2 Laˬsaˬbaˬ 13:2 - Akha

² Aˬ yawꞈ Yeˬluˇsaˬlehˬ meuˬ-ahˇ jawˇ-awˇ, smˇ kʼoꞈ byah ni uˆ lahˇ-euˬ meh. Aˬ yawꞈ-euˬ aˬ ma-aˬ, Giˇbyaˬ meuˬ-ahˇ jawˇ-eu Uˇleˬlaˇ-euˬ aˬ buˇ Miˇkaˬyaˇ meh. Aˬbiˇyaˬ hawˇ-eu Yeˬyawˇbamˬ aˬ nyaꞈ guiˇ deuˆ ceh ceh-euˬ meh.

2 Laˬsaˬbaˬ 13:2 ပူးပေါင်းရင်းမြစ်များ

1 Sahˬpaˬ 14:19

Sahˬ paˬ Yeˬyawˇbamˬ neh guiˇ deuˆ-euˬ gaˇ kawˆ deuˬ maˬ ehˇ, miˇ kʼahˬ-ahˇ uˆ lahˇ-euˬ gaˇ kawˆ deuˬ maˬ ehˇ, aˬ yawꞈ neh kʼaˇ mˇ kʼaˇ shaˇ yaꞈ-euˬ yawˬ jeˬ na luꞈ, Iˇsaˬleˬlaˆ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh.

1 Sahˬpaˬ 14:20

Yeˬyawˇbamˬ-aˬ, nyiˬ tseˇ nyiꞈ kʼoꞈ byah ni sahˬ paˬ geuꞈ-awˇ miˇ kʼahˬ-ahˇ uˆ lahˇ-euˬ meh. Aˬ yawꞈ ziˇ jiˇ-awˇ, aˬ yawꞈ-ahˇ baꞈ pahˬ gʼaˬ ngeh, aˬ yawꞈ-euˬ aˬ li Naˬdehˇ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

1 Sahˬpaˬ 15:2

Yeˬluˇsaˬlehˬ meuˬ-ahˇ aˬ yawꞈ jawˇ-awˇ, smˇ kʼoꞈ byah ni uˆ lahˇ-euˬ meh. Aˬ yawꞈ-euˬ aˬ ma-aˬ, Aˬbaˇsaˬloˬ-euˬ aˬ buˇ Mawˇkah pyeuꞈ-eu meh.

2 Laˬsaˬbaˬ 11:20

Aˇ nah, Aˬbaˇsaˬloˬ-euˬ aˬ buˇ Mawˇkah-ahˇ aˬ yawꞈ paˇ sheuˬ-awˇ, Aˬbiˇyaˬ, Aˬtehˇ, Ziˬzaˬ hawˇ-eu Sheˬloˇmiˇ lehˇ myahˇ-euˬ aˬ li oeˬ li paˇ jawˇ le-euˬ meh.

2 Laˬsaˬbaˬ 12:15

Leˬhawˇbamˬ neh mˇ-euˬ gaˇ deuˬ aˇ dahˬ beh gaˇ neh aˇ saˬ saˬ gaˇ keuˆ ni maˬ ehˇ, aˬ yawꞈ-euˬ miˬ sawˇ zaˬ deuˬ gaˇ kawˆ maˬ ehˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Sheˬmaˇyaˬ-euˬ Laˬsaˬbaˬ sahˬ boꞈ hawˇ-eu, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇdoˬ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh. Leˬhawˇbamˬ hawˇ-eu Yeˬyawˇbamˬ aˬ nyaꞈ-aˬ, aˬ myah luꞈ tiˬ gʼaˬ tiˇ gʼaˬ guiˇ deuˆ deuˆ-ehˇ jawˇ-euˬ meh.

2 Laˬsaˬbaˬ 13:3

Aˬbiˇyaˬ gʼaˬ yehˇ oeˬ seh gʼaˬ jawˇ-awˇ, Yeˬyawˇbamˬ gʼaˬ yehˇ yehꞈ seh gʼaˬ sheuˬ-awˇ aˬ yawꞈ-ahˇ deuˆ-euˬ meh.

Yawˇshuˆ 18:28

Zeˬlaˬ meuˬ, Haˬeˇlehˆ meuˬ, (Yeˬluˇsaˬlehˬ lehˇ kʼawꞈ kuˇ-eu) Yeˬbuˇ meuˬ, Giˇbyaˬ meuˬ, Giˇliˇyaˆyeˬlmˬ meuˬ, heu tseˇ oeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh. Heu-aˬ, Beˬyaˬmiˬ tsawˇ jeuˬ deuˬ za-euˬ miˇ kʼahˬ pyeuꞈ-eu meh.

Yaˇ kʼaˬ daˇ 19:14

Kʼoeˇ naˇ, aˬ yawꞈ maꞈ Yeˬbuˇ meuˬ le dzeuˇ leꞈ-awˇ, Beˬyaˬmiˬ miˇ kʼahˬ Giˇbyaˬ meuˬ-ahˇ le keuˆ ngeh, nahˇ ma ga ahˇ-euˬ meh.

Yaˇ kʼaˬ daˇ 19:16

Aˬ yawꞈ maꞈ kʼoeˇ gaˇ nuiˇ luꞈ ngeh, aˬ bawˇ tsawˇ mawˬ tiˬ gʼaˬ deh yaˇ-ahˇ iˇ-euˬ gʼoꞈ keuˆ laˇ-euˬ meh. Aˬ yawꞈ-aˬ, Eˇpaˬleˬ miˇ kʼahˬ gawˬ jawˬ gawˬ duˇ paw neh pawˇ le-awˇ, Giˇbyaˬ meuˬ-ahˇ jawˇ le-euˬ tsawˇ haˬ pyeuꞈ-eu meh. (Kʼoeˇ gaˇ jawˇ luꞈ-eu tsawˇ haˬ deuˬ-aˬ, Beˬyaˬmiˬ tsawˇ jeuˬ tehꞈ meh.)

1 Saˬmeuˬlaˆ 10:26

Sawˇluˆ gʼeh Giˇbyaˬ meuˬ-ahˇ gʼoꞈ-iˇ-euˬ meh. Miˬyehˇ neh nui ma laˆ saˆ nehˬ-euˬ baoˬ ahˇ-eu tsawˇ haˬ tiˬ paˆ na deuˬ kʼawꞈ, aˬ yawꞈ-euˬ mehˬ nah caw teh gʼeh-euˬ meh.