2 Laˬsaˬbaˬ 10:13 - Akha

¹³ Tsawˇ mawˬ tsawˇ kʼaˆ deuˬ neh biꞈ-euˬ nui noeˬ nui duˇ-ahˇ sahˬ paˬ maˬ naˇ haˬ ni, tsawˇ haˬ kʼoeˇ deuˬ-ahˇ dawˬ kʼaˆ ngehˬ nehˬ-euˬ meh.

2 Laˬsaˬbaˬ 10:13 ပူးပေါင်းရင်းမြစ်များ

Aˇ dahˬ 42:30

“Iˇjiˇtuˆ miˇ kʼahˬ-ahˇ uˆ lahˇ-eu gʼaˬ ngaˬ ha mehˇ nmˇ-ahˇ dawˬ kʼaˆ ngehˬ-awˇ, aˬ yawꞈ maꞈ-euˬ miˇ kʼahˬ-ahˇ kʼoeˬ sho haw le-euˬ nga lehˇ ehˇ-eu meh.

Aˇ dahˬ 42:7

Aˬ yawꞈ maꞈ-ahˇ Yoˇsehˆ ya mawˇ ngeh, aˬ yawꞈ-euˬ aˇ doˆ deuˬ nga lehˇ tiˬ poˆ tehꞈ-ehˇ haw siˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ siˬ nya-eu geuꞈ-awˇ, dawˬ kʼaˆ ngehˬ-eu laꞈ kʼoeˇ, “Naw maꞈ aˬ gaˇ jawˇ-eu oe teˬ” lehˇ naˇ haˬ ngeh, “Nga maꞈ Kaˬnaˬ miˇ kʼahˬ-ahˇ jawˇ-eu, cehˇ zeuˇ dzaˬ le-euˬ ma” lehˇ aˬ ha mehˇ nmˇ ehˇ kʼoꞈ nehˬ-euˬ meh.

2 Laˬsaˬbaˬ 10:12

Smˬ nah byah laˇ ngeh, sahˬ paˬ Leˬhawˇbamˬ neh ehˇ nehˬ taˬ-euˬ loꞈ-ehˇ, Yeˬyawˇbamˬ hawˇ-eu tsawˇ haˬ kʼoeˇ deuˬ dawˬ tawˆ luꞈ aˬ yawꞈ jawˇ gaˇ oe-euˬ meh.

2 Laˬsaˬbaˬ 10:14

Zaˬ guˬ deuˬ neh biꞈ-euˬ nui noeˬ nui duˇ-ahˇ aˬ yawꞈ naˇ haˬ-awˇ, “Ngaˬ da-aˬ, naw maꞈ-ahˇ kʼaˆ behˆ yaw kah bi pi-euˬ meh. Kʼoeˇ naˆ maˬ tseˇ kah-eu kʼaˆ behˆ ngaˇ naw maꞈ-ahˇ paˇ ciˬ pi ma. Aˬ yawꞈ naw maꞈ-ahˇ aˇ caˆ neh juiꞈ-euˬ meh. Ngaˇ naw maꞈ-ahˇ boeˬ kaˬ laˬ ma neh nyehꞈ kawꞈ ma” lehˇ ehˇ nehˬ-euˬ meh.

2 Laˬsaˬbaˬ 10:8

Ehˇ kʼawꞈ, tsawˇ mawˬ tsawˇ kʼaˆ kʼoeˇ deuˬ-euˬ dawˬ-ahˇ aˬ yawꞈ maˬ naˇ haˬ ni, aˬ yawꞈ-ahˇ nui noeˬ nui duˇ biꞈ luꞈ-eu deuˬ pyeuꞈ-eu aˬ yawꞈ nehˬ-ehˇ tiˬ kawˆ loꞈ-ehˇ huiˬ laˇ-euˬ zaˬ guˬ deuˬ jawˇ gaˇ aˬ yawꞈ iˇ-euˬ meh.

Doˆ-iˇ 10:28

Sahˬ paˬ kʼoeˇ gʼaˬ Moˇseˬ-ahˇ ehˇ nehˬ-eu, “Ngaˇ mawˇ gaˇ maˬ jawˇ ni yaw kawˇ-ehˇ doˆ-iˇ-awˬ. Aˬ kaˇ naˇ, nawˬ-euˬ myaˆ pyawˬ ngaˬ-ahˇ tiˬ jawˇ-iˬ taˬ paˇ ciˬ haw laˇ. Nawˬ-ahˇ ngaˇ ya mawˇ ngeh nah, nawˇ ya shiˇ tehꞈ-a.”

Dawqdaq 15:1

Dawˬ nahˬ nui pehˇ laˆ awˆ-awˇ, dawˬ kʼaˆ nui pehˇ laˆ nyehˆ-eu meh.

Dawqdaq 18:23

Iˇ shaˬ dawˬ nahˬ yaw byehˆ, smˇ muiˬ dawˬ kʼaˆ yaw gʼahˇ.

Dawqdaq 19:27

Dawˬ mehˬ dawˬ tsoˆ maˬ naˇ haˬ ni byehˇ-eu aˬ li, za-euˬ tsawˇ gahˇ byoˆ jiˇ tehꞈ-a.