2 Laˬsaˬbaˬ 11:16 - Akha

¹⁶ Iˇsaˬleˬlaˆ tsawˇ jeuˬ dawˬ tawˆ luꞈ laꞈ kʼoeˇ, maˇ maˇ ni Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ mawꞈ-eu tsawˇ haˬ deuˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ya lawˇ ya shehˇ ni, Leˬbiˇ tsawˇ haˬ deuˬ-euˬ mehˬ nah Yeˬluˇsaˬlehˬ meuˬ-ahˇ caw teh gʼeh-euˬ meh.

2 Laˬsaˬbaˬ 11:16 ပူးပေါင်းရင်းမြစ်များ

1 Laˬsaˬbaˬ 16:29

Yaw shehꞈ kʼahˬ sehˇ huiˬ dui dui-eu, yawꞈ-euˬ tsawˇ myahˇ-ahˇ ja ceuˬ yawˬ. Uˬ duˬ tahˬ nymˇ nymˇ ma laꞈ kʼoeˇ lawˇ-eu shehˇ-eu jeˬ yuˇ laꞈ yawˬ. Muiˬ-eu shawˇ-eu Sahˬpaˬ Miˬyehˇ zaꞈ le gaˇ awˆ byaˆ-awˇ laˇ yawꞈ.

1 Laˬsaˬbaˬ 22:1

Kʼoeˇ naˇ, Daˬbiˇ ehˇ-eu, “Heu-aˬ, Miˬyehˇ pyeuꞈ-eu Sahˬpaˬ Miˬyehˇ-euˬ nymˇ jaˆ-eu jawˇ duˬ meh. Iˇsaˬleˬlaˆ tsawˇ jeuˬ miˬ dzaˬ dzah puiˆ-awˇ lawˇ-eu jeˬ ya lawˇ-eu lawˇ duˬ kʼawꞈ, heu gaˇ jaˆ-eu meh.”

1 Laˬsaˬbaˬ 22:19

Naw maꞈ-euˬ nui ma saꞈ laˇ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ mˇ-awˬ. Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ hawˇ-eu, aˬ yawꞈ-ahˇ uˬ duˬ tahˬ gaˇ geuꞈ-eu muiˬ-eu shawˇ-eu mˇ myawˬ keu ka dawˬ tawˆ luꞈ bi jaˆ-eu gʼaˇ duˬ, Uˬ duˬ tahˬ nymˇ nymˇ ma tsoˆ-eu dawꞈ leˇ-awˬ.”

2 Laˬsaˬbaˬ 11:17

Aˬ yawꞈ maꞈ jawˇ uˇ le-euˬ miˇ neh Yuˇdaˆ miˇ kʼahˬ-ahˇ gʼaˬ bi kʼaˆ dzehˬ laˇ-awˇ, sahˬ paˬ Daˬbiˇ hawˇ-eu sahˬ paˬ Sawˇlaˬmoˬ uˆ lahˇ-eu uˬ moˆ aˬ yawꞈ maꞈ jawˇ haw-euˬ loꞈ-ehˇ, smˇ kʼoꞈ byah ni Sawˇlaˬmoˬ-euˬ aˬ li Leˬhawˇbamˬ uˆ lahˇ-eu uˬ moˆ aˬ yawꞈ maꞈ yaw muiˬ paˬ-ehˇ jawˇ-euˬ meh.

2 Laˬsaˬbaˬ 15:12

Aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ ma lehˇ, aˬ yawꞈ maꞈ dawˬ ma saˇ jaˇ dzaˬ-euˬ meh.

2 Laˬsaˬbaˬ 15:15

Yuˇdaˆ miˇ kʼahˬ zaˬ dawˬ tawˆ luꞈ laˬ kʼaˬ cehˇ-eu meh. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ dawˬ ma saˇ jaˇ dzaˬ-euˬ meh. Sahˬpaˬ Miˬyehˇ-ahˇ uˬ duˬ tahˬ-eu jeˬ laꞈ kʼoeˇ aˬ yawꞈ maꞈ nui kʼahˇ shiˇ-eu miˇ neh, aˬ yawꞈ maꞈ-ahˇ Sahˬpaˬ Miˬyehˇ ha geuꞈ-awˇ, aˬ yawꞈ maꞈ-euˬ miˇ kʼahˬ yawˬ pyawˬ na luꞈ-ahˇ coꞈ ngehˇ ni gʼeh-eu jeˬ bi keuˆ le-euˬ meh.

2 Laˬsaˬbaˬ 15:9

Eˇpaˬleˬ miˇ kʼahˬ, Maˬnaˇseˬ miˇ kʼahˬ hawˇ-eu Suˇmoˬ miˇ kʼahˬ-ahˇ jawˇ-eu tsawˇ haˬ gʼawˬ mya ni Aˬsaˬ jawˇ paw cehˆ uˇ le-awˇ, aˬ yawꞈ-euˬ miˇ kʼahˬ laꞈ kʼoeˇ jawˇ luꞈ-eu meh. Aˬ jeˬ miˇ neh ehˇ naˇ, aˬ yawꞈ nehˬ-ehˇ Sahˬpaˬ Miˬyehˇ jawˇ-eu aˬ yawꞈ maꞈ ya mawˇ-euˬ meh. Aˬ yawꞈ maꞈ dawˬ tawˆ luꞈ hawˇ-eu, Yuˇdaˆ tsawˇ haˬ, Beˬyaˬmiˬ tsawˇ haˬ deuˬ-ahˇ aˬ yawꞈ kuˇ uiˬ-euˬ meh.

2 Laˬsaˬbaˬ 19:3

Ehˇ kʼawꞈ, nawˬ-euˬ laꞈ kʼoeˇ yaw muiˬ jeˬ ahˇ-a siˬ. Aˬ jeˬ miˇ neh ehˇ naˇ, miˇ kʼahˬ zaˬ deuˬ uˬ duˬ tahˬ luꞈ-eu Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ dawˬ tawˆ luꞈ-ahˇ nawˇ laˆ cawˆ jiˇ-awˇ, Sahˬpaˬ Miˬyehˇ-euˬ nui noeˬ-ahˇ nawˇ caw teh-euˬ meh.”

2 Laˬsaˬbaˬ 20:3

Yeˬhawˇshaˬpaˇ guˆ dui dui-awˇ, Sahˬpaˬ Miˬyehˇ neh bi ngehˬ gʼeh-eu gʼaˇ duˬ guiˬ lahˬ shaˇ-euˬ meh. Yuˇdaˆ miˇ kʼahˬ kʼahˬ lah ni maˬ dzaˬ-eu zahˇ jahˇ-eu gʼaˇ duˬ, aˬ yawꞈ dawˬ biꞈ gʼeh-euˬ meh.

2 Laˬsaˬbaˬ 20:4

Yuˇdaˆ miˇ kʼahˬ meuˬ yawˬ meuˬ na luꞈ-ahˇ jawˇ-eu tsawˇ haˬ deuˬ, Sahˬpaˬ Miˬyehˇ-ahˇ tahˬ shaˇ leˇ-eu gʼaˇ duˬ Yeˬluˇsaˬlehˬ meuˬ-ahˇ yaw kawˇ-ehˇ le-euˬ meh.

2 Laˬsaˬbaˬ 30:11

Ehˇ kʼawꞈ, Aˬshaˬ tsawˇ jeuˬ, Maˬnaˇseˬ tsawˇ jeuˬ hawˇ-eu Zeˬbuˬluˬ tsawˇ jeuˬ laꞈ kʼoeˇ, Yeˬluˇsaˬlehˬ meuˬ-ahˇ oe mawꞈ-eu deuˬ kʼawꞈ, keuˬ-eu meh.

Yawˇbaˆ 34:14

Miˬyehˇ neh dehꞈ luꞈ-eu saꞈ laˇ yuˇ kʼoꞈ nehˬ naˇ,

Jaceuq 108:1

Miˬyehˇ-oˇ, ngaˬ-euˬ nui ma ziꞈ dah ni jaˆ-eu ma. Ngaˇ nawˬ-ahˇ caˇ-awˇ ja ceuˬ-eu ma. Ngaˬ-euˬ nui ma-oˇ, noeˬ laˇ-awˬ.

Jaceuq 62:10

Nawˬ dzaˬ kʼaˆ dzaˬ gaˇ gʼaˬ taˬ huiˬ. Kʼoeˬ dzaˬ joe dzaˬ gaˇ taˬ noeˬ tmˬ. Nawˬ-euˬ pyuˇ shuiˇ myawˬ gahˬ myaˬ laˇ luꞈ kʼawꞈ, kʼoeˇ deuˬ-ahˇ nawˇ taˬ gʼoe.

Doˆ-iˇ 9:21

Ehˇ kʼawꞈ, tiˬ paˆ na deuˬ-aˬ, Sahˬpaˬ Miˬyehˇ neh ehˇ taˬ-euˬ dawˬ aˬ yawꞈ maꞈ-ahˇ gaˬ leˇ gaˇ maˬ duˇ ni, aˬ yawꞈ maꞈ-euˬ zaˬ kʼaˆ deuˬ hawˇ-eu jeˬ zaˬ deuˬ-ahˇ, laꞈ nyiˇ paw bi jawˇ-euˬ meh.

Daˬyeˬlaˇ 6:14

Dawˬ kʼoeˇ dawˬ-ahˇ sahˬ paˬ ya gaˬ ngeh, nui ma shaˬ zahˬ naꞈ-awˇ, Daˬyeˬlaˇ-ahˇ ka kʼoꞈ-eu gʼaˇ duˬ, nahˇ ma ga ahˇ ngeh keuˆ ni shaˇ noeˬ dui dui-euˬ meh.

Hawˇseˬ 4:8

Ngaˬ-euˬ tsawˇ jeuˬ iˬ baˇ mˇ-eu, yawꞈ maꞈ dzaˬ gʼo doˆ-eu miˇ neh, iˬ baˇ ngehˬ mˇ ngehˬ mawꞈ-eu meh.

Haˬgaiˇ 1:5

Naw maꞈ kʼoeˇ taˆ aˬ jeˬ keuˆ le-euˬ nya lehˇ shaˇ noeˬ haw sheˇ.

Zaˬkaˬliˇ 8:21

‘Nga maꞈ nehˬ-ehˇ laˇ-awˬ. Baoˬ huiˬ-eu Sahˬpaˬ Miˬyehˇ-ahˇ uˬ duˬ tahˬ leˇ-awˇ, guiˬ lahˬ shaˇ geuꞈ leˇ ma’ lehˇ, tiˬ meuˬ tiˇ meuˬ ehˇ tehꞈ-a.

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.

Dawˬmehˬ 32:46

aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

Yawˇshuˆ 22:19

Naw maꞈ-euˬ miˇ kʼahˬ maˬ muiˬ maˬ shawˇ-eu miˇ neh, uˬ duˬ tahˬ kʼaˇ maˬ za naˇ, Sahˬpaˬ Miˬyehˇ-euˬ Sehˬ gʼawˆ jaˆ-eu aˬ yawꞈ-euˬ miˇ kʼahˬ-ahˇ laˇ-awˇ, nga maꞈ-ahˇ miˇ tsaˬ shaˇ laˇ-awˬ. Ehˇ kʼawꞈ, Sahˬpaˬ Miˬyehˇ-ahˇ puiˬ-eu maˬ ehˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ lawˇ duˬ uˬ taꞈ-ehˇ, lawˇ duˬ nui hmˬ gawˬ-eu laꞈ kʼoeˇ, nga maꞈ-ahˇ Sahˬpaˬ Miˬyehˇ-ahˇ puiˬ-eu tsawˇ haˬ bi pyeuꞈ-iˇ ni mˇ-eu maˬ ehˇ, taˬ gʼeh nehˬ laꞈ.