2 Laˬsaˬbaˬ 11:21 - Akha

²¹ Leˬhawˇbamˬ-euˬ miˬ zaˬ dawˬ tawˆ luꞈ tseˇ yehꞈ gʼaˬ jawˇ-awˇ, ma nyiˇ koꞈ tseˇ gʼaˬ jawˇ-eu meh. Aˬ yawꞈ-euˬ aˬ li nyiˬ tseˇ yehꞈ li jawˇ-awˇ, aˬ buˇ koꞈ tseˇ buˇ jawˇ-eu meh. Aˬ yawꞈ-euˬ miˬ zaˬ dawˬ tawˆ luꞈ hawˇ-eu ma nyiˇ dawˬ tawˆ luꞈ kʼoeˇ taˆ, Mawˇkah-ahˇ aˬ yawꞈ gaˬ dzehˬ-eu meh.

2 Laˬsaˬbaˬ 11:21 ပူးပေါင်းရင်းမြစ်များ

Aˇ dahˬ 22:24

Naˬkawˬ-euˬ ma nyiˇ Luˇma-aˬ, Teˬbah, Gaˬhaˬ, Taˬhaˆ, Mawˇkah, heu deuˬ-ahˇ ciˬ-euˬ meh.

2 Saˬmeuˬlaˆ 5:13

Heˬbyoˬ meuˬ-ahˇ neh Yeˬluˇsaˬlehˬ meuˬ-ahˇ Daˬbiˇ jawˇ-iˇ gʼaˬ ngeh, ma nyiˇ gʼawˬ mya gʼaˬ sheuˬ lahˬ-awˇ, aˬ buˇ aˬ li gʼawˬ mya ni jawˇ le-euˬ meh.

1 Sahˬpaˬ 11:3

Sawˇlaˬmoˬ-aˬ, sahˬ paˬ zaˬ miˬ shiꞈ yaˇ gʼaˬ-ahˇ sheuˬ-euˬ uˬ taꞈ, ma nyiˇ smˬ yaˇ gʼaˬ jawˇ-eu meh. Aˬ yawꞈ Miˬyehˇ-ahˇ byehˇ dzeh ni, aˬ yawꞈ-euˬ miˬ zaˬ kʼoeˇ deuˬ jahˇ-euˬ meh.

1 Sahˬpaˬ 15:2

Yeˬluˇsaˬlehˬ meuˬ-ahˇ aˬ yawꞈ jawˇ-awˇ, smˇ kʼoꞈ byah ni uˆ lahˇ-euˬ meh. Aˬ yawꞈ-euˬ aˬ ma-aˬ, Aˬbaˇsaˬloˬ-euˬ aˬ buˇ Mawˇkah pyeuꞈ-eu meh.

2 Laˬsaˬbaˬ 11:23

Leˬhawˇbamˬ-aˬ, nui noeˬ doˆ-awˇ tsawˇ gahˇ ahˇ-eu laꞈ kʼoeˇ, aˬ yawꞈ-euˬ aˬ li deuˬ-ahˇ, Yuˇdaˆ miˇ kʼahˬ hawˇ-eu Beˬyaˬmiˬ miˇ kʼahˬ laꞈ kʼoeˇ ziꞈ dah ni tsoˆ taˬ-euˬ meuˬ deuˬ-ahˇ gaˇ biꞈ-awˇ bi jawˇ-euˬ meh. Aˬ yawꞈ maꞈ-ahˇ aˬ yawꞈ tiˬ byah tiˬ loꞈ caw ba nehˬ-euˬ uˬ taꞈ, miˬ zaˬ gʼawˬ mya ni poˆ nehˬ-euˬ meh.

Dawˬmehˬ 17:17

Sahˬ paˬ geuꞈ-eu gʼaˬ miˬ zaˬ gʼawˬ mya gʼaˬ maˬ ya sheuˬ-a. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ naˇ, Sahˬpaˬ Miˬyehˇ-ahˇ aˬ yawꞈ gʼawˬ-iˇ tehꞈ-a. Pyuˇ hawˇ-eu shuiˇ poˆ uiˬ-eu laꞈ kʼoeˇ, yawˬ ha smˇ muiˬ muiˬ laˇ ni maˬ ya mˇ-a.

Dawˬmehˬ 21:16

Tsawˇ haˬ kʼoeˇ gʼaˬ aˬ yawꞈ-euˬ zaˬ deuˬ-ahˇ jeˬ biˇ biˇ nehˬ ngeh, myaˆ pyawˬ huiˬ nyiˇ tseˇ-eu laꞈ kʼoeˇ, aˬ yawꞈ gaˬ dzehˬ-eu miˬ zaˬ gʼaˬ-euˬ aˬ li-ahˇ, aˬ li aˬ yuiꞈ gʼaˬ-ahˇ oꞈ-eu jeˬ biˇ maˬ ya biꞈ-a.

Yaˇ kʼaˬ daˇ 8:30

Aˬ yawꞈ miˬ zaˬ myaˬ-eu miˇ neh, aˬ li shiꞈ tseˇ li jawˇ-eu meh.