2 Laˬsaˬbaˬ 11:3 - Akha

³ “Sawˇlaˬmoˬ-euˬ aˬ li sahˬ paˬ Leˬhawˇbamˬ hawˇ-eu, Yuˇdaˆ tsawˇ jeuˬ, Beˬyaˬmiˬ tsawˇ jeuˬ, heu dawˬ tawˆ luꞈ-ahˇ heu loꞈ-ehˇ ehˇ nehˬ-awˬ.

2 Laˬsaˬbaˬ 11:3 ပူးပေါင်းရင်းမြစ်များ

Aˇ dahˬ 49:28

Tsawˇ haˬ heu deuˬ-aˬ, Iˇsaˬleˬlaˆ tsawˇ jeuˬ tseˇ nyiꞈ jeuˬ pyeuꞈ-awˇ, dawˬ heu deuˬ kʼawꞈ, aˬ yawꞈ maꞈ-euˬ aˬ da ziˇ jiˇ-eu dawˬ peh peh laˇ-awˇ aˬ yawꞈ maꞈ-ahˇ maˬ ya gʼawˬ-iˇ mi naˆ-ehˇ, aˬ li aˬ yawꞈ gʼaˬ yawꞈ-ahˇ kʼaˇ geuˇ-eu loꞈ-ehˇ ehˇ nehˬ yaꞈ-euˬ dawˬ pyeuꞈ-eu meh.

2 Sahˬpaˬ 17:34

Iˬ nah keuˆ ni, zahˇ oeˇ maˬ byehˇ ni aˬ yawꞈ maꞈ tawˬ luꞈ-eu meh. Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ-ehˇ, Sahˬpaˬ Miˬyehˇ neh Iˇsaˬleˬlaˆ lehˇ myahˇ taˬ-euˬ Yaˬkoˆ-euˬ zaˬ deuˬ uˆ deuˬ-ahˇ Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ deuˬ-ahˇ kʼawꞈ, aˬ yawꞈ maꞈ maˬ caw teh-a.

2 Laˬsaˬbaˬ 10:17

Leˬhawˇbamˬ-aˬ, Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ tehꞈ-ehˇ sahˬ paˬ geuꞈ-awˇ uˆ lahˇ-euˬ meh.

2 Laˬsaˬbaˬ 11:2

Ehˇ kʼawꞈ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Sheˬmaˇyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

2 Laˬsaˬbaˬ 11:4

‘Naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-ahˇ guiˇ taˬ deuˆ. Naw maꞈ dawˬ tawˆ luꞈ yawˬ ha-euˬ nymˇ-ahˇ gʼoꞈ-iˇ-awˬ. Kʼaˇ pyeuꞈ laˇ-euˬ jeˬ dawˬ tawˆ luꞈ ngaˇ nui ma tsaˬ-eu miˇ neh bi pyeuꞈ laˇ-euˬ ma lehˇ Sahˬpaˬ Miˬyehˇ ehˇ-eu meh’ lehˇ ehˇ nehˬ-awˬ.” Aˬ yawꞈ maꞈ dawˬ tawˆ luꞈ Sahˬpaˬ Miˬyehˇ-euˬ dawˬ-ahˇ naˇ haˬ-awˇ, Yeˬyawˇbamˬ-ahˇ guiˇ maˬ deuˆ leˇ ni byehˇ-euˬ meh.

Doˆ-iˇ 24:4

Kʼoeˇ naˇ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ zahˇ sahˇ kʼoꞈ dawˬ tawˆ luꞈ, Moˇseˬ boꞈ-euˬ meh. Yawˬ nah yawˬ uˬ shawˬ yaw naꞈ-ehˇ, gawˬ jawˬ dawˬ dahˬ-ahˇ lawˇ duˬ tiˬ tsahˇ aˬ yawꞈ tsoˆ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ, kʼaˬ lo tseˇ nyiꞈ siˬ kʼahˬ tuˇ-euˬ meh.

Piˇliˇpiˆ 3:5

Ngaˇ-aˬ, dehꞈ le-awˇ tiˬ jaw byah laˇ ngeh neh baˆ kʼoˆ mehˬ dzaˬ bi yehˬ-euˬ tsawˇ haˬ ma. Iˇsaˬleˬlaˇ tsawˇ jeuˬ laꞈ kʼoeˇ ahˇ-eu Beˬyaˬmiˬ tsawˇ jeuˬ tiˬ gʼaˬ ma. Maˇ maˇ ni shawˇ jehˆ ni gʼeh-eu Heˬbyehˇ tsawˇ haˬ ma. Yuˇdaˆ tsawˇ haˬ-euˬ Zahˇ dawˬ kʼoꞈ dawˬ mehˬ nah caw teh-eu paw dzeˇ neh paˇ ehˇ leꞈ naˇ, ngaˇ-aˬ, Paˬliˬsehˇ tiˬ gʼaˬ ma.