawˇ gaw tiˬ mawˇ hawˇ-eu yawˇ shiꞈ mawˇ tsahˇ laꞈ nya naˇ, naw maꞈ-euˬ miˬyehˇ lehˇ kuˇ-eu miˬyehˇ yawꞈ ngehꞈ kʼoeˇ deuˬ-euˬ piˇ ma geuꞈ-eu gʼaˇ duˬ yawˬ haˇ yawˬ ha gʼawˇ mawˇ a nehˬ nya meh.

2 Laˬsaˬbaˬ 13:9 ပူးပေါင်းရင်းမြစ်များ

1 Sahˬpaˬ 13:33

Sahˬ paˬ Yeˬyawˇbamˬ-aˬ, yawˬ ha-euˬ iˬ baˇ-ahˇ maˬ noeˬ poˆ ni, aˬ yawꞈ neh tsoˆ taˬ-euˬ lawˇ duˬ-ahˇ piˇ ma bi geuꞈ-eu gʼaˇ duˬ, tseˇ doˆ paˬ-ehˇ gʼeh-eu tsawˇ haˬ deuˬ-ahˇ maˬ tseˇ doˆ ni, aˬ yawꞈ neh kʼaˇ bi geuꞈ mawꞈ-eu deuˬ-ahˇ tehꞈ-ehˇ tseˇ-awˇ, aˬ yawꞈ kʼaˇ ka nehˬ mawꞈ-eu gʼaˬ-ahˇ piˇ ma ka nehˬ-euˬ meh.

2 Sahˬpaˬ 19:18

Miˇ kʼahˬ kʼoeˇ deuˬ-euˬ miˬ yehˇ deuˬ-ahˇ kʼawꞈ, miˬ dzaˬ keuˬ dzeh-euˬ meh. Miˬyehˇ kʼoeˇ deuˬ-aˬ, Miˬyehˇ maˬ ngeuˇ-a. Tsawˇ haˬ zaˬ-euˬ aˬ laꞈ neh jahˇ-euˬ daˇ kawˬ hawˇ-eu kʼaˬ lo tahˬ pahˬ aˬ ma mawˇ kawˇ tehꞈ meh.

2 Laˬsaˬbaˬ 13:10

“Ehˇ kʼawꞈ, nga maꞈ-aˬ, aˬ dui maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ iˬ nah keuˆ ni gʼoe luꞈ-awˇ, aˬ yawꞈ-ahˇ maˬ byehˇ dzeh ni dehꞈ luꞈ ma. Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ Sahˬpaˬ Miˬyehˇ-euˬ gaˇ mˇ luꞈ-awˇ, Leˬbiˇ tsawˇ haˬ deuˬ aˬ yawꞈ maꞈ-ahˇ caw mˇ luꞈ meh.

2 Laˬsaˬbaˬ 29:31

Tsawˇ haˬ kʼoeˇ deuˬ-ahˇ Heˬsaˬgiˇ ehˇ nehˬ-eu, “Nymˬ-mˇ poˆ jawˇ naw maꞈ shawˇ laˇ gʼaˬ-euˬ meh. Kʼoeˇ miˇ neh, Sahˬpaˬ Miˬyehˇ-euˬ guiˬ lahˬ-ahˇ ja ceuˬ-eu lawˇ-euˬ jeˬ yuˇ laꞈ-awˇ lawˇ-awˬ lehˇ ehˇ nehˬ-euˬ meh. Aˬ yawꞈ-euˬ ehˇ dawˬ-ahˇ aˬ yawꞈ maꞈ naˇ haˬ-awˇ, tsawˇ haˬ tiˬ paˆ na deuˬ nui ma keuˆ dui dui-eu laꞈ kʼoeˇ miˬ dzaˬ dzah puiˆ-awˇ lawˇ-eu jeˬ kʼawꞈ yuˇ laꞈ-euˬ meh.

Doˆ-iˇ 29:1

“Aˬloˬ hawˇ-eu aˬ yawꞈ-euˬ aˬ li deuˬ, ngaˬ-eu gaˇ mˇ-eu piˇ ma geuꞈ-eu gʼaˇ duˬ, nawˇ heu loꞈ-ehˇ jahˇ-awˇ ya a nehˬ meh. Maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu yawˇ aˬ buˬ tiˬ mawˇ yuˇ-awˬ.

Doˆ-iˇ 29:29

“Aˬloˬ ziˇ jiˇ ngeh, aˬ yawꞈ dm-euˬ piˇ ma-euˬ dm gʼaˬ dm lmˇ deuˬ, aˬ yawꞈ-euˬ aˬ li deuˬ-ahˇ ya biꞈ taˬ yaꞈ-awˇ, aˬ yawꞈ maꞈ-ahˇ piˇ ma aˇ yaˬ biꞈ ngeh ya bi dm-eu meh.

Doˆ-iˇ 29:35

“Ngaˇ nawˬ-ahˇ yaw duˬ duˬ-ehˇ dawˬ biꞈ taˬ-euˬ loꞈ-ehˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ aˇ yaˬ biꞈ-eu bawˬ-iˬ shiꞈ nah keuˆ ni jahˇ-awˬ.

Doˆ-iˇ 32:29

Leˬbiˇ tsawˇ haˬ deuˬ-ahˇ Moˇseˬ ehˇ nehˬ-eu, “Iˬ nah naw maꞈ yawˬ ha-euˬ aˬ li deuˬ, yawˬ ha-euˬ aˬ yuiꞈ aˬ nyiˇ deuˬ-ahˇ sehꞈ-eu laꞈ kʼoeˇ, Sahˬpaˬ Miˬyehˇ-euˬ gaˇ laꞈ kʼoeˇ, piˇ ma deuˬ loꞈ-ehˇ naw maꞈ-euˬ gʼawˇ mawˇ a nehˬ-euˬ miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ nehˬ gʼaˬ-euˬ meh.”

Yeˬlaˬmiˇ 2:11

Aˬ cawˬ tsawˇ jeuˬ miˬ yehˇ maˇ maˇ ni gʼeh gaˇ uˬ duˬ maˬ tahˬ kʼawꞈ, yawˬ ha uˬ duˬ tahˬ-euˬ miˬ yehˇ maˬ paˇ dzeh-a. Ehˇ kʼawꞈ, ngaˬ-euˬ tsawˇ haˬ deuˬ-aˬ, aˬ yawꞈ maꞈ-euˬ yaw shehꞈ kʼahˬ sehˇ pyeuꞈ-eu ngaˬ-ahˇ, gaˇ dahˇ maˬ tsoeˬ-eu miˬ yehˇ neh paˇ dzeh-euˬ meh.

Yeˬlaˬmiˇ 5:7

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ-ahˇ aˬ jeˬ miˇ neh ngaˇ iˬ baˇ ya pyehˬ ta. Aˬ yawꞈ maꞈ ngaˬ-ahˇ byehˇ dzeh-awˇ, miˬ yehˇ maˬ ngeuˇ-eu deuˬ-ahˇ uˬ duˬ tahˬ-euˬ meh. Ngaˬ-euˬ tsawˇ haˬ deuˬ-ahˇ ngaˇ bi dzaˬ dehˆ-euˬ kʼawꞈ, aˬ cawˬ-euˬ zaˬ miˬ zaˬ yo-ahˇ bahˬ-awˇ, meh maˬ laˇ deuˬ nehˬ-ehˇ aˇ yamˬ laˆ jiˇ-euˬ meh.

Hawˇseˬ 8:6

Iˇsaˬleˬlaˆ ba jiˬ tehˆ-euˬ, mawˇ kawˇ kʼoeˇ miˬ yehˇ maˬ ngeuˇ-a. Saˬmaˬliˆ-euˬ mawˇ neˇ mawˇ kawˇ, kʼehꞈjiˇ kʼoeˆjiˇ gaˇkeuˆ tehꞈ-a.

Uˬ duˬ 16:32

Piˇ ma Yaw huiˬ gʼaˬ geuꞈ-eu geuˇ-eu baˬ da neh, aˬ yawꞈ aˬ da-euˬ gaˇ bi mˇ tsaꞈ gʼeh-eu gʼaˇ duˬ aˇ yaˬ biꞈ-awˇ a nehˬ taˬ-euˬ gʼaˬ-aˬ, bi muiˬ bi shawˇ laˇ-eu zahˇ ya jahˇ meh. Piˇ ma-euˬ dm gʼaˬ dm lmˇ deuˬ aˬ yawꞈ ya dm meh.

Uˬ duˬ 8:2

“Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˇ jawˇ-eu Sehˬ gʼawˆ-ahˇ sheuˬ laꞈ-awˇ, piˇ ma-euˬ dm gʼaˬ dm lmˇ deuˬ, tseˇ doˆ-euˬ deuˬ-ahˇ lehꞈ-eu tsiˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ, yawˇ aˬ buˬ nyiˬ mawˇ, dehˬ tseˬ maˬ ahˇ-eu kaˬ muˇ dawˆ ahˇ taˬ-euˬ kʼa sa, heu deuˬ yuˇ laꞈ-awˬ.

Gʼaˬkʼehˇ 19:26

Nymˬ-mˇ, Pawˇluˆ lehˇ kuˇ-eu tsawˇ haˬ kʼoeˇ gʼaˬ aˬ jeˬ ehˇ luꞈ-eu gaˇ kawˆ naw maꞈ ya siˬ ya mawˇ luꞈ meh. Tsawˇ haˬ zaˬ-euˬ aˬ laꞈ neh jahˇ-euˬ miˬ yehˇ-aˬ, miˬ yehˇ maˬ ngeuˇ-a lehˇ ehˇ ehˇ-ehˇ, Eˇpeˇsu meuˬ heu meuˬ laꞈ kʼoeˇ tehꞈ-ehˇ maˬ ngeuˇ-ehˇ, Aˬshaˆ miˇ kʼahˬ kʼahˬ lah ni ehˇ gʼaˬ ni tsawˇ haˬ gʼawˬ mya ni nui ma paˇ laˇ ni aˬ yawꞈ neh laˆ jah jiˇ taˬ-euˬ meh.

Gaˬlaˬtiˆ 4:8

Dzeuˇ laˇ ngeh, naw maꞈ Miˬyehˇ-ahˇ maˬ siˬ nya kʼoeˇ keuˆ ni, Miˬyehˇ maˬ ngeuˇ-eu yaw sahˇ deuˬ-euˬ zaˬ kʼaˆ geuꞈ-euˬ meh.

Dawˬmehˬ 32:17

Aˬ poeˬ ziˇ-ahˇ maˬ gaˬ haw-ehˇ, aˬ bawˇ ziˇ-ahˇ maˬ gʼoe haw-euˬ, miˬ yehˇ maˬ ngeuˇ-eu nehꞈ deuˬ-ahˇ, aˬ yawꞈ maꞈ lawˇ-euˬ shehˇ-euˬ meh.