2 Laˬsaˬbaˬ 10:14 - Akha

¹⁴ Zaˬ guˬ deuˬ neh biꞈ-euˬ nui noeˬ nui duˇ-ahˇ aˬ yawꞈ naˇ haˬ-awˇ, “Ngaˬ da-aˬ, naw maꞈ-ahˇ kʼaˆ behˆ yaw kah bi pi-euˬ meh. Kʼoeˇ naˆ maˬ tseˇ kah-eu kʼaˆ behˆ ngaˇ naw maꞈ-ahˇ paˇ ciˬ pi ma. Aˬ yawꞈ naw maꞈ-ahˇ aˇ caˆ neh juiꞈ-euˬ meh. Ngaˇ naw maꞈ-ahˇ boeˬ kaˬ laˬ ma neh nyehꞈ kawꞈ ma” lehˇ ehˇ nehˬ-euˬ meh.

2 Laˬsaˬbaˬ 10:14 ပူးပေါင်းရင်းမြစ်များ

2 Laˬsaˬbaˬ 10:13

Tsawˇ mawˬ tsawˇ kʼaˆ deuˬ neh biꞈ-euˬ nui noeˬ nui duˇ-ahˇ sahˬ paˬ maˬ naˇ haˬ ni, tsawˇ haˬ kʼoeˇ deuˬ-ahˇ dawˬ kʼaˆ ngehˬ nehˬ-euˬ meh.

2 Laˬsaˬbaˬ 10:15

Sahˬ paˬ Leˬhawˇbamˬ-aˬ, tsawˇ haˬ kʼoeˇ deuˬ gʼaˇ duˬ yaw muiˬ paˬ-ehˇ maˬ shaˇ noeˬ nehˬ-a. Aˬ jeˬ miˇ neh ehˇ naˇ, Shiˇloˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Aˬhiˇyaˬ-ahˇ gʼoe-awˇ, Miˬyehˇ pyeuꞈ-eu Sahˬpaˬ Miˬyehˇ neh Neˬbaˇ-euˬ aˬ li Yeˬyawˇbamˬ-ahˇ ehˇ nehˬ-euˬ dawˬ byah laˇ ni, Sahˬpaˬ Miˬyehˇ nui ma tsaˬ-eu miˇ neh meh.

Dawqdaq 12:5

Yaw tsaˬ yaw dawˇ tsawˇ haˬ nui ma dawˇ-awˇ, haiˬ-eu tsawˇ haˬ-euˬ mehˬ bawˬ nui gʼoꞈ ahˇ-eu meh.

Dawqdaq 17:14

Yaˇ kʼaˬ mehˬ dzaˬ iˇ tsahˇ daˬ paˆ gaˇ duˇ-eu miˇ neh, naꞈ ngeh neh ya dehˬ tsoeˬ-eu meh.

Dawˬ tsoˆ 10:16

Dzoeˬ dzaˬ-eu sahˬ paˬ aˇ kʼoꞈ nahˬ-awˇ, uˆ lahˇ-eu aˬ yuiꞈ aˬ tsu deuˬ uˬ ciꞈ miˇ lah-ehˇ dzaˬ byawˬ dawˇ byawˬ-eu miˇ kʼahˬ-aˬ, shaˬ zahˬ naꞈ-eu miˇ kʼahˬ meh.

Dawˬ tsoˆ 7:8

Aˇ dahˬ beh-eu jeˬ naˆ maˬ tseˇ, aˇ saˬ saˬ-eu jeˬ muiˬ dzehˬ-awˇ, nui ma huiˬ-eu jeˬ naˆ maˬ tseˇ, oˇ oꞈ-eu jeˬ muiˬ dzehˬ-eu meh.

Daˬyeˬlaˇ 6:7

Nawˬ-euˬ miˇ kʼahˬ-ahˇ uˆ lahˇ-eu paw gaˇ mˇ luꞈ-eu deuˬ pyeuꞈ-eu nga maꞈ, sahˬ paˬ sahˬ ma deuˬ kʼoeˇ taˆ haw pyaˆ uˆ lahˇ-eu deuˬ, sahˬ paˬ sahˬ ma geuꞈ-eu deuˬ hawˇ-eu, sahˬ paˬ sahˬ ma deuˬ-euˬ laꞈ oˆ teˬ ni miˇ kʼahˬ-ahˇ uˆ lahˇ-eu gaˇ mˇ-eu deuˬ dawˬ tawˆ luꞈ, nui ma tiˬ siˬ tehꞈ-ehˇ taˬ-awˇ heu loꞈ-ehˇ ehˇ-eu ma. Nawˇ zahˇ sahˇ kʼoꞈ tiˬ hmˬ taˬ-awˇ, ziꞈ dah ni bi nyehꞈ tehˬ mawꞈ-eu ma. Aˇ yamˬ smˬ tseˇ nah laꞈ kʼoeˇ, nawˬ-ahˇ maˬ ngeuˇ naˇ, miˬ yehˇ aˬ geu gʼaˬ-ahˇ maˬ ehˇ, tsawˇ haˬ-ahˇ maˬ ehˇ, tiˬ gʼaˬ-iˬ uˬ duˬ maˬ ya tahˬ, guiˬ lahˬ maˬ ya shaˇ-a lehˇ zahˇ sahˇ kʼoꞈ taˬ-awˇ, zahˇ sahˇ kʼoꞈ heu hmˬ-ahˇ maˬ caw teh-eu tsawˇ haˬ aˬ geu gʼaˬ maˬ kaˬ, aˇ laˬ jaˬ shiˇ kuˆ-ahˇ biˬ ahˇ ma lehˇ bi ehˇ tsehˆ mawꞈ miˇ-a.

Yaˬkoˆ 3:14

Ehˇ kʼawꞈ, myaˆ naˆ-eu jeˬ, aˬ cawˬ-ahˇ nui ma naˇ-eu jeˬ hawˇ-eu, yawˬ ha-euˬ gʼaˇ duˬ tehꞈ-ehˇ shaˇ noeˬ-eu jeˬ naw maꞈ-euˬ nui ma laꞈ kʼoeˇ ahˇ naˇ, zaˬ siˬ tsawˇ gahˇ ahˇ ma lehˇ kʼahˬ sehˇ jehˆ-awˇ yaw tsaˬ yaw dawˇ jeˬ-ahˇ taˬ mˇ bahˬ.

Panmaeq 9:10

Aˬ yawꞈ maꞈ-euˬ dawˬ miˬ-aˬ, boeˬ kaˬ laˬ ma-euˬ dawˬ miˬ-ahˇ duˇ-awˇ, byaˬ iˬ tsoꞈ-eu meh. Dawˬ miˬ kʼoeˇ baˬ da neh, tsawˇ haˬ zaˬ-ahˇ ba la ngaˬ siˬ byah ni kʼehˬ nya-eu baoˬ ahˇ-eu meh.

Panmaeq 9:3

Uˬ kʼoeˬ kʼoeˇ-euˬ laꞈ kʼoeˇ nyehˇ bahˇ doˆ le-awˇ, miˇ tsaˬ kʼoeˇ taˆ ga taˬ le-euˬ meh. Nyehˇ bahˇ kʼoeˇ deuˬ-ahˇ, boeˬ kaˬ laˬ ma loꞈ-ehˇ kʼaˆ-eu doꞈ biꞈ taˬ-euˬ meh.

Panmaeq 9:5

Nyehˇ bahˇ kʼoeˇ deuˬ-aˬ, tsawˇ haˬ kʼoeˇ deuˬ-ahˇ kawꞈ sehꞈ-eu gʼaˇ duˬ maˬ ngeuˇ-ehˇ, ba la ngaˬ siˬ byah ni kʼehˬ-eu kʼaˆ-eu gʼaˇ duˬ pyeuꞈ-eu meh. Nyehˇ bahˇ kʼoeˇ deuˬ neh bi kʼehˬ-euˬ kʼoeˇ-aˬ, boeˬ kaˬ laˬ ma neh bi kawꞈ-euˬ loꞈ-ehˇ gawˇ-eu meh.