2 Laˬsaˬbaˬ 12:10 - Akha

¹⁰ Shuiˇ neh jahˇ taˬ-euˬ dehˬ daˬ duˬ kʼoeˇ deuˬ dah zaˇ, Leˬhawˇbamˬ gʼaˬ, guiˬ shuiˇ neh dehˬ daˬ duˬ paˇ jahˇ-awˇ, sahˬ paˬ jawˇ-eu nymˇ-euˬ lahˇ kʼehˬ deuˬ-ahˇ loꞈ-eu paw aˬ yuiꞈ geuꞈ-eu yaw huiˬ yaw mahˇ deuˬ-ahˇ a nehˬ-euˬ meh.

2 Laˬsaˬbaˬ 12:10 ပူးပေါင်းရင်းမြစ်များ

2 Saˬmeuˬlaˆ 23:23

Aˬ yawꞈ-aˬ, smˬ tseˇ gʼaˬ laꞈ kʼoeˇ aˬ cawˬ taꞈ-ehˇ dzehˬ kʼawꞈ, tsawˇ myahˇ doˆ-eu yehˇ kʼoeˇ smˇ gʼaˬ naˆ ni tsawˇ myahˇ maˬ huiˬ-a. Daˬbiˇ neh aˬ yawꞈ-ahˇ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ bi geuꞈ-euˬ meh.

2 Saˬmeuˬlaˆ 8:18

Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, Daˬbiˇ-euˬ aˬ li deuˬ-aˬ, piˇ ma geuꞈ-euˬ meh.

1 Sahˬpaˬ 10:16

Sawˇlaˬmoˬ-aˬ, dehˬ daˬ duˬ yaw huiˬ nyiˬ yaˇ hmˬ jahˇ-awˇ, aˬ yawꞈ hmˬ yawꞈ-ahˇ shuiˇ oeˬ jawꞈ-i yaw-euˬ meh.

1 Sahˬpaˬ 14:27

Dehˬ daˬ duˬ kʼoeˇ deuˬ-euˬ dah zaˇ, sahˬ paˬ Leˬhawˇbamˬ neh guiˬ shuiˇ dehˬ daˬ duˬ deuˬ paˇ jahˇ-awˇ, sahˬ paˬ-euˬ hawˇ nymˇ gʼoˆ kʼehˬ-ahˇ loꞈ-eu yaw huiˬ yaw mahˇ deuˬ-ahˇ a nehˬ-awˇ bi haw piˇ-euˬ meh.

1 Laˬsaˬbaˬ 11:25

Aˬ yawꞈ-aˬ, “Smˬ tseˇ gʼaˬ” laꞈ kʼoeˇ aˬ cawˬ taꞈ-ehˇ dzehˬ kʼawꞈ, tsawˇ myahˇ doˆ dui dui-eu “Yehˇ smˇ gʼaˬ” naˆ ni tsawˇ myahˇ maˬ huiˬ-a. Daˬbiˇ neh aˬ yawꞈ-ahˇ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ bi geuꞈ-euˬ meh.

2 Laˬsaˬbaˬ 12:11

Uˬ duˬ tahˬ nymˇ nymˇ ma-ahˇ sahˬ paˬ kʼaˇ le ngeh, sahˬ paˬ-ahˇ loꞈ piˇ-eu yehˇ deuˬ dehˬ daˬ duˬ kʼoeˇ yuˇ-awˇ aˬ yawꞈ nehˬ-ehˇ le-eu meh. Gʼoꞈ le gʼaˬ ngeh, dehˬ daˬ duˬ kʼoeˇ deuˬ-ahˇ, loꞈ piˇ-eu deuˬ-euˬ lawˆ-ahˇ paˇ yuˇ kʼoꞈ taˬ-iˇ-eu meh.

2 Laˬsaˬbaˬ 12:9

Sahˬ paˬ Shiˇshehˆ Yeˬluˇsaˬlehˬ meuˬ-ahˇ laˇ-awˇ, Uˬ duˬ tahˬ nymˇ nymˇ ma hawˇ-eu sahˬ paˬ jawˇ-eu nymˇ-ahˇ jaˆ-eu pyuˇ shuiˇ myawˬ gahˬ dawˬ tawˆ luꞈ yuˇ geuꞈ jiˇ-euˬ meh. Sahˬ paˬ Sawˇlaˬmoˬ neh shuiˇ neh jahˇ taˬ-euˬ dehˬ daˬ duˬ kʼoeˇ deuˬ ahˇ leˇ-ehˇ, yawˬ jeˬ na luꞈ aˬ yawꞈ yuˇ jiˇ-euˬ meh.

Ngoeˇ dawˬ 4:1

Yaw shehꞈ guiˇ nyiˬ ni bya-euˬ shuiˇ, yaw shehꞈ byoˆ-iˇ jiˇ shaw-euˬ meh. Muiˬ-eu shawˇ-eu kʼaˬ lo tsaˬ byaˆ, gaˇ ma doe ni ga luꞈ-eu meh.