2 Laˬsaˬbaˬ 10:16 - Akha

¹⁶ Aˬ yawꞈ maꞈ neh shaˇ-euˬ dawˬ-ahˇ sahˬ paˬ Leˬhawˇbamˬ maˬ naˇ haˬ nehˬ gaˇ tsawˇ haˬ kʼoeˇ deuˬ ya mawˇ ngeh, heu loꞈ-ehˇ guˇ-eu meh. “Daˬbiˇ neh aˬ dui-ahˇ biꞈ taˬ-euˬ aˬ jeˬ jaˆ ta. Yeˬshehˇ-euˬ aˬ li-ahˇ aˬ dui maꞈ aˬ jeˬ taꞈ ta. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ iˇ kahˇ-ahˇ gʼoꞈ leˇ jiˇ-awˬ. Daˬbiˇ-oˇ, nawˬ-euˬ nymˇ jiˇ-ahˇ nawˇ haw piˇ-awˬ de.” Kʼoeˇ ngeh jawˇ, Iˇsaˬleˬlaˆ tsawˇ haˬ kʼoeˇ deuˬ, yawˬ ha-euˬ nymˇ jiˇ kʼaˇ jaˆ gaˇ gʼoꞈ leˇ jiˇ-euˬ meh.

2 Laˬsaˬbaˬ 10:16 ပူးပေါင်းရင်းမြစ်များ

2 Saˬmeuˬlaˆ 15:13

Tsawˇ haˬ tiˬ gʼaˬ Daˬbiˇ jawˇ gaˇ oe-awˇ, “Iˇsaˬleˬlaˆ tsawˇ haˬ deuˬ Aˬbaˇsaˬloˬ jawˇ paw nui ma gm leˇ luꞈ meh” lehˇ ehˇ le-euˬ meh.

2 Saˬmeuˬlaˆ 16:11

Aˬbiˇshaiˇ hawˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ ehˇ nehˬ-eu, “Ngaˬ li maˇ maˇ ni gʼeh-eu gʼaˬ kʼawꞈ, ngaˬ-ahˇ sehꞈ-eu lehˇ leh jeh luꞈ-eu maˬ ngeuˇ-a loˇ. Aˬ jeˬ miˇ neh Beˬyaˬmiˬ tsawˇ jeuˬ heu gʼaˬ-ahˇ naw maꞈ zahˬ leˇ-eu nya. Sahˬpaˬ Miˬyehˇ neh aˬ yawꞈ-ahˇ kʼoeˇ loꞈ-ehˇ yaˬ kʼehˇ bi yaˬ-euˬ meh. Aˬ yawˇ yawꞈ kʼaˇ ehˇ mawꞈ-eu jeˬ ehˇ ehˇ-ehˇ jawˇ luꞈ-uˇ.

2 Saˬmeuˬlaˆ 20:1

Giˇlaˇgaˬlaˇ meuˬ laꞈ kʼoeˇ, Beˬyaˬmiˬ tsawˇ jeuˬ Biˇkaˬliˇ-euˬ aˬ li Sheˬba lehˇ myahˇ-euˬ aˬ dzawˬ aˇ gah tiˬ gʼaˬ jawˇ-eu meh. Aˬ yawꞈ daˇ heh baw-awˇ, “Daˬbiˇ-ahˇ aˬ dui maꞈ maˬ taꞈ. Yeˬshehˇ-euˬ aˬ li nehˬ-ehˇ aˬ dui maꞈ nui ma maˬ gm. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ nymˇ-ahˇ yawˬ ha gʼoꞈ-iˇ jiˇ-awˬ” lehˇ guˇ-eu meh.

1 Sahˬpaˬ 11:13

Miˇ kʼahˬ kʼahˬ lah ni aˬ yawꞈ-euˬ aˬ laꞈ laꞈ kʼoeˇ neh ngaˇ maˬ yuˇ doˆ. Nawˬ da Daˬbiˇ-euˬ myaˆ pyawˬ naˇ mehˇ baˬ da neh maˬ ehˇ, ngaˬ neh tseˇ doˆ-euˬ meuˬ pyeuꞈ-eu Yeˬluˇsaˬlehˬ meuˬ baˬ da neh maˬ ehˇ, aˬ yawꞈ-euˬ aˬ laꞈ laꞈ kʼoeˇ tsawˇ jeuˬ tiˬ jeuˬ bi jawˇ yaꞈ ma.”

1 Laˬsaˬbaˬ 17:14

Ngaˬ-euˬ tsawˇ jeuˬ hawˇ-eu ngaˬ-euˬ miˇ kʼahˬ kʼoeˇ taˆ, aˬ yawꞈ-ahˇ ngaˇ aˬ myah luꞈ bi uˆ lahˇ ma. Aˬ yawꞈ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ tehꞈ-a’ lehˇ ngaˇ ehˇ-eu meh lehˇ ehˇ nehˬ-awˬ.”

2 Laˬsaˬbaˬ 10:17

Leˬhawˇbamˬ-aˬ, Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ tehꞈ-ehˇ sahˬ paˬ geuꞈ-awˇ uˆ lahˇ-euˬ meh.

2 Laˬsaˬbaˬ 10:19

Aˇ yamˬ kʼoeˇ yamˬ-ahˇ neh naˇ, laꞈ taˆ paw jaˆ-eu Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ, iˬ nah keuˆ ni Daˬbiˇ-euˬ nymˇ jiˇ-ahˇ puiˬ-euˬ meh.

Jaceuq 132:17

Heu gaˇ Daˬbiˇ-euˬ zaˬ deuˬ uˆ deuˬ laꞈ kʼoeˇ, huiˬ-eu sahˬ paˬ tiˬ gʼaˬ ngaˇ bi doˆ laˇ-awˇ, ngaˬ neh tseˇ doˆ-euˬ sahˬ paˬ heu gaˇ bi uˆ lahˇ ma.

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Iˇsaˬyaˇ 11:1

Yeˬshehˇ-euˬ sahˬ nyiꞈ dawˬ pehˬ-ahˇ, baw nmˬ nmˬ doˆ laˇ-awˇ, duˬ ciˇ-ahˇ uˬ laꞈ tsoꞈ doˆ laˇ-eu loꞈ-ehˇ, sahˬ paˬ yaw shuiꞈ doˆ laˇ tehꞈ-a.

Aˬmoˆ 9:11

Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.

Luˇkaꞈ 19:14

Ehˇ kʼawꞈ, aˬ yawꞈ-euˬ miˇ kʼahˬ zaˬ deuˬ aˬ yawꞈ-ahˇ bye-awˇ, aˬ yawꞈ-euˬ mehˬ nah tsawˇ haˬ pyehˬ gʼeh-awˇ heu loꞈ-ehˇ bi tsaꞈ gaꞈ-iˇ-euˬ meh. ‘Tsawˇ haˬ heu gʼaˬ-ahˇ nga maꞈ kʼoeˇ taˆ sahˬ paˬ geuꞈ-awˇ maˬ bi uˆ lahˇ mawꞈ nya.’

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

Yoˇhaˬ 6:66

Kʼoeˇ loꞈ-ehˇ ehˇ-euˬ baˬ da neh, Yeˬsuˇ-euˬ mehˬ nah caw teh-eu tsawˇ haˬ gʼawˬ mya gʼaˬ gʼoꞈ-iˇ-awˇ, aˬ yawꞈ-euˬ mehˬ nah maˬ paˇ caw teh ni byehˇ-euˬ meh.

Yoˇhaˬ 7:53

Kʼoeˇ loꞈ-ehˇ ehˇ gʼaˬ ngeh jawˇ, aˬ yawꞈ maꞈ yawˬ gʼaˬ na luꞈ gʼoꞈ-iˇ jiˇ-euˬ meh.

Gʼaˬkʼehˇ 2:30

Aˬ yawꞈ-aˬ, Miˬyehˇ gʼaˇ duˬ ngehˬ dah-eu tiˬ gʼaˬ pyeuꞈ-awˇ, Miˬyehˇ neh aˬ yawꞈ-ahˇ saˇ jaˇ dzaˬ taˬ-euˬ jeˬ-ahˇ aˬ yawꞈ siˬ nya meh. Daˬbiˇ-euˬ zaˬ deuˬ uˆ deuˬ laꞈ kʼoeˇ, Daˬbiˇ-ahˇ duˇ-eu sahˬ paˬ tiˬ gʼaˬ bi doˆ laˇ ma lehˇ, Miˬyehˇ saˇ jaˇ dzaˬ taˬ-euˬ meh.

1 Gawˇliˬtu 15:25

Aˬ jeˬ miˇ neh ehˇ naˇ, muiˇ-eu deuˬ dawˬ tawˆ luꞈ-ahˇ Miˬyehˇ deuˆ gʼaˬ jiˇ-awˇ, aˬ yawꞈ-euˬ aˬ kuiˇ pehˬ zaˬ uˬ moˆ bi jawˇ jiˇ ngeh keuˆ ni Ka li ya uˆ lahˇ tehꞈ-a.

Panmaeq 22:16

“Ngaˇ Yeˬsuˇ-aˬ, Ka li zaˬ aˇ muˇ laꞈ kʼoeˇ gaˇ kawˆ heu deuˬ naw maꞈ-ahˇ bi ehˇ gaˬ-eu gʼaˇ duˬ, ngaˬ-euˬ mˬ taˆ gʼaˬ kʼehˇ-ahˇ kʼehˇ gʼeh leꞈ-euˬ ma. Ngaˇ-aˬ, Daˬbiˇ-euˬ zaˬ ma. Aˬ guiˇ shawˬ ga shawˬ muiˇ pyeuꞈ-eu ma.”

Yaˇ kʼaˬ daˇ 8:35

Iˇsaˬleˬlaˆ tsawˇ jeuˬ gʼaˇ duˬ, Giˇdoˬ-euˬ nymˇ jiˇ muiˬ-eu jeˬ mˇ nehˬ laꞈ-euˬ miˇ neh, guiˬ lahˬ huiˬ miˇ-a lehˇ kʼawꞈ aˬ yawꞈ maꞈ maˬ noeˬ-a.

1 Saˬmeuˬlaˆ 20:27

La shuiꞈ lah-eu Bawˬ-iˬ jahˇ gʼaˬ-awˇ yawˬ nah yawˬ keuˆ laˇ ngeh keuˆ ni, Daˬbiˇ-euˬ nuiˇ duˬ yawꞈ ngehꞈ-ehˇ jaˆ luꞈ-eu miˇ neh, “Aˬ jeˬ miˇ neh Daˬbiˇ heu gʼaˬ miˇ nah maˬ ehˇ, iˬ nah maˬ ehˇ, hawˬ jawˬ maˬ jawˬ laˇ ni jawˇ ta” lehˇ, Yawˇnaˆshaˬ-ahˇ Sawˇluˆ naˇ haˬ-euˬ meh.

1 Saˬmeuˬlaˆ 22:13

Sawˇluˆ ehˇ-eu, “Aˬ jeˬ miˇ neh Daˬbiˇ naw maꞈ ngaˬ-ahˇ puiˬ-eu lehˇ leh jeh te. Aˬ jeˬ miˇ neh Daˬbiˇ-ahˇ dzaˬ dzaˬ dawˇ dawˇ hawˇ-eu mi cehˇ biꞈ-awˇ, aˬ yawꞈ gʼaˇ duˬ Sahˬpaˬ Miˬyehˇ-ahˇ mehˬ bawˬ mˇ nehˬ teˬ. Nymˬ-mˇ ngaˇ jawˇ gaˇ neh aˬ yawꞈ cehˆ doˆ-awˇ, ngaˬ-ahˇ sehꞈ-eu lehˇ nawˬ jawˬ luꞈ meh.”

1 Saˬmeuˬlaˆ 22:7

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Beˬyaˬmiˬ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Daˬbiˇ-aˬ, naw maꞈ dawˬ tawˆ luꞈ-ahˇ deh yaˇ hawˇ-eu aˬ gaꞈ yaˇ kmˇ biˇ nehˬ laꞈ-awˇ, naw maꞈ-ahˇ aˬ yawꞈ-euˬ guiˇ maꞈ kʼoeˇ taˆ uˆ lahˇ-eu yaw huiˬ deuˬ bi geuꞈ nehˬ laꞈ tehꞈ-a lehˇ noeˬ luꞈ te loˇ.

1 Saˬmeuˬlaˆ 22:9

Kʼoeˇ ngeh, Doˇgaˆ gʼaˬ kʼawꞈ, Sawˇluˆ-euˬ gaˇ mˇ-eu yaw huiˬ yaw mahˇ deuˬ nehˬ-ehˇ yawꞈ luꞈ-eu meh. Aˬ yawꞈ ehˇ-eu, “Noˇbaˆ meuˬ-ahˇ Aˬhiˇtuˆ-euˬ aˬ li Aˬhiˇmaˬlehˇ jawˇ gaˇ ngaˇ iˇ ngeh, Daˬbiˇ-ahˇ kʼoeˇ gaˇ ya mawˇ-euˬ ma.