2 Laˬsaˬbaˬ 13:16 - Akha

¹⁶ Iˇsaˬleˬlaˆ tsawˇ haˬ deuˬ cehˆ byaˆ-awˇ, Miˬyehˇ neh Yuˇdaˆ tsawˇ haˬ deuˬ-ahˇ Iˇsaˬleˬlaˆ tsawˇ haˬ deuˬ kʼoeˇ taˆ bi gʼaˬ leˇ-euˬ meh.

2 Laˬsaˬbaˬ 13:16 ပူးပေါင်းရင်းမြစ်များ

Aˇ dahˬ 14:20

Nawˬ-ahˇ muiˇ-eu deuˬ-ahˇ nawˇ gʼaˬ leˇ nya ni caw ba nehˬ-euˬ gʼaˬ pyeuꞈ-eu, Huiˬ dui mahˇ dui dui-eu Miˬyehˇ-ahˇ aˬ cawˬ ja ceuˬ luꞈ-uˇ” lehˇ ehˇ-eu meh. Kʼoeˇ ngeh, guiˇ deuˆ gʼaˬ-awˇ kʼaˇ deuˆ za kʼoꞈ-euˬ pyuˇ shuiˇ myawˬ gahˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ Aˬbyaˬ yuˇ doˆ-awˇ, Maˬlaˬkiˇsaˬdehˇ-ahˇ damˬ nehˬ-euˬ meh.

2 Laˬsaˬbaˬ 13:17

Aˬbiˇyaˬ hawˇ-eu aˬ yawꞈ-euˬ guiˇ maꞈ deuˬ neh, Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ deuˆ deuˬ nehˬ-awˇ, nya dui dui-eu Iˇsaˬleˬlaˆ yehˇ ngaˬ seh gʼaˬ byah ni sehꞈ nehˬ-euˬ meh.

2 Laˬsaˬbaˬ 16:8

Suˬdaˬ tsawˇ haˬ hawˇ-eu Liˆbyaˇ tsawˇ haˬ deuˬ mahˬ laˆ lawˬ hawˇ-eu mahˬ dziˬ-eu yehˇ gʼawˬ mya ni ahˇ-eu guiˇ maꞈ maꞈ ma deuˬ jawˇ-eu maˬ ngeuˇ-a loˇ. Ehˇ kʼawꞈ, Sahˬpaˬ Miˬyehˇ-ahˇ nawˇ gʼoe-euˬ miˇ neh, aˬ yawꞈ maꞈ-ahˇ nawˇ gʼaˬ leˇ-euˬ maˬ ngeuˇ loˇ.

Dawˬmehˬ 2:36

Aˬnoˬ lawˇ baˬ gawˆ mehˇ paw, deh kʼawꞈ mehˬ dzaˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ gʼahˇ ceh jaˆ-eu meuˬ hawˇ-eu Giˇlaˆ meuˬ-ahˇ doˆ ni, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ bi deuˆ gʼaˬ laꞈ-euˬ meh. Aˬ dui maꞈ maˬ deuˆ uˇ gʼeh nya-eu meuˬ meuˬ lahˇ tiˬ lahˇ-iˬ maˬ jaˆ-aˬ.

Dawˬmehˬ 3:3

“Sahˬ paˬ Awˇgaˆ hawˇ-eu aˬ yawꞈ-euˬ tsawˇ haˬ dawˬ tawˆ luꞈ aˬ dui-euˬ laꞈ-ahˇ ahˇ le ni, Sahˬpaˬ Miˬyehˇ jahˇ-awˇ, aˬ yawꞈ maꞈ dawˬ tawˆ luꞈ-ahˇ aˬ dui maꞈ sehꞈ-euˬ ma.

Yawˇshuˆ 10:12

Aˬmawˇliˆ tsawˇ haˬ deuˬ kʼoeˇ taˆ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ bi gʼaˬ leˇ ngeh nah, Sahˬpaˬ Miˬyehˇ-ahˇ Yawˇshuˆ dawˬ ngehˬ cawˬ-euˬ meh. Iˇsaˬleˬlaˆ tsawˇ haˬ deuˬ mehˬ shi Yawˇshuˆ ehˇ-eu, “Nahˇ ma-oˇ, Giˇbyoˬ meuˬ kʼoeˇ taˆ naˬ-awˬ. Ba la-oˇ, Aiˬjaˬloˬ deh kʼawꞈ kʼoeˇ taˆ naˬ-awˬ.”

Yawˇshuˆ 21:44

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni laꞈ kʼoeˇ, aˬ yawꞈ maꞈ kʼoeˇ taˆ nui saˇ oꞈ-eu jeˬ Sahˬpaˬ Miˬyehˇ bi keuˆ le-euˬ meh. Aˬ yawꞈ maꞈ-ahˇ muiˇ-eu tsawˇ haˬ tiˬ gʼaˬ-iˬ aˬ yawꞈ maꞈ mehˬ shi maˬ yawꞈ peuˬ-a. Aˬ jeˬ miˇ neh ehˇ naˇ, muiˇ-eu tsawˇ haˬ dawˬ tawˆ luꞈ kʼoeˇ taˆ gʼaˬ leˇ-eu baoˬ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ biꞈ taˬ-euˬ meh.

Yaˇ kʼaˬ daˇ 1:4

Yuˇdaˆ tsawˇ haˬ deuˬ guiˇ deuˆ leˇ-awˇ, Kaˬnaˬ tsawˇ jeuˬ hawˇ-eu Paˬyehˆ tsawˇ jeuˬ kʼoeˇ taˆ, aˬ yawꞈ maꞈ-ahˇ Sahˬpaˬ Miˬyehˇ bi gʼaˬ leˇ-awˇ, Beˬzehˇ meuˬ laꞈ kʼoeˇ tsawˇ haˬ tiˬ heˇ gʼaˬ-ahˇ aˬ yawꞈ maꞈ deuˆ gʼaˬ-euˬ meh.

Yaˇ kʼaˬ daˇ 11:21

Ehˇ kʼawꞈ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ-ahˇ Siˇhoˬ hawˇ-eu aˬ yawꞈ-euˬ guiˇ maꞈ deuˬ kʼoeˇ taˆ bi gʼaˬ leˇ-euˬ meh. Kʼoeˇ naˇ, kʼoeˇ gaˇ jawˇ-eu Aˬmawˇliˆ tsawˇ haˬ deuˬ-euˬ miˇ kʼahˬ dawˬ tawˆ luꞈ, Iˇsaˬleˬlaˆ tsawˇ haˬ deuˬ yuˇ geuꞈ-euˬ meh.

1 Saˬmeuˬlaˆ 23:7

Daˬbiˇ Kiˇlahˬ meuˬ-ahˇ iˇ-euˬ gaˇ kawˆ Sawˇluˆ ya gaˬ ngeh, heu loꞈ-ehˇ ehˇ-eu meh. “Daˬbiˇ-ahˇ Miˬyehˇ neh ngaˬ-euˬ aˬ laꞈ laꞈ kʼoeˇ a nehˬ laꞈ-euˬ nga. Meuˬ meuˬ lahˇ yaw muiˬ paˬ-ehˇ gawˬ ziꞈ taˬ-awˇ, meuˬ lahˇ kʼehˬ laˇ gʼoˆ ziꞈ dah ni jaˆ-eu meuˬ kʼoeˇ meuˬ laꞈ kʼoeˇ Daˬbiˇ iˇ uˇ-euˬ-aˬ, aˬ yawˇ yawꞈ lahˇ ju kʼmˇ taˬ-euˬ gaˇ cehˆ paꞈ leˇ-euˬ gaˇ duˇ-eu nga.”